القير مدري وش فيه في الحوض

[Sierra4x4]

السلام عليكم
اخواني انا شريت جمس حوض
المهم جلس معي تقريبا ثلاث شهور واليوم وانا اغير في القير القير يطلع صوت طقه قويه من تحت السياره وانا توني اللاحظ هذا الشيء مدري من زماان وهو فيه ولا توه
المهم اذا عشقت من الـ n الى الـ r يطلع صوت الطقه قوي ومن الـ n الى الـ d يصير الصوت اخف .
واذا ظغطت الفرامل بقوه وسحبت الجلنط يخف الصوت كثير .
فما ادري هذا الصوت طبيعي ولا فيه مشكله لانه خوفني بصراحه وضيق صدري
والجمس غماره ونص موديل 2007 الدفعه الاولى الدبل قير سعودي
ياليت احد يفيدني بالمشكله لانها خوفتني

تحيااتي للجميع

[ونيت جمس]

لا تخاف ونا خوك الشباب ما راح يقصرون معك وانشاء ان الدعوه خفيفه

[chevy c10 85]

شوف الدفرنس يمكن فضاوه او بالصليب اللي علي عامود القاردن انزل تحت السياره وخل واحد يبدل بالقير واسمع الطقه طالعه من وين بالضبط وحرك عامود القاردن بجميع الاتجات ان شاء الله شغله بسيطه راعيها الاول كان يبدل الغيارات بالقير بدون ان يمسك فرامل مع كل تبديل وهذي تسبب مشاكل بالدفرنس وبالعامود

[ابوفهد]

اعتقد انها طبيعيه لانا عندنا باثفندر نفس الشي اذا كنت بتحطه من الـ p ال الـ r يطلع هالصوت وكل ماكانت السياره على طلعه يطلع الصوت اقوى اعتقد انها طبيعيه عشان السياره على طلعه عااد انت شف اذا الصوت يزيد وانت على طلعه خفيفه اذا مافيهاا شي بلا السياره لها اربع سنين معناا ومافيها شي ..

اتمنى اني افدتكـ وعااد الاخوان ماايقصرون وخبره اكثر مني ما شا الله ,,

تحياتي ??

[ابو خطاب]

شد صامولة البنيون جهة فلنجة العامود مقاسها 23

[Sierra4x4]

والله انا ما اقول الا جزاكم الله خير ومشكورين ومااتقصررون
الصوت يطلع من عند الدفرنس المهم وديتها عند ورشه وقالي هذا شي طبيعي لازم يكون فيه فضااوه لان في سيارتك دبل وهذا الكلام ما ادري هو صحيح ولا لا ؟

اخوي ابو خطااب الصاموله الي تقولها وينها بالظبط لاني انلحست وانا ادور ما شاء الله كل السياره صواميل وانا من جنبها

وانا ما اقدر الا اشكر كل من تفااعل معي وادعيله

والله يوفق الجميع

تحيااتي

[شقران]

اخوي سييرا هي ماتطلع هالمشكلة من ثلاث ..

1- صامولة ابوخطاب اللي يقول .
2- الصليب مثل ماقال اخوي شيفي .
3- جلد عامود الكردان .

شيك على هذولي كلها بس قبل لا تشيك رح اغسل السيارة من تحت بستم ورش عليها علبة زيت وشف يصير موجود او يروح ..

[ابو خطاب]

والله انا ما اقول الا جزاكم الله خير ومشكورين ومااتقصررون
الصوت يطلع من عند الدفرنس المهم وديتها عند ورشه وقالي هذا شي طبيعي لازم يكون فيه فضااوه لان في سيارتك دبل وهذا الكلام ما ادري هو صحيح ولا لا ؟

اخوي ابو خطااب الصاموله الي تقولها وينها بالظبط لاني انلحست وانا ادور ما شاء الله كل السياره صواميل وانا من جنبها

وانا ما اقدر الا اشكر كل من تفااعل معي وادعيله

والله يوفق الجميع

تحيااتي
الصامولة عند التقاء عامود الكردان مع الدفرنس تجد حسب الترتيب التالي من العامود الى الدفرنس:فلنجه بوسطها الصليب ثم صامولة تمسكها بالبنيون.

[GMC.vortec]

انا كان عندي وانيت قبل القطع عشره الي الحين
المهم الجمس دفرنشن غماره ونص كانت فيه نفس المشكله هذي ماخليت ورشه الى مريتها الي يقول الصليب والي يقول وزن مادري وشو الزبده الموتر مافيه عيب بعزمه ولا ممشاه بس صوت عند التبديل من ال n ال r جلس معي سنتين وبعته وهو فيه المشكله اتوقع انها عاديه جدا جدا الى اذا انت تشوف فيه عيب بالعزم هذا يفيدونك به الشباب الله يعطيهم العافيه المهم لا تخاف تراها عاديه

[أمير المصفحات]

الأمر طبيعي جدا أذكر كان عند واحد من الشباب بليزر 2006 وكالة ومن يوم طلعناه من الوكالة إلى يومك هذا والصوت فيه وطبيعي جدا وحاول أنك ماتتعبث بموترك

تحياتي

[كبسولة 2]

الصوت طبيعي جداً جداً في كل السيارات الأمريكية الدبل

والصوت يطلع من نهاية توصيل عمود الدبل بالجربكس فتحة دائرية في الجربكس

يركب فيها العمود القادم من الدبل فكها وشحمها يختفي الصوت لفترة ويرجع بعد الأمطار والمشي في الماء

كانت عندي في يوكن 2002 وشحمت الفتحة الي أقولك عليها وأختفى فترة بعدها ظهر بعد المطر وشحمتها وأنتهت