رأيكم .. لدي مشكل في ارتفاع وجه سيارتي الجمس

[راعي الجمس]

السلام عليكم ورحمة الله وبركاته

مرحبا بكم اخوتي الكرام

عندي جمس غمارة ونصف موديل 2008 ركبت عليه شد وتانكي ، فارتفع وجهه ، حتى ان اكثر السيارات اللي تقابلني تشغلني بالتكبيس بسبب ارتفاع النور الواطي ..

فما هو الحل لتطمين الوجه ، او رفع الخلفية ليكون مستوى السيارة معتدل

شكرا لكم

راعي الجمس

[(( ذيب وراط ))]

أرفعه مع الجهتين .. وخل اللي ورى أرفع

و حط لك فالمساعدات ذآ البآلون المسآعد ..

[عاشق z71]

بما انك مركب شد اكيد انه طمن من ورى

مالك الا تظيف سسته وحده ورى واذا عندك تانكس مويه اظف سستتين << ثنتين

عندك راعي صمله نفس موترك ونفس مكشلت تماما وقام بحلها عند بن مرضاح رحله لانه مسوي خصم للاعضاء

طبعا راعي صمله له سنه ونص يقول انه بينزل التقرير ولكن يقولون الصبر زين

وابو خطاب يقول ردد ياليل مطولك

[راعي الجمس]

أرفعه مع الجهتين .. وخل اللي ورى أرفع

و حط لك فالمساعدات ذآ البآلون المسآعد ..

هلا وغلا بك اخوي الكريم

ومشكور وما قصرت

بس ياليت تعطي تفاصيل عن المساعدات ذات البالون وهل تركب على الجمس ، لاني على حد علمي انه تركب مع الياي ولاجمس ما فيه ياي

شكرا لك

[فيصل الخالدي]

ركب سستتين اضافيات ورا

[راعي الجمس]

بما انك مركب شد اكيد انه طمن من ورى

مالك الا تظيف سسته وحده ورى واذا عندك تانكس مويه اظف سستتين << ثنتين

عندك راعي صمله نفس موترك ونفس مكشلت تماما وقام بحلها عند بن مرضاح رحله لانه مسوي خصم للاعضاء

طبعا راعي صمله له سنه ونص يقول انه بينزل التقرير ولكن يقولون الصبر زين

وابو خطاب يقول ردد ياليل مطولك

هلا بك يا عاشق

بعض الاخوان يقول ان السسة تؤثر على عكوس عمود الكردان ولا ادري عن صحة المعلومة

لكن ما تشوف ان تدبيل المساعدات بيكون مفيد

وياليت توضح لي محل ابن مرضاح وين وما نوع الحل اللي عطاه راعي صملة

وشكرا لك

[فيصل الخالدي]

تدبيل المساعدات ماله دخل فالتحميل المساعد وظيفته امتصاص الصدمات فقط يعني اذا دبلت مساعد راح تحصل على راحه لا تحميل

اضافة السست مالها ضرر ابد باذن الله بس اذا نزلت الاغراض يقوى المطب لكن زود سست ودبل مساعد وابشر بالتحميل والراحه

اتوقع سستتين تكفي من تجارب الشباب

[راعي الجمس]

تدبيل المساعدات ماله دخل فالتحميل المساعد وظيفته امتصاص الصدمات فقط يعني اذا دبلت مساعد راح تحصل على راحه لا تحميل

اضافة السست مالها ضرر ابد باذن الله بس اذا نزلت الاغراض يقوى المطب لكن زود سست ودبل مساعد وابشر بالتحميل والراحه

اتوقع سستتين تكفي من تجارب الشباب


هلا بك اخوي فيصل

بيض الله وجهك ، واضح من كلامك انك راعي خبرة

هل تقصد سستتين مع كل جهة والا في كل جهة سسة

لاني مريت النويصر اليوم وقال فعلا تحتاج وضع سسة وقال كل جهة تبين ثنتين

فما رأيكم

وشكرا لكم

[ابو خطاب]

وجهة نظر مجربة زود فوق شور الاخوان. وخاصة ان موترك 2008 اخو الجديد و مره محمل ومره بدون حمل ولاقل مطبات واكثر راحة .
انصحك ببوالين الترفيع تنفخها وتنسمها حسب الارتفاع اللي تبي + فكها وتركيبها سهل وغير مكلف كم مسمار في حالة بيع الموتر .

[تناهيت]

سستتين في كل جهه +تدبيل مساعدات عشان مايلعب معك واكثر ثبات وتوزان في البطناج والطرق الوعره...<وتوكل على الله ولو تحط ربل بين السست اريح وازين ,,,,,,,وباالنسبة لورشة بن مرضاح شف اعلانه على الرابط التالي وفيه تفاصيل عن كلش والله يوفق


http://gmctruckclub.com/vb/showthread.php?t=489