عندي مشكلة بالعدادات .. وش الحل ؟

[راعي كحيلان]

السلام عليكم ورحمة الله وبركاته...

مشكلتي ياجماعة الخير بالطبلون عداد الزيت وعداد البنزين مايشتغلون يعني لو عبيت بنزين فل العداد يجي على الأخير وبعد كم كيلوا تشوفه رجع العداد للربع وش الحل ؟؟؟؟:mad:

[بندر]

يفيدونك الشباب

[ابو خطاب]

وعليكم السلام ورحمة الله وبركاته

موديل الموتر: ؟
تانكي ولا تانكيين :

[ابو نايف]

السلام عليكم
ابو خالد شيك على عوامت البنزين

[راعي كحيلان]

وعليكم السلام ورحمة الله وبركاته

موديل الموتر: ؟
تانكي ولا تانكيين :

موديله 2005 وتانكي واحد

[راعي كحيلان]

السلام عليكم
ابو خالد شيك على عوامت البنزين
والمشكلة عداد الزيت بعد خربان ؟؟؟؟

[بندر]

ماقد مررت علي

[شقران]

اتوقع العوامة وساعة الزيت بس اول تأكد ممكن تكون من الطبلون نفسه بحكم ان الاثنين جميع مايشتغلون ..

[Nizar]

مشكلة الطلبلون مع ان شكل العدادات كلاسيك لكنه الكتروني ويتعطل غالباً فجأة وبدون سابق انذار ...

صارت معي نفس المشكلة وغيرت الطبلون جديد ب 1800 من اوتو ستار .

[راعي كحيلان]

الله يعطيكم العافية جميعا .....

[تناهيت]

شيك على الطبلون قبل لأن المشكلة في عدادين موب عداد واحد بعدها شيك على عوامة التانكي ،،وبالتوفيق

[راعي وشيقر]

انا اتوقع انه من العدااد نفسه ..

لأن هالموديلات من 2003 معروفه بخراباتهاا ..

انا كان معي موديل 2004 وخرب حق الحراره ..
وديته لمحل وقال برمجه بـ 50 ريال ومدري يضبط ولا لا .. والثاني قال نغير العداد ونجيب مدري نزينه من دبي .. بـ 2000 ريال ..

وفيه محل بالصناعيه قد قريت عنه في مكشات يضبطه بـ 200 الظاهر ..

فيه طريقه يمكن تضبط ويمكن لاا .. ؟

افصل اصابع البطاريه .. وخله فتره كذاا تقريباا ساعه ..وشغل ..

اناا سويتهاا وضبطت ورجع زي ماكاان .. وبعد فتره خرب مره ثانيه ..

لكن هذاا مايمنع انك تجرب ..

ويعطيك العافيه ..

[الفريشه]

انا اتوقع انه من العدااد نفسه ..

لأن هالموديلات من 2003 معروفه بخراباتهاا ..

انا كان معي موديل 2004 وخرب حق الحراره ..
وديته لمحل وقال برمجه بـ 50 ريال ومدري يضبط ولا لا .. والثاني قال نغير العداد ونجيب مدري نزينه من دبي .. بـ 2000 ريال ..

وفيه محل بالصناعيه قد قريت عنه في مكشات يضبطه بـ 200 الظاهر ..

فيه طريقه يمكن تضبط ويمكن لاا .. ؟

افصل اصابع البطاريه .. وخله فتره كذاا تقريباا ساعه ..وشغل ..

اناا سويتهاا وضبطت ورجع زي ماكاان .. وبعد فتره خرب مره ثانيه ..

لكن هذاا مايمنع انك تجرب ..

ويعطيك العافيه ..

انا كان عندي جمس صالون م2005
نفس المشكله وغيروه لي الوكاله على الضمان

وسمعت ان المشكله هذا من موديل 2003 الى 2005

وقريت في منتدى مكشات عن المشكله وحلها

بالتوفيق

[راعي كحيلان]

شكرا للجميع ....... تحياتي

[عاشق z71]

اخوي البيان الجديد مختص بالشغله هذي مر عليهم لعلهم يفيدونك

[جمس 4434]

ماقدر افيدك بشي يالغالي والشباب مايقصرون

[بن غييثات]

انتو هاتو كهربائي صاحي ..

المشكلة اتوقع انها التماس بالطبلون .. لكن من يكتشفه

عندي موتري له اربع سنين .. اعبي بنزين على عماها

والزيت مثل والحرارة ساعة خارجية

مالقيت كهربائي صاحي يصلحها

يلطون قروش وغير وغير وتاليها زي ماهي

[راعي كحيلان]

جزاكم الله خير وكم مرة فصلت البطارية خمس الى سبع دقايق مافي فايدة لا وجت عندي اشارة هواء الكفرات وكم مرة اوزنها وترجع تطلع مرة ثانية ........ يعني مافي امل

[ابوناصر]

والله البنزين اتوقعه عوامت البنزين بس الزيت والله الله اعلم

[][أبـwgـاoـي][?]

آ?ذآ?ء آ?لبلى عن عدآ?د آ?لبنزٍين وٍ آ?لزٍيت وٍ غيرٍهـ، فآ?هذي مشكله بآ?لطبلوٍن يعني مشكله كهرٍبآ?ئيه مهيب مشكله ميكآ?نيكيه ...
لآ?بد من آ?لكهرٍبآ?ئي يشيكـ، على آ?لطبلوٍن وٍ آ?لحسآ?سآ?ت ...
وٍ هذآ?ء مآ?عندي على قد خبرٍتي ...
تحيآ?تي لكـ،

[راعي كحيلان]

شكرا لك يالغالي ,,,,,,,,,,

[k3ke]

صارت في موتر الوالد وغيرنا الطبلون كامل

[متعب المعاميل]

اللي انا متأكد منه

عداد البانزين علته بالعوآمه

والله يعينك على قيمتها

شريت عوامتين يمين ويسار لونيت م 79 ب 750 الوحده يعني الثنتين ب 1500

كيف الجديد !!

اما عداد الزيت يفيدونك الشباب

[مشداد 2500]

جميع موديلات الجمس من 2001 الى 2006 فيها عيب فى التصنيع بالنسبه للطبلون وهذا موجود فى سيارتى عندى 4 عدادات خربانه الحراره والزيت والبنزين وضغط البطاريه

[دينالي تركوازي]

ياجماعه الخير انا صارت معي بموتري 2003 عداد البنزين والزيت وديته لورشه طحت فيها صدفه بالصناعيه القديمه وغير لي الامبيرات نفسها غيرها مستعمله من عنده والحمد لله ضبطت وشغاله عندي مثل اللوز