شفر 454
04-24-2009, 02:49 PM
هذه قصيــــده للشاعـــر / دهام الشمـــري
راكب اللي لامشى جاله هدير = أحمرٍ لونه مثل لون البسر
كامل ومكملٍ بديٍ وقـــــير = توّهم جابوه من فوق الجسر
لادعست البنص لجّك بالزئير = ولامسكت الخط يتليه النسر
خشمه اشهب قالبه كثر المسير = مايخيّب هقوتك يوم العسر
ماهو فكسٍ ذابحه كثر الشخير = لاشخلته طق, والقير انكسر
اشهد انه عزوة للي يطير = يمسح الطبلون وهزّاته تسر
هذي الميتين طبعه بالمسير = وفوقهن ستين في حال العسر
ولامشى كنك على متن السرير = ويتمايل في ليون وفي يسر
عيبه انه وانت ماتدري يطير = طقّع الرادار وللخطه كسر
قيمته يستاهله لوهي كثير = دام ماطوره على الدعسه جسر
ومن يجيب الجمس وينهج يستدير = خايبٍ رايه وللصفقه خسر
راكب اللي لامشى جاله هدير = أحمرٍ لونه مثل لون البسر
كامل ومكملٍ بديٍ وقـــــير = توّهم جابوه من فوق الجسر
لادعست البنص لجّك بالزئير = ولامسكت الخط يتليه النسر
خشمه اشهب قالبه كثر المسير = مايخيّب هقوتك يوم العسر
ماهو فكسٍ ذابحه كثر الشخير = لاشخلته طق, والقير انكسر
اشهد انه عزوة للي يطير = يمسح الطبلون وهزّاته تسر
هذي الميتين طبعه بالمسير = وفوقهن ستين في حال العسر
ولامشى كنك على متن السرير = ويتمايل في ليون وفي يسر
عيبه انه وانت ماتدري يطير = طقّع الرادار وللخطه كسر
قيمته يستاهله لوهي كثير = دام ماطوره على الدعسه جسر
ومن يجيب الجمس وينهج يستدير = خايبٍ رايه وللصفقه خسر