البطاريه

[حرب]

السلام عليكم ورحمة الله وبركاته
يأخوان موتري ذبحني على طول اتخلص البطاريه
وللمعلوميه البطاريه جديده لاكن اذا وقف اسبوع عشر ايام ماتولع ولا المبه الداخليه00
اذا فيه احد مرت عليه المشكله هذي يفيدنا او اذا فيه احد عنده خلفيه00الله يجزاه خير!

[جمس 454]

ان شاء الله يفيدونك الاخوان

وان شاء الله تكون المشكلة بسيطه

تقبل مروري . . . . .

[(( ذيب وراط ))]

أتوقع والله العآلم انه والسياره طافيه فيه شي يسحب كهرب .. والسياره ما تشحن وهي طافيه

فلذلك جرب ان كآنك تبي توقف الموتر مده فوق اليومين افصل البطآريه ..

[أمير المصفحات]

أخوي الغالي

المشكلة عندك بإذن الله بسيطة وكان عندي نفس المشكلة في حوض 78 م

يوجد تسريب كهرباء عندك في السيارة تاكد منه وعشان يكوون تشخيصك سليم أفصل البطارية لمدة أسبوع وبعدين أشبك البطارية مرة ثانية وجرب إذا أشتغل الموتر فأعلم أن المشكلة مجرد تسريب كما سبقني أخوي الغالي (( ذيب وارط )) الله يعافيه

ولك خالص تحياتي

أبو صالح
أمير المصفحات

[(( ذيب وراط ))]

أبو صآلح .. ما قصرت الله يجزاك خير ..


(( ذيب وارط ))

الله يرحم والديك عن النآر .. وش جآب لـ جآآب .. خطأ إملائي عكس المعآني !!

[حرب]

الله يعطيكم العافيه جميعاً مافصرتوا
اذا فصلت البطاريه وشبكتها بعد شهر طبعاً يشتغل طوالي ورحت كذا كهربائي لاكن ماطلعو المشكله00
هل فيه طريقه ممكن اكتشف من وين التهريب00

[(( ذيب وراط ))]

شيك على الظفيرهـ كآمله ..

وبالنسبة للوقوف يوم أو أقل .. خلآص البطاريه تعوض الفقد بنفسها ..

لكن اذا طولت أفصلها .. ما أتوقع أنك تحتاج لتصليح شي .. لأنها تركيب سلك وفصله << يعني مافيه مشكله

[أمير المصفحات]

أبو صآلح .. ما قصرت الله يجزاك خير ..



الله يرحم والديك عن النآر .. وش جآب لـ جآآب .. خطأ إملائي عكس المعآني !!


خخخخخخخخخخخخخخخخخخخخ

أسف آسف سقط سهواً يالغلا

يعطيك العافية أخوي
<< ذيب وراط >>

[chevy c10 85]

يمكن الدينمو يسحب قوه البطاريه شوف الدينمو بالاول قبل لايلعبون بكهرباء السياره والشطرطون يسبق الشغل شغلهم اي كلام ويتعلم علي سيارتك

[متعب المعاميل]

والله اني مثلك

سويت اشتراك لراعي فكسار

ومن عقبها الموتر مآآش

وانا اشك انه الدينما

وبالتوفيق

[حرب]

الموتر وديته لاحسن كهربائي سعودي وكهربائي ثاني فلبيني والموتر يجلس عندهم اكثر من يومين يعني يشتغلون على راحتهم لاكن للآسف كلهم ماعرفوله00
وعلى فكره تراه ثاني جمس يكون معي ويسوي نفس المشكله الاول 78 والثاني 79 وكلهم 454
والكهربائي السعودي قال حتمال 50% انه من السلف
وهذاني ادور على سلف وراح اركبه بس قلت بشاور يمكن احد مرت عليه نفس المشكله
والف شكر وماقصرتوا جميعاً00

[حرب]

يمكن الدينمو يسحب قوه البطاريه شوف الدينمو بالاول قبل لايلعبون بكهرباء السياره والشطرطون يسبق الشغل شغلهم اي كلام ويتعلم علي سيارتك

ليتك اتوضحلي اشوي الله لايهينك مافهت قصدك بالشطرطون00

[chevy c10 85]

قصدي طال عمرك بالشطرطون الناس العليميه واللي مايعرفون يشتغلون تلقاه اول مايقبل علي الشغل بالسياره معاه الشطرطون او الشريط اللاصق يقص من هالوايرات ويرجع يحط عليه من الشطرطون لا هو طلع المشكله وخرب شكل السياره واحتمال تعريضها للتماس كهرباء بسبب شغلهم وبخصوص العطل ما اعتقد سلف واللي قالك غلطان ولا يفهم حاول تصيد الخلال وين بالضبط والاستنتاج ويمكن القطعه الفلانيه ودفع الفلوس علي الفاضي وتطلع بدون نتيجه اكبر غلط وموفق خير اخوي حرب

[أمير المصفحات]

الموتر وديته لاحسن كهربائي سعودي وكهربائي ثاني فلبيني والموتر يجلس عندهم اكثر من يومين يعني يشتغلون على راحتهم لاكن للآسف كلهم ماعرفوله00
وعلى فكره تراه ثاني جمس يكون معي ويسوي نفس المشكله الاول 78 والثاني 79 وكلهم 454
والكهربائي السعودي قال حتمال 50% انه من السلف
وهذاني ادور على سلف وراح اركبه بس قلت بشاور يمكن احد مرت عليه نفس المشكله
والف شكر وماقصرتوا جميعاً00




أخوي حرب

لا أستطيع الحكم على الكهربائي ولكن المشكلة واااضحة تسريب كهرباء في السيارة يعني في سلك مجرووح يلمس في البودي ويضيع البطارية

وبالنسبة لموضوع السلف فأول مرة أسمع أن السلف يضيع الكهرباء ولكن قد يكون المشط التابع للسلف الموجود تحت الطارة ( الدركسون ) قد يكون تالف وللتأكد من صلاحيته شف لك شي من أجزاء السيارة يطفى مع السلف يعني مثل المسجل أو المكيف وخله شغال(( المكيف أو المسجل )) وطف الموتر وطلع المفتاح وبعدين حاول تحرك الدقمه((مكان وضع المفتاح )) إذا لاحظت ان المسجل او المكيف يشتغل ويطفى مع تحريكك للسلف فأعلم أن المشط التابع للسلف تالف ويحتاج لتغيير بدون الحاجة لتغيير السلف كامل



تحياتي
أبو صالح
أمير المصفحات

[حرب]

chevy c10 85
ابوصالح
الله يجزا والدينكم الجنه جميعكم
راح اشيك بكرا وابسوي فيها (كهربائي فاهم) واعطيكم العلوم انشاالله00
الف شكر ماقصرتوا
تحياتي00

[متعب المعاميل]

ياشباب دآم الموضوع فيه كهرب ومآكهرب

وبعد اذن الاخ حرب

انا اذا دقيت بوري يضعف النور انوآر الطبلون والجميحيات والليتات الخلفيه

من وش المشكله تتوقعون

والله من يوم سويت اشتراك لسيآره

وهالمشاكل بالموتر

وبعض الاحيان ادق سلف اسمعه يقول ابو الشباب (( دق ))

وارجع من جديد واشغل ويقول (( دق ))

مافيه نفس ابد ابد ابد

وما يشتغل الا بأشترآك



بأنتضآركم والمعذره من اخوي حرب

[أمير المصفحات]

ياشباب دآم الموضوع فيه كهرب ومآكهرب

وبعد اذن الاخ حرب

انا اذا دقيت بوري يضعف النور انوآر الطبلون والجميحيات والليتات الخلفيه

من وش المشكله تتوقعون

والله من يوم سويت اشتراك لسيآره

وهالمشاكل بالموتر

وبعض الاحيان ادق سلف اسمعه يقول ابو الشباب (( دق ))

وارجع من جديد واشغل ويقول (( دق ))

مافيه نفس ابد ابد ابد

وما يشتغل الا بأشترآك



بأنتضآركم والمعذره من اخوي حرب


أخوي الغالي

شيك على سير الدينمو وحاول تشده احتمال يكون مرتخي وما يشحن زين

وإذا طلع السير مشدود شف لك أقرب كهربائي وخله يفحص الدينمو بالجهاز وإذا قال لك أن الدينمو سليم

فالله يعينك على بطارية جديدة

تحياتي

[شقران]

اما الدينمو او تهريب كهرب ..

ان شاء الله تلاقي حل لمشكلتك في القريب العاجل ..

[شيخ الجمس]

والله ما عندي اي خلفيه عن الموضوع اتمنى يفدونك الاعضاء الباقين


تقبل مروري اخوي حرب

[ابو خطاب]

الله يعطيكم العافيه جميعاً مافصرتوا
اذا فصلت البطاريه وشبكتها بعد شهر طبعاً يشتغل طوالي ورحت كذا كهربائي لاكن ماطلعو المشكله00
هل فيه طريقه ممكن اكتشف من وين التهريب00
الله يعافيك . . نعم فيه طريقة لاكتشاف مكان التهريب . والطريقة ماهي من كهربائي وانما من جهاز يدوي بسيط يقيس الامبير المار عبر السلك ويجي عدة مقاسات . شي خاص للامبير العالي للبيوت وشي يج للامبير الصغير ويقيس لك مقدار الامبير المار عبر السلك .
وطريقته انت تقدر تسويها وهي انك تطفي كل شي بالسيارة حتى اللمبات الداخلية ويوجد بالجهاز نصف دائرة مغناطيسية في اعلاه تدخل السلك داخل الفتحة اذا اعطاك صفر معناها ما فيه كهرب مستهلك فيه واذا عطاك قراءة معناها هو السلك صاحب المشكلة اتبعه من بدايته لنهايته حتى تجد مكان التهريب او التلامس مع البدي.
صورة للجهاز :
http://www.qariya.com/a_c/images/clamp_meter.jpg


ياشباب دآم الموضوع فيه كهرب ومآكهرب

وبعد اذن الاخ حرب

انا اذا دقيت بوري يضعف النور انوآر الطبلون والجميحيات والليتات الخلفيه

من وش المشكله تتوقعون

والله من يوم سويت اشتراك لسيآره

وهالمشاكل بالموتر

وبعض الاحيان ادق سلف اسمعه يقول ابو الشباب (( دق ))

وارجع من جديد واشغل ويقول (( دق ))

مافيه نفس ابد ابد ابد

وما يشتغل الا بأشترآك

بأنتضآركم والمعذره من اخوي حرب
اذا كان انور ياشر اذا دقيت بوري والموتر شغال وشرط تكون دايس شوي معناها الدينمو ما يعبي بشكل كامل.
اما ان كان ياشر والموتر طافي وتسمع دقت السلف دق دق فهذا يعني ان البطارية اخر عمر. . وعموما لدى البنشري جهاز يدوي ابو زر احمر يبين لك البطارية قوية ولا ما تشحن.

[حرب]

ياشباب دآم الموضوع فيه كهرب ومآكهرب

وبعد اذن الاخ حرب

بأنتضآركم والمعذره من اخوي حرب

اخوان مابيننا شي00

[ابو خطاب]

بشرنا يالحبيب ؟ ؟

[حرب]

ابوخطاب مساك الله بالخير
والله يالغالي كلمت واحد من الربع عن الجهاز وقالي راح اجيبهلك
والحين ورطان
الموتر بالبايكه وقدامه جدار ولااقدر ادفه لانه يبيله اشتراك قوي وطويل حق معدات ثقيله ولا كان طلعته وديته للكهربائي لاكن الله يعييني وهذي صورته وهو بالبايكه والجدار قدامه

http://www.cars-club.com/up/8-2-1/carsclub_49172235.jpg