استفسار

[تيتشر]

بسم الله الرحمن الرحيم




موتري ان مشيت به ترتفع الحراره مع زيادة السرعه كل ما اسرعت كل ما زادت الحراره بس ما قد وصلت النص , مع العلم ان المراوح والتماتيك شغالين 100 %والبلف موجود , لذا ماهي الاحتمالات جزاكم الله خير وهل راس المكينه يكون واحد من الاحتمالات ؟؟ واذا كان راس المكينه كيف اعرف ان المشكله منه ؟؟
هذا اذا ما علمنا ان السياره موديل 93حوض طويل ومكينتها 350 قير عادي l ,1 , 2 , 3
وقد أخبرني الميكانيكي ان القير هذا مو لها شد بلد عشان كذا يصير فيه تحميل على المكينه وتجي الحراره لأن قير الموتر شد بلد يجي زيادة نمره فتكون المكينه مرتاحه .
مع العلم اني توني مركب رديتر المنيوم ومعبيه مويه حمرا اصليه مع مويه مقطره .
فياليت ياليت تحطون جميع الاحتمالات عشان الف عليها واحد واحد .

[chevy c10 85]

يمكن من الترموستات او غطاء الراديتر مو اصلي ومن الاحتمالات شوف البلاستيك اللي يجي بين المروحه والماكينه قطعتين تركب علي الراديتر فوق وتحت شكلها دائري وتفتر المروحه داخلها اذا مو موجوده وملغيه وهي احد الاسباب للحراره او طرمبه الماء كثيره الاسباب افحصها جميعها وان شاء الله تحل المشكله كلام الميكانيكي مو صحيح ونقص نمره من نمر القير ماتسبب حراره موفق خير

[تيتشر]

مشكور اخوي

بالنسبه للبلاستيك موجود اما الباقي راح اشيك عليه بانتظار ردود الشباب

[تناهيت]

هلا بك تيشر .....حرك تبلش عرفت هالمقولة بمعنى اننا نوسوس واجد وبالتالي نضر الموتر وهو ما فيه شي ..انا مجرب هالموديلات وفاك 94 وكاله الجميح ومروحته ميكانيكية ومن يوم خبرته الى ان بعته قبل شهر وحرارتة الثلث قبل النص بشرطه ومع الجور في القوايل تآآصل للنص طبيعي ....وبما انك مغير الرديتر فلا اعتقد فيه مشاكل وحرارته اشوف انها طبيعية جدا والقير ونا اخوك ماله علاقه ان كانك تبي تشيك شيك مجاري التبريد أو غيرها كلها وسو غسيل للرديتر بجهاز الضغط حتى لوه جديد لأن ضغط المويه راح يمر داخل الطرمبة والمكينة ويشيل الشوائب المترسبة ...(الخراطيش مع القفيز+كوع المويه مهم+غطا الرديتر +غسيل رديتر ) بس اهم شي الكوع خذه اصلي قيمته بــ45 ريال والغطا اصلي بــ35 ريال ...

راس المكينه احتمال ضعيف ...لاكن ارفع العيار وشف نهايته فيه آثارا احتراق زيت ولالا وهل القربه تدفع الموية للخارج ولالا وايضا نقص المويه باستمرار

تحياتي

[متعب المعاميل]

تيتشر بعد اذنك

ويقول المثل كل مشروك مبروك

وانا موتري لين ذالحين وهو وآقف عند المركز اللي عند شركه الكهرب اول ماتطلع من الرياض من الاجتماع السادس !!

والسبه الرديتر .. ولا الله كتب اني افضى له .. جت العطله وانا ذالحين بالطايف

ياليت تعلمونني وش افضل النحاس والا الالمونيوم .. ووش الافضل

رديتر السلامه والا المطلق .. ؟؟

واذا فيه انوآع ثانيه ياليت تذكرونها

لاني ان شاء الله وانا راجع من الغربيه على طريقي بصلحه

لاهنت ولاهانو الربع

بأنتضاركم

[شقران]

تيتشر الجو هاليومين حر موووووووووت , اعتقد للنص طبيعي انا موتري يوم شد الصيف زادت حرارته ربع كامل والكل يقول طبيعية, اللهم اني حطيت له راديتر 8100 وخفت شوي لكن برضة ماهي حرارته اللي اعرفها فيه ..

[تيتشر]

جزاكم الله خير وما قصرتوا

[محمد الحميدان]

اذا الحراره ترتفع مع زيادة السرعه فاتوقع السبب من البلف يكون قافل ما يفتح

[ابو خطاب]

السلام عليكم .. حي الله أستاذنا الفاضل و مربي الاجيال . . يبدو ان ردي سقط سهواً !.
الشباب ما قصروا عطوك معلومات طيبه. وبعطيك ما عندي لعل فيه نفع ومقابل كل معلومة رد مناسب له حتى لا اشتتك وكثر عليك.





بسم الله الرحمن الرحيم






موتري ان مشيت به ترتفع الحراره مع زيادة السرعه كل ما اسرعت كل ما زادت الحراره بس ما قد وصلت النص
1- تراكم الشوائب والكلس داخل مجاري الماء في البلك والراس مرتبط دائماً بهذه الملاحظة وذلك بعد التاكد من ان البلف سليم ويفتح بشكل كامل ولا يؤخر تدفق الماء. علاجها غسيل مجاري الماء بالمكينة واحرص ان يكون الغسيل عكس دورة الماء+ اضافة مادة تذيب الشوائب تجدها عند محلات ادوات السيارات. وللعلم اغلب محركات الجمس القديمة تعاني هذه المشكلة فبتنضيفها المتقن تختفي المشكلة باذن الله.
, مع العلم ان المراوح والتماتيك شغالين 100 %والبلف موجود , لذا ماهي الاحتمالات جزاكم الله خير وهل راس المكينه يكون واحد من الاحتمالات ؟؟ واذا كان راس المكينه كيف اعرف ان المشكله منه ؟؟
اذا كانت القربة تفور بدخول الهواء من الراس الى مجاري الماء ويتبعها ايضاً تحجر خراطيش الماء من تنسيم الراس. والماء ينقص بشكل دوري دون وجود تهريب. وقبل هذا كله الحرارة تصل الى ماقبل الاحمر . وانت تقول ما قبل النص اجل راس المكينة انظف من النظيف.
هذا اذا ما علمنا ان السياره موديل 93حوض طويل ومكينتها 350 قير عادي l ,1 , 2 , 3
وقد أخبرني الميكانيكي ان القير هذا مو لها شد بلد عشان كذا يصير فيه تحميل على المكينه وتجي الحراره لأن قير الموتر شد بلد يجي زيادة نمره فتكون المكينه مرتاحه .
اذا الار بي ام معتدل فماله علاقه النمر.
مع العلم اني توني مركب رديتر المنيوم ومعبيه مويه حمرا اصليه مع مويه مقطره .


فياليت ياليت تحطون جميع الاحتمالات عشان الف عليها واحد واحد .

الحر في الاسابيع الماضية لا يقاس عليه .. فحتى سيارات جديدة اشتغلت فيها السرعة الثالثة القصوى لمراوح الكهرب. من شدة الحر . الله يرحمنا برحمته.

[تيتشر]

جزاك الله خير يبو خطاب

بصراحه الاحظ دائما تحجر في خرطوش الماء بس ماعمري سمعت القربه تقرقع والبلف جدييييييييد توني مركبه

وسبق وغسلت مجاري الماء بالماده هذي يوم ركبت الرديتر

بس قبل كم يوم وقفت عند بيتنا ويوم طلعت بعد 10 دقايق لقيت موية الرديتر تقريبا كلها بالارض

صبرت لين الصبح ويوم فتحت غطاء الرديتر لقيت كومة تراب كنها كانت ناويه تطلع من الغطاء بس ما قدرت

عبيت الرديتر ونظفوه ومشيت للصناعيه ولقوا وحده من السدات منشقه وغيروها ونظفوا السلندر بس بالمويه مو بالماده اللي قلتها يبو خطاب

بالنسبه لـ rbm ماعندي بالطبلون بس ماحس ان المكينه تحن هذا اذا ما اخذنا بالعلم ان المكينه مركب لها عمود