{{ تعــال لتعـرف ماهــي مشكــلة حرارة السيـــاره }} موضوع هـــااام للجمـــيع

[شفر 454]

http://www.hellah.com/upload/uploads/hellah-6dfa4da6b1.gif






أحبتـــي أعضــاء نادي الجمس والشفر الحوض




الله يسعــد جميـــع أوقاتـــكم بالمســرات





دائمـآ ماتتعرض سيارة الواحد مننا لحراره مفاجئه ونبدأ في رحلة البحث عن أسبـاب المشكله , وتبدأ معها الورش في التخبط في التشخيص السليم والصحيح لهذه المشكلـه .


من هذا الموضوع سوف أطرح لكم طريقة التشخيص السليم بإذن الله وأتمنــى منه توفيقي في ذلــك وعسى أن ينال أستحسان الجمــيع ويكون مــرجع لتشخيص مشكــلة الحراره وهو أجتهــاد مني وقد أصيب وقـد أخطـئ ...

الخطـــوات /


أ- تأكـد من دورة المــاء في المكينه وذلك بفحص طرمـبة المـاء
بإن تكون مروحة الدوران التي بداخلها غير متأكله أو لاتؤدي عملها بشكل جــيد وذلك بفك الهوز العلوي للمكينه والمحرك متوقف ومن ثم تشغيل المحرك أذا دفع المـاء بشكل قوي
الطرمبه 100% ..



ب- المروحه الميكانيكيه(( الريش)) قد تكون تجاريه أذا كان الكلتش سليم ..


ج- دوران المروحه عكسي بحيث يكون الهواء الحاصل من الدوران للخارج وليس للداخــل _ أحيان تحصل في تركيب مروحة موديل حديث للموديلات القديمه( الكلاسيـك)..


د- وجود بلف في كوع دخول الماء للمكينــه والحـل في ذلك تركيب الكوع بـدون بلف ..


هـ - خراطــيش الرديتر (( الهوز السفلــي والعلوي)) وطريقة فحصهم كالتــالي /
المحرك في حال دوران زد في سرعته بالدوس على الأبنــس ولاحظه أذا أنطبق أي هــوز على بعضه يتم تغييره لأنه يمنع أكمـال دورة المــاء للمكينـه ..



و- الرديتر وفحصــه كالتــالي /
المحرك مطفئ
نقـص من كمية المـاء بداخلــه مقدار 10 ســم ولاحظ الفتحات الموجوده بداخل الرديتر وشغل المحرك وزد في سرعته أذا كان دفع الماء الخارج من تلك الفتحات بشكل قوي فإعلم أن الجزء السفلي من الرديتر مغلق , وأذا كان دفع الماء من خلالها على شكل شلاّلات خفيفه الرديتر سليــم 100% ..



المحرك في حالة دوراان


أفتح غطــاء الرديتر وعبه للأخر ولاحــظ أذا كان هناك فقاعات


تخرج منــه فتأكــد تمامآ وجود تنســيم أو صـدع برأس المكينــه


ويتأكــد ذلك من خلال المشي على السيــاره وزيــاده السرعه



وبالتــالي تترتفع الحراره كلمــا زدت الضغــط على المحرك ..





أن أخــطأت فمــن نفسي وإن أصبــت فمن الله



سبحانك اللهم وبحمدك ، أشهد أن لا إله إلا أنت أستغفرك وأتوب إليك






أخوكم القــصــــــير


أبـــوحـــســـان

[GMC.vortec]

الله يعطيك العافيه

اخوي شفر

بس الي اشوفه انا ان الحراره له مسببات واجد يمكن من المراوح ويمكن من نقص الماء او من الرديتر والاحسن انه يبدا من الارخص الى
الاغلى يعني اول شي يبدا به يغير غطاء الرديتر وبعدين يتاكد من الكلبسات حقت الاهواز وهكذا ....

وشكرا على الموضوع

[بن غييثات]

ابوحسان

بيض الله وجهك .. جهد تشكر عليه ..

انا اشوف ان نبداء بالارخص دائما وهذا بعد الفحص الاولي من قبل صاحب المركبة ..

انا ياواحد .. ما اودي موتري الا بعد ما اهلك بفحصه .. نبداء اول شي اذا الماء ينقص ولا لاحظنا مكان التهريب انه نضحي بالبلف ونركب اصلي ..

اذا الماء ينقص فاول مانتطمن عليه هو تهريب لداخل المكينة .. نسحب العيار حق زيت المكينة وايضاً زيت القير للتماتيك والسيارة باردة ونطمئن على منسوب الزيت انه مازاد .. واللون هو اللون المعهود ..

ثم بعد كذا نشيك على وجود اي نقط او تسريبات من الرديتر او خراطيش الماء او الصبابات وهي القطع النحاسية بجانب المكينة او من خلف طرمبة الماء والاكواع..

مافي نقص نبداء نشيك الشغلات المكنيكية الاخرى .. اذا المروحة حقت الكلاسك 5 ريش فانصح باستبدالها بـ 7 ريش ..

تماتيك المروحة سليم او لا .. الطرمبة سليمة او لا ..

اذا الهوزات تنتفخ والموتر بارد مما يعطي دلالة على وجود بلف عطلان ..

وزن الديلكو بالاخير لان زيادة وزنية الديلكو ( قفل الديلكو) تسبب حرارة ..

هذا ماعندي واكرر شكري لك

[RIDAN]

الحراره وما ادراك مالحرارة

الحراره بلاويه واجده واسبابها الرئيسيه مثل ماذكرتم فعلا
واحب اضيف حاجه مهمه لأن من الممكن وغالبا هي اللي تسبب مشاكل انسداد الرديتر ومواصير الماء وتعليق البلف والصدأ
طبعا المسبب الماء التجاري او ماء عادي
بصراحه مامثل الماء الاصلي صحيح جالونه غالي اغلى من الماء التجاري بس بحقه مايسبب لك مشاكل انسداد وافضل تبريد من الماء التجاري وحتى مايبخر بسرعه مثل الماء التجاري الي كل فترة لازم تحقن الرديتر منه

فليش الواحد مايفك نفسه من الغثا ومن البدايه يوقي نفسه من المشاكل للحراره باستخدام شيء اصلي

يمكن خشتي على سالفة الماء غريبه لكن حبيت انبه عليها لأن كثير من الناس يقولون يارجال حط من هالماء رخيص وماعليه مايؤثر وبعضهم لين نقص الماء حقن عليه ماء من الصنبور طبعا انواع الاملاح والشوائب يعني انواع الحفاظ على الرديتر وبالتالي انواع المشاكل كل يوم.....

تحياتي وشكري لك ابو حسان وتم التقييم بمناسبة تفعيل تقيييم العضو وتستاهل تقيم العضو والموضوع.....

[chevy c10 85]

مشكور يابو حسان عالموضوع الله يعطيك العافيه وكل الاسباب اللي ذكرتها وارده

[حرب]

الله يعطيك العافيه اخي ابوحسان00

[nwaiser_74]

يمال العافيه والسلامه يبو حسان

وتأكد دائماً اننا بحاجه ماسه لمثل المعلومات هذي مهما كانت لا تبخل علينا تكفى

لاهنت وبيض الله وجهك ،


أخوك الطويل / ابو ناصر ،

[بـلـيـهـان 1]

تم التقييم

موضوع جميل جدا اخوي شفر454

يعرفك على اهم الاساسيات لمشاكل الحراره

بارك الله فيك على هذا الموضوع ابو حسان

و جزيت خيراً

اخوك بليهان1

ابو عبد الله

[بحر القصيد]

د- وجود بلف في كوع دخول الماء للمكينــه والحـل في ذلك تركيب الكوع بـدون بلف ..



يابو حسان
/// اكبر غلط يطيحون فيه الناس هالأيام هو (ترك المحرك بدون ثيرموستات/ بلف)

لأن وانا اخوك البلف وظيفته عمل كنترول للماء الخارج والداخل للمحرك

يدخل الماء للمحرك وإذا خرج الماء يكون ساخن جدا ً يقفل الثيرموستات ليتم تبريد الماء الخارج من المحرك

وبعدها يفتح ويستبدل الماء اللي فالمحرك بالماء اللذي تم تبريده

وهكذا (هذه وظيفة البلف او الثيرموستات) كنترول للحراره

اما اذا شلته وخليت السياره بدون بلف (دوران الماء متواصل بدون تبريد كافي إلى ان ترتفع حراره السياره بالكااااااااااامل يعني رديتر زيت مكينه روس سلندر وعواقب هذه الحراره كبيره جدا ً تبدأ بشعر الراس
وتصل إلى // عطب المحرك بالكامل)


اتمنى اني افدت

[ابو عبدالله]

يعطيك العافيه اخوي ابو حسان على هذا الموضوع المفيد والمهم لو بنستعرض اسباب حرارة المحرك بيطول الكلام فيها بس انت اختصرتها في الاساسيات ...
بس فيه نقطه واحده اسمحلي اعارضك فيها .
وهي البلف
البلف له فائده عظيمه ..
اتفق مع اخوي بحر القصيد في كلامه ...100%
الماء الراجع من المكينه يكون ساخن ويحتاج الى تبريد
والريديتر وحدة تخزين للماء وتبريد عن طريق الهواء يعني مو ثلاجه تبرد بسرعه يحتاج الى وقت لكي يبرد والبلف وحدة حبس وعزل
فاذا نزعت البلف صارت دورة الماء سريعه ولاكن من غير تبريد فالمكينه تخرج ماء حار وتستقبل ماء حار .... يعني مااستفدنا شي من دورة الماء ...
اسف على الاطاله
شاكرلك

[chevy c10]

اسلام طيب كلشي عندي سليم بس إذا شغلة المكيف ترتفع الحراره وشو الحلا

[chevy c10]

اخوي يا بحر القصيد كلمك من ذهب وانصح الجميع بتركب تيرموستات والله إنهاء تحمي المكينه مامنه مضر وكل فتره تقيره عشان متصدي

[عاشق z71]

ماشالله عليك يابو حسان

ابدعت بصراحه

يستاهل التثبيت
ويستاهل التقييم
وينظم لسلسة مواضيع اعمل بنفسك

تحياتي لك

[نسكافيه]

يا سلام عليك

اهنيك يابطل على الموضوع الحلو

[شفر 454]

أشــكــــر

مــن أضاف مداخلــه من عندهـ

مـــن أثنــــى عالمـــــوضوع

ومن قرأ وأستفــــاد

وجمـــيع مانطرحه سواء موضوع أو مداخله في أستشاره

هــذا واجبنــا تجــاه أخواننــا بالنــادي

وليتنـا نقوم بما يرضي الله ثم يرضيهم

:43578.imgcache[1]:

[متعب المعاميل]

الله يعطيك العافيه يابو حسان

كتبت فأبدعت يالذيب

الله لا يهينك يالغالي

[بهبـGMCـهان]

يعطيك العافيه يا ابوحسان مشالله عليك موضوع كامل والكامل وجهه
ويستاهل التقيم

[بانكر]

:icon15f[1]::icon15f[1]::icon15f[1]::icon15f[1]::icon15f[1]::icon15f[1]:
:43482.imgcache[1]::43482.imgcache[1]:
:icon15f[1]::icon15f[1]::icon15f[1]::icon15f[1]:
:43644.imgcache[1]::43644.imgcache[1]::43644.imgcache[1]:
حبيب قلبي و اخي
بوحسان الحقيقة اهنيك علي الموضوع ب:43530.imgcache[1]:
و الاعضاء بعد اقولهم يامن و الله العافيه ياشباب
علي المعلومات القيمة سواء منك يابوحسان او مداخلات
الشباب و اللي اثرو فيها الموضوع بعد.
و ماشاء الله عليكم الله لا يخلينا
و لكن عندي بعد انا بعض المداخلات البسيطه اللي مالها
دخل في الميكانيكا لاني و الله ما افهم فيها شين ابد :503[1]: .
يعني ماشاء الله


العضو : GMC.vortec
العضو : بن غييثات



انا اشوف ان نبداء بالارخص دائما وهذا بعد الفحص الاولي من قبل صاحب المركبة ..


يعطيك العافية يابو المثني <<<طيب الغشيم مثلي وش يسوي:)
العضو : RIDAN



طبعا المسبب الماء التجاري او ماء عادي

بصراحه مامثل الماء الاصلي صحيح جالونه غالي اغلى من الماء التجاري بس بحقه مايسبب لك مشاكل انسداد وافضل تبريد من الماء التجاري وحتى مايبخر بسرعه مثل الماء التجاري الي كل فترة لازم تحقن الرديتر منه.انواع الاملاح والشوائب يعني انواع الحفاظ على الرديتر وبالتالي انواع المشاكل كل يوم.....فليش الواحد مايفك نفسه من الغثا ومن البدايه يوقي نفسه من المشاكل للحراره باستخدام شيء اصلي



صح لسانك ياخلفهم


و بالنسبه لي انا عندي قناعه تامه بحكمة واحد من الشيبان

الله يجزاه خير و يطول بعمره ان شاء الله وش يقول :

ياماخذ الدون بدون تحسب ان غابن و اثرك مغبون
و و الله اني من يوم ماطبقتها و انا مفتك من بلاوي كثيره.
العضو : chevy c10 85
العضو : حرب
العضو : nwaiser_74
العضو : بـلـيـهـان 1
العضو : بحر القصيد








د- وجود بلف في كوع دخول الماء للمكينــه والحـل في ذلك تركيب الكوع بـدون بلف ..






يابو حسان

/// اكبر غلط يطيحون فيه الناس هالأيام هو (ترك المحرك بدون ثيرموستات/ بلف)

لأن وانا اخوك البلف وظيفته عمل كنترول للماء الخارج والداخل للمحرك
يدخل الماء للمحرك وإذا خرج الماء يكون ساخن جدا ً يقفل الثيرموستات ليتم تبريد الماء الخارج من المحرك وبعدها يفتح ويستبدل الماء اللي فالمحرك بالماء اللذي تم تبريده وهكذا (هذه وظيفة البلف او الثيرموستات) كنترول للحراره اما اذا شلته وخليت السياره بدون بلف (دوران الماء متواصل بدون تبريد كافي إلى ان ترتفع حراره السياره بالكااااااااااامل يعني رديتر زيت مكينه روس سلندر وعواقب هذه الحراره كبيره جدا ً تبدأ بشعر الراس
وتصل إلى // عطب المحرك بالكامل)
اتمنى اني افدت



ذهب و الله ذهب لافض فوك .


العضو : ابو عبدالله

العضو : chevy c10

العضو : عاشق z71
العضو : نسكافيه
العضو : متعب المعاميل
العضو : بهبـGMCـهان







اقولكم الله يعطيكم العافيه علي المداخلات الطيبه و

تكفون و تكفون و تكفون

لا تبخلو علي اخوانكم في النادي مما رزقكم الله
من معرفه و خبره و الله لا يهينكم و يكثر من امثالكم .
*ملاحظه بسيطه يابوحسان ليش مثلا ماتعدل الفقره د اللي تقول :










د- وجود بلف في كوع دخول الماء للمكينــه والحـل في ذلك تركيب الكوع بـدون بلف ..





بعد ماعرفنا اهميت البلف و الثرموستات مجرد خاطره او فكره.




:43763.imgcache[1]:و الله يعطيكم العافية ياشباب اجمعين :43763.imgcache[1]:

[تيتشر]

بعد اذنك أخوي أبو حسان
هذي إضافة للمعلومات والشرح اللي أفادنا فيها الأخ ابو حسان واللي نتمنى من خلالها ان الجميع يستفيدون من هالمعلومات



مكونات دورة التبريد



1/ الرديتر.
-خزان للماء-
2/مروحة التبريد. -لتبريد الماء-
3/طرمبة الماء. -لتدوير الماء وتحريكه بين المكينة والرديتر-


4/الثرموستات (بلف الحرارة). -الهدف من وجود الثيروموستات في السيارة هو التحكم في درجة حرارة المحرك. فهو يمنع دخول الماء من الرديتر إلى المحرك حينما يكون المحرك باردا. وعندما ترتفع درجة حرارة المحرك إلى حد معين يفتح الثيرموستات ويسمح بمرور الماء.-


5/ خراطيش الماء. ?ليات لنقل الماء بين المكينة والرديتر-



الفكرة العامة لعمل دورة التبريد بالمحرك:


تعتمد فكرة تبريد محرك السيارة على سحب الحرارة المتولدة على رأس الماكينة، نتيجة حدوث الاحتراق الداخلي ..
بواسطة الماء (( سائل التبريد )) الى الرديتر ، حيث يبرد الماء ثم يتجه مرة اخرى الى اجزاء المحرك المراد تبريدها .



الأجزاء التي يمر عليها الماء


1/ الرديتر.
2/ خراطيش الماء.
3/ الكوع.
4/ البلف.
5/ مجاري الماء داخل المكينة.
6/ طبات الموية على المكينة.
7/ طرمبة الماء.
8/ حساس الحرارة.


ملاحظة: -أي خلل في هذه الأجزاء يسبب الحرارة-



أسباب ارتفاع حرارة المحرك:





أسباب ارتفاع درجة حرارة المحرك كثيرة تصل لحوالي 25 سبب أو أكثر من أهمها:



1/ تلف او اتساخ او انسداد الرديتر.


2/ تلف غطاء الرديتر.


3/ وجود تشقق او ضعف في خراطيش الماء، فالتشقق يسبب التهريب، والضعف او التآكل يسبب سفط للخرطوش عند عملية سحب الماء بواسطة الطرمبة، وبالتالي قلة الماء الواصل للمحرك.


4/ اتساخ أو صدأ بلف الحرارة، وبالتالي لا يفتح عند درجة الحرارة المطلوبة، للتأكد من أن الثيروموستات يعمل بطريقة سليمة، أضغط بلطف على خرطوش الريديتر حينما تكون السيارة في طور الإحماء. إذا لم تتغير حرارة الخرطوش خلال دقائق من التشغيل، فإن هذا يعني إحتمال عطب الثيروموستات.


5/ ضعف ضغط طرمبة الماء: ويمكن الكشف على ضغط الطرمبة بالطريقة التالية:

تعال للسيارة وهي باردة، وافتح غطاء الرديتر وشغل السيارة، اتركها لمدة دقيقتين او لين تحتر شوي، عشان يفتح البلف، ثم ادعس بنزين اذا شفت الموية تتحرك في الرديتر الى اسفل واعلى او تدور، فهذا يعني انها تشتغل زين، وإلا فلا..
6/ تلف أو ضعف وجه راس المكينة: وهذا يعرف بتفتفة المكينة والارتفاع الملحوظ في درجة الحرارة خاصة على السرعات العالية، وايضا وجود انتفاخ ملحوظ في خراطيش الماء، تجي تن بها صعرور .


7/ تلف رأس المكينة، وتدل عليه التفتفة القوية في المكينة، وفوران الرديتر عند تشغيل السيارة، يعني تجي للسيارة وهي باردة وتفتح غطاء الرديتر وتشغل السيارة، ما تقعد لك شوي الا والرديتر يفوح والحرارة h


8/ وزن البلوف: ويعرف بأن السيارة ما تشتغل من اول مرة،
وصدور اصوات طقطقة في الراس أو صوت فرقعة داخل المكينه
9/ صنفرة البلوف


10/ انسداد البخاخات او الكلبليتر.


11/ تلف البواجي.


12/ احتراق زيت المكينة والمشي عليه لمسافات طويلة، مما يؤدي لانعدام لزوجته.


13/ عدم ضبط وزنية الديلكو.


14/ تلف كلتش المروحة: ويمكن التشييك عليه بالطريقة التالية: تعال لسيارة وهي طافية، وقم بتدوير المروحة بيدك، إذا كانت خفيفة فهذا يدل على تلف الكلتش، والعكس بالعكس.


15/ تلف المروحة، وذلك بوجود عفط او كسر في احد ريشها.


16/ المراوح الكهرب: لابد ان تكون جميع توصيلاتها سليمة: (كتاوت، اسلاك كهربائية، فيوزات.... إلخ) وإلا قد تفصل في أي لحظة، او يتسبب خلل ما الى عدم اشتغال السرعة الثانية للمروحة، وبالتالي ارتفاع حرارة المكينة.


17/ بكرة كمبروسر المكيف، وكلتش الكمبروسر، لو كان مجيم يمسك المكينة ما يخليها تاخذ راحتها في الدوران، وبالتالي ترتفع حرارتها.


18/ انسداد او عفط الشكمان او الدبة.


19/ القير التماتيك اذا كان ما يبدل مضبوط، أو وزنيته فيها خلل يسبب حرارة.
20/ حساس الحرارة، كثير من الأحيان يعطي قراءة خاطئة، من المهم التشييك عليه قبل الدخول في الحلول الأخرى ..
21/ سير المروحة إذا كان مرتخياً.


22/ الفرامل !! طبعاً قد يستغرب البعض، كيف تكون الفرامل سبب في ارتفاع الحرارة؟!


الجواب ببساطة: الفرامل إذا كانت ماسكة ولو شي بسيط تسبب ارتفاع الحرارة مع المشي، خاصة السيارات القديمة والسيارات اللي وجه الراس حقها فيه ضعف،،، كثير من السيارات مرت علي جننت أصحابها بسبب الحرارة، سيخ رديتر وغير طرمبة وووو..
والمشكلة مستمرة، بعد الكشف على السيارة يتبين ان السبب في قسام أو سلندر أو وزنية الفرامل !!


هذي تقريباً أغلب الأسباب اللي تسبب الحرارة، وتختلف من سيارة لأخرى، لكن كل واحد يشوف سيارته ويطبق هالكلام اللي قلنا وانشاء الله تمشي الأمور..


أعطال وحلول:



نأتي في هذه النقطة لبعض النوعيات من مشاكل الحرارة والتي غالباً ما يكون تشخيصها فيه شئ من الصعوبة:


الحرارة ترتفع عند توقف السيارة وتنخفض عند المشي .:.:.



هذا يكون بسبب نقص الهواء، يلزم التشييك على المروحة والكلتش حقها، وسير المروحة
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ
الحرارة ترتفع مع المشي ، خاصة عند السرعات العالية .:.:.


المشكلة من الرديتر مسدود، أو الطرمبة ضغطها ضعيف، أو وجه الراس ضعيف
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ
الشكمان يصب ماء في الأجواء الحارة ، والمكينة حرارتها مرتفعة .:.:.


تلف وجه الراس
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ ــــــــــــــــــــ
الحرارة ترتفع مع الدعس الزائد على المكينة ، وتنخفض مع الدعس البسيط .:.:.


يوجد مشكلة في القير التماتيك، إما وزنية، او الكلتشات محترقة.
واحتمال ايضا وجود ضعف في
وجه الراس، او تلف او انسداد الرديتر.


انتهى
مـنـقــول


المصدر : منتدى البرية
للعضو : فني الشيروكيات ( أبوأيوب )

[chevy c10]

اخوي تيتشر مشكور على هذي إضافة للمعلومات

[~ الوايلي ~]

الله يعطيك العافيه اخوي ابو حسان على الموضوع القيم والمفيد

والشكر موصول لجميع الاخوان على مداخلاتهم القيمه والمفيده

[G M C BLACK]

الله يعطيك العافيه

اخوي شفر

[شفر 454]

ياهلا بكم أخوانـــي

:43514.imgcache[1]:

[ميكانيكي]

احب اوضحلكم كم نقطه وهي اهم شي 1-البلف في احجام كثير وممكن انك تركب اي حجم ماهوشرط نفس شد بلد 2-الرديتر فيه 3 صفات وفيه 4 صفات وخمس صفات والصناعه القديمه ماراح تكون مثل الحاليه زي الالمنيوم اوالنحاس100% 3- المراوح وهي هامه جدا عندي شفر كابريس 76 عليه مكينت جمس 454 وكانت الحراره اتش غيرة البلف وحطيت بلف كابررررس والاديتر سويت تفصيل 4صفات المنيون ومن ناحيت المروحه سويت شويت ابدااع ركبت مروحه كهرب والمرحوه من 6 سرعات الوضع الطبيعي تكون على السرعه الثاني اذا شغلت المكيف تكون على السرعه الثالثه واذا تعديت سرعة 120 تشتغل السرعه الرابعه واذا تعديت 170 تشتغل السرعه الخامسه وانا في الصيف وطبعا جربتها على خط الرياض الساعه 11 ونص ظهرا اما السرعه السادسه لم تشتغل معي ولله الحمد وطبعا الحراه مع التعديلات وفي الاوضاع الي ذكرتها لكم ماتتعدا الربع وطبعا المروحه كبيره جدا وهي مروحة مرسيدس شبح حجم 12 سلندر وهييي ممتازه اما في الشتاء السرعه الاولى طبيعيه ومع المشي تزيد سرعة المروحهوووانا انص من عنده 454 وعنده مشاكل في الحراره يسوي مثلي وريحه نفسه وقريبا اعرضها لكم بصوور واسف ان ازعجتكمممممم او ضايقتكم

[123789]

جزاك الله خير.

[S.B.A]

الله يعطيكم الف عافيه

[mzmz]

http://www.hellah.com/upload/uploads/hellah-6dfa4da6b1.gif






أحبتـــي أعضــاء نادي الجمس والشفر الحوض




الله يسعــد جميـــع أوقاتـــكم بالمســرات





دائمـآ ماتتعرض سيارة الواحد مننا لحراره مفاجئه ونبدأ في رحلة البحث عن أسبـاب المشكله , وتبدأ معها الورش في التخبط في التشخيص السليم والصحيح لهذه المشكلـه .


من هذا الموضوع سوف أطرح لكم طريقة التشخيص السليم بإذن الله وأتمنــى منه توفيقي في ذلــك وعسى أن ينال أستحسان الجمــيع ويكون مــرجع لتشخيص مشكــلة الحراره وهو أجتهــاد مني وقد أصيب وقـد أخطـئ ...

الخطـــوات /


أ- تأكـد من دورة المــاء في المكينه وذلك بفحص طرمـبة المـاء
بإن تكون مروحة الدوران التي بداخلها غير متأكله أو لاتؤدي عملها بشكل جــيد وذلك بفك الهوز العلوي للمكينه والمحرك متوقف ومن ثم تشغيل المحرك أذا دفع المـاء بشكل قوي
الطرمبه 100% ..



ب- المروحه الميكانيكيه(( الريش)) قد تكون تجاريه أذا كان الكلتش سليم ..


ج- دوران المروحه عكسي بحيث يكون الهواء الحاصل من الدوران للخارج وليس للداخــل _ أحيان تحصل في تركيب مروحة موديل حديث للموديلات القديمه( الكلاسيـك)..


د- وجود بلف في كوع دخول الماء للمكينــه والحـل في ذلك تركيب الكوع بـدون بلف ..


هـ - خراطــيش الرديتر (( الهوز السفلــي والعلوي)) وطريقة فحصهم كالتــالي /
المحرك في حال دوران زد في سرعته بالدوس على الأبنــس ولاحظه أذا أنطبق أي هــوز على بعضه يتم تغييره لأنه يمنع أكمـال دورة المــاء للمكينـه ..



و- الرديتر وفحصــه كالتــالي /
المحرك مطفئ
نقـص من كمية المـاء بداخلــه مقدار 10 ســم ولاحظ الفتحات الموجوده بداخل الرديتر وشغل المحرك وزد في سرعته أذا كان دفع الماء الخارج من تلك الفتحات بشكل قوي فإعلم أن الجزء السفلي من الرديتر مغلق , وأذا كان دفع الماء من خلالها على شكل شلاّلات خفيفه الرديتر سليــم 100% ..



المحرك في حالة دوراان


أفتح غطــاء الرديتر وعبه للأخر ولاحــظ أذا كان هناك فقاعات


تخرج منــه فتأكــد تمامآ وجود تنســيم أو صـدع برأس المكينــه


ويتأكــد ذلك من خلال المشي على السيــاره وزيــاده السرعه



وبالتــالي تترتفع الحراره كلمــا زدت الضغــط على المحرك ..





أن أخــطأت فمــن نفسي وإن أصبــت فمن الله



سبحانك اللهم وبحمدك ، أشهد أن لا إله إلا أنت أستغفرك وأتوب إليك






أخوكم القــصــــــير


أبـــوحـــســـان

ممكن هذي هي اغلب مشاكل الحرارة

لكن لا تنسى وزن الديلكو

لان الناس تنساه وتتهاون بالفحصه

[abu-mhammed]

يعطيكم العافيه وحقيقه موضوع حروفه من ذهب

[صياد النسور]

طيب اذا كان الجو حار أو البنزين مو منتظم بالمكينة بسبب حساسات أو أي سبب ثاني
ما يأثر شي بسيط على الحرارة؟؟

[عاشق 72]

مشكور ابو حسان على الموضوع
خبرتك والشباب ان شاء الله تغنينه عن نصب المكنيكيه والي عامل نفسه مكنيكي وهو مو فاهم شي

تقبلوو مروري

[راعي ال 2005]

يعطيك العافيه ابوحسان على الموضوع الجيد

[خالدمحمد]

طيب ياخوان راس المكينة لة علاقة بالحرارة

[هاوي جموس]

يعطيك العافيه

على الفكره الجميله

وتمنى نستفيد منها

وشكرا

[عاشق الجمس511-2]

شباب ممكن اسال عم مكينة 511
ووش سالفتها
وليش ممنوعه
وشكراً

[ابوعقل]

طيب ياخوان راس المكينة لة علاقة بالحرارة

اذا ارتفعت الحراره وانت طنشتها

يعني ما وقفت على طول الراس ينشعر ولازم تسويله مسح بالمخرطه

او انك تغيره بواحد جديد

[العنزي]

الله يعطيك العافيه اخوي

[عاشق الشفر07]

مشكووور اخووي عالمعلوومه

[{حرآق}]

عزالله كلام

وافي من راس مليان

أأكد على كلام أخوي بكلمة مختصرة

دائرة التبريد

واحب اضيف شي لابد ان يكون هناك توافق بين فلف الحرارة و فلف التبريد

فلف الحرارة هو بلف الحرارة على قولة البدو او السلنسر وبدو الشمال يسمونه العطاس وخاصه اهل السقوس والتريلات

بإتصار شغلته (الحفاظ على درجة حرارة المحرك في درجه معينه)

وذلك بإتفاق مع دائرة الزوع

معليش بتكلم بالهجة البدو لأني لا اجيد

التصنع بلهجة غير لهجتي

هنا اقصد القربة اللي دايم تجي جنب الرديتر في فئةv8ثمانيه سرندر

وتجي بعيدة شوي في فئة ستة سرندر ياباني

وترى غطى الرديتر يلعب أكبر دور


امش يابو رمش

[BAROON_1980]

عوافي وشكري لكاتب الموضوع

[ابوسهارى]

عزالله كلام

وافي من راس مليان

أأكد على كلام أخوي بكلمة مختصرة

دائرة التبريد

واحب اضيف شي لابد ان يكون هناك توافق بين فلف الحرارة و فلف التبريد

فلف الحرارة هو بلف الحرارة على قولة البدو او السلنسر وبدو الشمال يسمونه العطاس وخاصه اهل السقوس والتريلات

بإتصار شغلته (الحفاظ على درجة حرارة المحرك في درجه معينه)

وذلك بإتفاق مع دائرة الزوع

معليش بتكلم بالهجة البدو لأني لا اجيد

التصنع بلهجة غير لهجتي

هنا اقصد القربة اللي دايم تجي جنب الرديتر في فئةv8ثمانيه سرندر

وتجي بعيدة شوي في فئة ستة سرندر ياباني

وترى غطى الرديتر يلعب أكبر دور


امش يابو رمش

والله ضربت على الوتر الحساس ههههههههه
كنك تقصدني ههههه
من الشمال وراعي سقوس اول بس تطورة حميده

[مخاوي المطاليق]

اسعدالله اوقاتك يابو حصه ومعلومات قيمه

[قـــلب الاســـد]

اخواني اخواني افيدوني افادكم الله
انا عندي دينالي 2001 عندي الحراره نص دايم طبعا مع المراوح اللي مركبها عشان المكيف
السؤال هل من الممكن انو اشيل البلف عشان تصير الحراره على اقل من الربع واخلي المراوح للكميف فقط والله اني اخاف من الحراره وارتاح لاشفتها عالربع هل اقدر اسويها في الدينالي افيدوني وجزاكم الله كل خير