الجميحي وبهبهاني ووارد طرطوس [الأرشيف] - نادي عشاق وملاك الجمس والشفر الحوض

متعب المعاميل

07-13-2009, 08:01 AM

السلام عليكم ورحمه الله وبركآته

كيف الحآل ان شآء الله بخير وصحه ؟؟

يالشباب .. انا ودي اعرف شي

من مبطي وانا ابحث عنه بالنت وعند اهل الخبره

لكن للأسف مالقيت اجآبه وآفيه

وش الفرق بين الجمس الجميحي والطرطوس والبهبهاني .. ؟؟

يقال وانا ماصدقت ان الطرطوس يجي بدون جميحيات

وانا بعمري ماشفت جمس بدون جميحيآت .. لكن شفت جمس 79 بدون لمبه خلف الغمآره

ويوم سألت رآعيه قآل والله مدري

ياليت تطرحون مخزونكم الفكري واللي تعرفونه عن هالتحفه

يعني يجينا طحطوح فهيم ويقول .. الجميحي مواصفاته كذا .. ووراد طرطوس مواصفاته كذا

ووارد بهبهاني مواصفاته كذاا

بأنتضآآركم .. وانا على احر من الجمر لمعرفه هالفروق

وخلونا نفييد ونستفيد .. :43238.imgcache[1]:

ابوفهد

07-13-2009, 07:35 PM

يا ابوسند لا تنسى بعد واارد العيسى يااخي وشدعواا ماله رب صدق انه مووب موجود بكثره لاكن موجود :fjr30[1]:<< امزح معك :biggrin[3]:

انا والله موتري 84 وارد العيسى شد بلد كل شي بس فيه اشياء موب موجوده مثل العلامه اللي عـ الكبوت والازيااج اللي عـ الرفارف وغيره بعد ماا اذكر لاني اشووف جمووس ثانيه نفس الموديل بس في فرق مدري هم حاطينها ولا في فرووق بين الوكلاء

انا مثلكـ ودي اعرف خلنا ننتظر الشباب ونشووف !!

متعب المعاميل

07-14-2009, 01:43 PM

ياخي والله ان ودي اعرف

لأن اللي شريت منه الموتر قآل بهبهاني

وشافه وآحد قآل هذا جميحي .. وعيا يعلمني وش الماريه

ننتضر رجآل فهيم يعلمنا

والمشاهدات 35 والردود 1 .. :(

وين ابو حسان بـس

بـلـيـهـان 1

07-14-2009, 01:55 PM

بسم الله الرحمن الرحيم

السلام عليكم ورحمه الله وبركاته

صبحك الله بالخير أبو سند

اشكرك على الموضوع الذي صار محور نقاش اهل الجموس القديمه ..:43459.imgcache[1]:

الجميحي فيه اشياء تميزه و طبعا ً الجميحي هو وارد الجميح كما هو معروف من المملكه العربية السعودية و بعض مواريه /

التندا نفس لون الموتر

الداخليه عنابي

على الجنب فيه كتابه بالإنجليزي ( كلاسيك )

تحت التانكي فيه صاجه < ماني متأكد هاذي في البهبهاني أو الجميحي .

هذا الي يحضرني حاليا

و البهبهاني هاذي وكاله في دوله الكويت و بعض مواريها

التندا بيضاء

الداخليه بيج لبعض الموديلات

عدم وجود صاجه تحت تانكي البنزين

على الجنب يكون مكتوب (هاي كلاسيك)

الكتابه GMC الي في باب الحوض تكون بنفس لون الموتر و تجي في بعض وارد الجميح

--

طرطوس الى الحين ما عرفته .. ميناء الشرق الأوسط .. أو وارد العراق او سوريا .. شي و الله اني ناسيه ..

--

تحياتي لك أبو سند على الموضوع المهم

حرب

07-15-2009, 02:34 PM

طرطوس كان يجي عن طريق سوريا
لاكن فيه شي ودي اعرفه
الي يجي طبلونه بالميل وارد ايش
الي عنده معلومه عنه يفيدني وله الشكر00

تناهيت

07-15-2009, 03:10 PM

اخوي بالنسبه للمكانيكا مهنا فرق يذكر كلها واحد ......وطرطوس كان يجي من الشام وهذا نسبة لأسم الميناء اعتقد اللي يشحن منه ولا اعتقد انه اسم وكيل وعلى حد علمي ان طرطوس يجي بدون مكيف وتنده بيضاء مثل البهبهاني وداخليه بيج أغلبه والحليبي ايضا ورد منه واجد والأبيض والجميحي اشتهر بالتنده الحمراء ولون احمر طبعا وداخليه حمراء وما اعتقد جاء حليبي او ابيض جميحي على حد علمي المقنن .....

تحياتي

chevy c10 85

07-15-2009, 04:10 PM

والله معلوماتكم فادتني كثير وللعلم اول مره اعرف ان في نوع اسمه طرطوس واللي ذكرها اخ بليهان اوافقه الراي وسؤال حرب عن العداد بالميل اعتقد هذا وارد معارض الكويت الابراهيم والشارخ والمصباح وكثير من المعارض اللي كانو ينزلون مع الوكاله ولكن بمواصفات امريكيه وكذلك بالسعوديه توجد معارض تجيب السيارات من امريكا بمواصفات بلد المنشا والله يعطيكم العافيه جميعا

متعب المعاميل

07-15-2009, 04:27 PM

يامرحبا بكم

بليهان الباب الخلفي حق الصندوق

يجي مكتوب عليه جي ام سي .. وحوله بروآز بعض الاحيآن يصير ابيض

وبعض الاحيآن لونه مثل لون الموتر و جي ام سي بيضا

هل هي على حسب الوكيل والا الموديل .. ؟؟

لاني اشووف

الموديلآت 78 .. 79 .. 80 تجي جي ام سي حمرا وحولها مربع ابيض

والموديلآت من 81 الى 87 تجي جي ام سي بيضا ولا حولها شي

ياليت احد يفيدنآ بخصوص هذي من الوكيل ؟؟ والا على حسب الموديل

والا شختك بختك اللي تبيه سووه .. :)

متعب المعاميل

07-15-2009, 04:35 PM

وعندكم الصور وشوفو الفرق

http://www.cars-club.com/up/8-2-1/carsclub_26093723.jpg

هذا موديله 78 .. شوفو كيف صبغه بآبه

http://www.cars-club.com/up/8-2-1/carsclub_89275697.jpg

وهذا من الموديلات 81 الى 87 وشوفو كيف صبغه بابه

وانا اقول انها حسب الموديل .. الا اذا جا احد يصحح لي المعلومه

مطلق السلمان

07-15-2009, 06:39 PM

بالنسبة لباب الحوض جاء في موديلات 1978 وحتى 1981 نفس الشي بالنسبة للون الأحمر ومعظم الألون الأخرى يعني لون الباب جاي أبيض مع أحمر ، من موديل 1982 وحتى 1987 جاء الباب كامل أحمر وكتابة الجمس بالأبيض طبعاً الحاجة جت من الوكالة ومعظم الجموس موديل 1981 غيروا صبغة باب الحوض الخلفي يوم جاء الموديل الجديد 1982 على كذا نادراً ما تلقى جمس موديل 81 بابه نفس 78 و79 و80 وقبل فترة بسيطة كان فيه جمس موديل 1981 مخزن في معرض شواهد الخير لون أحمر وباب حوضة نفس موديل 80 وتحت الحقيقة ما كان عندي المعلومة هاذي ورحت سئلت أهل الخبرة وقالوا نفس الكلام اللي ذكرته وعلى فكرة الجمس وصل السوم ( 49 ألف ) وراعية عيا يبيع.

أخوي متعب المعاميل سئلت عن باب الحوض وعن اللون أي جمس على سبيل المثال من موديل 78 أو 79 يصبغ باب الحوض مثل تشكيلة موديل 82 وطالع ما فيه أحد يعرف الحاجة إلى أهل الصنف أو أهل الخبرة اللي عندهم معلومات راح ينتقدون الموتر ويقولون ترهيم.

وبالنسبة لمواصفات البهبهاني أخوي بليهان ما قصر عنده خبرة كبيرة فيه وفيه فرق بالبيهبهاني بعد بالنسبة لموديل 78-80 جاء ديكور الساعات وزيج الطبلون لون فضي ولكن كأنه محبب ، يختلف عن الجميحي الجميحي يجيك فيه لمعه بدون حبوب + أختلاف في الشيال حق السبير البهبهاني يختلف.

أما وارد طرطوس فالحقيقة أجهلة وما أعرف إلى أنه تجي التندة بيضا فقط مواصفات أخرى ما عندي خبر.

أحد الأخوان علق أن موترة وارد العيسى وما فيه علامة كبوت الجمس قطع 35 ( الرفرف ) ما جاء شد بلد فيه علامة الكبوت ( التمثال ) ولا جاء فيه أزياج الشباب بدأ يركبون التمثال مع الأزياج وصارت موضة وأكبر دليل شف المواتر المخزنة ( صح ) وشهو مواصفاتها وأقرب مثال عندك الموتر اللي حاطة الأخ العزيز حرب في ( التوقيع ) الله يعطيه خيرة ويكفية شرة.

راعي شامان

07-17-2009, 04:52 AM

اسعد الله اوقاتكم يالربع

بصراحه ماني اخبر منكم لاكن ماراح اقول الا الحاجة اللي متأكد منها

بالنسبه للغمارة البيضاء ماجات إلا بوارد طرطوس فقط(البهبهاني عمره ماجا غمارة بيضا) وهو الوحيد من الوكالات اللي اختلف بشكل شيّال السبير

اما بالنسبه للباب الخلفي فهو بحسب الموديل81 واللي قبله جات على مايسمونها أبواب سبوره يعني بيضاء والكتابه بلون الموتر

وفيه وارد بالبيد جا إلى موديل 83 الدفعه الاولى وهو باب سبورة

وبالنسبه للفرق بين الجميحي والبهبهاني

فهو على ماقال الأخ مطلق الديكور يجي محبب في البهبهاني ونيكل في الجميحي

والجميحي من مواصفاته الجميحيات والبهبهاني يجي بدون (والله اعلم)

والفرق بين الجميحي ووارد طرطوس لون الغمارة وشيّال السبير فقط

اما بالنسبه للون الداخلي فالأحمر والبيج موجود في كل الوكالات

وبالنسبه للأزياج ياشبااااااااب ماجات الا على المصفح والسوبر فقط ياللي تركبون الأزياج وتقولون شد بلد؟؟

وكلام الأخوان على العين والراس

بن دريويش

07-17-2009, 03:50 PM

كل الشكر لكل من طرح معلومة و هو مجتهد و لكل مجتهد نصيب

لكن اللي يقول أن البهبهاني بدون جميحياات ما اتفق معه لأني شاايف شد بلاد بهبهاني وفيه جميحياااات

و البيج صحيح أغلب البهبهاني بيج بالداخل أكثر من العناابي

و علامة الكبووت من 83 او 84 موجوده لين 86

أما الموديلات 77 و انت رايح مااافيها علامة كبوت و لا أزيااج و باب بالخلف محدد وشياله غير

البهبهاني المغترب

08-05-2009, 05:37 AM

تحيه طيبه للجميع حسب خبرتي وشيابي الي طلعو سيارتهم جدد من الوكالات وموجودة عندنا حتى تاريخه دققت فيها جميعها وهي من موديل 75 الي موديل 87 بانواعها :-
1- بنسبه لعلامه الكبوت اى (التمثال ) بدى من موديل 79 في جمع الجموس ماعدا الشفر0
2- بالنسبه للون الباب الخلفي من موديل 70 الى موديل 80 لون الباب مايختلف احمر ومحدد بإيطار ابيض عريض على الحرف الموجود بالباب الخلفي 0
3- من موديل 81 يجي الباب الخلفي احمر كامل وكتابة جمس تحمل اللون الابيض 0
4- موديل 85 وطالع يختلف برواز الغماره الخلفي ويحمل اللون الاسود وليس اللون الفضي0
5- من موديل 81 إلى موديل 87 اختلفت عرنوطه عصا القير عن القديم ماقبل 80 اي ممسك راس القير
6- من موديل 75 الى موديل 78 فهو يجي غطيان بنزين مكشوفة ويحمل اصطبين لون احمر برفرف الخلفي ويلقب اسطب جمرة ومن موديل 79 وطالع يجي غطا البنزين باب 0
7- ورد نوع مكتوب على الرفرف (هاي سري) حجم 35 داخل احمر هذا يجي طبلون حرش ولايجيله فرش باب وسماعات في الطبلون فقط وقفل تماتيك وقزاز كهرب وصيج تحت توانك البنزين وهو وارد الجميح ورد كذلك احمر كامل ورد تنده بيضاء وقزاز عايدي وقفل كهرب0
8- وارد العيسى يجي تنده بيضا ء؛ وكذلك حمراء وكذلك تندة لون بيج وطبلون لمعة وداخل بيج وقزاز كهرب وقفل كهرب وبرضه هندل ولاكن يجي تحت تانكي البنزين من قدام ربل نص وشيال الاستبنه يجي مواصير وثابته في الشاصي بكفه ومسمار 0
9- اما وارد جميع جموس الجميح يجي شيال الاستبنه كفه طويله ومسمار ربط طويل في الشاص من داخل 0
10- اما البهبهاني يجي نوع انبير بنزين صغير محل الساعة وضغط كنمبريشم وتنده بيضا ولايحمل صيج توانك بنزين من تحت ويجي شيال استبنه خلفي مواصير كبس تك0 وداخل بيج قزاز كهرب وقفل كهرب0
11- وارد الطرطوس يجي تندة بيضاء وقفل كهرب وقزاز كهرب الذي يحمل لون تندة مختلف عن لون البدي اما بالنسبه للون الاحمر كامل واللون البيج يجي داخلية رملي ويكون قزازه هندل وقفل عايدي كهرب اي ماورد
ومعليش عطيتكم روس اقلام وسامحوني اذا حصل اي تقصير 0
ملاحظه ( وعلى العموم كلها وارد امريكا ومافيها اي كلام المحركات وحده وقطعه وحدة ومركبها عز وغيرها مذله )

ss454

08-05-2009, 09:48 AM

ماشالله الشباب ما قصروا وخبره.. والله العالم انه وارد طرطوس لبناني حسب كلام الشياب اما بالنسبة لاختلاف الموديلات ترا للحين فيه اختلاف بين وارد الكويت والسعودية وامريكا التجاري من عمر فيه الاختلاف لانه المصانع تصنع طلبيات على حسب طلب الوكيل وحتى بامريكا فيه سيارات ما تدش بعض الولايات لانه 454 ومافيها نظام العادم اي الاقزوز متوافق مع نظام البيئة ولا تنسون انه فيه كراجات لما تصلح السيارة ما يردونها الى اصليتها يعني رضا والا راجو مالقا الليت الخلفي للكبينه يقوم ويلغيه او الجميحيات لقاها غاليه ما يركبها وضاع الديك وضاعت الطاسه

البهبهاني المغترب

08-05-2009, 12:34 PM

ss454
اخوي العزيز كلامك صحيح بالنسبه للموديل الجديد وذلك حسب طلب الوكيل وهئية الموصفات والمقاييس والخاصه بالطقس لدينا وتخص الموديلات الجدد الوارده حالياً لدينا 0
اما بالنسبه للسيارات القديمه فالتوريد حسب عميل الوكاله وطلبه والكميه المتوفره لكن المكاين وحدة والمواصفات وحده من موديل 78 جمس حتى تاريخه والسيارات تحمل عادم كربون بس يوجد اختلاف في بلف الحرارة وسعة البستم وذلك حسب اجواء كل ولا يه وصدقني ماجبت كلامي الى من خبرة ،
وتقبل خالص تحياتي وتقديري 0 ( ؛ ؛؛؛ ؛ )

بـلـيـهـان 1

08-05-2009, 12:56 PM

6- من موديل 75 الى موديل 78 فهو يجي غطيان بنزين مكشوفة ويحمل اصطبين لون احمر برفرف الخلفي ويلقب اسطب جمرة ومن موديل 79 وطالع يجي غطا البنزين باب 0
)

حياك الله .. إلى 76 غطيان البنزين المكشوفه موجوده اسفل الرفرف

بينما 77 إلى 78 غطيان البنزين المكشوفه موجوده في أعلى منتصف الرفرف

و 79 إلى 87 عليها غطا مثل ما ذكرت

البهبهاني المغترب

08-05-2009, 01:33 PM

حياك الله .. إلى 76 غطيان البنزين المكشوفه موجوده اسفل الرفرف

بينما 77 إلى 78 غطيان البنزين المكشوفه موجوده في أعلى منتصف الرفرف

و 79 إلى 87 عليها غطا مثل ما ذكرت

شكراً اخوي وحنا وشنقول :43247.imgcache[1]: هذا صحيح كلها تحمل غطيان سواً فوق والا تحت مازدت شي المقصد التوضيح فقط :43480.imgcache[1]:

بوظاهر

08-22-2009, 02:29 PM

يسلمو معلومات قيمه من الجميع
يعطيكم العافيه

قريب الدار

08-22-2009, 02:57 PM

السلام عليكم
معلومات مفيدة و ما قصرتوا الله يوفقكم..
لي بعض التعليقات
ما ذكره الأخ مطلق السلمان عن سومة 81 بــ (49 الف) ... ( لو كنت اعلم الغيب لأستكثرت من الخير) ذاك الوقت طلعت موديل 81 من الجميح بــ (38 ريال فقط) و بعته بعد سنة و نصف بـ (29 الف) ... دنيا
الشي الثاني إن موديل 81 يجي الباب الخلفي ابيض و الكتابة بلون السيارة .. مثل ماقال بعض الأخوة
رمانة عصى القير او العرنوطة على قولة البهبهاني المغترب تجي مثل الموديلات اللي قبله 80 و تحت
بعض الإختلافات تجي بحسب الدفعات الوارد للوكيل ... مثلا اللي كان عندي قفل كهرب و قزاز عادي
و اشتهر البهبهاني بالتنده البيضاء اكثر من غيره
شيال الإستبنه اللي كان يجي ذراع طويل (ماله داعي ) يجي بالشفر اكثر شي
و ياليتي اعرف ارفق الصور .. ما زلت محتفظ بصورتين لموتري و ودي اعرضهن بس ما أعرف ..
و الله يبارك لكم بالشهر الفضيل و السلام عليكم

بعيد الهقاوي

08-23-2009, 03:28 PM

السلام عليكم ورحمه الله وبركاته

الجميحي

1 اللون الخارجي احمر والداخلي احمر

البهبهاني

1 اللون الخارجي احمر والداخلي بيج غامق والتنده بيضاء والطبلون خشن

الطرطوس

1 اللون الخارجي احمر وبيج والتنده بيضاء والابيض يجي التنده بيج والداخلي بيج فاتح والطبلون ناعم

سقف التنده يجي بيج ومنقط وجلد مثل اسيات السيارات الي تجي مكيفه

صدامها الخلفي مثل صدام المصفح بالضبط يعني مطفي وعريض وطويل للخارج

وكل الناس يبدلون صدامه زي البهبهاني والجميح

وفيه اختلاف من ناحيه التمثال الي على الكبوت ناس يقولون يجي بالطرطوس

وناس يقولون مايجي

بـلـيـهـان 1

08-23-2009, 06:37 PM

البهبهاني

1 اللون الخارجي احمر والداخلي بيج غامق والتنده بيضاء والطبلون خشن

بعد البحث وجدت أن البهبهاني يجي داخليته عنابي لأفضل نوع في فئته

مطلق السلمان

08-24-2009, 02:21 AM

كلام أخوي بليهان صحيح 100 % سبق أن شفت جمس بهبهاني ( مخزن ) من الداخل الديكورات لونها عنابي.

بندر

08-28-2009, 07:38 PM

أفاادوك الشباب

ابو تركي

09-02-2009, 02:55 AM

السلام عليكم جميعا
الطرطوس منطقة في سوريا هاذا قالي عنها سوري يشتغل عندنا
ومشتهرة با لمكنيكا كانت تجيهم الونيتات ويعدلونها وعلى حسب معلوماتي يجي الطرطوس صداماته عراض وبيض ..

هاذا اللي اذكرة عن طرطوس وسمحولي على الاطالة ...

متعب المعاميل

09-12-2009, 10:51 PM

حيآكم الله يالربع

بالنسبه لأختلآف الشيالات

بعض الشيالات تجي محالته فوق الصدآم الخلفي

وبعضها تدخل راسك بين الرفرف الخلفي الايمن والصدآم وتنزل بالعموود

وبعضها يجي بدون شيال لكن الكفر مربوط بـ مسمآر ن تحت

ياليت رآع الخبره يفيدنا

والله لا يهينكم

سعد الليالي

09-17-2009, 03:43 PM

ياشباب لاتنسون ان ملاك السيارات يسوون تعديلات...

اللي يغير الداخلية واللي يغير التندة .و و و

يعني مافيه رواية مؤكدة...الا عند الوكالات ...

تناهيت

11-11-2009, 09:20 AM

ياشباب لاتنسون ان ملاك السيارات يسوون تعديلات...

اللي يغير الداخلية واللي يغير التندة .و و و

يعني مافيه رواية مؤكدة...الا عند الوكالات ...

هلا بك اخوي سعد ...... بالعكس أغلب المهتمين بالكلاسيك يعدل موتره على حسب مواصفات وكالته اللي هو نزل عليها في موديله طبعاً ...مثلاً نادراً ما تجد واحد يغير في المواصفات المعروفه والأساسية يعني اللي يجيك يغير لون التندة من احمر الى أبيض في موديلات الثمانينات لن الثمانينات ما نزلت تنده بيضاء وهكذا ....

تحياتي

بن دريويش

11-11-2009, 12:09 PM

عشاق هذه السياره جعلته موضع حديث في المجالس و غيرها
لكم كل الشكر

طرطوس 1978

11-11-2009, 03:25 PM

راعي 84

11-11-2009, 09:53 PM

يالربع وراد طرطوس يجيك صدام عريض نفس المصفح
اذا جاك بدون مكيف وقزاز عادي وقفل عادي
اما اذا جاك مكيف وقفل مركزي وقزاز تماتيك يجيك الصدم اللي ورى مثل الجميح والبهبهاني

تقبل مروري......

-----------------------
ممكن ليه لاء انا الحمد لله موتري من الجميح وعلى كلام ابوي انه
ماخذه بسعر : 45 ألف
الموديل:84
اللون أحمر كامل وقلب مع الوقت أشعل
الباب الخلفي أحمر مكتوب الجمس بالأبيض
الداخليه عنابي والعدادات بالكيلو متر
الدرايش كهرباء مع الأقفال
عصات القير هو أول موديل تغيرة فيه صار شكلها البيضاوي نفس 86 مع الصور
واول موديل نزل فيه قاعدة عصات القير مربعه مع الربله السودا مع الصور
وأول موديل جات عليه الصيج الحاميه للتوانك البنزين بس فيبر وليست حديد زي الموديلات إلي قبله
السبير (الذراع )مع الصوره>>>>
العلامه ماكان عليه علامه على الكبوت بس عليه أزياج بالرفارف وأصليه وللحين ماشالله عليها لمعتها موجوده(نيكل)
شكمان واحد ايسر لأنه 350 الأصلي ماغيرته إلا قبل خمس سنوات
الكباس حق العالي كان اول موديل يجي معلق بالدركسون مع المساحات
والعفريته (الجيك) موجود داخل كبوته في الجهه اليمين للسياره مثبته على البطاريه مثل القديم83و82و81 اما من 85 وطالع على الجهه اليسرى للسياره لأن قربة الماء الرديتر صارت في مكان العفريته

http://www.9m.com/upfiles/b0Q64408.jpg (http://www.7be.com/vb/)

http://www.9m.com/upfiles/YNS65464.jpg (http://www.7be.com/vb/)

http://www.9m.com/upfiles/JMo65525.jpg (http://www.7be.com/vb/)

تناهيت

11-15-2009, 06:45 PM

اخوي 84

اضافه رائعه وننتظر المزيد من شيوخ الكلاسيك والله يعطيك خير موترك ويكفيك شره

G M C BLACK

11-15-2009, 11:49 PM

آن شآء آلله آنهمـ آفآدوكـ

الرهاووي

11-16-2009, 01:36 AM

سوف ادلي بدلوي مع اخواني الاعضاء البهبهاني حسب اعتقادي يمتاز مع خبرتي البسيطه الدفرنس مشبوك شد بلد

ss454

11-16-2009, 01:04 PM

كثير من التعديلات صارت عل الجموس وضاعت الهوية لدرجة اني اشوف مواتر بالنادي الباب كهرب وعادي واشلون؟؟؟؟؟؟؟؟؟؟ والترهيمات كثيره حتى صار من الصعوبة التعرف عل الاصلي وربما خيره لاني اشوف بعض التعديلات جيده بس ياليت الاخوان اللي عندهم مواتر مخزنه او من امريكا شد البلد وهي نادرة يتحفونا

78 سنايدي 79

11-19-2009, 04:24 AM

راعي 84

11-19-2009, 07:00 AM

اخوي 84

اضافه رائعه وننتظر المزيد من شيوخ الكلاسيك
والله يعطيك خير موترك ويكفيك شره

كلك نظر يالغالي شهادة واعتز فيها ..تحياتي :43756.imgcache[1]:

GMC1976

11-20-2009, 12:54 PM

مساء الخير ...
الي أعرفه عن وارد طرطوس ,,, الرفرف يجي صدامه الخلفي مثل صدام الجمس المصفح !!
وميزته أنه انمنع من السعوديه قبل منع مديل ال81 ال454 لان فيه ممشى غير طبيعي وعلشان كذا شهرته للأن ..
واي جمس يشوفونه من نظافته يقولون : ... هذا وارد طرطوس !!

ابوفهد

11-20-2009, 02:08 PM

-----------------------
ممكن ليه لاء انا الحمد لله موتري من الجميح وعلى كلام ابوي انه
ماخذه بسعر : 45 ألف
الموديل:84
اللون أحمر كامل وقلب مع الوقت أشعل
الباب الخلفي أحمر مكتوب الجمس بالأبيض
الداخليه عنابي والعدادات بالكيلو متر
الدرايش كهرباء مع الأقفال
عصات القير هو أول موديل تغيرة فيه صار شكلها البيضاوي نفس 86 مع الصور
واول موديل نزل فيه قاعدة عصات القير مربعه مع الربله السودا مع الصور
وأول موديل جات عليه الصيج الحاميه للتوانك البنزين بس فيبر وليست حديد زي الموديلات إلي قبله
السبير (الذراع )مع الصوره>>>>
العلامه ماكان عليه علامه على الكبوت بس عليه أزياج بالرفارف وأصليه وللحين ماشالله عليها لمعتها موجوده(نيكل)
شكمان واحد ايسر لأنه 350 الأصلي ماغيرته إلا قبل خمس سنوات
الكباس حق العالي كان اول موديل يجي معلق بالدركسون مع المساحات
والعفريته (الجيك) موجود داخل كبوته في الجهه اليمين للسياره مثبته على البطاريه مثل القديم83و82و81 اما من 85 وطالع على الجهه اليسرى للسياره لأن قربة الماء الرديتر صارت في مكان العفريته

http://www.9m.com/upfiles/b0Q64408.jpg (http://www.7be.com/vb/)

http://www.9m.com/upfiles/YNS65464.jpg (http://www.7be.com/vb/)

http://www.9m.com/upfiles/JMo65525.jpg (http://www.7be.com/vb/)

مشكووور يا ابوسعد واافي ما شاء الله عليك :43382.imgcache[1]:

___

انا وقد ذكرت ان موتري وارد العيسى صح ! :43250.imgcache[1]:

لكن الصرآحه بعد البحث والاسئله الكثييره الموجه للوالد وعماني :44[1]:
اكتشفت ان موتري وآرد الـجـميـح
وعاد هم في سنة 84 طلعو 3 جموس رفارف من الجميح 2 حمر و واحد ذهبي .. وكانت ذيك الايام على 47,500 ريال سعودي :43376.imgcache[1]:

المهم الذهبي راح عقب سنه من مشتراه والحين ما بقى الا الحمر :icon26[1]:
اللي معي والثاني ويا ولد عمي وكلهم ما شاء الله شد بلد :43613.imgcache[1]:

الوكااد اني ماودي اطول بالحتسي لانه ما عندي زوود على كلام الشباب :)

والمواتر اللي عندنا كلها وحده ونفسس مواصفات موتر ابوسعد لكن فيه فرق اللي هو ان الدرايش هندل مهيب كهرب مثل موتره وبسس ولا الباقي كله نفس الشي :fjr67[1]:

عـ العموم وشوفو هاذي صوره لدفتر الضمان تبع الجمس اللي معي و وقتها توه ما مشى الا 28 كم بسسسسس :44[1]:

http://www.cars-club.com/up/8-2-1/carsclub_60829746.jpg

http://www.cars-club.com/up/8-2-1/carsclub_59223129.jpg

وبسس سلامتكم :43374.imgcache[1]:

مطلق السلمان

11-20-2009, 08:54 PM

بالنسبة لوارد الجميح جاء شيال السبير مثل الصورة اللي زودنا بها أخوي راعي 84 الله يعطيه العافية.

تناهيت

11-26-2009, 05:24 AM

الله عليك يا بو فهد وعلى هالأضافه الرائعه وخاصه الصورة هذي لها ذكريات وتاريخ ارجو منك الاحتفاظ بدفتر الصيانه فقل ما تجد ملاك الجمس محتفظين به حتى الآن

http://www.cars-club.com/up/8-2-1/carsclub_59223129.jpg

راعي 84

11-26-2009, 10:42 AM

مشكووور يا ابوسعد واافي ما شاء الله عليك :43382.imgcache[1]:

___

انا وقد ذكرت ان موتري وارد العيسى صح ! :43250.imgcache[1]:

لكن الصرآحه بعد البحث والاسئله الكثييره الموجه للوالد وعماني :44[1]:
اكتشفت ان موتري وآرد الـجـميـح
وعاد هم في سنة 84 طلعو 3 جموس رفارف من الجميح 2 حمر و واحد ذهبي .. وكانت ذيك الايام على 47,500 ريال سعودي :43376.imgcache[1]:

المهم الذهبي راح عقب سنه من مشتراه والحين ما بقى الا الحمر :icon26[1]:
اللي معي والثاني ويا ولد عمي وكلهم ما شاء الله شد بلد :43613.imgcache[1]:

الوكااد اني ماودي اطول بالحتسي لانه ما عندي زوود على كلام الشباب :)

والمواتر اللي عندنا كلها وحده ونفسس مواصفات موتر ابوسعد لكن فيه فرق اللي هو ان الدرايش هندل مهيب كهرب مثل موتره وبسس ولا الباقي كله نفس الشي :fjr67[1]:

عـ العموم وشوفو هاذي صوره لدفتر الضمان تبع الجمس اللي معي و وقتها توه ما مشى الا 28 كم بسسسسس :44[1]:

http://www.cars-club.com/up/8-2-1/carsclub_60829746.jpg

http://www.cars-club.com/up/8-2-1/carsclub_59223129.jpg

وبسس سلامتكم :43374.imgcache[1]:

------------------------
ههههههههههههه
مستانس حدي أخيرا لقيت لي واحد ياخاويني بالدرب عنده 84 ولا والله من يوم ماجيت على هالدنيا وانا ماأشوف إلا 83 79 78 خلاص مليت ابي واحد 84 حياك الله اخوي والله وسعت لي صدري وضاق صدري تذكرت يوم انا بزر طلعت من الدرج حق الشايب عندي بالبيت كتلوج الجمس (دفتر السياره) قال خلاص مانحتاجه قلت له ليه قال بس وانا بكل دلاخله قطيته وبعد ماسقت الموتر تندمت ندم ندم:107[1]: ولكن الحمد لله انت عندك بعض الأقراض الزينه

طالبك عاد انا بصور حق موترك 84 ياليت ماتبخل علينا ..:43674.imgcache[1]:

ابوفهد

11-26-2009, 01:11 PM

------------------------
ههههههههههههه
مستانس حدي أخيرا لقيت لي واحد ياخاويني بالدرب عنده 84 ولا والله من يوم ماجيت على هالدنيا وانا ماأشوف إلا 83 79 78 خلاص مليت ابي واحد 84 حياك الله اخوي والله وسعت لي صدري وضاق صدري تذكرت يوم انا بزر طلعت من الدرج حق الشايب عندي بالبيت كتلوج الجمس (دفتر السياره) قال خلاص مانحتاجه قلت له ليه قال بس وانا بكل دلاخله قطيته وبعد ماسقت الموتر تندمت ندم ندم:107[1]: ولكن الحمد لله انت عندك بعض الأقراض الزينه

طالبك عاد انا بصور حق موترك 84 ياليت ماتبخل علينا ..:43674.imgcache[1]:

ولله حرااام عليييك قطييته :43778.imgcache[1]: ... بسس بزر عادي ما علييك شرها :fjr67[1]: << امززح وياااك هههههههههههههههههههههه
بس تصدق انا سمعت انها تباع في مزادات امريكا حتى والله قد شفت واحد من الشباب عارضه هنا واللي يبيه يجيبه له من امريكا :)

وبخصوص الصور والله قد قلتلك ما تسوا لكن شف عندك اللي بالتوقيع يوم كان عليه شبك الـ 84 :fjr44[1]: << متحسف انه غييره :43260.imgcache[1]:

بحر القصيد

06-12-2010, 10:01 PM

طيب انا عندي جميحي فل ياراعي الـ84 بس مافيه ازياج على الرفارف

والموتر بلد توني ماخذه حق (الهيئه الملكيه للمراسم والقصور) ومثل ماقلت

خزانات البنزين ماتحتها صاجات يجي عليها ربل واقي اسود

وعادني بجيب صورها لك ^_^

صرت من الشله (عندي 84 اخو موترك) بس شد بلد يعني مهوب مصبوغ خخخخخخخ

ومحالة السبير تجي تحت باب الصندوق وفوق الصدام الخلفي

والشباب اللي سبقوني كفوا ووفوا

تحيتي للجميع