بحث علمي لاسباب اختلاف سرعات الجموس الموديلات القديمه 3 غيارات

[غريب الدار2]

بسم الله الرحمن الرحيم

السلام عليكم ورحمة الله

الاخوه الاعزاء اعضاء هذا المنتدى الغالي يسرني تقديم هذا البحث العلمي المتواضع لاسباب اختلاف سرعات الجموس الموديلات القديمه 3 غيارات

وحبيت اطرح هالموضوع اللي كثرت فيه الاقوال


انواع القير للجمس, وانواع الكرونه للجمس,
وانها هي السبب الرئيس في عزم السياره وسرعتها وراحتها على الخطوط مع السرعات العاليه


اولا: بالنسبه للقير
كثير من الشباب قالوا ان القير له علاقه بالسرعه والنفس الطويل والخ,,,,"
الحقيقه ان جميع قيرات الجمس القديم 3 غيارات سرعتها وحده اللهم الاختلاف في الارقام و السنه تجي ناعمه وتجي خشنه فقط لاغير
وهذا له عدة مبررات منها سنوات الصناعه ومنها اغراض تجاريه لصالح الشركه الصانعه ووو ,,, والخ.
وحصلت واحد سعودي راعي تشليح وايضا عنده جمس يقول مافيه فرق الا السنه تجي ناعمه او خشنه فقط وانه شخصيا غير قير الجمس حقه ولاتغير شي في السرعه


والدليل انا شخصيا فحصت لايقل عن اربع قيور بارقام مختلفه حصلت انهم نفس السرعه بالتمام
طريقة الفحص: تشوف لك قير مفكوك على الارض وتعشقه في الغيار الثالث "اخر تعشيقه"
فر العمود الامامي للقير دوره كامله بالضبط راح تحصل نفس الدوره بالتمام من عند العامود الخلفي اللي يشبك في عمود الدوران

.................................................. .....................

ثانيا: بالنسبه للكرونه فهي كل شي في الجمس من ناحية السرعه لاختلاف احجامها والحديث عنها يطول ويطول :


اولا: احجام الكرونات والبنيون:
1- كارونه مقاس 45 على بنيون 14 وناتج قسمتها 3.2142857
4-كارونه مقاس 41 على بنيون 12 وناتج قسمتها 3,416667
5-كارونه مقاس 41 على بنيون 11 وناتج قسمتها 3,7272727
2- كارونه مقاس 45 على بنيون 12 وناتج قسمتها 3,75
3- كارونه مقاس 45 علي بنيون 11وناتج قسمتها 4,0909091
6- كارونه مقاس 41 على بنيون 10 وناتج قسمتها 4,1
7- كارونه مقاس 41 علي بنيون 9 وناتج قسمتها 4,5555556
8- كارونه مقاس 41 على بنيون 8 وناتج قسمتها 5,125
"للامانه موضوع حجم الكرونات لاحد الاخوه على الرابط ادناه"
http://www.gmc502.com/showthread.php?t=1250

"قاعده: كلما زاد عدد سنة البنيون على الكرونه كانت السياره اسرع واريح واطول عمر للمكينه واقل للعزم واستهلاك الزيت والبنزين"
.................................................. .....................

ثانيا: طريقة معرفة حجم الكرونه والبنيون الموجوده في سيارتك:
ترفع الدفرنش من جهه واحده وتفر الكفر دورتين كاملات بالضبط
تبي تقول لي ليش دورتين وليست دوره: اقولك لأنك جالس تفر كفر واحد من جهه واحده فقط
وراح يطلع لك بالظبط نفس ناتج قسمة الكرونه على البنيون مثال:

45/14=3.21

يعني راح تحصل ان العمود فر 3.21 دورات

لاتنسى وضع علامه على الكفر وعلى العمود
.................................................. .....................


ثالثا: القاعده الحسابيه لمعرفة السرعة على حسب حجم الكرونه

نبدأ خطوه خطوه بالتفصيل الممل:

بعض التعاريف:
نسبة الكرونه وتعني عدد سنات الكرونه / عدد سنات البنيون= نسبة الكرونه
مثــــــــــــال : 41/12=3.41 يعني نسبة الكرونه 3.41
وتعني كل 3.41 دوره لعمود الدوران يعطي دوره واحد فقط للكفر والقاعده تنطبق على باقي الكرونات

2- RPM وتعني Rotation per Minute وتعني بالعربي دورات المحرك في الدقيقه

3- كما ذكرت سابقا حسب تجربتي الشخصيه فان سرعة عمود الدوران تساوي سرعة المحرك 100% عندما يكون القير في الغيار الاخير 3 هذا بالنسبه للجموس القديمه 3 غيارات

4- حسب معلوماتي ايضا ان الجمس القديم تقريبا اخر RPM له هو 5000 او 5 وربما زاد قليلا على ذلك

5- مساحة الكفر السلك تقريبا = 250 سم /100= 2.5 متر
ـــــــــــــــــــــــــــــــــــــــــــــــ

فاذا اردنا معرفة سرعة الجمس على حسب الكرونه الموجوده فيه نعمل العمليه الحسابيه التاليه:


القاعده:

عدد دورات المحرك في الدقيقه/نسبة الكرونه x مساحة الكفر بالمتر xد 60 دقيقه = السرعه بالمتر/1000= السرعه بالكيلو متر

مثال: على كرونة 41/12

مثال1-5000rpm / نسبة الكرونه x 3.41 مساحة الكفر 2.5متر x د 60 دقيقه = 219,941 بالمتر/1000= 219 كم/الساعه

مثال 2- 3000rpm / نسبة الكرونه x 3.41 مساحة الكفر 2.5متر x د 60 دقيقه = 131,964بالمتر/1000= 131 كم/الساعه



مثــــال اخر على كرونة 41/9

مثال 1- 5000rpm / نسبة الكرونه x 4.55 مساحة الكفر 2.5متر x د 60 دقيقه = 164,835 بالمتر/1000= 164 كم/الساعه

مثال 2- 3000rpm / نسبة الكرونه x 4.55 مساحة الكفر 2.5متر x د 60 دقيقه = 98,901 بالمتر/1000= 98 كم/الساعه

وهكذا العمليه الحسابيه لباقي الكرونات.


.................................................. .....................

رابعا:
بناءا على القاعده الحسابيه لمعرفة السرعة على حسب حجم الكرونه
سويت العمليه التاليه لسرعة الجمس على RPM 5 لاكثر انواع الكرونات المشهوره كالتالي:
كرونة وبنيون 45/14 تعطي سرعه 233 كم/الساعه على rpm5
كرونة وبنيون 41/12تعطي سرعه 220 كم/الساعه على rpm5
كرونة وبنيون 41/11تعطي سرعه 200 كم/الساعه على rpm5
كرونة وبنيون 41/10تعطي سرعه 183 كم/الساعه على rpm5
كرونة وبنيون 41/9 تعطي سرعه 165 كم/الساعه على rpm5
كرونة وبنيون 41/8 تعطي سرعه 145 كم/الساعه على rpm5

وان شاء الله اني اصبت


اخيرابعد كل هذا الجهد اسأل الله اني وفقت و اقول ان اصبت فمن الله وان اخطئت فمن نفسي,
واعذرونا كان حصل تقصير,,,




.

[madczar]

ماشاء الله عليك

استفدت بصراحة

تسلم عالموضوع

[ابوسهارى]

موضوع ممتاز وتشكر عليه ومقارنه حسابية جدأ دقيقه تسلم على الموضوع
وبيض الله وجهك ياغالي
تقييمي لموضوعه 5 نجوم

[ابوصقرالشامخ]

يعطيك العافيه اخوي
بس ماقلت الأختبار متى هههههههههههههههه
تقول قسمه وطرح شكلك تبينا نجيب مدرسين خصوصي
على العموم يعطيك العافيه جهد تشكر عليه

[شقران]

ماشاء الله عليك ياغريب الدار عملية حسابية بحته بأسلوب رائع ومقنع ..


طيب الحين عرفنا ان 3.42 تعطي سرعة وتتعامل على ار بي ام منخفض طيب وش مساوئها ووش محاسن ومساوء اللي اكبر منها على سبيل المثال 4.58

[بريال خبز]

الف الف الف شكر لك على الموضوع الجميل والمرتب والمتناسق .. تقبل مروري

[تيتشر]

موضوع جبـّـار ومهني من الدرجة الأولى

وفعلا الفرق بالكرونات وهالكلام عرفته من زميل لي بتشليح الحاير لما كان معاي بليزر موديل 90

كان يقولي تلقى واحد يلعب بمكينته ويعدل فيها لين بكره بس اذا دخل الرمل تلقى الموتر العادي يمشي احسن منه والفرق بالكرونه

طبعا انا ما فهمت بالضبط وش الفكره لكني عرفت ان الفرق بالكرونات وارقامها

[تيتشر]

واضفت لك تقييم ممتاز

تسلم

[الظاهري]

غريب الدار يعطيك العافيه على الموضوع

انا اشوف ان الموضوع مقنع من ناحية استنتاج السرعات وحجم الكفر له دور كبير والدليل ان اصحاب المرسيد الشاحنه يركبون كفر ارفع واطول دائره على شأن يمشي من 90 اخر العداد يجيب 120 الى 130
ايضا كفرات الجمس حجم 900 يمشي اكثر من اللاحجام الصغيره
بالنسبه (rbm) حق 454 اعتقد انه اكثر من 5000 ماني متأكد بس اتأكد وارد بنفس الموضوع

ومشكور وموضوع يستحق المنا قشه

[غريب الدار2]

غريب الدار يعطيك العافيه على الموضوع

انا اشوف ان الموضوع مقنع من ناحية استنتاج السرعات وحجم الكفر له دور كبير والدليل ان اصحاب المرسيد الشاحنه يركبون كفر ارفع واطول دائره على شأن يمشي من 90 اخر العداد يجيب 120 الى 130
ايضا كفرات الجمس حجم 900 يمشي اكثر من اللاحجام الصغيره
بالنسبه (rbm) حق 454 اعتقد انه اكثر من 5000 ماني متأكد بس اتأكد وارد بنفس الموضوع

ومشكور وموضوع يستحق المنا قشه


حياك الله يالظاهري

كلامك 100% حجم الكفر له دور في السرعه
ولو لاحظت اني كاتب في الموضوع عن الكفر السلك اللي يجي حجمه 250 سم

على العموم ماعندك اي مشكله تقدر تقيس حجم الكفر الموجود على سيارتك وتدخل الناتج في العمليه الحسابيه وراح تعرف السرعه بالتمام,,,, عمليه بسيطه


وحتى بالنسبه للــ (rbm) تدخل الرقم اللي تبغاه في العمليه الحسابيه سواءا من rbm1 الى مالانهايه,,, المسأله بسيطه وانا اخوك مسأله حسابيه

[غريب الدار2]

ماشاء الله عليك ياغريب الدار عملية حسابية بحته بأسلوب رائع ومقنع ..


طيب الحين عرفنا ان 3.42 تعطي سرعة وتتعامل على ار بي ام منخفض طيب وش مساوئها ووش محاسن ومساوء اللي اكبر منها على سبيل المثال 4.58


قاعده: كلما قلت نسبة الكرونه فانها تعطي سرعه اكبر للسياره ونفس طويل في الغيار وتقلل من استهلاك الوقود وتطول في عمر المحرك ومن مساؤها انها تقلل من فزة السياره بالذات في الغيارات الخفيفه
وكلما كبرت نسبة الكرونه يقلل من سرعة السياره ونفس قصير في الغيار وتزيد من استهلاك الوقود والزيت وتقلل من عمر المحرك ولاكنها قويه في الفزه والتحميل والتطعيس والسحب والخ.

بالنسبه للكرونه اللي ذكرت 4.58 ربما انك تكلم عن المديل الجديد
بالنسبه للمديل الجديد اللي يجي 5 تعشيقات للقير فالكلام يختلف تماما عن المديل القديم
لان القير 5 غيارات اسرع بكثير من القديم ابو 3 غيارات والمكينه ايضا.

اما لو اعتبرنا هذه النسبه على المديل القديم فان السرعه لاتتجاوز تقريبا الـ 165 كم/بالساعه في اقصى سرعه للمحرك

اتمنى ان شرحي واضح



.

[فيصل الخالدي]

الله يعافيك الصراحه كنت ناوي انزل موضوع لكن كتبته انت الله يبيض وجهك

وكلامك صحيح 100%

لكن بالنسبه للنمره الاخيره ماهي وحده قياس القير الوحيد

لان حتى قير 400 تماتيك يعطي تحويل 1 عالنمره الثالثه

بالنسبه للقيور الجديده يكون فيه نمره اوفر درايف

الي هي تكون تحويلها اقل من واحد

يعني كل لفة كرنك تعطيك مثلا 1.1 لفة كردان

بالنسبه للكوارين

العمليه واضحه جدا هي قير بنمره وحده

تعطيها لفه تحولها لعدد معين من اللفات يكون اقل من الداخل

كل مازاد رقم الكارونه الي هو ناتج قسمة اسنان الطاره عالبنيون زاد عزم الموتر وفزته

وكل ماقل الرقم مد الموتر بالخط وارتاح وارتفعت السرعه

طبعا فيه خطاء جسيم يرتكبه اغلب الي يغيرون كوارين

انهم مايغيرون حساس السرعه المتوافق مع الكرونه الجديده فتلقا مشيه شي والطبلون شي ثاني

[أبو بيلسان]

مشاء الله عليك

يعطيك الف عافيه وموضوع جبار

تحياتي لك

[غريب الدار2]

طبعا فيه خطاء جسيم يرتكبه اغلب الي يغيرون كوارين

انهم مايغيرون حساس السرعه المتوافق مع الكرونه الجديده فتلقا مشيه شي والطبلون شي ثاني



يعطيك العافيه وكلامك صحيح 100%

[bo jabr]

مشالله موضوع خطير وتم التقييم

بس عندي سؤال على حجم الكفر انت تقول 250 سم هل تقصد عرض الكفر ؟ لان عرض الكفر ماهو بالسانتي

او تقصد دائرة الكفر ؟

ارجو التوضيح

[غريب الدار2]

مشالله موضوع خطير وتم التقييم

بس عندي سؤال على حجم الكفر انت تقول 250 سم هل تقصد عرض الكفر ؟ لان عرض الكفر ماهو بالسانتي

او تقصد دائرة الكفر ؟





ارجو التوضيح




المقصود بمساحة الكفر اي محيط الكفر

اي المسافه التي يقطعها الكفر عند تدويره دوره كامله

يعني دوره كامله للكفر على الشارع

...............................

[bo jabr]

طيب وكيف اعرفها او احسبها او وين تسجل

يعني كفر بالون كيف احسبة ؟

[غريب الدار2]

طيب وكيف اعرفها او احسبها او وين تسجل

يعني كفر بالون كيف احسبة ؟


تعرف محيط الكفر كالتالي:

تعريف: طول القطر يعني تجيب مقياس متر وتقيس من الارض الى اعلى الكفر

على سبيل المثال الكفر اللي راكب على موتري ارتفاعه عن الارض 80 سم

1- بالطريقه العلميه

محيط الدائرة = طول القطر × 3.14

محيط الكفر= 80 سم × 3.14 = 251 سم =2.5 متر


2- وبالطريقه العاديه
تضع علامه على الكفر وتخليه يدور دوره كامله على الشارع وتجيب المقاس وتقيس كم المسافه اللي قطعها الكفر


وصلى الله وبارك

[راعي الادهم]

ماشاء الله تبارك الرحمن معلومات تغبط عليها ياغريب الدار
اشكرك على الطرح الراقي والتفاعل الجميل من الاعضاء
ولكن اذا انا حبيت اغير النسبه الى اقل مايمكن بما ان موتري قطع عشره<خفيف وعليه محرك وقير يتحمل يقوّم هالنوع من الكرونات وش يحتاج ابدل وهل يكون بنفس الاعتماديه ؟
استفساري صار اطول من الموضوع ولكن من كبر الهقوه فيكم

[بيك اب 4X4]

ما شاء الله عليك
والله موضوع حلو
و استفدنا منه
لا تحرمنا من مواضيعك القيمه
بالتوفيق لك

[غريب الدار2]

ماشاء الله تبارك الرحمن معلومات تغبط عليها ياغريب الدار
اشكرك على الطرح الراقي والتفاعل الجميل من الاعضاء
ولكن اذا انا حبيت اغير النسبه الى اقل مايمكن بما ان موتري قطع عشره<خفيف وعليه محرك وقير يتحمل يقوّم هالنوع من الكرونات وش يحتاج ابدل وهل يكون بنفس الاعتماديه ؟
استفساري صار اطول من الموضوع ولكن من كبر الهقوه فيكم


حياك الله اخوي والعمليه ان شاء الله بسيطه
شف لك كرونه طبعا تجي مع البنيون حقها اما جديد والا في التشاليح وانت وشطارتك على اصحاب التشاليح
تحصل عند واحد يقول لك بـ 1000 والثاني يقول لك بـ 250 طبعا اتكلم معك من واقع تجربه
واسأل الشباب عن ميكانيكي جيد بحيث لاركبها يوزنها 100% عشان مايطلع ونه

بالنسبه للاعتماديه
س: كم نسبة الكرونه الحاليه اللي راكبه على موترك؟؟؟ احسبها بناءا على الموضوع ورد لي خبر.

وصلى الله وبارك

[مخاوي المطاليق]

كلام عين العقل وانا معك ان القيور وحده
والف شكر على المعلومات الطيبه

[الاسطورة351]

الله يعطيك العافية عالموضوع الاكثرمن رائع وابشر باحلى تقييم:n200678[1]:
(اخيرا استطعنا اقناع بعض العرب :43581.imgcache[1]:بان القير ماله اي دخل في خفة الجمس وخصوصا الي يقول ركب 17 و21)
تقبل مروري ياسنايدي

[نواف78]

كلامك عن موديل الحديث مقارنه بالقير القديم 3 نمر مقنع 100%

لاكن نسيت تحسب تناسب الكارونه مع ترس السرعه في القير للقديم مع فرق مكينه 305 /350 / 400 /454

بنسبه لدبل كارونه 41/11 احسن شي حسب تجاربي

لاكن وش افضل قير علي كارونه السابقه اذا تعرف الفرق بين كل قير وقير في ترس السرعه؟ مع فارق عامود الكرنك بمكينه

هنا سؤالي ياطويل العمر

وشاكر مقدر للمعلومات القيمه الي قدمتها لنا

[الاسطورة351]

من واقع تجربة كان عندي جمس رفرف موديل 87 دفرنشين مكينة 350 بخاخ كنت اعشقه قبل لا ادخل الطعس ب1 لاني لو ادخل الطعس ب2 يركد محله (يبي نمرة قوية)وداخل البلد ما اذكر اني عشقته ب3 لانه (يكركر من طول النفس) وفي الخط خفيف بالمرة لدرجة انه يسدح كوامري ويجيب فوق ال200 بالراحة وبدون حنة للمكينة ,والي استغربته انه دفرنشين المفروض انه اثقل من العادي (الدنقل الي بدون دبل) لاني للاسف بعد مابعته بسبب الطمع (الله يلعن الاسهم) شريت جمس رفرف موديل 79 مكينة 350(دنقل) وقبل لا ادخل الطعس اعشقه بال 2 لان ال1 يعتبر ثقيل عليه ويخليه يحفر مكانه ولا يعطيه نفس بعكس الدفرنسين.
وحتى في الخط لاحظة الحنة وضيق نفس الموتر
وعلى حسب معلوماتي فان دفرنش ال454 يختلف رقم الكرونة والبنيون عن ال350 يعني ان الشركة المصنعة وضعت لكل محرك دفرنش يناسبه من حيث عدد الدورات والجهد المطلوب وذلك عن طريق عمليات حسابية مثل ماذكر الاخ العزيز(غريب الدار2 (http://www.gmctruckclub.com/vb/member.php?u=6862))
الي يبي موتره يسحب في الخط يروح التشليح ويدور دفرنش سوبر عليه مكيتة 454 لان كرونه 45على14 تجي على السوبر ,وانا شفتها على سوبر موديل 87 عكس خارجي بس اهم شي قبل لا تشتري الدفرنش تاكد ان المكينة شد بلد ولاهي مغيره من 350 الى 454 وذلك عن طريق ماصورة البنزين (ال454 تجي ماصورة البنزين من فوق الشاصي بعكس ال350 داخل الشاصي من جهة الطرمبة )
تقبل مروري
اخوك/الاسطورة 351

[غريب الدار2]

من واقع تجربة كان عندي جمس رفرف موديل 87 دفرنشين مكينة 350 بخاخ كنت اعشقه قبل لا ادخل الطعس ب1 لاني لو ادخل الطعس ب2 يركد محله (يبي نمرة قوية)وداخل البلد ما اذكر اني عشقته ب3 لانه (يكركر من طول النفس) وفي الخط خفيف بالمرة لدرجة انه يسدح كوامري ويجيب فوق ال200 بالراحة وبدون حنة للمكينة ,والي استغربته انه دفرنشين المفروض انه اثقل من العادي (الدنقل الي بدون دبل) لاني للاسف بعد مابعته بسبب الطمع (الله يلعن الاسهم) شريت جمس رفرف موديل 79 مكينة 350(دنقل) وقبل لا ادخل الطعس اعشقه بال 2 لان ال1 يعتبر ثقيل عليه ويخليه يحفر مكانه ولا يعطيه نفس بعكس الدفرنسين.
وحتى في الخط لاحظة الحنة وضيق نفس الموتر
وعلى حسب معلوماتي فان دفرنش ال454 يختلف رقم الكرونة والبنيون عن ال350 يعني ان الشركة المصنعة وضعت لكل محرك دفرنش يناسبه من حيث عدد الدورات والجهد المطلوب وذلك عن طريق عمليات حسابية مثل ماذكر الاخ العزيز(غريب الدار2 (http://www.gmctruckclub.com/vb/member.php?u=6862))
الي يبي موتره يسحب في الخط يروح التشليح ويدور دفرنش سوبر عليه مكيتة 454 لان كرونه 45على14 تجي على السوبر ,وانا شفتها على سوبر موديل 87 عكس خارجي بس اهم شي قبل لا تشتري الدفرنش تاكد ان المكينة شد بلد ولاهي مغيره من 350 الى 454 وذلك عن طريق ماصورة البنزين (ال454 تجي ماصورة البنزين من فوق الشاصي بعكس ال350 داخل الشاصي من جهة الطرمبة )
تقبل مروري
اخوك/الاسطورة 351



صدق من قال اسأل مجرب ولاتسأل خبير

الله يعطيك العافيه اخوي على المشاركه

[الاسطورة351]

كلامك عن موديل الحديث مقارنه بالقير القديم 3 نمر مقنع 100%

لاكن نسيت تحسب تناسب الكارونه مع ترس السرعه في القير للقديم مع فرق مكينه 305 /350 / 400 /454

بنسبه لدبل كارونه 41/11 احسن شي حسب تجاربي

لاكن وش افضل قير علي كارونه السابقه اذا تعرف الفرق بين كل قير وقير في ترس السرعه؟ مع فارق عامود الكرنك بمكينه

هنا سؤالي ياطويل العمر

وشاكر مقدر للمعلومات القيمه الي قدمتها لنا
القيور كلها واحد ماتختلف الا في الارقام لانه سبق وفرطنا اكثر من 6قيور وكلها نفس بعض
الفرق في الخفة والثقل في الدفرنش فقط لاغير
تقبل مروري

[غريب الدار2]

القيور كلها واحد ماتختلف الا في الارقام لانه سبق وفرطنا اكثر من 6قيور وكلها نفس بعض
الفرق في الخفة والثقل في الدفرنش فقط لاغير
تقبل مروري



الله يعطيك الف عافيه جواب شافي وكافي

[غريب الدار2]

.................

[FAHAD-LS1]

كبير يا غريب الدار والله كبير

كلام ذهب هذا الناس الي تفيد وتحرص تقرا لها وترد

وانا في راسي مشروع وابيك انت والاخوان ايضاً مافيهم قصور تعطوني رايكم

قطع 10 ابي اوصله أعلى سرعة ممكنة والخلطة كالتالي :

1- مكينة 454 تزويد خفيف ( هدرز + ثلاجة + كربريتر )
2- قير 700 تماتيك معدل ( طنجرة + كلتشات + ترانزقو )
3- س/ وش الكارونة المناسبة الي تعطيني سرعة ولا تطيح العزم بالحيل ؟

للنقاش

[غريب الدار2]

كبير يا غريب الدار والله كبير

كلام ذهب هذا الناس الي تفيد وتحرص تقرا لها وترد

وانا في راسي مشروع وابيك انت والاخوان ايضاً مافيهم قصور تعطوني رايكم

قطع 10 ابي اوصله أعلى سرعة ممكنة والخلطة كالتالي :

1- مكينة 454 تزويد خفيف ( هدرز + ثلاجة + كربريتر )
2- قير 700 تماتيك معدل ( طنجرة + كلتشات + ترانزقو )
3- س/ وش الكارونة المناسبة الي تعطيني سرعة ولا تطيح العزم بالحيل ؟

للنقاش



بناءا على القاعده الحسابيه لمعرفة السرعة على حسب حجم الكرونه

سويت العمليه التاليه لسرعة الجمس على RPM 5 لاكثر انواع الكرونات المشهوره كالتالي:

كرونة وبنيون 45/14 تعطي سرعه 233 كم/الساعه على rpm5
كرونة وبنيون 41/12تعطي سرعه 220 كم/الساعه على rpm5
كرونة وبنيون 41/11تعطي سرعه 200 كم/الساعه على rpm5
كرونة وبنيون 41/10تعطي سرعه 183 كم/الساعه على rpm5
كرونة وبنيون 41/9 تعطي سرعه 165 كم/الساعه على rpm5
كرونة وبنيون 41/8 تعطي سرعه 145 كم/الساعه على rpm5



كلما قلت سرعة الكرونه كلما ازداد العزم في القومه والعكس

لكن انت تقول تبي تركب مكينة 454 وتزودها على قطع عشره وهو اخف وزن من الاحجام الاخرى
يعني ان شاء الله لو ركبت كرونه سريعه ماراح تفرق كثير على عزم السياره

[مبارك العجمي]

لاهنت يالهاب ريح

[alkhlee]

الله يعطيك الف عافية ماقصرت على المعلومات المفيدة

[شخوب]

تستاهل خمس نجوم

[رشاش الشيباني]

مشكور وماقصرت
فيه كرونة 40 / 13 الي نزلت على البليزرات
هذي وش علمها
ودفرنشات الجمس 6 و 8 مسامير عكس داخلي وخارجي هل هي تفرق بالممشى
وماهو افضل rpm متواصل في السرعات العالية لمكينة 454 موديل 1978

[ابو جماس]

ياغريب الدار الله جاب هالموضوع وهو مهم لي

انا عندي سوبر 85 عليه كارونه 11/41
وقير 18 والصراحه القير حار عالمكينه

وتحن المكينه اللهم ياكافي والحقيقه ابغي

حل سريع اغير الكارونه الى 14/45

والقير بيجمل مع كارونه 454
ولااركب قير 16


واسف عالاطاله

[الجوفي]

يعطيك العافيه

[راعي الونيت 78]

ماشاء الله ومنكم نستفيد الله يخليك

[غريب الدار2]

ياغريب الدار الله جاب هالموضوع وهو مهم لي

انا عندي سوبر 85 عليه كارونه 11/41
وقير 18 والصراحه القير حار عالمكينه

وتحن المكينه اللهم ياكافي والحقيقه ابغي

حل سريع اغير الكارونه الى 14/45

والقير بيجمل مع كارونه 454
ولااركب قير 16


واسف عالاطاله

غير الكرونه فقط

والقير ماله شغل ابد

[غريب الدار2]

مشكور وماقصرت حياك الله وبالخدمه
فيه كرونة 40 / 13 الي نزلت على البليزرات
هذي وش علمها مالي بالبليزرات ياغالي
ودفرنشات الجمس 6 و 8 مسامير عكس داخلي وخارجي هل هي تفرق بالممشى الممشى يعتمد على الكرونه وماله شغل في عكس داخلي او خارجي
وماهو افضل rpm متواصل في السرعات العالية لمكينة 454 موديل اكيد كل ما انخفض rpm راح يكون اريح للمكينه 1978 .....................