تكفون يا الربع ردوا ولو بشئ قليل |ـ| دينالي 2014 or سوبربان 2500

[suburban2500]

السلام عليكم و رحمة الله وبركاته

عشقي للجمس وصلني للجنون و خاصة موتري السوبر 2500

طلع موديل 2007 ـ 2012 وما عجبني فيهم غير الـ slt و denali

واحترت ابيع السوبر و اشتري دينالي لكن السوبر دخل قلبي بقوة ولا عاد طلع

كلمت الشباب والي فيهم قال بعه ولا تفكر وبعضهم قال لا تفكر تبيعه وتغلط غلطة عمرك

توصلت الي حل:

جمع مواصفات الدينالي من السرعة و الفخامة
مع هيبة وقوة وعزم الـ 2500
و راحة ورساوة الـ 1500

لاحظت و حاولت و جربت وفكرت و طلعت نتايج

فقلت:
التعديلات كلها الميكانيكية من و الى
تركيب هدرز كامل مع البرمجة
تركيب بلف رياضي
تركيب فلاتر رياضية
تركيب فلتر و رديتر رياضي
تركيب مراوح كهرب
تركيب كت باك و دبة
بواجي واسلاكها رياضيه
سوبر تشارجر
برمجة ( اللازمة )

التعديلات الداخلية و الخارجية
تحويله الى فل كامل مع لمسات من الدينالي ولمسات حديثة
(( التكاية منصفل ـ فتحة ـ نفقيشن ـ جلد ـ تركيب حاسب تحكم ))
تركيب 3 شاشات 2 عند راس المرتبة الامامية 1 اعلى السقف للركاب في الدرجة 3 << حلوه درجه 3 هع
تركيب مكان لسوني
تركيب ثلاجه

فك العرشة وتركيب طراد
تركيب اصطبات
تركيب انوار امامية دينالي
تركيب وجه سيرا مسحوب
تركيب دعاسات ( الي تدخلك للسيارة ) ذات انوار
تظليل v cool
رفع الموتر من الخلف و الامام مع الحفاظ على التنكيسة الخيالية
سمكره و رش < كتجديد و لا يوجد ضربات جامده اقوى ضربة زي كفة اليد
تصليح اي خلل
الخ...

طبعا الرساوة و الراحة ما لي اي خلفية فارجوا ان تعلموني ما يحتاجه 2500 ليتوصل لراحة 1500



طبعا تستغربون ليه حطيت كل هـ الهرج لكن قصدي

هل ابيع الجمس بـ 50 الف وازيد عليه 180 الف = دينالي
او
اعدل الجمس بما يقارب 80 الف
ولو تلاحظون الفرق
180 > 80

الزبدة :
هل استاهل جمس معدل او دينالي 2014 وكاله

تكفون يا عزوتي ردوا

[ابوعقل]

حلات السوبر

برفعه خفيفه من قدام

وشنابر 15 وكفرات شاهين او بالون

اما الكلام اللي انت كاتبه

حوسه واجد ومصاريف على قل سنع

والله يوفقك ان شاء الله

وانا اذا عندي فلوس

ما أوفر السوبر الشفر حجم 2500 مديل 2011

وانت لك الخيار اخوي سوبر

[VORTEC HD2500]

اخوي سوبر

انا من رايي ماله داعي كل هاذا

اشقله وركب شنابر وستانس

[راعي الادهم]

شف ياعزيزي انت توصف لي الدينالي تبي مواصفات الدينالي وراحة ال1500 وعزم ال2500يعني انت بنفسك تقول ابي دينالي مواصفات:لايعلى عالدينالي+راحة :لايعلى عليه لانه اساساً 1500+قوة ال2500:الدينالي اما انه 6لتر او الجديد والاقوى6200 الا اذا عندك نية زحفيشن فهذا موضوع اخر والراي رايك
بالتوفيق..

[VTC 3333]

اشتر دينالي

هذا مشروع يبيله شهور وماعندك ورش صاحيه في ابها


او امسك موترك وعطه شنبر وبوالين وتجليد


وصدقني بيطلع احلى من كل هالتعديلات اللي مالها سنع >> من وجهة نظري

[تيتشر]

كنصيحه اقولك لا تجلس تحوس

تراها تظل سياره وبتجلس تعدل وتخسر دراهم

لو تطق لك ارض بهالدراهم ابرك لك

[madczar]

اذا الموتر نظيف خله معك ابرك من الجديد

[نسيم الجنوب]

ودي افيدك بس المخ عندي هنق
بس اذا موترك سوبر عطه شنبر مع الشواهين وترفيعه ادب وشيل الدعسات والعرشه وازحف يامعلم

[ذيبان 78]

انا مع الشباب

[سلـ ط ـان]

ماقصرو الاخوان اذا ناوي تعدل كشكلا على موترك
ركب شنابر 15 وكفرات شاهين + رفعة من قدام
وعلى لون موترك مشاء الله بتطلع بنتيجه حلوه جدا
غيره لاتسوي اي من الي قلته خسااااره وتعب
واذا معك الدراهم الي ناوي تعدلبها موترك
بعه واشتر دينالي دامه عاجبك خصوصا انه جامع كل المواصفات الي تبيها
والله يكتبلك الي فيه الخير ...