رحلتي في تشليح الحاير بحثا عن المطلوب امنيا ..

[GMC-1969]

بسم الله الرحمن الرحيم


رحلتي كانت في صباح الخميس الماضي لتشليح الحاير .. استمرت الرحله من الصباح وحتى المساء وذلك بحثا عن المطلوب امنيا لدي وهو حوض لموتري الجمس م 1969 ... الرحله كانت بالنسبه لي ممتعه حيل لعشقي للسكاريب ولكل ماهو قديم ان كان موجود على عكس تشليح الدمام واللي للأسف ومن بعد نقله الى خط بقيق اختفت معالم التراث فيه واللي كانت موجوده بالماضي حينما كان بجانب مقبرة الدمام والله يذكرها من ايام ..
بدت الرحله بعد التوكل علي الخالق سبحانه بحثا عن المطلوب واستبشرت خير .. كأني اشوف مطلوبي من بعيد .. وقرب قرب .. الا هوا بزاته .. يالبه وقفته ..




1985　


قرب قرب .. وينك يالحوض .. ايه وش اقول .. معوضين خير .. هذي اخرتها ياوحش .. تشرفنا بمعرفتك




1986



كانت بدايه طيبه بالنسبه لي وفاتحه خير .. خصوصا بعد شوفة المزيون .. وخلال جوله استمرت لساعات .. شدني صوت طرب قديم .. ذكرني بالثلاثي الكوكباني ! دور ياصبي دور .. الا لقيت اهل الطربه وقدامهم طبولهم وبالطلايب رضوا اني اخذ لهم صوره على الماشي





1987





واستمرت الرحله ورغم اني تعبت من الدواره والفراره الا ان في كل زاويه كان هناك مايأسرني من مواتر اكل وشرب عليها الدهر وتنتظر من البطل الهمام اللي يحييها .. حتى في وقفتها كان الشموخ والكبرياء لازال حاضر رغم مرور السنين والعقود ... ورغم اني ماصادفت المطلوب امنيا .. الا انها كانت متعه ومابعدها متعه .. اترككم مع الصور ..



1994


1995


1993


1992


1988


1989


1990


1991



وقبل مغيب الشمس .. كان هنالك لازال بصيص من الامل .. عل وعسى ان يشاء القدر .. بلقاء المحبوب بعد البحث والصبر .. وهات يامناقز من سكراب لسكراب .. واسأل فلان وعلان .. لين ماتوصلت للمطلوب امنيا .. وكانت حالته وماشاء الله فوق الممتازه .. بصراحه كان حسيت بالشعور بالنصر .. رغم اني اشجع الاتفاق !!! حتى لقيت روحي واقف بجنبه اعاتبه ويعاتبني .. انادمه وينادمني .. سألت عن راعيه واسمه ابو نادر .. وبحسب كلامه بأن الموتر شغال ويمشي ولكن ماله اوراق .. بدينا بسوالف البيع والشرا .. وكان كلامه ان الموتر ما قد سيم .. وعطيناه المقسوم على قد الامكانيات ولكن كان طلبه غالي حيل .. عسى الله يرزقه ويرزقنا خير .. ويعوضنا بأحسن منه ...



1997

1996

[ابوعقل]

رحله موفقه

والونيت عجيب

وهذا ودك تخترعله اوراق من تحت الأرض وتاخذه

[عبود الغامدي]

ماشاء الله عليك

طيب لاهنت حبيبي الموتر بكم حاده راعيه



بالتوفيق_

[GMC-1969]

ايه والله ياخوي ابو عقل ودك تخترع له وتاخذ عليها براءة اختراع


حياك الله اخوي عبود ومنور ياغالي
الموتر حده  الف بحسب كلام راعيه وسيم من عنده ب  الف

تحياتي وشاكر مروركم

[نواف78]

لحول والله تعور قلبي يوم اشوف سيارت حاله يرثى لها

احس ناس ماتقدر ولا عندها ولاء لشئ خدمهم سنين


يابعدي انشالله تلقى مرادك وبسعر الي يرضيك

[راعي البيج 83]

ماشاء الله رحلة موفقة

بس الجمس بكم محدود ؟؟

[مخاوي المطاليق]

الله يعينك ويرزقك مطلوبك

[GMC-1969]

حياكم الله اخواني ومنورين الموضوع الله لايحرمنا هالطله ..

الجمس راعيه حاده بـ 20 الف ريال وسومه وصل بحسب كلامه 15 الف ..

تحياتي وجزاكم الله كل خير ...

[خالد الغامدي]

ماشاء الله فيه اشياء طيبة خاصة الكابرس 76 جنب الشفر

بس لقيت حووض ولالا !؟

[ظريف]

اخواني ابي اسالكم لو الواحد شاف وحدة من هالسيارات في التشليح اقدر اشتريها بهدف التجديد واستعلمها عادي بعد ما اجددها بحيث انها اتعدي الفحص سؤال محيرني من زمان صراحة يعني هالسيارات نادرة ولو حصلتها غالية جدا لو واحد ياخذ تشليح ويجدد على راحته واذا خلص صدر استمارة يكون الوضع ممتاز وموضوع حلو صراحة الله يوفقك انشاء الله خليتني اتمنى اروح الكويت واخذ وحدة من هالسيارات خخخ

[شقران]

ابوعبدالله الحمدلله على السلامة وان شاء الله قريب تلاقي المطلوب امنياً وترتاح نفسياً :43646.imgcache[1]:

[نواف78]

اخواني ابي اسالكم لو الواحد شاف وحدة من هالسيارات في التشليح اقدر اشتريها بهدف التجديد واستعلمها عادي بعد ما اجددها بحيث انها اتعدي الفحص سؤال محيرني من زمان صراحة يعني هالسيارات نادرة ولو حصلتها غالية جدا لو واحد ياخذ تشليح ويجدد على راحته واذا خلص صدر استمارة يكون الوضع ممتاز وموضوع حلو صراحة الله يوفقك انشاء الله خليتني اتمنى اروح الكويت واخذ وحدة من هالسيارات خخخ

تقدر اذا التشليح يملك اوراق اسقاطه السابق

الطريقه

تاخذ ورقه من التشليح فيها رقم الشاص لسياره المراده الي المرور

يصدر لك من المرور اوراق لتجديد قبل اوراق الاستماره

بعدين بعد ماتجدد هم يجبرونك تفحص او لا عشان الاستماره ولوحات والله مو متأكد

لاكن لها حل

روح النعيريه او اي مكان فيه مرور ولافيه فحص وغصب يصدرون لك استماره بدون فحص

ترى شغلتها شوي متابعه ومراجعه مافيها وجع راس

وشوري عليك تاخذ سياره فيها استماره نص ونص بسعر رخيص وتجددها لان بتشاليح مو بايعين شي الا غالي ويطلع عليك اكثر من بيع السوق

[عاشق الشفر07]

بس مااتحسوون 15 كثيررررره

[نسيم الجنوب]

منظر الجموس والدوج والفورد القديم يقطع القلب وهي مهمله والا منطوله وراعيها مو سائل عنها بس لمايتجدد ماودك تشل عينك عنه الله يكون بعونك اخوي وتلقا مطلوبك

[GMC-1969]

حياك الله اخوي خالد ... في الحاير للأسف مالقيت .. والشباب ماقصروا وان شاء الله تسمع الاخبار الطيبه قريب

اخوي ظريف .. مثل ماقالك اخوي نواف .. ولو تشوف لك احد في المرور اكيد بيوضح لك اكثر .. بس اهم شي تكون اوراق التسقيط موجوده او الاستماره ..

اخوي ابو سليمان .. مشكور وابشرك نفسيا مرتاح ومتفاءل بفضل الله ثم بفضل وجود الطيبين شرواكم جميع ..

اخوي نسيم الجنوب .. منور ياغالي وشاكر لك .. وبالفعل شي يقطع القلب .. وفي تشليح في الحسا اسمه الهاشم .. اتوقع لو تقدر توصله يوم وتشوف المواترالتراثيه اللي فيه من جموس وغيرها .. بتتمنى يكون عندك ثروه ههههههههه وتشتريه بكل مافيه ..

الاخ العزيز سعد الهاجري .. ماقصرت يابو مبارك استلمنا الهديه الثمينه .. وان شاء الله نردها لك في المستقبل القريب ..

اسأل الله يديم علينا هالمحبه والتواصل ويجملني مع اهل الطيب والكرم ..

تقبلوا تحياتي ..
اخوكم ابو عبدالله

[SHADI]

زمان يافن

تقرير مميز ... وإن شاء الله تلاقي طلبك في القريب العاجل

[الهاجس6002]

ماشاء الله رحله طيبه خصوصن 66 الهاف الميركوري الصوره 3

[الفارس474]

وربي تحركت مشاعري يوم شفت الفورد 56

اشتقت له

اه بس

صور تتكلم عن نفسها

[ملك الكابريس]

طلبك موجود حوضين بعد مو واحد
اسدح رقمك هنا

[GMC-1969]

سم طال عمرك هذا الرقم

0555956999

[الجـــعيلي]

.

الســلام عــليكم جمــيع
كــيف حــالك ياخوي ياراعي ال 69
أول شي ربي يبـارك لـك وتتهنــى باللي تبيـه قـدام عـينك

أخــوي
مريت عـلى مشـاركتك الطــيبة لكــن الصـور ما طـلعت عنــدي ( شـكلي تأخـرت بالمـرور لأني مشـترك جـديد ).
لأني من عشـاق السـيارات القـديمة ومن عشـاق كـذلك تشـليح الحـاير والسـيارات اللي فـيه بآخر التشـليح

لا هنــت .. كــيف أقــدر أشـوف هالصـور !

شـاكر لـك وانتظـر ردك الطـيب



أخــوك

واحــد

[GMC-1969]

هلا بك اخوي واحد .. ومعذره لتأخري في الرد حيث اني مانتبهت لردك ياطويل العمر

وجزاك الله خير ياوجه الخير على هالكلام الطيب .. الصور تم انزالها من موقع تحميل المنتدى واتوقع لو عندك برنامج الصور JGP بتفتح عندك على طول .. واذا ماعرفت للبرنامج اكيد الاخوان بيساعدونك ومابيقصرون معاك في تنزيل البرنامج .. اخوك خبرته ضعيفه من هالناحيه :mwalat26[1]:

تقبل تحياتي وفائق احترامي
اخوك ابو عبدالله

[الجوفي]

ماشاءالله رحله موفقه

[..المجمهِر..]

يازين التشاليح والسكاريب


الله يعطيك العافيه على الرحله الممتعه


بس حبيت استفسر



لقيت حوض ولا لا


اذا مالقيت

انا بدور لك وان شالله ربي يقدرني اخدمك


واذا لقيت برسلك رساله ع الخاص

او ارسلي رقم جوالك ع الخاص عشان اعطيك خبر

[مسير عليهم]

يازين التشليح ويازين المواتر اللي فيه خاصه القديمة

ياليت نشوف قرار بالسماح بتجديد السيارات ماتحت موديل 70 كونها تحف نادره واستخراج استمارة ولوحات لها

ماقصرت على هالصور الطيبة

[madczar]

ماشاء الله
حصلت مطلبك
والله يعينك

[كرسيدآ 80]

http://www.gmctruckclub.com/vb/attachment.php?attachmentid=1990&d=1298244187&thumb=1 (http://www.gmctruckclub.com/vb/attachment.php?attachmentid=1990&d=1298289303)


اخوي هذا المزيون وين موقعه تشليييح السورين ولا تشليييح السودانيه

اتمنى الرد

ودي لك ياغالي.,’؟

[Abo_Nader]

ماشاء الله علي الصور والتراثمشكور ورحلة موفقة ان شاء اللهبس ليه ما يسويله اوراق طيب انت ما تقدر تشتري هيكلوالباقي مكنيكا وكهرباء واكسسورات تعدلها انت علي ذوقك اعتقد ما يكلف والا كيف ؟؟ حمستني اخذ لي واحدبس تراني ماني راعي الموتر اللي بغيته;-)

[الوهم]

السلام عليكم

رحلة موفقه بس لوسمحت ابي اسم التشليح

ابي كبوت ورفرف

واكون شاكر لك