التقرير الكامل والشامل عن استيراد الجمس موديل 1971

[سعد بن قشعم]

التقرير الكامل والشامل عن استيراد الجمس موديل 1971
السلام عليكم ورحمه الله وبركاته


اود من الأداره الكريمه تثبيت الموضوع للأستفاده وارجو من اخواني الكرام نشر هذا الموضوع لمزيد من الفائده لجميع المنتديات المتخصصه بالسيارات الكلاسيكيه او اي نوع اخر


اخواني الكرام صبحكم / مساكم الله بكل خير جميع
اليوم جايب لكم تقرير كامل ومفصل عن كيفيه التعامل والأستيراد من امريكا عن طريق مكتب
( عبر الجزيره ) الموجود في الدمام وكيفيه الأجراءات المتبعه والخطوات من البدايه الى النهايه
اولاُ أقر انا سعد بن قشعم الهاجري وأقسم بالله العظيم ان كل كلمه اقولها هي صحيحه وليست بهدف البهرجه والتضخيم ولكن بهدف الأستفاده والتعلم واكتساب خبره وتوصيل رساله واضحه
على ان التعامل الجيد يصنع ثقه جيده ونتائج مرضيه للجميع ..

بدايه الموضوع
وهي اني في تاريخ
04-08-2010 02:33 PM
نزلت موضوع في منتدى عشاق وملاك الجمس
وهو
مطلوب جمس من موديل 69 الى 72
http://www.gmctruckclub.com/vb/showthread.php?t=5652

http://farm5.static.flickr.com/4132/5213715313_247ee5680d.jpg

وللأمانه الجميع ما قصرو
وابدو استعداد كبير في التعاون وفي المشوره و
اشكر كل الاعضاء اللي تفاعلو مع الموضوع واخص بالذكر
اخوي
kam
بليهان
بندر
بن غييثات
بليهيد
دون قصور في الشباب كلهم


وأقترح اخوي
معاذ بن عبد الله البابطين
المعروف بأسم بليهان في الموقع

بالتعامل مع مكتب عبر الجزيره
وهذا هو عنوانهم
وموقعهم
http://www.abraljazeera.com/vb/

وبالفعل تم الأتصال بالمكتب
في البدايه واقترح علي اني ابحث عن اي سياره
ومن ثم التخاطب مع صاحبها


المكتب فيه شخصين
الاول هو عمر الحميدي
وعبد الله الحميدان
وهم شركاء في المكتب
وعبد الله يورد السياره ويخاطب صاحبها
وعمر يقوم في كل الاجراءات
وللأمانه انا جدا محظوظ في معرفتهم
بعد كم يوم حصلت على سياره من موقع اسمه

http://www.oldcaronline.com/
وكانت سيارتي معروضه على هالنحو


http://farm5.static.flickr.com/4124/5217383108_3378812b7a.jpg



وتم التخاطب مع صاحب السياره
وتم الفحص قبل الشراء ولله الحمد التقرير سليم والسياره سليمه
وكل هذا تم عن طريق المكتب بعد تحويل قيمه الفحص
ومن ثم قمت وانا في الكويت بتحويل قيمه السياره كامله للمكتب
وتمت الأجراءات بعد دفع قيمه الشحن الداخلي والخارجي للسياره من ولايه ميتشقن الى نيويورك الميناء
وكل هالاجراءات تمت مع الاخ عبد الله الحميدان
بعد وصول السياره لميناء نيويورك انتظرت السياره اسبوعين على ما يتم تحميل الباخره كامله من مواد شحن وسيارات
الوكاد وصلت الباخره
بتاريخ
9-11-2010
يعني جلست تقريبا شهرين
وبعد وصولها
بلغني المكتب اللي كنت معه متواصل طول هالفتره
ان السياره لله الحمد وصلت وسليمه
بقى اجراءات المقايس والجمارك
وصلت للسعوديه ودفعت قيمه الجمرك وخذا مني الجمرك 4 الاف ريال
وطلعت السياره بنفس اليوم
وعلى طول استقبلني الاخ عمر الحميدي
وللأمانه الشخص هذا جدا جدا محترم وقابلني بصدر رحب واسلوب وتعامل جدا راقي ومن اروع ما يكون
وانا فعلا سعيد واتشرف بمعرفه شخص مثله وهو مثال للشخص الصادق والرجل الشهم بدون ادنى شك
جلست السياره الى فتره العيد اللي فات
وخلال هالفتره استغليت وجود السياره في المكتب وقلت لعمر
انه يعمل تشييك كامل للسياره واي شي ناقص السياره يتم التشييك عليه
وفعلا قام بالورشه بالتشييك الكامل على الموتر
وكانت متواصل معي على طول عن حاله السياره ولله الحمد السياره من اروع ما يكون وهذي صورتها في الورشه والتشييك

http://farm6.static.flickr.com/5086/5216815955_6da5d19bbe.jpg

من ثم قمت بالفحص الدوري للسياره ولله الحمد السياره سليمه وتمت الموافقه ونجاح الفحص
من ثم مباشره اللوح وظهرت بتوفيق من الله سبحانه ...

وهذي صوره اخرى
بعد خروجها للطريق العام

http://farm5.static.flickr.com/4091/5214858144_1a49cdd489_z.jpg

اي استفسار
انا تحت امركم

اخوكم
سعد الهاجري

[أبوحمد]

ماشاء الله تبارك الله
الله يعطيك من خيرها ويكفيك شرها
تستاهل كل خير

[مهووس بالجموس]

ماشاء الله تبارك الله
عز الله انك وفقت ونلت مرادك
والله يعطيك خير موترك ويكفبك شره

بس عندي استفسارين
ماهو أقصى موديل يمكن استيراده كموتر كلاسيك
الثاني لو فرضنا ان الباخره غرقت أو تلفت المستوردات من يتحمل المسؤليه
هل هو المكتب والا صاحب الباخره والا المستورد الضعيف

[saad_848]

الله يعطيك خيره ويكفيك شره

وعندي سؤال بخصوص استخراج اللوحات والاستمارة هل عقدوك ولا كانت الامور سهله؟

لاني كلمت الجمارك قالوا السبارات الي عمرها اكثر من 30 تدخل السعودية لكن لايستخرج لها لوحات مرورية ولكن يكنب لك فيالاوراق انها للتراث فقط

[سعد بن قشعم]

ابو حمد
لاهنت
وشاكر مرورك

[سعد بن قشعم]

مهووس
مرحبا بك ومسهلا والله يبارك بك

بالنسبه للسؤال الاول
اي موديل ما عندك مشكله

السؤال الثاني
تتحمله الباخره

لاهنت

[سعد بن قشعم]

سعد
مرحبا بك ومسهلا

الجمارك ماله شغل بالمرور

الجمارك يقبل السيارات اللي تعدت ال 30 سنه
اما غيره ما يقبل الجمارك

ويطلعون لك بطاقه جمركيه وعقب الفحص الدوري
تاخذ اللوح عادي

مافيه اي مشاكل ولا تعقيد

[بندر]

ماشالله تبارك الله

يعطيك من خيره ويكفيك شره

ويعلم الله اني مستانس انك حصلت مبتغاك

[راعـ2009ـي(Albhbhani)]

ماشاء الله تبارك الله احسنت الاختيار واللون خيال الله يطعمك خيره ويكفيك شره والبلون رزه لبعد حد

[خالد الغامدي]

الف مبروووك ومركب العافية ان شاء الله وتتهنى فيه ان شاء الله لكن عندي سؤال
فالصورة الاولى الي فتشييك كانت لوح الموتر خصوصي ماهي نقل ياليت لو تعلمنا كيف خليتها خصوصي

[شيفرولية]

ماشاء الله تبارك الله .. الله يعطيك خيره ويكافيك شره .. تستاهل كل خير اخوي سعد

[ونيت جمس]

ما شاء الله تبارك الرحمن الله يعطيك خيره ويكفيك شره والله يطرح لك البركه فيه

الف مبروك ....تحياتي لك

[خالد القرني]

ماشاء الله تبارك الرحمن
اللهم صل على محمد... موتر صيده الله لا يريك فيه مكروه...
ودنا لو تصكه بكم صوره للداخلية وتعطينا كم صورة بالــ slr اللي انت خابرها...

بالنسبة للأخ اللي ينشد عن اللوح .. الصورة الأولى كانت لوحات جمارك وليست خصوصي... طرفها تراه رمادي ماهو أبيض... وبعد ما يتجمرك يعطونه لوحات النقل...

اخوي سعد ودي تعلمنا كم كلفك غير قيمته...
شحن داخلي + خارجي + فحص + أتعاب المكتب.. والمدة الاجمالية من يوم دفعت قيمته الين وصل... هل تجاوزت 3 شهور ؟؟
تحياتي’’

[شقران]

الحمدلله على سلامة موترك يابو مبارك ...


قبل كم اسبوع شايفه وهو رايحة للورش عندنا واقول ياربي سعد وش مصبره ماجاء ياخذ هالزين للحين ..


والله لو انه انا كان مسوي له حفل استقبال بالميناء ..


الله يعطيك خيره ويكفيك شره وتستاهل الخير يابومبارك ..

[طرطوس 1978]

الحمدلله انه وصل عز الله اني فرحت يوم شفته وصل والله اني كنت انتظر شكله وهو بالبالون
الله يعطيك خيره ويكفيك شره لازم تنزل لنا موضوع عنه صور داخليه وكل شي واهم شي المكينة
اذا ما عليك امر

تقبل مروري..............

[بريال خبز]

ماشاء الله تبارك الله .. والحمد لله الامور تيسرت وتسهلت
صبرت ونلت يبو قشعم .. ألف مبروك

[اٍلـــًــَـعـِــٍـقٌــًيـــد]

ماشاء الله تبارك الله ..... والله يعطيك خيرة ويكفيك شرة بس أخوي كم كلفك الشحن والجمرك و العمولة حقت المكتب.....

[جمس 1]

ماشاءالله تبارك الله الله يعطيك خيره ويكفيك شره اطربنا بالصور الله لايهينك يالذيب

[بليزر ls]

ياشباب انا حبيت اسأل عن السيارات القديمة


يقولون ما تدخل السعودية السيارات الي أقل من 2005


إلى إذا كانت تحت اسم التراث

الصورة الثانية لوحة زرقا من الطرف

يعني السيارة لها استمارة يعني مو تراث

كيف كذا الي عنده العلم يوضح ؟؟

[bjear]

ماشاء الله تبارك الله شيخ الشيوخ وصل وزي ماقلت لك قبل كذا الموتر هو اللي يسستاهلك
عقبال ما نشوفه على ارض الواقع في اللقاء المنتظر في الكويت انشاءالله
تنزيلك للموضوع بالتفصيل ينم عن سمو اخلاقك وطيبت قلبك كبييييييييييير يابومبارك

[شقران]

اسمح لي يابومبارك تم نقل الموضوع وتثبيته في القسم المناسب ..

[الجوفي]

ماشاءالله تبارك الله
الله يعطيك خيره ويكفيك شره

[برق]

مشاء الله تبارك الله اللون ممتاز وعلى البالون طالع شيخ بس

سوال لاهنت اخوي سعد كم كلفك الشغل كله ياريت مايكون فيه احراج

[متعب المعاميل]

ماشاء الله ماشاء الله

ممداها ركبت البوالين ياولد .. ههههههههههه .. :)

ماشاء الله على الموتر والله لا يضره

تستاهل يابو مبارك كل خير نفداك

[متعب المعاميل]

عذروبه قير تماتيك جعلني مابكيك

والا بديه يوحي انه شيخ

[بـلـيـهـان 1]

الله يعطيك خيره ويكفيك شره
وماهو عذروب والله يا متعب المعاميل الي تقول عنه
بالعكس و الله محليه و معطيه رونق كلاسيكي لا يفهمه الا اصحاب الكلاسيك
لا ننكر ان العادي حلو
ولكن هذا ما يسمى عذروب ابد

واخوي سعد اهنيك انت الان تمتلك جمس من انظف الجموس خليجيا
وفقك الله

[ابوعقل]

ماشاء الله تبارك الله

الله يعطيك خيره و يكفيك شره

[صياد النسور]

ياشباب انا حبيت اسأل عن السيارات القديمة


يقولون ما تدخل السعودية السيارات الي أقل من 2005


إلى إذا كانت تحت اسم التراث

الصورة الثانية لوحة زرقا من الطرف

يعني السيارة لها استمارة يعني مو تراث

كيف كذا الي عنده العلم يوضح ؟؟

وانا معاك بهالتساؤل
وانا شفت بعيني سيارة فورد 2004 قاصين الشاصيه من النص
لان موديلها اقل من 2005

[متعب المعاميل]

امون يابو مبارك .. :43423.imgcache[1]:

http://center.jeddahbikers.com/uploads/jb12912731571.jpg (http://center.jeddahbikers.com/)

ابو عبد الله الجمس شيخ علي بالحرام

لكن لو انه ماهب تماتيك كان افضل .. والا

[سعد بن قشعم]

مرحبا والله ومسهلا
بالجميع

واسف جدا على عدم الرد السريع
لفتره انشغالي مع البل والبر



لكن سعيد جدا بتفاعلكم الطيب
واتمنى اني دايم اقدم الشي اللي يرضيكم


..........

متعب المعاميل
مرحبا بك ومسهلا

بخصوص ان السياره قير عادي والا تماتيك

النوعيه هذي من السيارات
ما يهم فيها الموضوع هذا كثر ماهو مهم نظافه السياره واصالتها

وكل ما صارت السياره بحاله الوكاله كل ما زاد سعرها اكثر وزادو رغابتها

وشي طبيعي انك ما راح تسابق على هالنوعيه من السيارات او تمشي فيها مسافات او تدخل فيها طعوس

واسهل شي في الموضوع ان القير يتحول من تماتيك لعادي في يوم واحد وبأقل من الفين ريال

يعني سالفه القير سهله جدا مقارنه بأيجاد سياره نظيفه واصليه خاصه انه من تاريخ 71

.... بليهان
مرحبا بك ومسهلا

شاكر تفاعلك يا الشيخ وحضورك الاكثر من رائع


لي عوده باذن الله

[khattab]

ما شاء الله تبارك الله

مبين انه موتر نظيف ومميز
عسى ربي يعطيك خيره ويكفيك شره

وياريت تنزل صور له نكجل عيونا :43715.imgcache[1]:

[سوبر سييرا]

مشاء الله
الله يعطيك خيرها ويكفيك شرها

[ford_gs]

واخــيــرا رجعت للجموس

ماشاء الله تبارك الله

اولا الحمدلله على سلامه هالمبروك

ثانيا اهنـــيــك صراحه على ذوقـــــك
بس عاد
يالله نبي له صور عند البل ((كل يوم اشيك على الفليكر حقك احتري هالصور))

والله يطعمك من خيره ويكفيك شره

[فيصل الدوسري]

مشالله تباارك اللهـ

وتستاهل كل خيررر يالهاااجري

والله يعطيك من خيره ويكفيك شرررهـ

[full throttle]

يعديك خيرها ويكفيك شرها ...بس عندي تساؤل

قانون المرور السيارة تدخل اذا عمرها اكثر من 30 سنة حلو ..بس على انها تراث !!
انت كيف طلعت لها لوح ,,لو جاوبت تصير احسن واحد :)

[full throttle]

اعتقد كلفة قيمة السيارة في حدود 20-25 الف $$ قيمة السيارة فقط من غير التكاليف الاخرى

[ابا الفلات]

مبروك وحمدلله على السلامه والله يباركلك فيه ويعطيك خيره ويكفيك شره

[سعد بن قشعم]

الله يجزاكم ويرحم والديكم على الردود الطيبه
وعلى الحماس القوي

ولا خلا ولا عدم يا الشيوووخ

[..المجمهِر..]

بسم الله عليه


حرام انه ينومس


مشالله تبارك الله



عشت

[BHBH78]

ماشاء الله تبارك الله

الله يعطيك خيره ياسعد ويكفيك شره

انا ابي اسألك بالنسبه للإستيراد النظام الجديد ماتدخل سياره موديلها طاف عليه اكثر من 5 سنين

هل يختلف الموضوع بالنسبه للسيارات الكلاسيكيه القديمه ؟

[سعد بن قشعم]

اكيد يختلف
اي سياره يطوف عليها 30 سنه تعتبر من السيارات التراثيه
لكن لمجرد انها تكون تحفه قدام البيت فقط لا غير

وما يطلع لها لوح سير

[BHBH78]

اخ سعد

طيب انت طلعت لوح لموترك وشلون ؟ وهي مستورده على انها سياره تراثيه

[سعد بن قشعم]

طلعت بمر من الله سبحانه ومعرفه الرجال الطيبين شرواك :)

[BHBH78]

شرواك الطيب يالهاجري

وانا اشهد انك كفو مايجيبها إلا رجالها

[سعد بن قشعم]

ما عليك زود طال عمرك هذا من طيب مجناك

[فيصل الخالدي]

توني اشوف هالموضوع عزالله ان الموتر انجاز وجيبته انجاز والموتر تظيف وشيخ

[بوظاهر]

موضوع مفيد ومبروك علي الموتر الطيب