تعال سجل اسمك .. ومنين عرفت المنتدى .. وبعض الاسئله لنحتفظ بها للذكرى .. [الأرشيف]

متعب المعاميل

07-11-2009, 03:09 AM

وانا اول من يبدآ

الاسم : محمد القحطآني

العمر دآخل الـ 20 لي يومين .. :d

وان شاء الله اني طآلب جآمعي عمآآ قريب .. :)

وعرف المنتدى من خويي يدرس بجامعه البترول

معه جمس غماره ونص .. طلع ذاك اليوم ولقا دعوه وفيها رابط المنتدى على مسآحه السياره

وهو مسجل معنا بأسم الهآشمي ولا له ولا مشآركه الله يرجه

بأنتضآآركم

الحايلي

07-11-2009, 05:19 AM

مشكور طال عمرك على الموضوع الحلو والذي يتيح لنا التعارف بهالوجيه الطيبه

الاسم : سعود الشمري

العمر : 27

الوظيفه : موظف حكومي

طريقه معرفتي لنادي عشاق الجمس والشفر الحوض كانت بسبب عشقي للجمس من الصغر وعندنا بمدينه حائل ناس مجنونه بالجموس وانشالله بنزل تقرير مصور عن اجمل جموس مدينه حائل.. وبيوم من الايام دخلت موقع اليوتيوب ابحث عن مقاطع تبرد الكبد شوي وتخفف من الشوق اللي فيني للجمس ( بالذات اني عاشق له وليس مقتني .. والاقتناء قريب انشالله ننتظر الـ 2010 ) فلقيت مقطع مكتوب فيه الاجتماع الخامس لنادي عشاق الجمس والشفر الحوض ما صدقت خبر على طول سجلت ولقيت اللي يمنعني من مفارقت هالنادي ... واتمنى له الرقي بالرجاجيل اللي فيه .. وبصراحه شهادتي باداره النادي مجروحه ....تقبل مني خالص التحيه والتقدير

شقران

07-11-2009, 04:43 PM

الاسم : فارس الرشيد .
العمر : 29 سنة .
الوظيفة : رجل اعمال .

جيت للنادي في بدايته ايام ماكان في مكشات وكنت داخل ادور عدد وادوات وافكار للرحلات وبالصدفه لقيت موضوع النادي ايام ماكان رابطة وكنت وقتها توي شاري الدينالي ودخلنا مع الشباب والله يوفق ان شاء الله ..

متعب المعاميل

07-11-2009, 10:44 PM

ونعم والله

بسعود الشمري

وببو سليمآن

وينكم يا اعضاء النادي .. الزوآر 40 والردود 2 مايصير :(

بأنتضاركم

nwaiser_74

07-12-2009, 12:02 AM

ونعم والله بلجميع ،

اخوكم عبد الله بن ناصر النويصر ، من سكّان مدينة الرياض حالياً
العمر 27 سنه، موظف قطاع خاصّ

عرفت المنتدى عن طريق الغالي أبو حســّــان عسى الله يطول بعمره ويبارك فيه اللي عرفنا على هلوجيه الطيبه ،

تحياتي وتقديري لك اخوي متعب المعاميل

وتحيّة عطره للعزيز أبو حسّان ،

بهبـGMCـهان

07-12-2009, 01:01 AM

الاسم : سعد الدوسري
العمر :23
طالب جامعي على وجه تخرج ان شالله
عرفت المنتدى من مكشات فا من حبي لهذي السياره (الجمس) كنت اخبط في ذا النت وطحت على مكشات ومن مكشات انتقلت مع الشباب إلى هذا المنتدى الرائع الي جمع الوجيه الطيبه الي مزروع في قلبها حب هذي المركوبه
وسلامتكم

GMC.vortec

07-12-2009, 01:14 AM

الاسم:مشعل الشمري
العمر: 25 سنه
الوضيفه: مشغل معامل بترول

ياطويل العمر كنت ادور حل لمشكله بالجمس وطحت بمكشات ولقيت الرابطه هناك ومن الرابطه الى النادي الي اتشرف اني فيه

وشكرا

طارق الحربي

07-12-2009, 02:53 AM

الاسم طارق الحربي

العمر 23 سنه

طالب جامعي على وشك التخرج ان شاء الله

عرفت النادي من موقع مكشات

شكرا لك على الموضوع

شفر 454

07-12-2009, 03:05 AM

نـــــادر بـــن زايـــد الشـــــيبانــــي

من شهر 32 سنـــه

موظف بشركة الكهربــاء
(ياويل اللي بحارش ألسعه بذاك الشوط 4800 فولت)
ههههههههه

عـــرفت المنتدى عن طريق حبيبي في الله

أبوخــطاب

الله يجزاااااه الف خير

تيتشر

07-12-2009, 03:14 AM

الإسم : بدر الدوسري

العمر : 32

الوظيفة : مدرّس

عرفت المنتدى من الأخ العارض من خلال رساله خاصه بمنتدى مكشات

شفر 454

07-12-2009, 03:14 AM

فـــارس الرشــــيد

مشعــــل الشمري

محمــد القحطــانـي

سعــد الدوسري

طارق الحربـــي

ســعود الشمري

بـــدر الدوســـري

وملـــيووون نعــم

وبارك الله بالحديد اللي جمعنا

الجمس طيـّــب مايجي منــه إلا الطيب

z71

07-12-2009, 03:41 AM

الاسم: انس النحيط

العمر: 18سنه

توي متخرج من الثانوي

عرفت النادي من مكشاات

بن غييثات

07-12-2009, 04:26 AM

اسمك ؟؟

وليد بن سعران الغييثي الدوسري

عمرك ؟؟

33 سنة

طآلب .. والا موظف ؟؟

مهندس بشركة الاتصالات

ومنين عرفت المنتدى ؟؟

هكذا الدنيا حلول وارتحال

من بداية البذرة الاولى بمكشات لـ (GM4arab) وهبطت بنا الطائرة هنيا

تناهيت

07-12-2009, 08:58 AM

عبداللة البدراني
33 سنة

بكالريوس ادراة اعمال .... موظف (( الملحقية البلوماسية ))

عرفت النادي عن طريق مكشات طبعا ً .....وكنت مشارك جيد في منتدى الأدوات والرحلات وخشيت بالصدفه على موضوع رابطه ملاك الجمس الحوض ... ولتولعي بالجمس وخاصة القديم اذكر اني تصفحت أكثر من 200 صفحة في يوم واحد وبعدها خشيت مع الشباب ونحمد الله على توفيقه لنا الذي جمعنا في هذا الصرح الكبير ....الله يديمة علينا

متعب المعاميل شاكر لك هالفكرة الرائدة ونتمنى من الجميع المشاركة

تم التقييم +التثبيت +اضافه الموضوع من ضمن المواضيع المميزة

ابوعمشى

07-12-2009, 10:35 AM

الاسم : طلال العنزي

الوظيفه : صيدلي

طريقة معرفتي للنادي
: من ايام رابطة ملاك الجموس في منتدى مكشات وشفت الرابط وسجلت بالنادي والساعة المباركه اللي جمعتنا بها الوجيه

ابو الجدين

07-12-2009, 01:04 PM

السلام عليكم.
الله يعطيك العافية على هالموضوع
اخوكم خالد الخالدي
من اهل الجبيل القديمه عمري 27 سنة موظف قطاع خاص
تعرفت على النادي من حبي للجمس وكنت دايم احوس في هالنت اشوف اخبار الجموس لين طحت عليه وادخل دايم زاير لأن ما كان عندي جمس ويوم ربي سهل وشريت واحد اول ماسويت اشتركت معكم.
وسلامتكم

ابو خطاب

07-12-2009, 01:34 PM

السلام عليكم ورحمه الله وبركآته

كيف الحآل يالربع ان شآء الله بخير وصحه

مثل مآشفتو بالعنوآن

اسمك ؟؟
ماجد عقيل الحجي.
عمرك ؟؟
36
طآلب .. والا موظف ؟؟
ببطاقة الاحوال مكتوب : متسبب.
ومنين عرفت المنتدى ؟؟
رابطة مكشات . . وكان لنا الشرف ان كنا من زمرة الشيبان المؤسسين . . اللي فتحوا الرياض على جموس. :)
لنحتفض بها للذكرى

كل الود ,,,
كل التحايا

حرب

07-12-2009, 03:09 PM

كيف الحآل يالربع ان شآء الله بخير وصحه

اسمك ؟؟ ماجد بن عبدالله السليم

عمرك ؟؟ 31

طآلب .. والا موظف ؟؟ موظف حكومي

ومنين عرفت المنتدى ؟؟عن طريق مكشات الله يباركبه0

الجمرة

07-12-2009, 03:14 PM

الاسم: سعود بن سليم القحطاني
العمر:24
الوظيفه:موظف شركه ارامكو السعوديه في السفانيه
منين عرفت المنتدى: والله مدري كيف لقيته اول مرة الوكاد انها ساعه مبروكه

chevy c10 85

07-12-2009, 03:32 PM

ماجد القحطاني
موظف حكومي
العمر 31
عرفت المنتدي من حبي للمواتر وشغفي الكبيرلها وطحت عليه بالصدفه واشكر القائمين عليه وعلي جهودهم وفي سيارات لايستحق ذكرها لها رابطه وتجمع وماهم افضل من الجمس والوانيتات اللي الكل يحبها

ابوعقل

07-12-2009, 04:07 PM

الأسم: سعود مطلق العقل

العمر: 24

متعب المعاميل

07-12-2009, 04:30 PM

مرحبآ بكم جميع

والله ونعم مليووون .. ولا يسدون

وتشرفنا بمروركم

/

حمرين

07-12-2009, 06:28 PM

الاسم هشام بن عبدالله الزهيميل المطيري

مشروع طالب بس مابعد اكتمل الله يوفقك

العمر 24 سنه

تعرفت على النادي عن طريق قوقل

يعطيك العافيه ياابوسند

رفرـف سديرـر

07-12-2009, 06:55 PM

محمد ابراهيم السبيعي

20 سنة

طالب بجامعة الملك فهد للبترول والمعادن

والشكر لله ثم لبو غازي اللي دلني عليكم الله يجزاه خير :)

وموضوع متعوب عليه يبو سند ،، لاعدمناكـ

مطلق السلمان

07-12-2009, 08:02 PM

بسم الله الرحمن الرحيم

كل الشكر للأخ متعب المعاميل على هاذة البادرة الطيبة ولبقية الأعضاء الذين شاركو في هذا الموضوع وتقبلوا مشاركتي

الأسم : شافي القحطاني
العمر : 28 سنة.
موظف حكومي.

طريقة إلتحاقي بالمنتدى كانت خلال المشاركات في منتدى مكشات والإطلاع على أعضاء رابطة ملاك الجمس والشفر الحوض ومن ثم تأسيس المنتدى والذي يعتبر ناجح بكل المقاييس للجهود الجبارة من العاملين على المنتدى والذين يسرني بأن أتقدم لهم بالشكر والتقدير على هذا المنتدى لنتشارك مع أخوتنا الأعضاء في مواضيع مفيدة للصالح العام ، وكذلك لهواية الجموس القديمة من موديل 78 وحتى 87.

ابو نايف

07-12-2009, 10:10 PM

السلام عليكم ورحمه الله وبركآته
وعليكم السلام
كيف الحآل يالربع ان شآء الله بخير وصحه
الحمد لله
مثل مآشفتو بالعنوآن

اسمك ؟؟
بندر المزيني
عمرك ؟؟
32 سنه
طآلب .. والا موظف ؟؟
موظف في شركه
ومنين عرفت المنتدى ؟؟
انا كنت متواجد مع الشباب من ايام مكشات الى ....... النادي
لنحتفظ بها للذكرى
احتفض بها للضكرى :43270.imgcache[1]:
كل الود ,,,
كل الحب :43528.imgcache[1]: متابع

بـلـيـهـان 1

07-14-2009, 01:41 PM

اسمك ؟؟

معاذ بن عبد الله أبابطين

عمرك ؟؟

20

طآلب .. والا موظف ؟؟

توني متخرج من الثانويه و موظف في نفس الوقت

ومنين عرفت المنتدى ؟؟

مكشات

--

اشكرك ابو سند على موضوعك الجميل

تحياتي

ذيب الصحراء

07-14-2009, 01:56 PM

اسمك ؟؟
بدر بن سليمان السليمان
عمرك ؟؟
22
طآلب .. والا موظف ؟؟
طالب في جامعة الملك سعود
ومنين عرفت المنتدى ؟؟
من مكشات

alharbi_4

07-15-2009, 09:15 AM

الاسم امجد بن عوض الحربي

العمر 24 سنه

موظف بقطاع خاص وطالب بنفس الوقت

تعرفت على الرابطه عن طرق موقع مكشات اللي له الفضل بعد الله سبحانه وتعالى ثم الوجيه الطيبه هاذي في جمعتنا
وفي ختام كلامي ما اقول غير الله يجمعنا على خيره وطاعته ويزيدنا من محبته قولوا اميييييين ....

راعي 84

07-15-2009, 11:34 AM

مرحبا والله ومليون ترحيب بالوجيه الطيبه كلكم أخواني وعزيزين علي وهذا شرف لي والله اني بينكم أنا عندي اخ واحد واليوم صار عندي الكثير فيها فرحه لي يوم عرفتكم والله الشاهد على كلامي أول شي أنا :
إسمي ناصر سعد الطويرش الخـالـدي >>(بوسعد)
عمري مابن21 وال20
أنا خلصت دراسه في معهد الجبيل التقني سنتين من الدراسه وسنتين على خط الجبيل يوم الأربعاء والجمعه رايح وجاي لرحيمه وكنت ساكن سنتين بالجبيل مع عيال عمي >>>عزابيه
وأنا ألحين في كندا أكمل دراستي وأنا يوم فارقت الجمس حقي وللأسف صار لي فوق ال8 شهور ماسقته وأنا كلما شفت جمس في كندا يجن جنوووني على شان كذا مالقيت أكثر حب للجموس مثل وجيهكم الطيبه تنسيني هم فرقاي للجمس وسوالف عنه ما تنمل تحسسني انه قريب مني .الله يكتب إلي فيه الخير
والفرصه الحلوه إلي خلتني أعرف المنتدا كنت أدور على صور ومقاطع جموس لين ربي ماأدري شلون حطني في ذا المنتدا صار لي فتره وأنا مسجل بس للأسف ما شاركت إلا قليل وزادة مشاركتي يوم رحبو فيني النشاما وعجبتهم مواضيعي وهدفهم الطيب بأنهم يزيدون من عشاق وملاك الجموس والشفر الحوض. :43370.imgcache[1]:
وسلامتكم يالغالين هذا كل شي وأاسف على الإطاله بس >متغرب
تحياتي لكم >>راعي 84

فيصل الخالدي

07-15-2009, 02:30 PM

فيصل عبدالله الدمخ الخالدي
21 سنه

اغلبكم ماحط احداثياته لكن هذا انا
انا من الرياض والاصل من الخرج وادرس فالخرج

طالب بجامعة الملك سعود 2 سنه

وتعرفت على المنتدى عن طريق ابو غازي عاشق z71 جزاه الله خير

وزين الفديو الي فاليوتوب عرف الناس في نادينا

الحايلي

07-15-2009, 08:57 PM

وزين الفديو الي فاليوتوب عرف الناس في نادينا
انا انصح بالتركيز عليه خاصه انه دعايه قويه للنادي وكثير من ملاك الجمس ما عندهم خبر بالنادي ويتمنون هالفكره

عموماً لو يكون التركيز على تنزيل مقاطع للاجتماعات وتكون مقاطع كثيره مو مقطع واحد تكون فكره ممتازه ..

بهبهاني 454

07-16-2009, 02:23 AM

صالح الزيدان

العمر 30 سنه

موظف حكومي بالجبيل ,

عرفت المنتدى من خلال الموقع الرائع مكشات

ادولف هتلر

07-18-2009, 04:35 AM

اولا شكرا على الموضوع..

الاسم - أنس محمد السهلي

العمر - 24 سنه

طالب وموظف في قطاع خاص

عرفت المنتدى من موقع مكشات بمعرف ادولف هتلر <<<<<< مايحب التغيير.

تبي السجل المدني <<<<<<<<<<<<<<<< امزح هههه

الحسام79

07-18-2009, 05:50 PM

الاسم
حسام صالح النشار

العمر 30

المهنه
حر ما بين القاهرة وجدة ادور ورا عشقي الاول الخيول

الهوايه
تربيه وانتاج الحصان العربي + الرفارف + تربيه العناكب الذئبيه + تربيه اسماك الزينه نوع اسمه ((اروانا )) و ((فلورهورن))

كيف عرفت النادي
كنت ادور عن الرابطه اللي بمكشات بقوقل طلع لي النادي وسجلت على طول

khattab

07-19-2009, 12:54 AM

الاسم : سعود الهيدوس

العمر : 22 سنه

المهنه : موظف حكومي

من قطر - الدوحه

كيف تعرفت على النادي : بالصدفه وانا ابحث في موقع قوقل ولفت انتباهي اسم النادي انه للجمس وانا عشقي الجمس من الصغر
.. وماحلاها من صدفه ان تعرفنا عليكم

عساك سالم ياخوي عالموضوع الجميل

ابوصالح

07-19-2009, 03:47 AM

لاسم :نايف صالح الحويل
الوظيفه:متخرج من الكليه التقنيه وقاعد بالبيت
عرفت النادي من مكشات متابع بصمت
المدينه الجبيل_عنيزه
العمر 23
السياره هايلكس ودي اشري جمس لاكن الضروف

اسد 8100

07-21-2009, 06:54 PM

بسم الله الرحمن الرحيم
الاسم : عبدالله البدر العنزي
العمر: 18
الوظيفة: طالب
عرفت المنتدى عن طريق الكابتن فيصل الخالدي الله يجزاه خير وانا اعتبره صراحة مدرسي الاول واخوي الكبير
تقبلو مروري

عاشق G M C

07-23-2009, 07:01 AM

الاسم :
سليمان محمد العقيل
المهنه :
طالب بالجامعه
العمر:
21
منين عرفت المنتدى:
من اخوي فيصل الخالدي الله يعطيه العافيه على انه عرفني على المنتدى وعلى الوجيه الطيبه

بندر

07-23-2009, 05:04 PM

الســلام عليكم ورحمــة الله وبركاته

الاسم => بندر (خلف) حمدان الحويمضي الحربي

العمر =>19 سنه والحيين فاصل العداد مادري كم ماشي

الهوايه => الطيرران وفيه مائرب اخررى مايحتاج تدرون عنها :43267.imgcache[1]:

الووظيفه => عاطل وحالين مووظف بمنتدي نادي عشاق وملاك الجمس الحوض

هاذا مالدي والله على مااقولهو شهيد

بحر القصيد

07-25-2009, 12:15 AM

السلام عليكم ورحمة الله وبركاته

الله يعطيك العافيه يامحمد على هذا الموضوع المميز بتميز كاتبه وفكره النير

الحريص على تعارف الأعضاء وترابطهم

الإسم : ناصر الهاجري

العمر : 29سنه

الوظيفه : اسحب جنوبي من تشليح لتشليح ^_*

كيف عرفت النادي : كنت مع الشباب في رابطة ملاك الجمس والشفر في مكشات
لحين ماتم عمل مجموعه على الإيميل .. وبعدها على الموقع الأول ومنه للموقع هذا
والحمد لله من تقدم لتقدم ولله الحمد والمنه على معرفة الرجال شرواكم

وهذا بحد ذاته مكسب الرجل في دنياه بعد العمل الصالح معرفة الرجال والذكر الطيب

لاهنت يا ولد الشايب وبيض الله وجهك

أبوعبر454

07-25-2009, 03:16 PM

الاسم : عبدالعزيز الشمري العمر : 20 موضف عسكري اللي جابني الموقع اخوي الحايلي وانا من عشاق العبر البهبهاني واصراحه الموقع متتاز جدا يعني حنا بحايل فيه جموس بس صراحه تعلمنا من الموقع اشياء جديده لدرجة ان الجموس اللي عندنا بحايل مصرت ارها شي على الي شفتوه هنا ... وشكراً اخوكم ابو عبر 454 ولنا اشرف اننا نتعرف على هلوجيه اطيبه

لورنس

07-29-2009, 04:03 AM

حسام فهيد الحيسوني
العمر20
عرفته من منتدى مكشاات

الموقع ممتاااز ويخدم مالكيين الجموس والله يعطيهم العافيه الادارة ما قصروا

ومشكووور يا متعب المعاليل على موضوعك المميز

وشكرااااا

الزئبق

07-30-2009, 04:00 PM

السلام عليكم ورحمة الله وبركاته

اخوكم احمد

من الامارات \ بوظبي

30 سنة

كنت ابحث عن موضوع فوصلت عن طريق محرك البحث الى هنا

تحياتي للجميع

السهرااان

08-03-2009, 02:10 PM

الاسم:عمر ظافر الشهري
العمر :23
المهنه:طالب في الجامعه وانشاللله اتخرج
عرفت المنتدى من مكشات فا من حبي للحوض كنت اخبط في ذا النت وطحت على مكشات ومن مكشات انتقلت إلى هذا المنتدى الرائع الي جمع الوجيه الطيبه الي مزروع في قلبها حب هذي الموتر
وسلامتكم

بن دريويش

08-05-2009, 12:19 AM

أحمد الدريويش

الأحساء

متخرج من الجامعة + أعمال حرة

26

عن طريق مكشات

SILVERADO

08-06-2009, 06:59 AM

الله يعطيك العافيه والحرص على التعارف بين الأعضاء

الإسم / سالم

العمر / 25

من وين عرفت النادي .. عرفته عن طريق واحد من الشباب الله يجزاه الخير قال الموقع وقلت ادش واشوفه
ومشالله شفت كل الخير فيه والوجوه الطيبه والاحترام والأخلاق المتبادل بين الأعضاء ويشرفني الانظمام لكم

}{₩ عاشق GMC 5300 ₩}{

08-09-2009, 09:21 AM

الأسم / تركي (أبو محمد)

العمر / 21 سنه

المهنة / طالب في جامعة الملك سعود (كلية إدارة أعمال )

تعرفت على الموقع عن طريق الأخ z71

وأشكره من كل قلبي لانه هو السبب في تواجدي في هذا الموقع المميز

والشكر موصول لك أخي العزيز على هذا الموضوع المميز

أبوحمد

08-09-2009, 12:06 PM

السلام عليكم ورحمة الله وبركاته

شكرا لك على الموضوع الرائع

الإسم : يوسف حمد الظفيري

العمر : 24

الوظيفه : بكالريوس علوم حاسب الي

كيف عرفت النادي : عن طريق رابطة مكشات الى ان تأ سس النادي
ولي الشرف اتعرف على الوجيه الطيبه وشكرا .

راعي الحمر

08-12-2009, 09:52 AM

السلام عليكم ورحمة الله وبركاته

عبداللـــه بـن فهــد الدوســـري
من سكان مدينة الرياض وحالياً في أمريكا لإكمال الدراسه. عرفت المنتدا عن طريق البحث فالنت على الونيتات وأهلها. و والله أنـــها أبركها من ســاعه اللـي جمعتني في هالوجيه الطيبه

ملحوظه:- أنا جديد في المنتديات وأول مره أسجل في منتدى, واللي جذبني لـه أكثر أنه يخص الجمس والشفر.

كحيلان

08-12-2009, 11:56 AM

ما شاء الله موضوع يوسع الصدر ويعرفنا ببعض

انا عبدالله محمد الدوسري
طبعاً من سكان الرياض وعمري 31 ربيعاً
أشتغل في الاتصالات السعودية
متزوج وعندي ثلاث أولاد الله يصلحهم ويصلح عيالكم
معرفتي بالمنتدى: كنا في منتدى مكشات وتم دعوتي عن طريق الاخ الفاضل (( العارض )) جزاه الله خير.
موتري ونيت 78 أحمر بهبهاني 454 تحت التطوير وقريب راح يطلع للانظار ،،، وأقدم شكري كله للأخ البهبهاني المغترب لأن الفضل يعود لله ثم له ووقفته معي علشان يطلع الونيت بأحسن حال والحمد لله الأن في المسات الاخيرة<--- يا كثر حتسيك بعد:)

SilverSniper

08-12-2009, 04:49 PM

اخوكم عبدالله بن خالد التركي..
من المجمعة وساكن بالرياض.. موظف حكومي..
تعرفت على المنتدى وسجلت بناء على دعوة من الأخ ابوغازي والاخ بن غييثات في مكشات باستضافة رابطة ملاك البليزر هنا..
لدي 3 سيارات كلها شفر ولله الحمد,, :)
تاهو 2007 lt 4×4
بليزر 1990 معدل..
ونيت شفر قطع 30.. موديل 1977.. ازرق والتنده بيضاء والرزق على الله.. :)
تشرفت بمعرفتكم.. :)

عاشق الجمس 77

08-17-2009, 08:39 AM

الاسم / ياسر اليامي
العمر / 31 سنة
الوظيفة / موظف حكومي

معرفتي كانت بواسطه موقع مكشات وبعدها انتقلت الى هذا المنتدي اللي
جمعنا بهالوجيه الطيبة وبصراحة منتدي نحسد عليه والله لا يغير علينا
قلوبنا على بعض
والله والنعم بكل اعضاء المنتدي

سعدالسعود

08-23-2009, 02:22 PM

معكم أخوكم سعود بن سليمان العكوز الصقيه التميمي ..
من مواليد 1984م ..
موظف في مؤسسة البريد السعودي ..
تعرفت على المنتدى عن طريق منتديات مكشات ..

ابو شكمانين

08-23-2009, 03:16 PM

بسم الله الرحمان الرحيم
السلان عليكم ياخوان
انا اصغر واحد بل المنتدى ::هههههه
اسمي:فيصل امهلي الهاجري
العمر:16
عرفت المنتدى عن طرق تصفح النت وكنت ادور عن صور جموس كدم ودخلت على المنتدى مقتوب لزم تسجل
وانا احب الجموس القدم :::
ومشكورين على المنتدى الجميل من الاعل فوق انشاء الله

بعيد الهقاوي

08-24-2009, 11:02 AM

بسم الله الرحمن الرحيم

السلام عليكم ورحمة الله وبركاته

الاسم : نـايـف الـعـتـيـبـي

العمر : 30 سنة

الوظيفة : موظف في شركه ارامكو

معرفتي كانت بواسطه موقع مكشات

واشتراكي في رابطه ملاك الجمس

اسير الجمس

08-25-2009, 10:56 PM

الاسم:سليمان الصقعبي

الوظيفه:موظف بالجبيل والاصل من القصيم

العمر:24
معرفتي بالموقع: عن التصفح بالنت بالصدفه واناابحث عن مواضيع عن سيارات جي ان سي وشفروليت عشقي من الصغر

الشفر الاحمر

08-27-2009, 06:39 PM

اسمك ؟؟
فهد بن منصور التميمي
عمرك ؟؟
مايبين 30ربيعا و35 خريفا:43270.imgcache[1]:
طآلبا .. والا موظف ؟؟
موظف بالتعليم
ومنين عرفت المنتدى ؟؟
كنت من أول أبحبش بالنت من شان أروق موتري:43774.imgcache[1]: وصل بي لبحث لمكشات وما طولت الا واشوف رابط لعشاق وملاك الجمس والشفر الحوض وانا ذالحين :43410.imgcache[1]:مستانس أنتم مستانسين :43380.imgcache[1]:
العربيه"الموتر "
شفر 1990مرفرف يحبه :43526.imgcache[1]: قلبك:43743.imgcache[1]:
رقمي،،،،،،
********00966505والباقي ما تغير

زنيفر الشامري

08-27-2009, 11:31 PM

الاسم
زنيفر بن فهد الشامري العجمي
العمر 29 سنه
عرفت الموقع عن طريق دعوه على الموتر
الوضيفه امين مكتبه معهد الجبيل التقني
والموتر جمس مصفح

RPK

08-28-2009, 07:05 PM

اسمك ؟؟
محمد عبدالكريم المجحد
عمرك ؟؟
23 ونص
طآلب .. والا موظف ؟؟
موظف في مدينة الملك عبدالعزيز للعلوم والتقنية يعني اي حركه مالها داعي من المنتدى علطول حجب خخخخخ
ومنين عرفت المنتدى ؟؟
عن طريق مكشات وكنت مشارك مع الاخوان

وليام

08-29-2009, 03:48 AM

السلام عليكم
كل عام وانتم بخير والشهر عليكم مبارك

اسمك ؟؟

فيصل بن حمد العليان

عمرك ؟؟

33

طآلب .. والا موظف ؟؟

موظف بوزارة العدل بالرياض

ومنين عرفت المنتدى

منتدى مكشات واخوي فيصل الخالدي بمنتدى تطعيس

z 7 1

08-31-2009, 06:24 AM

وعليكم السلام ورحمة الله وبركاته

مثل ما أتنم شايفين .. أنا عضو جديد هنيا ومريت على المواضبع المميزه ولفت انتباهي أكثر من موضوع مشاء الله ومن بينها هالموضوع

الاسم : صالح >> أبو عبد الرحمن
العمر : 26
العمل : أخصائي دعم فني

طبعاً انا مغرم بالجموس الحوض منذ مبطي لكن ما كتب الله وأني املكـ واحد منها :(
لكن عوضني رب العالمين بـ بليزر شفر
يعني أخوان ودايم ابحث واتفرج وأزور المنتديات هنا وهنا بس مالقيت شي متخصص مثل هالمنتدى الله يجازي اللي قايمين عليه
وأخذت العنوان من أحد مقاطع اليوتيوب والحمد لله وصرتوا مسجلين انتم معي :D

آسف .. شكلي طولت ونتشرف معرفة الوجيه الطيبه إن شاء الله

مشكور أخوي متعب على الموضوع المميز

:43747.imgcache[1]:

قناص حرب

09-02-2009, 09:12 PM

السلام عليكم
كل عام وانتم بخير والشهر عليكم مبارك

اسمك ؟؟
راكان بن مرزوق المخلّفي الحربي

عمرك ؟؟

18

طآلب .. والا موظف ؟؟

طالب

ومنين عرفت المنتدى

هذا مره ياطويل العمر كنت عند طعس التحدي في الدمام اطعس

الا واحد جايني يسائلني عن الموتر وش موديله وبكم وقام يسولف

شوي يوم قالي ندعوك للمشار كه في كذا كذا كذا اللي هو المنتدى ذا

قلتله على خشمي ولي الشرف طال عمرك

وسلامتكم

ان شاء الله اني افيدكم وتستفيدون مني

Q8Rides

09-05-2009, 04:13 PM

السلام عليكم

مساكم الله بالخير

اخوكم جاسم ذياب من الكويت

العمر 25 سنة

موظف بالقطاع الحكومي

عرفت المنتدى من منتدى مكشات موضوع رابطة مشجعي ومحبي ومالكي الجمس والشفر

قواكم الله وكل عام وانتوا بخير

سعد بن قشعم

09-13-2009, 03:03 AM

موضوع مميز جدا

اسمك ؟؟
سعد بن مبارك ال قشعم الهاجري

عمرك ؟؟
28

طآلب .. والا موظف ؟؟
مشرف عام التوزيع في شركه نفط الكويت

ومنين عرفت المنتدى ؟؟

عن طريق منتدى مكشات

طرطوس 1978

09-14-2009, 09:34 PM

اشكرك عالموضوع وهو يتيح لنا التعرف على الاخوان

الاسم:فهد عبدالعزيز المري

العمر:16

ادرس وآخر سنه ان شاء الله

عرفت المنتدى من مقطع فاليوتيوب

الله يجزاه خير اللي حط المقطع

وعرفنا ذا الاجاويد

تقبل مروري........

سعد الليالي

09-17-2009, 05:24 PM

تشرفت بمعرفت هالوجية الطيبة ...

وانا سعد محمد سعد الجدوع ..
متدرب في معهد الادارة العامة برنامج السكرتير التنفيذي
ولي من العمر 22 خريفاً
وعرفت المنتدى عن طريق اخوي ابو غازي ياجعلي افداه
في منتدى مكشات.. ثم سجلت بعدها ...وتركت المنتدى بسبب تحفظي على كلمة الحوض..خخخخ
بس تعوذت من ابليس ..وها انا اتشرف بمعرفتكم ...

الفريشه

09-22-2009, 04:40 AM

عليكم السلام ورحمه الله وبركآته

اسمك /عبدالعزيز الحبيشي (ابوعبدالله)

عمرك /39

طآلب .. والا موظف /أعمال حرة

ومنين عرفت المنتدى / من منتديات مكشات

اجمل الاماني للجميع,,,

دينالي تركوازي

09-22-2009, 05:39 AM

الاسم : هيثم بن عبدالعزيز الهـلـيـل
الوظيفة: ان شاء الله في شركة الكهرباء
العمر :26 سنه
عرفت الموقع عن طريق موقع (مستعمل) حيث اني من اعضاء الموقع من عام 2004 وكل يوم ادخله اتفرج على العرض والطلب واشوف صور المواتر وخصوصا الجمس والحمد لله الموتر اللي معي دينالي2007 وجمس غماره2003 يعني عاشق ومقتني للجمس
وتشرفنا فيكم والله والله يحيي كلن بسمه

راعي شعيلان

09-26-2009, 04:12 PM

اخوكم ومحبكم في الله,
زيد بن سالم الفايدي الجهني
من املج وساكن في ينبع الصناعيه
العمر,
23 سنه
الهوايه,
السجات في الربيع والقنص
المهنه,
راعي هجن ومدير اعمال الوالد الله يطول بعمره ويحفظه
تعرفت على المنتدى عن طريق تصفح الانترنت بالصدفه طيبت فيه ويا محاسن الصدف,
بحكم اني راعي جمس واقدر الجمس وراعيه حبيت اني اكون بينكم اخو ومحب في الله
ملاحظه(ارجو العذر لعدم تواجدي بكثره في المنتدى لانشغالي مع ظروف الحياه)
دمتم بحفظ الله ورعايته اخوكم راعي شعيلان

G M C BLACK

09-29-2009, 09:53 PM

اسمك ؟؟
عبد الرحمن ابراهيم العنزي من القصيم و سااكن بالرياااااض
عمرك ؟؟
18 سنه
طآلب .. والا موظف ؟؟
طااالب كليه المجتمع بالمجمعه << الي ساااكن بالمجمعه يعلمن
ومنين عرفت المنتدى ؟؟
اولا بسبب حبي للجمس الحوووووض

و ثاني الدوران بقوقل و دخلت بين هالوجيهـ الطيبه

78 سنايدي 79

10-04-2009, 12:21 AM

اسمي / مازن مساعد القنيني المطيري
عمري / 24
طالب جامعي
وعرفت المنتدى بالصدفة من خلال التصفح في النت والبحث عن الجموس
واشكر صاحب الموضوع وكل الاخوان اللي شاركو

مع تحياتي للجميع ...

شاهين

10-05-2009, 09:20 AM

اسمك ؟؟ شاهين محمد

عمرك ؟؟ 28

طآلب .. والا موظف ؟؟ موظف في الجبيل الصناعيه

ومنين عرفت المنتدى ؟؟عن طريق مكشات

عاشق 1979

10-08-2009, 11:45 PM

سلام عليكم و رحمة الله

اما الاسم فاسمحوووووووو لي صعب شوي لضروف التشهير خخخخخخخ

اما اما العمر 25 ربيعا

هواياتي ما اسمع في شيء اسمه مطارحه الى ما عرفني كل الي عندي بصوت سيارتي

طبعا و الحمدلله موظف في شركة و الحمدلله

و عرفت منتداكم من كثر ما افرفر بالسيارة و في قوقل و سلامتكم

النايف

10-09-2009, 06:16 AM

الأسم مبارك الهاجري

العمر 26

أنا موظف حكومي ((عسكري))

عرفته عن طريق مكشات

وهذي الساعه المباركه اللي عرفتني على هالوجيه الطيبه اللي تشرف من خاواها

Mohammed1950

10-09-2009, 10:02 AM

الاسم :محمد الشاهين
المهنة :طالب جامعي
طريقة تعّرفي على المنتدى : عبر موقع مكشات
الاحداثية :المنطقة الشرقية :العيون
سبب عشقي للجموس أني كنت في يوم من أيام الصيف فوق النتراء ومسرع:43278.imgcache[1]: وقدر الله ويصير على حادث (طبعا السؤال هنا شجاب طاري الحادث بالجمس)الجواب أني كنت ظارب على الابريق ولكن لعدم وجود نظام ABS أكيد تعرفون الباقي ولكن الحمد لله على السلامة ومن ذاك اليوم حلفت ما أركب غير الجمس :43737.imgcache[1]:موتر تتوفر فيه جميع المواصفات من سلامة وقوة وهيبة
أضف على ذالك أن الوالد الله يحفظه خبره أربعين سنه بالجموس
وهذه الساعة المباركة التى تعرفت بها على الوجيه الطيبة

خويي الجمس

10-23-2009, 04:53 AM

شكرا على الموضوع المتميز
ماجد العنزي
اركض ب 26سنه
موضف بشركة اسمنتيه
تعرفت على الموقع عن طريق موقع مكشات بسبب اني كنت ادور حل لمشكلة طرمبة البنزين بموتري وقمت احوس بلموقع مادريت الا اناعندكم وماصدقت خبر على طول سجلت وقمت اتصفح الموقع وكل مالقيت سويت مشاركه وبعض الأحيان يصير الموضوع قديم بس الحمدالله ني تعرفت على الموقع والحين انا قاعد اتفلسف وبتوفيق للجميع

بن سعد

10-27-2009, 08:30 PM

محمد سعد العنزي
25 سنة
المدينة المنورة
حاصل على دبلوم التقنية وغير موظف حاليا
هواياتي : اي شغلة فنية اقدر اسويها بنفسي ( ميكانيكا - كهرباء ........)
سياراتي : جمس سوبربان 88 (حبيب القلب)
شفر سوبربان 97 ( توي شاريه )
ددسن 2000 (سيارة اهل المدينة المفضلة )

تعرفت على الرابطة اثناء تصفح الانترنت
وكانت والله الساعة المباركة

mazenk15

10-31-2009, 11:07 PM

السلام عليكم ورحمة الله وبركاته
الاسم :مازن القويفلي
العمر:25
طالب بالكلية التقنية (ميكانيكا)
تعرفت على الموقع عن طريق اخي (خويي الجمس)
وهذه أول مشاركه لي في هذا المنتدى عسى الله ان ينفع به الاسلام والمسلميين

جمس بن شفر

11-06-2009, 02:33 AM

موضوع رائع بمعنى الكلمه وإنشاءلله مانخسر الأعضاء الي بمستواك.
الأسم:مخلد المطيري.
العمر:17
طالب ثانوي.
عرفت المنتدى عن طريق العضو (عشاق gmc)الله يعطيه العافيه.

أنتظر تعريفك بنفسك؟؟

ش ل ش 1 1 1

11-07-2009, 02:40 AM

الاسم:
شلش البقمي

العمر:
24سنه مطقطقها طقطقه

موظف حكومي
كيف عرفت المنتدى

وصلنا مربط الفرس
اعلم يا..... ولا ماتبيني اعلم
والله عرفت المنتدى عن طريق احد الاعضاء في الرابطه
وكنا متواجدين في مكشات واخبرني بالرابطه واهتماماتها
وموجز عن بعض ماتقوم به الرابطه من التعاون فيما بينهم
في طلعاتهم ونقاشاتهم وتبادل الاراء فيما بينهم واعتقد انني
لااستطيع ذكر اسمه الا بعد استشارته لانه يعمل ويحب يعيش
بعيد عن الاعلام وبإذن الله افيدكم واستفيد منكم.
واشكرك يامتعب المعاميل على هذي الفكره اللي تعرفنا
على بعض اكثر واشكر الجميع على اهتمامهم باقتراح زميلهم
بما يخص تدوين الاسم وغيره.
وبصراحه انا احس(( بروح الجماعه ))في هذا المنتدى وإلى الامام

مخرمس

11-14-2009, 01:47 PM

اخوكم الصغير صالح بن محمد العنيزان

من مواليد 12- 12- 1986

موضف بشركه ارامكو السعوديه

عرفت النادي عن طريق منتديات مكشات

اعشق المصفح ومالي خلق الرفرف ههههه

<< عنصري

راعي الـ 2500

11-19-2009, 01:45 PM

الاسم:
ابراهيم صالح الدامغ

العمر:
16 .. اادمانـ بـ الجمس ..

طآآلب في الثانوي ..

راعي الطراد

12-09-2009, 04:53 AM

السلام عليكم و رحمة الله وبركاته
الاسم : سعود الدوسري
العمر : 26 ربيعاً
موظف باحدى الشركات الكبرى حلو تخفيضات هذي

وتعرف على النادي عن طريق اخوي شفر 454 الي هو اخوي نادر وواجهني في سوق الخضار وقالي الموتر لا يسرق ميد الجمس ونبهني الله يجزاه خير لاكن موب اي واحد يسوق الجمس ويحوفه حوف وانا انشاء الله من اليوم ورايح واحد من اعضاى المنتدى
واسمي بالمنتدى راعي الطراد
وتحياتي للجميع

ابن مشعل

12-11-2009, 11:15 PM

مساكم الله بالخير جميع

الإسم: طارق بن إبراهيم المشعل

العمر: 33 سنة

العمل: أعمال حرة

عرفت الموقع عن طريق البحث في قوقل عن الجموس

ولقيت هذا الموقع المميز وإن شاء الله نفيد ونستفيد منه

تحياتي للجميع.......

الجمس الظبياني

12-27-2009, 03:59 PM

ونعم بالجميع

الاسم : نــايـف الـخــالــدي

العمر : 25

موظف : شركة أبوظبي الوطنية للبترول adnoc

طالب : بكالريوس هندسة صناعية - دبلوم الميكانيكا الالكترونية

عرفت المنتدى عن طريق مقطع فيديو في اليوتيوب

وسلامتكم

أبو بيلسان

01-06-2010, 07:15 PM

السلام عليكم ورحمة الله وبركاته

يشرفني اني اكون عضو في النادي الي يقدر الاسطوره الي اسمها جي ام سي

ويشرفني اني اكون معكم واول موضوع اكتبه اني اعرف بنفسي.

الاسم: عبدالله العامر
العمر : 26
العمل : مدينة الملك عبدالعزيز الطبيه بالاحساء
السياره : شفر حوض
الموديل 81

السبب الي دلني على هنا هو اني كنت ابحث عن طريقة تحويل الموتر من عادي الى 4*4 فكتبت موضوعي في مكشات
ورد علي مشرف خيمة تجهيز السيارات قالي روح على الرابط حق ملاك الجمس الحوض والشفر
ورابط بعد الثاني لين وصلت هنا والحقيقه انه يستحق الشكر.
اسف على الاطاله لكم تحياتي

مبارك العجمي

01-10-2010, 11:56 AM

اسمك ؟؟
مبارك مشرف السحيّب
عمرك ؟؟
39 سنة مضت يالله الغفران
طآلب .. والا موظف ؟؟
طالب كنت فيما مضى اما الآن أسعى في مناكبها
ومنين عرفت المنتدى ؟؟
من الاخ الكريم الغالي سعد الهاجري
لنحتفظ بها للذكرى

كل الود ,,,
ولك ياكاتب الموضوع كل الحب والود

برق

01-11-2010, 06:29 PM

الاسم:زيد الدوسري

العمر:17 اصغر واحد في المنتدى هههههه

المهنه: طالب في الثانوي

عرفت المنتدى الحلو واعضائه االلي يشرفني اكون واحد منكم من منتدى مكشات وبعض المقاطع اللي بااليوتيوب يكون في شعار المنتدى

راعي البهبهاني

01-11-2010, 11:25 PM

الاسم / فيصل بن عبدالله السبيعي

العمر / 30 سنه

الاحداثيه / الدمام

العمل / موظف قطاع خاص

تعرفت على المنتدى من خلال تأسيس رابطة ملاك الجموس والشفر في مكشات وهذي اسعد الفرص للتعرف على الوجيه الطيبه وانا من عشاق ومدمني الرفرف .

GMC1996

01-12-2010, 06:22 AM

الاسم/ محمد الحميد

العمر/22سنه

العمل / ممرض

طبعا الجمس اعشقه قبل لا اكون هاويه ومن شدة ولعي في الجمس

قلت في نفسي خلني اشوف الجموس باشكالها عن طريق النت وانا ابحث بالصور دخلت على موقعكم

وبصراحه هذا اللي كنت ابغاه من زمان موقع يهتم بشي اعشقه واي شي ابيه عنه احصله

اتمنى اكون ما طولت عليكم

ابوجمل

01-23-2010, 02:40 PM

أخوكم في الله

خالد الشمـــري

العمر / 32 شايب الله المستعان .والله ماودي اطري العمر لاني احتمال اخذ مسيار

حدودي / الخبــــــر-حي الجســـــر(متعودن على الكنووود)

العمل / الشركة القابضة .

عرفت المنتدى / توني طايحن بحب الجمس وبالذات الونيتات الله يعينن بس
كنت اسوي بحث في قوقل وجابلي المنتدى الحلو ذا ويشرفني بعد شوفتكم قريباً

والسلام ختام ,,,,,

أبو رشيد

01-25-2010, 01:50 PM

مـــــــــاجد البراك

العمر 20

من سكان الرياض

وعرفت المنتدى بالصدفة لاني كل يو اكتب في جوجل عن الجمس لان هالموتر ماخذ غقلي ولا احب اسمع شيء عنه الا بالخير والله من زود حبي له اني كل ما خذيت شوي اطلع اطل بالشلرع اتأكد انه مووجود بس علشان ترتاح نفسي بس ولا اطول عليكم

وانا طالب جامعي وراسب في 3 مواد كله بسبب الجمس دايم اتورط به بهالزحمة الي بالرياض ومثلكم عارفين الجس وقته الارصفه بس انا من خوفي عليه امشي مع السيارات <<<<مسوي عاقل والله لو يشوفونك على الخط كان قالو هذا ماهوب صاحي بس انظبط ولا تكثر هرج

مخاوي الريح

01-30-2010, 12:55 PM

هلا بكم
معكم راكان السليم
العمر 18
طالب بثالث ثانوي
وعرفت الموقع من خويي بس ماسجل للحين كان عنده جمسين واحد غمارتين والثاني غماره الغماره باعه والثانيه خربان والله مدري مكينه ولا مدري وشبه
انا معي جمس 81 قطع 10 اللون بيج ((حليبي))
بالرياض

بدر الهاملي

03-01-2010, 01:34 AM

مـــرحبا,,,,,,
اخوكم /بدر سليمان الهاملي
العمر /23
المنطقه/المجمعه
الوظيفه / فاضي واوزن كبليترات الجموس
المعرفه/ يوم بعت ونيتي فصلت وقمت ابحث عن العلوم الطيبه وحصلت الموقع الي يشرف
السياره سابقاُ/جمس 79 إسرائيلي
.....حالياً/ سيكل وموقفه بالبايكه

S.B.A

03-01-2010, 12:14 PM

الاسم: سيف العدواني
العمر: 22 سنه
الوظيفه:رجل أعمال

وكيف تعرفت الموقع والله بلشه والله يا اخوان كنت اخبط في ذا النت من صور ومقاطع للجموس وكنت وما زلت عاشق شي اسم gmc وهي سيارتي المفضله وفجاه وان طلعلي ذا الرابط واضغط عليع وانه يقول مكشات وما مكشات وشوي شوي وانه طلعلي رابط نادي ملا الجموس الحوض قلت بس هو ذا اللي ادور عليه وبلقى اخوان واصحابي اللي يفهموني افهمهم لاني كل ماروح محل اتكلم عن الجموس وذي المواضيع ما القى اهتمام وقلت والله اني مجنون واللي العالم هذه مجانين ما لكم بالطويله بس الموقع موت موت والله يوفقك من قام عليه ومن اهتم به وشارك فيه وقولوا ...امين

MTC_959

03-02-2010, 03:29 AM

الاسم : مسفر محمد الزعبي
العمر: 24
موظف في شركة ارامكو
السكن الدمام
تعرفت على المنتدى من منتدى مكشات وبتفصيل في بداية رابطة ملاك الجموس والشفر الحوض في مكشات

ابو ماجد

03-12-2010, 06:13 PM

الأسم = علوش ماجد العتيبي

العمل = طالب

العمر= 20 سنه

كيف عرفت المنتدى = عن طريق المقطع اللي فاليوتيوب

UAE 911

03-12-2010, 08:12 PM

فيصل 911
العمر 29
الوظيفة فني في السلاح الجوي.
من أبوظبي
عرفت المنتدى بالصدفه اللي جمعتنا سوا

يقول الشفر:

على كثر ما تعطيني أعطيك. على كثر ما ضحيت أضحي

خيبت ضني والرجا فيك. أريد راحتك واتريد ذبحي

ALGHAZL

03-22-2010, 11:44 PM

بسم الله الرحمن الرحيم

السلام عليكم ورحمة الله وبركاته

الاسم : نواف الشمري

العمر : 32سنة

الوظيفة : موظف في شركه سابك

معرفتي كانت بواسطه موقع مكشات

واشتراكي في رابطه ملاك الجمس

العسلي

03-23-2010, 12:30 AM

والنعم بلجميع
سلمان الدوخي
27 سنه
اعمال حره
عرفت النادي من الاخ ابو خطاب

abu-bader

03-23-2010, 12:53 AM

حيالله الشباب

ماجد المطيري

طآآلب

17 ألا شوي

وبث...

جراح

03-28-2010, 12:09 PM

الأسم ابراهيم المهيزع

العمر 17

الوظيفة طالب

عرفت النادي

لأني كنت ادورلي ونيت

ولقيت الحمد لله وهذاي في طور الشراء

G M C 5300

03-28-2010, 05:25 PM

بسم الله
موضوع حلو
انا اسمي فهد الشقيران
من بريدة
لساتي صغير
طالب في الكليه والتخرج باذن الله بعد شهر
موتري جمس سيرا اسود مديل 2003 رفرف
عرفت المنتدى من عضو معاكم نسيت اسمه بصراحد
لانه شافني ووقفني وطلب مني ادخل معاكم
وتشرفنا فيكم والله
واللي استدعاني معاه شفر كحلي او اسود عليه خيمه ^_^ اقصد شراع بس انه كبير شوي ويسلم لي لانه عرفني فيكم

SILVERADO

03-30-2010, 08:10 PM

الله يعطيك العافيه على الموضوع

الإسم / سالم بن تميم

العمر / 26

واشتغل قطاع خاص .. وعرفت المنتدى من قوقل اذا ماني غلطان

شقردي

04-02-2010, 04:12 PM

وعليكــم الســلام ...

معــاكــم أخوكــم : عـبـداللـه بن شـجاع بن فيـحان الــحــربــي
الــعــمــر :20
الوظيفــه : والله ياخوك مافيه شي ما اشتغلته >> بعيد عن الخرابيط خخخخخخخخخخخخخ يعني كله حلال

ساكــن برياض وانسان اعيش يومي >>يعني يمكن بكرة اسكن بالشرقيه ؟؟

اللي خلاني اشارك بها المنتدى استكشاف عن سيارة شفر الحوض

بدر الدُجَا

04-06-2010, 03:11 AM

السلام عليكم يا الربع

وشلونكم ؟ ان شاء الله بخير

الاسم : حازم النجيدي
( أبو حمود )
من البكيريه ومن سكان الرياض

العمر : 21 سنه

الوظيفه : طالب جامعي

تعرفت على الموقع من قبل صديق محب للجموس
وكان ينصحن فيه ..

ولك مني اجمل تحيه

الحر الاشقر

05-17-2010, 04:40 AM

السلام عليكم

الاسم : ابراهيم عبدالله .... الشمري

موظف قطاع خاص (شركه اجنبيه)

العمر : 30 سنه

السيارات : جمس قطع 10 موديل 1992 سابقا بالاضافه الى بليزر تاهو موديل 1995 حاليا والى ماشاء الله

عرفت المنتدى من مكشات وكنت زائر على الخفيف
وحاليا عضو في سبيل البليزر وتضبيطه

يشرفني معرفتي بشرواكم والاستفاده من الخبرات المتبادله

السلام عليكم ورحمة الله وبركاته

alshamisi

05-17-2010, 09:09 AM

السلام عليكم ورحمه الله وبركاته
الاسم .خليفه الشامسي
العمر 25 سنه
كيف عرفت المنتدى
سلمكم الله واحد من الربع شاري جمس من السعوديه وعليه الاستيكر واضن انه يشارك فالمننتدى
وستيكراثاني فالباب اخذ واحد من الربع الاستيكر ونسخ عليه ووزعه عالربع قلت خلني ادخل واشارك وناخذ علوم اشباب
وان شاء الله نتحفكم فالمواضيع الجايه

أبوعلي

05-17-2010, 10:15 AM

الاسم: محمد علي المري
العمر:19
الوظيفه: والله حاليا أدرس أنجليزي في أمريكاء
كيف تعرفت على المنتدى والله عن طريق اليوتيوب
وأن شى الله أني افيد واستفيد ومايخفيكم معرفه الرياجيل تجاره

مشتاق

05-20-2010, 04:28 AM

عبدالله الناصر
22 سنه وكسور >> عاد عليكم بحسبت الكسور ههه
موظف شبه حكومي
الرياض - سدير
عرفت المنتدى عن طريق الاخ العزيز ابوحمد تناهيت

راكب الجمس

05-23-2010, 06:19 PM

أسمي الله يطول أعماركم عبدالله البــــــراك
الــــعمـــــــــــر 27 ونص
أشتغل أحد حماة الوطن يعني (( عسكري )) ههههههههه <<< بلا فلسفه هههه
عرفت الموقع عن طريق بثراتي في النت بصراحة من أول ماقررت أشتري جمس وأنا صار شغلي الشاغل الجموس وبس وأول ماصدت الموقع على طول سجلت وتشرفت فيكم وجمعتكم صراحة
مشكوووور على الموضوع الكويس

*abo-hamzah*

06-19-2010, 04:41 AM

اخووكم المملوح : وليد ابن حمزة المشايخ عسيري
العمر : 22 سنة و واربع شهور واسبوع واربعة عشر ساعه و اربع دقائق وعشر ثواني <<:43555.imgcache[1]:
المهنه : طالب في جامعة القصيم في كلية العلوم تخصص كيمياء المستوى الثالث ((طبعا انا من ابها وادرس بالقصيم ))

عرفت المنتدى من الدوراان بالنت

وبعد في شيء ثاني الي خلااني اسجل بالمنتدى الإ هو عشقي للسيارات وخااصتا الشفر من الموديلات القديمه الى الجديده

وان شااء الله افيد واستفيد

ALENAZI

07-23-2010, 06:10 AM

السلام عليكم

عبدالرزاق العنزي

30 سنة

عرفت الموقع من الاخ العزيز \ عبدالعزيز المعجل

وان شاء الله الى الامام نحو مستقبل افضل

موتري سييرا غمارة 2500HD ستاندر Vortic صورته بالتوقيع

تحياتي لكم ,,,

بن شمروخ

07-23-2010, 06:21 AM

اسمك ؟؟ عبدالرحمن بن شمروخ المطيري

عمرك ؟؟ 21 سنة

طآلب .. والا موظف ؟؟ طالب جامعي

ومنين عرفت المنتدى ؟؟عن طريق منتدى مكشات

السيارة / حاليا
أفلانش 2005 z71

سلفرادو 2006 غمارة ونص 2500hd

بوظاهر

07-23-2010, 12:41 PM

الاسم / محمد المهيري
العمر / اعتقد اني صرت شايب لما شفت اعمار الشباب
،،،،،،،43 سنه بس شباب
العمل / ،،،،، سري
كيف عرفت المنتدي،،،، هن طريق موقع مكشات لعشقي بالجموس

براق الحجاز

07-23-2010, 02:38 PM

الأسم :مشاري علي عتيق الحسني
العمر: 22 ربيعاَ

طالب في كلية الأداب والعلوم الأنسانية جامعة اللملك عبد العزيز

معرفتي بالمنتدى عن طريق دعوى من الأخ أبو عقل في منتدى مكشات

خاص سعد

07-23-2010, 03:14 PM

سعد أبونيان العمر 36 موظف حكومي عـــرفت المنتدى عن طريق مكشات

قناص غامد

07-24-2010, 01:43 PM

مشكور على الموضوع الرائع اللذي يتيح لنا الترف بالريجال الطيبين شرواكم

معكم اخوكم : سعيد بن عادل الغامدي

العمر: 18 سنه
طريقة معرفتي للنادي انا من هواة الجمس ومن اصحاب الجمس وراعي بر ومكاشيت
وكنت ادور للعزب والادوات ولقيت موضوع للنادي وعلى طول سجلنا

وبيض الله وجه القائميمن على النادي

تحياتي

بن دعيلج

07-25-2010, 12:11 PM

:: السلام عليكم ::

:: الاسم ::

:: محمد بن خالد الدعيلج الخريصي ::

:: العمل ::

:: مدرس في قطاع خاص "بالدمام" ::

:: طالب دراسات عليا بجامعة الإمام "بالرياض" ::

:: الموتر ::

:: Gmc Sierra 2500HD 2005 ::

:: السكن بالدمام ::

:: بن دعيلج ::

צЯạMạĎ

07-25-2010, 07:56 PM

\\

الاسم : عبدالرحمن عبدالله التميمي

العمر : 23 سنه

المهنه : طالب بجامعة الملك سعود

معرفتي بالمنتدى : من قبل صديق محب للجموس

WWS

07-25-2010, 10:05 PM

اسمك ؟؟
أحمد عبد العزيز الجعفر الجريسي
عمرك ؟؟
28 سنه
طآلب .. والا موظف ؟؟
موظف مدني بقطاع عسكري + أعمال حره
ومنين عرفت المنتدى ؟؟
عرفتووه من حووسه قووقل و كاان طارخ بإذني التسجيل من قبل بس كثره الاشغال و قلق و وجع الرأس اللهان عنه
و الله يوووفق الجميع لما يحب و يرضى

هبوب الشمال

07-26-2010, 10:22 AM

الاسم :ـ عارف عوض البلوي
العمر :ـ ابعدو عن الشايب 40 سنة ولله الحمد بس تشوفوني كاني ابو 20 سنة
المهنة :ـ ممرض
سياراتي :ـ جمس 78 ويوكون 2004
تعرفت على المنتدى عن طريق مكشات وكنت متابع فقط وايضا اليوتيوب والجوجل
ملاحظة :ـ فيه احد اكبر مني بالمنتدى بصراحة والا انا العود

الجمرة

07-26-2010, 11:39 AM

لا ابشرك فيه:43568.imgcache[1]::43568.imgcache[1]:

مهووس بالجموس

07-30-2010, 04:37 AM

الاسم "سعيد بن محمد بن سعيد بن عبدالله بن كدمان ال محمد بن سعيد العيساني السرحاني الشهراني>>>>>طولت عليكم
العمر"الظاهر عشرين
من مواليد خميس مشيط
العمل"طالب جامعي بجامعة أم القرى
عرفت المنتدى عن طريق هوايتي وهي جمع صور للجمسات الحوض
وحصلت صوره مكتوب فيها "رابطة ملاك الجمس الحوض بالرياض"

الجوفي

08-13-2010, 12:41 AM

=""]الأسم:أحمد يوسف الزيد.
العمر:19سنة <<العمر كله انشاء الله.
طالب جامعي.
من منطقة الجوف.

كان يامكان في قديم الزمان وسلف العصر والأوان،كنت فاضي الترم اللي راح لعام 1431
وكنت أدور بالنت ولقيت منتدى جنرال موتورولقيت فية موضوع أعجبني فالقيت بتوقيع هالعضوصورة النادي وأعجبني بالحييييييييييييييييييييييييييييل
ودورت عنة وسجلت وبصراحة هذا أفضل منتدى سجلت بة بحياتي لأن لقيت فية الوجة السمعة الله يبارك فيكم ويوفقكم.

بليزر ls

08-22-2010, 05:02 AM

الأسم : عبد المجيد عبد الرحمن راشد البوعلي

العمر : 20

الوظيفة : متدرب في شركة ارامكوا (برانتس)

منين عرفت النادي؟؟

حوست البوتيوب:44[1]: وجوجل:43382.imgcache[1]:

صافي المشرب

08-25-2010, 10:34 AM

الاسم :
محمد حمد القحطاني

مسقط الراس :
تندحه بالمنطقة الجنوبيه

العمر :
27 سنه طبعا مع الاجازات ومع الويكند ( خميس وجمعه )

نوع السياره:
بليزر 87 طبعا مو للبيع علشان ما القى الخاص مليان رسايل

الوظيفه:
موظف حكومي

منطقة العمل:
الدمام احم احم واكتب موضوعي من لندن الان

كيفية التعرف على هاذا المنتدى :
عن طريق منتدى مكشات وذالك لاني كنت ابحث عن ماكينة 454 مزوده او 350 مزوده ولم اجد طلبي
ولكني لم اخسر لاني وجدت هاذا المنتدى فكان خير ربح وخير مكسب لي (شغل مصري ) ولكن للاسف لم
اجد ماكينه واللي عنده يراسلني على الخاص.

بريال خبز

08-25-2010, 09:01 PM

الاسم : أحمد بن سعيد الشهري
العمر : 28 وكم شهر
خريج جامعة الملك سعود
الوظيفة : سابقا q c في شركة الخليج للزيوت وحاليا مدرس كيمياء في القويعية ... الله يجيب النقل للدمام .. قولوا آمين
السيارات : جمس 454 موديل 83 وبي ام دبليو740 ومرسيدس 560 ومرسيدس 420 وكروان تويوتا موديل 88

الهوية : الرافتينق .. ها الهواية عشقتها لمن كنت في اندونيسيا وهي عبارة عن التجديف في النهر صرت اطلع لها كل سنه
والسفر طبعا عشان اشوف اي شي خارج عن المألوف والمناظر الغريبة
عرفت المنتدى عن طريق بحثي طبعا بعمنا قوقل عن مشكلة سلف ال 454 وإزعاج شكامينة الي ماخلتني اسمع ولا جوال هههههههههه

لنا الشرف بمخاواتكم

ابو مبارك

08-26-2010, 08:33 AM

السلام عليكم
الله يعطيكم العافيه على الموضوع الطيب
الاسم عيد مبارك العازمي
العمر 25
السكن بالخفجي
تعرفت على المنتدى عن طريق البحث عن قطع الغيار في قوقل

UAE

08-27-2010, 08:26 PM

الاسم :مبروك بن عسكر الهمامي

المدينه :ابو ظبي
العمر :
20
نوع السياره:خاطري في جمس بهبهاني ^^ موديل 79 او78

الوظيفه:موظف حكومي

كيفية التعرف على هاذا المنتدى :

عن طريقة الجمس عذبني ودخلت ادور في منتديات لين ما طلعلي في قوقل نادي عشاق وملاك الجمس والشفر الحوض
ودخلت وسجلت

ومشالله علي المنتدي حلوووووووووووووووووووووووووووووووووووو

عديل الروح

12-25-2010, 09:48 AM

سلطان بن احمد الحماد
العمر : 27 سنه
غير متزوج خخخخخخخخ
موظف اهلي
تعرفت على المنتدى عن طريق موقع مكشات
تقبلوا تحياتي

العثماني

12-25-2010, 04:14 PM

الاسم .. حمد الشلاحي المطيري
العمر 30
المهنة اعمـــال حرة
عرفت المنتدى .. عن طريق( قوقل )

جوالة

12-25-2010, 05:33 PM

الأسم: سعود مطلق العقل

العمر: 24

كثر منها 24 يا خوفي 44 وطالع :)

جوالة

12-25-2010, 05:44 PM

معكم أخوكم سعود بن سليمان العكوز الصقيه التميمي ..
من مواليد 1984م ..
موظف في مؤسسة البريد السعودي ..
تعرفت على المنتدى عن طريق منتديات مكشات ..

حيا الله أبو عكوز ... وش أخبارك وأخبار حمد عساكم بخير ...

ابوسعيد

12-25-2010, 08:20 PM

الصرآآآحه آشكر راعي هالموضوع والفكره ..

الاسم .. عبدالرحمن بن سعيد القحطاني
العمر .. 24
الوظيفه .. موظف بشركه ارامكو السعوديه
معرفتي بالمنتدى (جعل ابرك معرفه) من قوقل كنت ابحث عن جموس للبيع ومن موقع لموقع طمرنا عندكم
وتعرفنا على اللحى الغانمه شروواكم
وتحياتي للجميع اعضاء وزوار

الجمرة

01-26-2011, 07:35 AM

............

ابوسهارى

01-26-2011, 08:36 AM

هذا الموضوع الرئيسي ياليت تكملون فيه التعارف

عبود الغامدي

02-18-2011, 06:36 PM

عبدالله الغامدي
19 سنه
طالب جامعي
عرفت المنتدى من خلال التسكع في النت هههههه

بالتوفيق للجميع_

خالد الغامدي

02-18-2011, 10:17 PM

خالد عبد الرحمن الغااامدي
كابرس 94 المشهوور في النادي هههه
طالب ثنوية
عزابي >>> اكيد
بلجرشي ياعساني فدوة لها اااااااه بس

راعي الاصفر

02-19-2011, 02:34 PM

السلام عليكم

الاسم: بندر الدوسري
العمر 30
المهنه :فني خدمات طبيه طارئه
معرفتي في الموقع عن طريق البحث في قوقل

تحياتي للجميع

مخاوي المطاليق

02-24-2011, 04:04 PM

الاسم 0(علي القحطاني)
العمر (30 وفاصل العداد قبل 3سنوات)
المنطقه(الشرقيه والجنوب)
عرفت النادي عن طريق البحث في النت

نواف78

02-24-2011, 06:00 PM

المهنه :فني خدمات طبيه طارئه

[/CENTER]
[/RIGHT]
[/CENTER]

وانا قلبي يعورني ابي لوري اصدم فيه امين فقع قلبي

الأسم : نواف الرميح

المهنه : حكومي

العمر في عمر زهور
عرفنا النادي من قوقل والبحث عن صور للجموس

GMC-1969

02-24-2011, 10:14 PM

والله ومليون نعم بالاخوان واتشرف بمعرفتكم ...

اخوكم عمر عبدالله باخشوين .. ترى مانيب لاعب الاتفاق عشان لاتلتبس عندكم الامور :43757.imgcache[1]:
موظف ارامكو بمنطقه حرض منذو مبطي .. عسى الله يجيب النقل قولوا امين ..
من سكان الدمام والعمر 32 و
متزوج ولله الحمد وعندي عبدالله الله يحفظه
تعرفت على المنتدى عن طريق مكشات على ما اذكر .. شيبنا الله يعين وبدينا ننسى ...
وسلامتكم