مشكلة بالونيت .. يطامر

[LTZ]

السلام عليكم ورحمة الله وبركاته

يالغالين اللي له خلفيه عن هالموضوع

أنا معاي ونيت شفر قطعه 10 دبل

موديله 2002

مشكلته يطامر بشكل مو طبيعي ومزعج جدا ً

علما ً بأن السيارهـ عضلاتها وجلدها واذرعتها سليمه

ومدبل لها مساعدات اماميه

والمساعدات الخلفيه جبريل وساحب سسته منه

قبل لا اشيل السسته كان يطامر وقال لي لو شلت سسته تخف الطمرهـ .. شلتها وابتلشت .. صار ما ينساق

ولا عليكم امر اللي له خبرهـ بالموضوع يفيدنا

[راعي معنا]

تأكد يالغالي من المساعدات شكلها متفقعه

[مخاوي المطاليق]

اتوقع ان تدبيل المساعدات اذا منت براعي حمول ومطامر ماله داعي يقسي المطب

[بندر]

اقرى عليه اول شي

وبعدين شيك علا هوا كفراتك

[شقران]

رجع موترك شد بلد ورجع السسته اللي ورى وخل هواء كفراتك 30 في الديرة و 35 في الخط وتمتع بالقيادة ..

[الجمرة]

والله ياخوي اغلب الظن تدبيل المساعدات هو اللي مقسيه

انا معي 2002 قطع عشره دبل و ما هانا ازين من مطبه بالعكس القطع عشره

اريح من الــ 2500

[الظاهري]

على فكره مساعدات الجبريل قاسيه ومافيه احسن من شد البلد
تدبيل المساعدات يخلي الموتر يطمر كتله وحدة ومطباته قاسية
اذا كان الموتر يهوس فوق تحت بدون قساوه اكيد المساعدات متفقعة
فيه مساعدات بالسوق تجي 3 وزنات تحكم بالوزنه الي تبي وهذي زينه للونيت

[فيصل الخالدي]

رجع السسته اول شي وبعدين المساعدات الجبريال الي ركبت زرق ولا بيض

ترا الزرق مطبها مطب شيول

والتدبيل اذا موترك مب رفيع ولا عليه كفر كبير يضرك

[LTZ]

الله لا يهينكم يالربع

غيرت المساعدات .. اللي هي جبريل اللي لوها ابيض

وركبت مونور MONROE غاز

ورجعت السسته اللي كنت فاكها وفكيت سستة التحميل

والحمد لله فرق كثير عن اول

الله يعطيهم العافيه

ولا يهينكم

http://image.become.com/imageserver/s5/1023086015-75-75-5-32/monroe-4-sensatrac-struts-shocks-dodge-caravan-01-to-07.jpg

[LTZ]

وخل هواء كفراتك 30 في الديرة و 35 في الخط وتمتع بالقيادة ..

عليه بوالين ماكسس 900/16 اتوقع انهم بيتمسحون لو اخليهم 30




رجع السسته اول شي وبعدين المساعدات الجبريال الي ركبت زرق ولا بيض

ترا الزرق مطبها مطب شيول

والتدبيل اذا موترك مب رفيع ولا عليه كفر كبير يضرك

اللي كانت عليه قبل لونهم ابيض وفكيتهم وركبت مونور

وانا مدبل الاماميه بس

آلحين خف المطامر عن اول بكثر

بس لا زال اذا فيه نزله بالشارع يطمر مرهـ وحدهـ .. يخلي الرديف اللي معكـ يقول سوق زي الناس :biggrin[1]:

هل هو كذا طبيعي ؟؟