مالي بعد الله الا انتوا فزعتكم يا الذيابه

[ونيت جمس]

السلام عليكم ورحمة الله وبركاته

ياشباب انا عندي موتر جمس غمارتين شاص طويل دبل موديل 91 مكينته 350
المشكله في القير حقه فيه عطل كان اول فيه صوت عند تعشيق القير من 2 الى 3 والعكس وصوت في التعشيق للريوس كشفت عليه قالوا عندك تروس غيرها هاذا الكلام يوم انه كان يمشي الان تعطل القير تحطه في الاول ولا اي نمره خفيف جدا ولا يعشق والظاهرانه لاقم الاول لني ما اقدر اشغله الا لما احط رجلي على الكلتش ولما ارفعها ينتع ويطفي حتى لو دعست بنزين والقير عاديو هو عباره عن Lو1و2و3و ثمن رابع اعتقد انه على شكل D وهو حديد , طبعا اخوي امير المصفحات الله يطول بعمره على طاعته ما قصر معي وبيض الله وجهه ودلني لورشة الموسى في الصناعية القديمة رحت لهم اليوم قابلني هاذا السوري وقلتله على المشكله راح يكلمني من طرف خشمه ورفع صوته علي بدون السبب الظاهر من حرارت الجو:43610.imgcache[1]: المهم وهي تقفل معي وبغيت اطب ببطنه :43642.imgcache[1]:بس لعنة ابليس واكلمه عن السعر قالي ببدله بواحد نوظب ب 3000 ريال وضمان 15 يوم بس وهي تقفل زياده معي الكلام هاذا وهو ما فحص ولا نزل الموتر ويقول ان القير خمسه نقل والله يا الربع اني ما صدقت طلعت من عنده وما مديت ايدي عليه وضاق صدري بقوه من الموتر ومن كل شي المهم فزعتكم نبي واحد يزينه عشان ابيعه وابغى واحد شغله نظيف ويخاف الله عشان ابري ذمتي عند بيعه وتقبولوا تحياتي وشكر لكم مسبقا واخص اخوي امير المصفحات واقوله بارك الله فيك وبيض الله وجهك

[حرب]

من رأيي اشتر قير من التشليح 500 اوفرلك ولا توظب ولاغيره00

[ونيت جمس]

اخوي حرب بأي تشليح النظيم ولا الحاير واذا تعرف محل معين ممكن تزودنا بمعلومات عنه

اذا غيرته بقير 500 يلزم اغير معه شي ثاني ولالا

[حرب]

والله ماني من الرياض ولااعرف شي بالرياض
لاكن تشاليح القصيم رخيصه وتحصل بنفس القيمه ويمكن مع التركيب اذا تبي تجيب الموتر ولا يبيله شي ثاني يحتاج تغيير
وانا بخدمك انت وجميع الاعضاء00

[ابو خطاب]

السلام عليكم ورحمة الله وبركاته

ياشباب انا عندي موتر جمس غمارتين شاص طويل دبل موديل 91 مكينته 350
المشكله في القير حقه فيه عطل كان اول فيه صوت عند تعشيق القير من 2 الى 3 والعكس وصوت في التعشيق للريوس كشفت عليه قالوا عندك تروس غيرها هاذا الكلام يوم انه كان يمشي الان تعطل القير تحطه في الاول ولا اي نمره خفيف جدا ولا يعشق والظاهرانه لاقم الاول لني ما اقدر اشغله الا لما احط رجلي على الكلتش ولما ارفعها ينتع ويطفي حتى لو دعست بنزين والقير عاديو هو عباره عن lو1و2و3و ثمن رابع اعتقد انه على شكل d وهو حديد , طبعا اخوي امير المصفحات الله يطول بعمره على طاعته ما قصر معي وبيض الله وجهه ودلني لورشة الموسى في الصناعية القديمة رحت لهم اليوم قابلني هاذا السوري وقلتله على المشكله راح يكلمني من طرف خشمه ورفع صوته علي بدون السبب الظاهر من حرارت الجو:43610.imgcache[1]: المهم وهي تقفل معي وبغيت اطب ببطنه :43642.imgcache[1]:بس لعنة ابليس واكلمه عن السعر قالي ببدله بواحد نوظب ب 3000 ريال وضمان 15 يوم بس وهي تقفل زياده معي الكلام هاذا وهو ما فحص ولا نزل الموتر ويقول ان القير خمسه نقل والله يا الربع اني ما صدقت طلعت من عنده وما مديت ايدي عليه وضاق صدري بقوه من الموتر ومن كل شي المهم فزعتكم نبي واحد يزينه عشان ابيعه وابغى واحد شغله نظيف ويخاف الله عشان ابري ذمتي عند بيعه وتقبولوا تحياتي وشكر لكم مسبقا واخص اخوي امير المصفحات واقوله بارك الله فيك وبيض الله وجهك

عليكم السلام ورحمة الله وبركاته.
لا زال الموتر يابو فهد ماسويت فيه شي ؟؟ يبدو ان وقتك مضغوط شوي . . انامن رايي بالترتيب :
1- هل اكيد ان المشكلة من القير ؟ وهل هذا القرار بناء على فحص ميكانيكية ام اجتهادات ؟
2- اذا كان تم فحصه فهل فحصه وتاكد من المشكلة واجمع على ذلك عدة ميكانيكيين او على الاقل من ميكانيكي خبير واثبت مشكلة القير بفحص دقيق عكس ما ذكرت ان السوري مافحصه ؟
3- بعد الفحص والتاكد من العله وهل هي توضيب او ما قبل ذلك.
4- فان كانت عصى القير او هلالات القير او كلتش منتهي فهذا ما سيثبته الفحص الدقيق.
5- في حالة ان القير يحتاج توضيب فلافضل قير من التشليح (الحاير طبعاً لان ما عاد فيه تشليح نظيم شالوه).
6- اذا لم تجد مكيانيكي خبير وفاهم يقدر يشخص المشكلة فانصحك بمركز ترايستار فهو متخصص بالقيور عموماً ويعطي ضمان 6 شهور. موقعه خلف ورشة بن مرضاح (ابو عبدالله) صاحب خصم النادي .
7- او الذهاب به الى تشليح الحاير ستجد قيور نظيفة باذن الله . وابدء يتشليح السالم نصوح ومنصح وسعره معقول . موقعه اخر تشليح الحاير بالتشاليح القديمة بعد ما تمشي بالشارع الرئيسي لتشليح الحاير 3 كيلو تقريباً ويقفل معك حرف t لف يمين واستمر اذا نزل الشارع تلقاه على يسارك بالزاوية وهذا جوال ابو سالم الشايب محمد السالم : 0501911244 يرد عليك من اذان الظهر الى المغرب.
اما لو كنت مكانك يابو فهد كان اسوي التالي :
بعد ما اتاكد ان القير موجود مثله عندهم . . اشيله بسطحه ولا اوقفه الا بتشليح ابو سالم لانه ( ثقه وقنوع و شغل ذمه) وقولهم متى يخلص الموتر. وخليهم يفحصونه ويغيرون له ما يلزم . ولو هو بعيد بالحاير.

ارجو اني حجرتلك من كل جهه :) . وتقبل تفاصيلي بصدراً رحب.

[ونيت جمس]

اخوي حرب بيض الله وجهك كفيت ووفيت شكرا لك

اما اخوي ابو خطاب فوقتي فعلا مضغوط وما التفت للموتر الا من قريب وابغى ابيعه واسافر لقطر بعد العيد نسئل الله ان يبلغنا رمضان واياكم اجمعين المهم اخوي ابو خطاب بالنسبه لأسئلتك فأجابتها على النحو التالي:

1- هل اكيد ان المشكلة من القير ؟ وهل هذا القرار بناء على فحص ميكانيكية ام اجتهادات ؟
1- فالنسبه للفحص فيوم كان الجمس يمشي فحصته عند مركز فحص في معارض النسيم وكاتنوا يسمعون صوت تغيير القير وقالوا عندك التروس الثاني والثالث والريوس والقير يبي له توضيب .

2- اذا كان تم فحصه فهل فحصه وتاكد من المشكلة واجمع على ذلك عدة ميكانيكيين او على الاقل من ميكانيكي خبير واثبت مشكلة القير بفحص دقيق عكس ما ذكرت ان السوري مافحصه ؟
2- المشكله ما اعرف مكنيكي صاحي للقير والمشكله ان السوري قالي فكه بس ب 400 ريال ولا هوب بيحسبها من قيمت التصليح .

3- بعد الفحص والتاكد من العله وهل هي توضيب او ما قبل ذلك
3- ما فهمت وش تقصد بالضبط.

6- اذا لم تجد مكيانيكي خبير وفاهم يقدر يشخص المشكلة فانصحك بمركز ترايستار فهو متخصص بالقيور عموماً ويعطي ضمان 6 شهور.
6- مدري اخوي خطاب بس مو ترايستار حق اتوماتيك بس ولا يقدرون يفحصون العادي

7- بالنسبه للوصف عرفته وبالنسبه لرقم الرجال قاعد ادق وجواله مقفل

كلمه اخيره : شكرا لك يبو خطاب وبيض الله وجهك وما قصرت

[حرب]

2- المشكله ما اعرف مكنيكي صاحي للقير والمشكله ان السوري قالي فكه بس ب 400 ريال ولا هوب بيحسبها من قيمت التصليح .
فك القير وتركيبه بالقصيم 150 فقط00وتوظيب يبي ياكل فوق الف وخمسمية ريال تقريباً

[متعب المعاميل]

يالغالي

انصحك بتغيير الكلتش والقير

القير اذا غلااا ب 800 ريال

والكلتش ب 450 اسي ديلكو .. مدري اذا فيه نوع ثآني الله العالم

وشغل اليد 400 ريال تنزيل القير وتغييره و 100 ريال تركيب كلتش

والله يوفقك

واذا لقيت حل لا تطنشنا علمنا وش السالفه

بالتوفيق

[ابو خطاب]

اخوي حرب بيض الله وجهك كفيت ووفيت شكرا لك

اما اخوي ابو خطاب فوقتي فعلا مضغوط وما التفت للموتر الا من قريب وابغى ابيعه واسافر لقطر بعد العيد نسئل الله ان يبلغنا رمضان واياكم اجمعين المهم اخوي ابو خطاب بالنسبه لأسئلتك فأجابتها على النحو التالي:

1- هل اكيد ان المشكلة من القير ؟ وهل هذا القرار بناء على فحص ميكانيكية ام اجتهادات ؟
1- فالنسبه للفحص فيوم كان الجمس يمشي فحصته عند مركز فحص في معارض النسيم وكاتنوا يسمعون صوت تغيير القير وقالوا عندك التروس الثاني والثالث والريوس والقير يبي له توضيب .
فحص مراكز معارض النسيم (لم ينجح احد) فحص هات فلوس. وفحص الميكانيكي وقوله ان النمر تعبانه عاري من الصحة لانه قبل يخرب ترس النمرة فيه قبلها نحاسات مهمتها تعديل سرعة التروس لتكون سرعتها واحدة . فيسهل نقل النمرة من رقم الى رقم. وهي تتأكل قبل يخرب الترس واذا تاكلت يصير ما يغير الا بصعوبة حتى يصل مرحلة ما يغير الا وهو طافي.شرط اذا كان صوت القير عندك يقول قرررر عند تغيير النمر فقط فهذا نحاسات قير او هلال العصا . اما اذا مشى الموتر ولا طلع صوت قررر فقيرك سليم الا ان كان الصوت جرش او ونه من القير وانت تمشي معناها التروس تاكلت. . فعلى اي اساس يقولك توضيب !! الامر الثاني ان صعوبة تغيير النمر وصوت قرة النمرة وبطىء حركة الموتر تكون ايضاً من الكلتش ويصاحبها رائحة حراق يميز الكلتش عن غيره.ويبان الكلتش من دعسته.

2- اذا كان تم فحصه فهل فحصه وتاكد من المشكلة واجمع على ذلك عدة ميكانيكيين او على الاقل من ميكانيكي خبير واثبت مشكلة القير بفحص دقيق عكس ما ذكرت ان السوري مافحصه ؟
2- المشكله ما اعرف مكنيكي صاحي للقير والمشكله ان السوري قالي فكه بس ب 400 ريال ولا هوب بيحسبها من قيمت التصليح .
انا اخبر الميكانيكي المتخصص بالقيور يعرف علته قبل يفكه من صوته وخاصة ان القير العادي سهل جداً.

3- بعد الفحص والتاكد من العله وهل هي توضيب او ما قبل ذلك
3- ما فهمت وش تقصد بالضبط.
اقصد هل هو اكيد توضيب ام خراب ثانوي اقل من التوضيب .
6- اذا لم تجد مكيانيكي خبير وفاهم يقدر يشخص المشكلة فانصحك بمركز ترايستار فهو متخصص بالقيور عموماً ويعطي ضمان 6 شهور.
6- مدري اخوي خطاب بس مو ترايستار حق اتوماتيك بس ولا يقدرون يفحصون العادي .
يفحصون عادي وتوماتيك وتخصصهم قيور. وعلى فكرة القير اللي عندك : L-123d هذا قير حديد وليس المونيوم . ولا قد خرب الا اذا مشى لفترات طويلة بدون زيت.

7- بالنسبه للوصف عرفته وبالنسبه لرقم الرجال قاعد ادق وجواله مقفل

كلمه اخيره : شكرا لك يبو خطاب وبيض الله وجهك وما قصرت




اضافة بسيطة :

كان اول فيه صوت عند تعشيق القير من 2 الى 3 والعكس وصوت في التعشيق للريوس كشفت عليه قالوا عندك تروس غيرها هاذا الكلام يوم انه كان يمشي الان تعطل القير تحطه في الاول ولا اي نمره خفيف جدا ولا يعشق والظاهرانه لاقم الاول لني ما اقدر اشغله الا لما احط رجلي على الكلتش ولما ارفعها ينتع ويطفي حتى لو دعست بنزين

وصفك للعطل نفس عطل الكلتش والدليل انك تقول انه ما يشتغل الا وانا داعس كلتش. ويطفى بترك الكلتش ولو كان القير مخبط ويحتاج توضيب كان جيم العصا ولا تقدر تحركه.وجرب عشقه با l او 1 وهو طافي ثم شغل ودعسله شف يمشي ولا لا.
اهم شي تشاورلك 3 او 4 ميكانيكيين ويفحصون ويتاكدون من المشكلة قبل تبدأ بالتوضيب.

[ونيت جمس]

اخوي حرب الظاهر السوري عنده شغل كثير وطلب 400 عشان يفتك ولكن انا زيك فك القير كا يتعدى 200
اخوي متعب المعاميل شكرا وما راح نطنش احد انشاء الله بس

(واذا لقيت حل لا تطنشنا علمنا وش السالفه ) كلامك الاول حلوا بس اخر شي مدري وش تقصد فيه ؟
شكرا لك

[ونيت جمس]

بالنسبه للفقره (فحص مراكز معارض النسيم (لم ينجح احد) فح....الى اخر الكلام ) انا بوصف لك الصوت الي كان يطلع من القير لما نغير بين النمرتين2و3وبالعكس كان فيه صوت قرره وكنت عشان ما تطلع اطول الضغط على الكلتش واغير بارحه يعني اطول في عملية نقل النمره وكانت تضبط معي وبعض الاحيان ما تضبط

انا بكره بوديه لترايستار واشوف وش يقولون ؟

وصفك للعطل نفس عطل الكلتش والدليل انك تقول انه ما يشتغل الا وانا داعس كلتش. ويطفى بترك الكلتش ولو كان القير مخبط ويحتاج توضيب كان جيم العصا ولا تقدر تحركه.وجرب عشقه با l او 1 وهو طافي ثم شغل ودعسله شف يمشي ولا لا
والله يبو خطاب انا جربت حطيت الاول والثاني وكل نمره وبغيته يمشي بس ما فيه امل بس انا بغيير الكلتش لني شاك فيه بنسبه كبيره , وبالنسبه للمكانيكين فأذا تعرف احد غير ترايستار امره بعدهم فدلنا عليه

في الختام شكرا لك من الاعماق

[ونيت جمس]

يا شباب رحت اليوم للابن مرضاح وصقعني ب1700 شغل يد بس عشان توضيب القير مدري يا شباب سعره مناسب اعتقد انه مرتفع ولا ادري عن شغله وبعدين خل عنكم النوم شاركونا بارائكم ياشباب ما فيه الا ابو خطاب بس وين البقية؟

[ابو خطاب]

بالنسبه للفقره (فحص مراكز معارض النسيم (لم ينجح احد) فح....الى اخر الكلام ) انا بوصف لك الصوت الي كان يطلع من القير لما نغير بين النمرتين2و3وبالعكس كان فيه صوت قرره وكنت عشان ما تطلع اطول الضغط على الكلتش واغير بارحه يعني اطول في عملية نقل النمره وكانت تضبط معي وبعض الاحيان ما تضبط

اكاد اجزم ان كلتشك ممسح على الاخر وصوت القرقرة اللي يروح اذا طولت ضاغط هو صوت فحمة الكلتش.

انا بكره بوديه لترايستار واشوف وش يقولون ؟
بانتظار تشخيصهم.

وصفك للعطل نفس عطل الكلتش والدليل انك تقول انه ما يشتغل الا وانا داعس كلتش. ويطفى بترك الكلتش ولو كان القير مخبط ويحتاج توضيب كان جيم العصا ولا تقدر تحركه.وجرب عشقه با l او 1 وهو طافي ثم شغل ودعسله شف يمشي ولا لا
والله يبو خطاب انا جربت حطيت الاول والثاني وكل نمره وبغيته يمشي بس ما فيه امل بس انا بغيير الكلتش لني شاك فيه بنسبه كبيره , وبالنسبه للمكانيكين فأذا تعرف احد غير ترايستار امره بعدهم فدلنا عليه

في الختام شكرا لك من الاعماق
ايه ادل واحتمال كبير اكون بالصناعية صباحاً بكرا حول بن مرضاح .. وفيه مكانيكي قيور فلته بمعنى الكلمه اسم ورشته الاتوماتيك السعودي .. اذا عجزت الورش عن قيورها يروحون له .. وسبق ودينا له اكثر من قير .. اجمع الكل على انها توضيب . . وهو غير الحساسات ولا سلك القير ويضبطن المواتر. بس ما عرف اوصفه وصفه صعب .. ارسلي رسالة بكرا عشان ادق عليك .. ونظراً لكثرة الاتصالات فأن الارقام الغير مخزنه عندي غالباً ما ارد عليها.


يا شباب رحت اليوم للابن مرضاح وصقعني ب1700 شغل يد بس عشان توضيب القير مدري يا شباب سعره مناسب اعتقد انه مرتفع ولا ادري عن شغله وبعدين خل عنكم النوم شاركونا بارائكم ياشباب ما فيه الا ابو خطاب بس وين البقية؟

ان كان فيك فيك التوضيب فالتشاليح افضل من التوضيب. انتظر رسالتك على جوالي: 0564133159

[ونيت جمس]

اخر المستجدات وديت الموتر لمحل ثاني وقالي اضف عندك النحاسيات وغيرها وشغل يده 2000 ويا قلب لاتحزن الطاسه ضايعه ولا ندري نروح لمين ولا لقينا احد فاهم من ها الورش

[ابو خطاب]

لولا اني على وجه سفر كان . . رحت انا وياك ووقفتك على السعوي و الخليج وذيك الصفه كلهم.
لكن سامحنا على القصور يابو فهد.
ولعل احمد اللي بالنظيم اللي ذكره لك ابو حسان يداوي مصابكم.

[ونيت جمس]

والله يبو خطاب انك ما قصرت وبيض الله وجهك انك متحملنا كل شوي غاثينك بها الاثصالات وتروح وترجع بالسلامه يا قلبي

[عاشق z71]

ها ياراعي القيور وش صار معك ؟

[ونيت جمس]

هلا والله يا عاشق z71 والله يعد روحت خوينا ابوخطاب نشبت في حلق اخونا القصير ابو حسان وودينا السياره لورشه يعرفها وانشاء الله نحل المشكله والله يعين