وين أحصل القزوز الأصليه [الأرشيف] - نادي عشاق وملاك الجمس والشفر الحوض

مشاهدة النسخة كاملة : وين أحصل القزوز الأصليه

تيتشر

07-12-2009, 02:06 AM

بسم الله الرحمن الرحيم

اخواني ياليت تدلوني وين أحصل قزوز مكينة 350 ( الأصليه )
لأني حست ودورت وما لقيت الأصليه
مع العلم اني من سكان الرياض

شفر 454

07-12-2009, 02:19 AM

بسم الله الرحمن الرحيم

اخواني ياليت تدلوني وين أحصل قزوز مكينة 350 ( الأصليه )
لأني حست ودورت وما لقيت الأصليه

مع العلم اني من سكان الرياض

بالتشــــاليح

وبكثـــره

Sierra Denali

07-12-2009, 02:42 AM

وش تبي بقزوز اصلية حط له هدرز وانا اخوك ازين لك وازين له ..

بن غييثات

07-12-2009, 03:29 AM

ماخبرت يجي للجمس قزوز تجارية

وهقوتي التشاليح كل الي فيها اصلي

متعب المعاميل

07-12-2009, 03:45 AM

موجوود بالتشاليح وبكثرره

وفيه واحد بمحل كريستآل بالثقبه شارع مكه انا واقف عليه

بس اكيد غالي واي خدمه حااضرين

بـلـيـهـان 1

07-12-2009, 03:48 AM

تحصل أصلي و بكره في التشاليح لهذه المكاين خصوص .. لكثر السوابر المجدعه هناك .. :)

واسعارها أتوقع حدود 400 أو 300 ريال

..

و مثل ما قال ابو سليمان ركب هدرز يطلع لك عزم شوي و يخلي المكينه تتنفس أكثر

بحر القصيد

07-12-2009, 07:16 PM

Sierra Denali

07-12-2009, 07:46 PM

الله ييسر لك امورك والشباب مايقصرون بإذن الله

ياااااااااااااحبكم لتخريب الناس يابو سليمان انت وبليهان اجل هدرز هاه :) وان كان الرجال شايب خخخخخخ

لكن الكلام وييييييييييييين توجد شكامين الـ454 أصليه من المكينة للعكفات الأخيره؟؟؟؟؟

ابوعايض ياخوي وش بلاك خل الرجال يفلها ويستانس ..

على فكرة انا كنت مره عند مصنع العتيبي للشكمانات في الدمام وشفتهم يركبون لجمس 454 مواصفات شد بلد يعني لا كبير ولا صغير , والحقيقة انه جاز لي حيل شغلهم ..

بحر القصيد

07-12-2009, 07:52 PM

ههههههههههههههههههههههه يفلها هاه ياخوي انا لاركبت هدرز على جيب ماعاد جاني النوم

من الخبال أجل تبيني انصح لي أحد بهدرز على 8سرندل لااااااااااااااااااوالله إلا رحنا وطي

بعدين ال350 يالله يمشي إن كان الهدرزات مهيب على بق بلوك وإلا ماتنفع

ومن ناحية الشكامين يابو سليمان هذا تجاريه

وعلى قولة اخوي مطلق السلمان كلها يجيبونها من مصنع العتيبي اللي فالرياض

اما أصلي ماتلقى جديد مستعمل ممكن

لكن ياخي مالك حق كان عطيتها تعكيسه <<<تعكيسه هذي كلمة الشيبان يعني كان صورت الشكامين

عشان نشوف ان كانها مثل شد البلد اجل انا اول من يركبها

لاهنت يابوسليمان وبيض الله وجهك

بن دريويش

07-12-2009, 08:11 PM

الأصلي موجود

و الهدرز الأصلي usa بعد موجود

أطلب لك فلوماستر وعش حياتك

بحر القصيد

07-12-2009, 08:15 PM

هتلر على ايدك شكامين 454 اصليه من الروس للعكفات الأخيره ؟؟؟

وين عنوان محلهن لكن لاتقولي الكرستال شف لي غيره

وبيض الله وجهك

chevy c10 85

07-12-2009, 09:50 PM

عط الموتر هدرز مع دبات فلوماستر ويا سلام لو تكملها بكام سنع يطلع شغلك تمام

تيتشر

07-12-2009, 11:28 PM

انا كل وقتي وانا خايف من هالنادي ان أحد يأثر فيني واتهور وابدأ بشغل الترهيم والهدرزات والكامات والبق بلوك ,,, الخ

موتري جمس 93 اللي يجي صندوق طويل وناوي اركب له شد من السنيدي وناوي اخليه حق كشتات فقط مو للفلـّـه اللي بزياده

<<< يقول بنفسه يارب محد يجي ويقنعني

القزوز اللي بالتشليح مستعمله

أبي قزوز أصليه وجديده لا هنتوا فيه محلات تبيعها ؟؟

والأخ اللي بالثقبه تراني من سكان الرياض

مطلق السلمان

07-14-2009, 07:53 PM

أخوي العزيز بالنسبة لمحل كرستال في الثقبة وأنت تقول ساكن في الرياض لكن محل كرستال متخصص في بيع القطع للجموس من موديل 1978 وحتى 1987 يعني الشكمان اللي عنده لا يخص موترك.

شوري عليك تروح وكالة الجميح أو بالبيد أو العيسى وتشوف موجود الشكمان أو لا إذا ما هو موجود خذ رقم القطعة يعني رقم الشكمان وروح شيك في الوكالات وإنشاء الله تلقاه لأن الطلب على شكمان الجمس موديل 93 شبه معدوم إنشاء الله بتلقى ، أكثر الطلب على الشكامين بالنسبة للموديلات القديمة هي اللي عليها ضرب عصي.

وفية عندكم محلات قطع غيار في الرياض معروفة في دويرة الخرج + شارع الجمعية ( مثل محل السبيعي + باقادر + الرسام ) يمكن أتحصل عندها أو في الكويت أحتمال تلقى أنا كلامي على الجديد أما المستعمل مثل ما شاروا عليك بعض الأخوان التشاليح ولكن الجديد والأصلي غير يعطي منظر ما ألومك.

مطلق السلمان

07-14-2009, 08:04 PM

هتلر على ايدك شكامين 454 اصليه من الروس للعكفات الأخيره ؟؟؟

وين عنوان محلهن لكن لاتقولي الكرستال شف لي غيره

وبيض الله وجهك

أخوي العزيز بحر القصيد والله شاهد على ما أقول أن فيه شخص كلمني وشاري طقم شكامين أصلية 454 ( العكفة فقط ) يمين ويسار من شخص كان أمخزن الشكامين عنده بـــ ( 4000 ) أربعة ألاف ريال وشفت الشكامين أصلية وجديدة، وعطاه واحد من الشباب ستة ألاف وعيا يبيع طبعاً الشكامين جديدة ولكن للأسف الشديد أسعار القطع أرتفعت بشكل جنوني وبعض التجار الجشعين أستغلوا عدم وجود بعض القطع في السوق ورفعوا أقيام القطع الأكسسوارية والمحلات هاذي معروفه وبدأ مجموعة من الشباب بمقاطعة المحلات اللي تبيع قطع الغيار الغالي التشليح أرحم بواجد ، لكن الجديد وأنا أخوك يذبح.

تيتشر

07-15-2009, 01:20 AM

اخوي مطلق

انا ابي قزوز فقط وليست شكامين

وفعلا بروح للوكالة وان شاء الله القى

مطلق السلمان

07-15-2009, 05:32 PM

ههههههههههههههههههههههههههههههههه
الحقيقة تلخبطنا شوي مرة نقول شكمان ومرة ثانية أنقول قزوز.