متعب المعاميل
07-29-2009, 01:39 PM
السلام عليكم وحمه الله وبركاته
كيف الحآل يالربع .. ان شاء الله طيبين وبخير
للتوآصل مع النآدي /
الولد وان طاب طيبه من خوال=هوان تـردى فعـلـم انـهـم خايبيـنـي
أشــرب الفنـجـال واكــب البـيـالـة=طـيــبٍ واحـــب سـلــم الطيـبـيـنـي
من لا يعرف .. هذين البيتين .. بيتين اشهر من نار على علم ..
قد يجهل البعض قائلهما .. ولكن اكيد سمع بالبيتين من قبل ..
حتى اصبح مضرب مثل يتداوله كثير من الناس ..
قائل هذين البيتين ..
الشاعر / راشد بن حسن بن مانع بن رحيان الضاعني الملقب بــ
( ابن الذيب)
وقيل انه توفي عام 1986م وهو في نجران وكان شايل معه شخص موصله ا
لى قرية في نجران وحصل عليهم حادث وتوفي رحمه الله ..
راشد بن حسن .. كان يشتغل في شركة ارامكوا السعوديه ..
وكان يملك سيارة الشركه
( جمس ارامكوا ) ..
وكان كل ما شاف له رجلي والا طرقي على الخط يبي احد يوصله
يقوم ابن الذيب ويوصله بدون مقابل .. على سيارة الشركه ..
حتى اشتهر عند البدوان .. لا جا احد يبي يروح مكان ولا عنده مطيه والا موتر ..
يمشي في طريقه ويقول عسا يلقاني ( ابن الذيب ) على الطريق والا انا القاه ..
ويشيلني ويوديني للمكان اللي انا ابيه .. حتى قاموا الناس يطرونه
ويحكون فيه وهم لا يعرفونه ولا قد شافوه ..
جاء يوم من الايام الا عجوز وعندها غنم شوي تعد على الاصابع ..
و ( راشد بن حسن ) .. كان مشغول ومتأخر على الدوام شوي ..
وشاف العجوز وشاف معها غنم تعداها وهملها ..
عقب حزت في خاطره واستحى وراعي الطيب ما يجوز عن طيبه وقف الموتر ورجع للعجوز ..
يوم جاها قالها يا مره انا ابشيلك وبوديك المحل اللي تبينه لكن بدون غنمك ..
انا متأخر على الدوام واخاف غنمك تأخرني زياده ..
قالت له العجوز .. رح الله يستر عليك يا ولدي ..انا جالسه هنيا انتظر ( ابن الذيب )
هو بيوصلني المكان اللي انا ابيه انا وغنمي .. وهي ما تعرفه .. ولا تدري انه
( ابن الذيب ) .. يوم انصدم ( راشد بن حسن ) بقولها .. وتعجب !!
قال اركبي يا خاله انا ( ابن الذيب ) وابشري بعزك ..
ابوصلك انتي وغنمك ..
وكانت انظمة ارامكو تمنع السائقين ان يشيلو الرجليه
اللي يوقفون السواقين ويطلبونهم توصيلهم على طريقهم ..
وشلون توصيل الغنم ؟؟؟؟؟
حتى وصل علم .. لشركه بفعل ( راشد بن حسن ) ..
وهدد بالفصل من الشركه اكثر من مره .. وبعض رؤساءه يأسوا من المحاوله معه ..
واعجبتهم شهامته ..وصل العجوز إلى منصاها والمكان اللي تبيه ..
وقآل هالقصيده ::
قالها ابـن الذيـب مـن هاجـوس بالـه=كـلـمـةٍ يـلـعـب بـهــا والـبــال زيـنــي
قـالـهــا يــومــه طــرالــه مـاطـرالــه=مـن هواجـيـسٍ تشـيـب المرضعيـنـي
حالـفٍ مـاخـذ عـلـى الطـرقـي ريـالـه=وبـالـثـلاث مـحــرم أنــــه مايـجـيـنـي
لالقيت اللـي علـى ( السكـه ) لحالـه=يلـتـفـت ويـقــول ويـــن المستحـيـنـي
أوقـف الموتـر حـيـا وأبــي الجمـالـه=يــوم ولــد الــلاش وجـهـه مايلـيـنـي
الطـمـع فــي كــروة الرجـلـي رذالــة=خــص وان جـابـه مـجـال الغانميـنـي
والــردي فــي حـالـةٍ مـاهـي بـحـالـه=واعـويـنــه مــــن كــــلام الطيـبـيـنـي
الــردي لـــو بـــان مـايـذكـر عـمـالـه=مـايـعـد الـــلاش مـقـصـور اليمـيـنـي
أركـبــه لـعـيـون مـــن زيـــنٍ دلالـــه=ماتـحـاكـوا فـــي قـفــاه الرامسـيـنـي
مابـغـى غـيـري وانــا مابـغـى بـدالـه=قـاعــدٍ لـــي بـالـرجـا مـــدة سـنـيـنـي
الصبـي وان طـاب طيبـه مـن خوالـه=بـالـخـوال يـســال قــبــل الـوالـديـنـي
أشـــرب الفـنـجـال واكــــب الـبـيـالـة=تــابــعٍ سـلـمــي ســلــوم الأولـيــنــي
ولاقـعـدنــا بـالـعـمـل بــنــا الــرزالــة=نـاخــذ العـلـيـا طــريــق الفـايـزيـنـي
غـرنـي بـعـض الـرجـال بكـثـر مـالـه=مادرى ان المـوت فـي حبـل الوتينـي
كيـف ينفعـنـي وابــا(..........) خـالـه=مايـقـوم البـيـت دام الـسـاس طـيـنـي
مـاش ويـن الـلـي عـوايـده الجمـالـة=مثـل ابــن ظـافـر حـمـد ليـتـه يجيـنـي
الـثـنـا والـجــود دايـــم فـــي خـيـالــه=عـلـمــه ظــافــر ســلــوم الطيـبـيـنـي
جــــوّد الـعـلـيــا ولـزمّــهــا عـيــالــه=وادركــوا مــن علمـتـه دنـيـا وديـنـي
واهنـي مـن بـاع حظـه واشتـرى لـه=وسار في درب النبي وأخزى اللعيني
مـوقــفــه مــاكـــل رجـــــال يــنــالــه=مــن بـغـى مـمـشـاه يـقـعـد مرتـيـنـي
كـم ذبـح مـن حـايـلٍ مــن حــر مـالـه=وعـادتـه لطـمـة خـشــوم العايلـيـنـي
م/ن بدقه متنآهيه واحترآف فآئق .. :)
كيف الحآل يالربع .. ان شاء الله طيبين وبخير
للتوآصل مع النآدي /
الولد وان طاب طيبه من خوال=هوان تـردى فعـلـم انـهـم خايبيـنـي
أشــرب الفنـجـال واكــب البـيـالـة=طـيــبٍ واحـــب سـلــم الطيـبـيـنـي
من لا يعرف .. هذين البيتين .. بيتين اشهر من نار على علم ..
قد يجهل البعض قائلهما .. ولكن اكيد سمع بالبيتين من قبل ..
حتى اصبح مضرب مثل يتداوله كثير من الناس ..
قائل هذين البيتين ..
الشاعر / راشد بن حسن بن مانع بن رحيان الضاعني الملقب بــ
( ابن الذيب)
وقيل انه توفي عام 1986م وهو في نجران وكان شايل معه شخص موصله ا
لى قرية في نجران وحصل عليهم حادث وتوفي رحمه الله ..
راشد بن حسن .. كان يشتغل في شركة ارامكوا السعوديه ..
وكان يملك سيارة الشركه
( جمس ارامكوا ) ..
وكان كل ما شاف له رجلي والا طرقي على الخط يبي احد يوصله
يقوم ابن الذيب ويوصله بدون مقابل .. على سيارة الشركه ..
حتى اشتهر عند البدوان .. لا جا احد يبي يروح مكان ولا عنده مطيه والا موتر ..
يمشي في طريقه ويقول عسا يلقاني ( ابن الذيب ) على الطريق والا انا القاه ..
ويشيلني ويوديني للمكان اللي انا ابيه .. حتى قاموا الناس يطرونه
ويحكون فيه وهم لا يعرفونه ولا قد شافوه ..
جاء يوم من الايام الا عجوز وعندها غنم شوي تعد على الاصابع ..
و ( راشد بن حسن ) .. كان مشغول ومتأخر على الدوام شوي ..
وشاف العجوز وشاف معها غنم تعداها وهملها ..
عقب حزت في خاطره واستحى وراعي الطيب ما يجوز عن طيبه وقف الموتر ورجع للعجوز ..
يوم جاها قالها يا مره انا ابشيلك وبوديك المحل اللي تبينه لكن بدون غنمك ..
انا متأخر على الدوام واخاف غنمك تأخرني زياده ..
قالت له العجوز .. رح الله يستر عليك يا ولدي ..انا جالسه هنيا انتظر ( ابن الذيب )
هو بيوصلني المكان اللي انا ابيه انا وغنمي .. وهي ما تعرفه .. ولا تدري انه
( ابن الذيب ) .. يوم انصدم ( راشد بن حسن ) بقولها .. وتعجب !!
قال اركبي يا خاله انا ( ابن الذيب ) وابشري بعزك ..
ابوصلك انتي وغنمك ..
وكانت انظمة ارامكو تمنع السائقين ان يشيلو الرجليه
اللي يوقفون السواقين ويطلبونهم توصيلهم على طريقهم ..
وشلون توصيل الغنم ؟؟؟؟؟
حتى وصل علم .. لشركه بفعل ( راشد بن حسن ) ..
وهدد بالفصل من الشركه اكثر من مره .. وبعض رؤساءه يأسوا من المحاوله معه ..
واعجبتهم شهامته ..وصل العجوز إلى منصاها والمكان اللي تبيه ..
وقآل هالقصيده ::
قالها ابـن الذيـب مـن هاجـوس بالـه=كـلـمـةٍ يـلـعـب بـهــا والـبــال زيـنــي
قـالـهــا يــومــه طــرالــه مـاطـرالــه=مـن هواجـيـسٍ تشـيـب المرضعيـنـي
حالـفٍ مـاخـذ عـلـى الطـرقـي ريـالـه=وبـالـثـلاث مـحــرم أنــــه مايـجـيـنـي
لالقيت اللـي علـى ( السكـه ) لحالـه=يلـتـفـت ويـقــول ويـــن المستحـيـنـي
أوقـف الموتـر حـيـا وأبــي الجمـالـه=يــوم ولــد الــلاش وجـهـه مايلـيـنـي
الطـمـع فــي كــروة الرجـلـي رذالــة=خــص وان جـابـه مـجـال الغانميـنـي
والــردي فــي حـالـةٍ مـاهـي بـحـالـه=واعـويـنــه مــــن كــــلام الطيـبـيـنـي
الــردي لـــو بـــان مـايـذكـر عـمـالـه=مـايـعـد الـــلاش مـقـصـور اليمـيـنـي
أركـبــه لـعـيـون مـــن زيـــنٍ دلالـــه=ماتـحـاكـوا فـــي قـفــاه الرامسـيـنـي
مابـغـى غـيـري وانــا مابـغـى بـدالـه=قـاعــدٍ لـــي بـالـرجـا مـــدة سـنـيـنـي
الصبـي وان طـاب طيبـه مـن خوالـه=بـالـخـوال يـســال قــبــل الـوالـديـنـي
أشـــرب الفـنـجـال واكــــب الـبـيـالـة=تــابــعٍ سـلـمــي ســلــوم الأولـيــنــي
ولاقـعـدنــا بـالـعـمـل بــنــا الــرزالــة=نـاخــذ العـلـيـا طــريــق الفـايـزيـنـي
غـرنـي بـعـض الـرجـال بكـثـر مـالـه=مادرى ان المـوت فـي حبـل الوتينـي
كيـف ينفعـنـي وابــا(..........) خـالـه=مايـقـوم البـيـت دام الـسـاس طـيـنـي
مـاش ويـن الـلـي عـوايـده الجمـالـة=مثـل ابــن ظـافـر حـمـد ليـتـه يجيـنـي
الـثـنـا والـجــود دايـــم فـــي خـيـالــه=عـلـمــه ظــافــر ســلــوم الطيـبـيـنـي
جــــوّد الـعـلـيــا ولـزمّــهــا عـيــالــه=وادركــوا مــن علمـتـه دنـيـا وديـنـي
واهنـي مـن بـاع حظـه واشتـرى لـه=وسار في درب النبي وأخزى اللعيني
مـوقــفــه مــاكـــل رجـــــال يــنــالــه=مــن بـغـى مـمـشـاه يـقـعـد مرتـيـنـي
كـم ذبـح مـن حـايـلٍ مــن حــر مـالـه=وعـادتـه لطـمـة خـشــوم العايلـيـنـي
م/ن بدقه متنآهيه واحترآف فآئق .. :)