الفزعه يا اهل الخبره

[راعي شعيلان]

السلام عليكم مساكم الله بالخير ولا صبحكم الله بالخير ياجماعه الخير انا عندي مشكله بالجمس بتاعي غيرتله يايات امامي ويوم اني وديته للمكنيكي عشان يركبها لقيت انه احد اليايات اللي عليه مركب عليه كعكه جلده ترفيع والياي الثاني ما عليه شي
المهم خليته يفكهن ويركب الجديد ويوم خلص لقيت ان نصبه السياره من قدام مختلفه علما بان اليايات مثل بعضهن مافيهن اختلاف وعجزت الاقيلها حل الا اني اقص واحد فيهن عشان يسير مستوي من قادم وصراحه اني مبتلش فيهن افييوووووودوني يا اهل الخبره
علما بان الجمس رفرف موديل 83

ودمتم طيبين

[شقران]

ودي افيدك لكن مالي خبرة في هالموضوع العلم ياعند ابوخطاب او ابوحسان ..

[ابو خطاب]

الاختلاف بالدنقل . . جايته ظربه جامده ومنعفط .

[بن غييثات]

ياوالله من ضيقة الصدر

لكن وسع صدرك .. واجد من المواتر 4*4 تعاني من شروخ وميلان والتفاف

3 حالات مرضية تصيب الشاص

شف عندك ارتفاع الرفرف عن الجنط وفصل كعكة المنيوم بمقاس الفارق وعش يومك

[حرب]

ولا ازيد على كلام الاخوان
بس تأكد من كراسي الغماره (الربلات) ممن تكون متواكله

[chevy c10 85]

ملاحظه اخونا حرب في محلها ولكن اقول لراعي شعيلان افضل ياي هو اللي يجي تسع لفات وفي ثمان احرص علي تسع لفات مو الثعلب فات فات ههههههه وهي سعرها جديد بالكرتون تقريبا 160 ريال مو اكثر صوبين لكن صعب تحصل ابو تسع الا تاخذه مستعمل ويكون راكب علي سياره وماهو مفكوك والحل الانسب شوف الكابينه فيها
6 ربلات 2 تحت بين وجهيه الموتر والشاصي 2 تحت المرتبه 2 بالخلف والافضل تاكد منهم واذا مافيهم شي مالك الا ياي ابو 9 وشوف البوش اللي علي الشيال مادري وش تسمونه يجي 2 فوق و2 تحت والمجموع بالصوبين 8 ربلات وبوشات وقصدك بالجلده يعني من صوب واحد علشان يتساوي الموتر وتدعيم للياي شوف القاعده الدائريه اللي يستند عليه الياي او يجوز من السست الخلفيه في احد الصوبين اكثر من الاخر في الستت وهناك سست سميكه وهي الهاف ديوتي وللسوبربان والاخري عاديه شوف سماكتهم يمكن يكون احد الستت لسوبربان وهو اسمك من الوانيت والاستنتاجات كثيره وحاول من وين الخلل وموفق خير تحياتي

[شفر 454]

ولا ازيد على كلام الاخوان
بس تأكد من كراسي الغماره (الربلات) ممن تكون متواكله


ماتفضل حرب والكابينه فيها
6 ربلات 2 تحت بين وجهيه الموتر والشاصي 2 تحت المرتبه 2 بالخلف والافضل تاكد منهم


كـــلام 100%

[راعي شعيلان]

الله يبيض وجيهكم وماقصرتم والمعذره على التاخير في عدم الرد

[مطلق السلمان]

الأخ حرب رد يتضح منه خبرة كبيرة جداً لله درك والله أنك راعي صنف ولا يهونون الأخوان.