المساعدات المناسبة لكل سيارة .....

[هاوي الـ G M C]

السلام عليكم ورحمة الله وبركاته



من المعلوم أن بعض السيارات تجي مساعداتها من الوكاله غير مناسبه أو غير مريحه أو لا تتحمل المطبات والتطعيس فيلجأ البعض الى تبديل المساعدات بأخرى مثل جبريال أو مرسدس أو أستراليه أو رانشو.

أرجو من الجميع المشاركه بخبرتهم من واقع تجربه ماهو أفضل مساعدات خلفيه وأماميه جربتها مع ذكر السياره اللي جربتها عليها.
ننتظر مشاركاتكم..

وتقبلوا تحياتي

[ابو خطاب]

مونرو- زيت للجمس 8 مساعدات. قطع10 84

[fahad487]

أنا جربت المساعدات الاستراليه اماميه والحمدلله مرتاح منها الموتر وانيت 2006 غماره ونص

ملاحظه : ماجربت مساعدات غيرها

[GMC.vortec]

انا جربت مساعدات جبريال البيض والوضع ممتاز والمطب خفيف [ الرصيف ولا شي ] 2003 رفرف بدون دبل
ملاحظه : ماجربت مساعدات غيرها

[متعب المعاميل]

وانا جربت مساعدات جبريال .. البيض .. امامي وخلفي

والوضع ممتآز جدا ً

ملآحظه : ماجربت غيرها الا الـ الاسدلكو ركبتها شهر وفكيتها

وبالتوفيق

[тзв }??]

وانا جربت جبريال البيض على كيف كيفك حطيت اربع قدام واثنين ورا

[ونيت جمس]

مشكوووووور والله يعطيك الف عافيه

[حرب]

استخدمت كثير من انواع المساعدات لاكن غير الاسترالي (نيترو) ماحصلت صح انه غالي لاكن يستاهل00
جربته على VXR وعلى باترول
وعلى فكره تراني راعي مطامر بالبر
وهذي صورته

http://www.cars-club.com/up/8-2-1/carsclub_87230678.jpg

[هاوي الـ G M C]

تجارب رائعه

بس ياليت الموضووع يثبت عشان نسفيد ويستفيد ضيف المنتدى

[شمالي]

السلام عليكم ورحمة الله وبركاته

اخوي الله يعطيك العافيه على الموضوع المفيد كثير

بالنسبه لي مره رحت اغير مساعدات لجمس رفرف 83
ورحت لواحد معرف في تربيط وتوليف المساعدات للجمس
المهم قالي اذا تبي السياره تصير مريحه وبنفس الوقت تتحمل التحميل
قال جيب مساعدات باص تايوتا (الباص الصغير مو الكبير )
او مساعدات جيب تايوتا موديل 83 او 84 زيت وليست غاز
وبالفعل قلت خليني اجيب مساعدات الجيب وركبها والسياره صارت اريح من اول بكثير
حتى في المطبات والبطانيج
هذا ما عندي وحبيت افيدكم فيه

ولا هنتم جميع

[نسكافيه]

انا غيرت الخلفية لان كان فيه واحد منفقع

ومن الدلاخة غيرت 2 والواحد طلع ب1300 :frown[1]::frown[1]:

لان فيه حساس ومدخل بيب هوا لان الموتر هيدروليك

اما قدام مدري

الله يعين حقين 2500 قروشة والله

موتري 1500 ولا اريح منه ماشاء الله تبارك الله :43759.imgcache[1]:

[سييرا 2009]

شباب سيارتي سييرا 2009 مقاس 2500 وقاسي مرة في المطبات احسه بيقربع بعد فترة
وش تنصحوني فيه
تحياتي

[chevy c10 85]

مساعدات اولد مان

من افضل المساعدات واقواها

[سواليف]

انا معاي شفر 1500 موديل 2005

الموتر بالخط حساس لاي مطب

وبالنفود اذا جا الغراز قام الدفرنس يناقز او اذا نطحت النفود وعطيته قام يناقز ذنب الموتر كنه ددسن

والمساعدات اللي عليه ورا لونها ازرق ولا لقيت مثلها جبريل لان جبريل اقصر من اللي على الموتر ويقولون تلقاها بالرياض

وش الراي يا جماعة الخير

[MTC_959]

انصحك مورانو سواقة الموتر تختلف عنك تماماً

[راع الجمس]

انا اقول مورانو

كايفه ومريحه وتتحمل التحميل وفي البر ما عليها خلاف

[ali 454 LS6]

في وكيل جبريل في الدمام جنب محل السهاله حق قطع غيار الجمس أسم المحل بن سبت

[سواليف]

اشكركم على ردودكم

ولكم انا بالقصيم وهل مورانو مريحه بالخط والديره

وانا بالقصيم وكم سعرها

[الدغيم]

يعني نركب جبريل ولا أيسي ديلكو
على وانيت موديل 72

[mzmz]

مالك الى مونورو الله لا يخلينا منها

تخلي وجه السيارة واقف هذي وهي 2 سواء امامية او خلفية اجل لو 4 والله ما تهتز السيارة في اي طعس او مطب

[المركاز]

مساعدات جبريال تفي بالغرض وتقدر تتحكم بعدد الطقات الموجودة في المساعد من الخفيف الى الثقيل على حسب رغبتك،،،،

[saad-123]

مشكورين اخواني على الموضع الجيد

انا اعاني من مشاكل مع المساعدات جربت الأيسي ديلكو والجبرين الابيض

وبعدني احس الموتر خشن من الأمام واجد
اشان كدا للحين ما بدلت المساعدات الخلفيه حق الوكاله

طبعاً المتر موديل 2000 دبل
حجم 2500
اتمنى انكم تساعدوني في افضل نوع من ناحيت الراحه

مع العلم اني ادخل بالموتر البر ( اطلع به التل والهلال على الطعس من هواياتي )
http://www.cars-club.com/up/8-2-1/carsclub_55226887.jpg

[طير شلوا]

انا صراحه مركب قدام مرسدس بلاستين
ورا مساعدات في اكس ار والموتر الحمد لله جايزلي
بس ترا انا احب الموتر يكون شابص يعني قاسي ما يطامر
الموتر قطع عشره دفرنسين 2002

[هاوي الـ G M C]

يااخواان ...نبي مساعدات للجمس سوبر 2500 97 ...

الغااز ..ماينفع ...لانه ثقيييل ..ويتفعن على طووول

جبريااال قاسياات بالحيل ...صددق انها تطوول بالعمر ....

فما المساعدات المناسبه يااخوان ؟؟؟

[123789]

اقتباس:
انا معاي شفر 1500 موديل 2005

الموتر بالخط حساس لاي مطب

وبالنفود اذا جا الغراز قام الدفرنس يناقز او اذا نطحت النفود وعطيته قام يناقز ذنب الموتر كنه ددسن

والمساعدات اللي عليه ورا لونها ازرق ولا لقيت مثلها جبريل لان جبريل اقصر من اللي على الموتر ويقولون تلقاها بالرياض

وش الراي يا جماعة الخير
______________


رحم الله والدينك هذا الي يخلي الموتر يغرز.

لاجيت غراز قام يناقز تقول ددسن.
وش الحل ياهل الخبره.

الظاهر مافيه الا تدبيل مساعدات.

مع الشكر.

[سلامات]

انا موتري اللي بالتوقيع ....
الشكل الجديد وجهه لين كثير ومايتحمل البر وانا ركبت عليه رانشو
ويازين الزين ضمان 10 سنوات وفرار تلينه وتقسيه على كيفك 9 طقات ولا احلى ويركب مكان الوكاله بدوووون ترهيم .

[Moshakes13]

موضوع شيق :)

عندي بليزر 91
المساعدات الامامية مدبلة
2 جبريال و2 اي سي دلكو
الخلفية كنت مركب مونرو
لاحظت الموتر اقسى من اول
رجعت بدلتها وركبت اي سي دلكو
الموتر الين بكثير
لكن السيارة مجملا قاسية في المطبات

ننتظر باقي التجارب

[ابو شكمانين]

والله موضوع حلو ويستاهل التقيم والله واشكر صاحب الفكر ...تقبل مروري

[صياد النسور]

والله ما شفت زي الـ bmw
كانت فوق السطحة
والسطحة تنقز في الخط وهو سااااااااااكن ورااااسي
لو تركب مساعداته على الجمس كان فلللة
تاكل المطب بدون ما تدري :)

[G M C 2002]

انا عندي ونيت جمس 2002 وجربت مساعدات مونرو الخاص للهمر وطقيت طقم قدام وورا لأنه يجيى مطور يعني بلفين اي صمامين داخل المساعد ويسمى ( رفلكس ) زيت وغاز مع بعض والزين انه عملي وغير مع المطبات الخفيفه يصير نظامه خفيف ومع الحفر والمطبات القويه والتطعيس يصير قوي . طبعا مثل نظام البانوراما والكدلك الجديد على الكهرباء بحساس للمطبات لكن المونرو نظام عادي بدون كهرباء والدليل انه قوي انا جربته قبل مااركبه بالظغط على المساعد على جدار المحل والله انه قوي بايديني الثنتين . مع ملاحظة الشركه الوحيده اللي تظمن لمدة سنه او 20000كيلو . وموقع المحل بالصناعيه القديمه خلف البنك الأهلي على طريق الأمير سلمان امتداد مخرج 17 . وسلامتكم