بليهآن1 قرب جآي انت واهل الكلاسيك

[متعب المعاميل]

السلام عليكم ورحمه الله وبركآته

كيف الحآل يالربع ان شاء الله طيبين

شد انتباهي الشد الخشب اللي على موتر العضو بليهآن

فيآليت تفيدنا يابو عبد الله وين ركبته ؟؟

وكم كلفك ؟؟

http://www.cars-club.com/up/8-2-1/carsclub_12392486.jpg


وهل فيه انوآع ثآنيه والا لا ؟؟

مثل هالانوآع عند نفس المحل اللي ركبت عنده الشد

http://www.cars-club.com/up/8-2-1/carsclub_47988417.gif

http://www.cars-club.com/up/8-2-1/carsclub_39844156.gif


اووف ياللي على الجمس الحليبي .. اشهد انه دلع


ياليييت تفيدونا ياجمآعه الخير

[بانكر]

ماشاء الله تبارك الله

و الله فعلا شغل شغل شغل

متعوب عليه يابوسند

سجل عندك واحد عاجبه الشد

و ماعنده اي تفاصيل عنه

و ذبحته اللقافه يبي يعرف اكثر

عن هالشد الغريب و الحلو و الله من جد

تسلم و الله علي الموضوع الشيق

خشمك يارجال اخوك
بانكر

[ابوفهد]

حتى انا والله يا ابو سند ابي اعرف وين يسوونه بلا شكله والله ذااااااااابحني ما شا الله :43651.imgcache[1]:


هاذي صورتين لونيتات محطوط عليها مثل نوعية هالشد ماا شا الله بس ...



http://www.cars-club.com/up/8-2-1/carsclub_84970500.jpg



http://www.cars-club.com/up/8-2-1/carsclub_11714283.jpg

[شقران]

اذكر اني زماااااااااااان فصلته عند منجرة بس يعيبه انه يتفلت اذكر اني اسرعت بموتري ذاك اليوم وكانت الدنيا هواء ومطر وتكسر, طبعاً ماهو على الدينالي على موتر كان عندي من عشر سنين ..

[ادولف هتلر]

اقرب نجار مع قواعد حديد وتخريم اتوقع مع شويت لكر لمعه عشان المويه مااتوقع انه شغله <<<<<<<<<<<<<<< توقع فقط


...............................تحياتي............. ................

[متعب المعاميل]

بانكر

====><====

خشششمكـ

يامرحبا ومسهلا والله بالذيب اني اعزك معزه مدري ليه كذا من الله .. والله يشهد .. :)

ابو فهد الله يعطيك العافيه يالذيب على هالمرور المشرف

وانا والله شفق على معرفه هالمحل

ابو سليمان يامرحبا بك ومشكور على هالمرور وهالمعلومه

ادولف هتلر يامرحبا بك

لا عز الله الشغل ذا موب شغل اقرب نجآر

هذا شغل وآحد محترف مختص

انا سمعت انهم يسوونه بالكويت وقطر

ننتضر بليهان1 ابو عبد الله يفيدنا بالتفاصيل

[الجمرة]

هلا بكم جميع

اسمع يا العاصمي الشد فصلنا واحد مبطي في الشويخ في الكويت عند واحد شغله تتعب تقول كيف سواه
وان كانك معزم على الكويت و تقدر تروح بنشد لك راعي الموتر اربه يخبر المحل

و تقبلوا تحياتي جميع

[متعب المعاميل]

انا قد قآبلتك ؟؟

ياليت تعلمني وتذكر وين يالذيب .. لأني احس ان بيننا معرفه

/

بالنسبه للشد لآ تقطع تسبيدتي تكفا .. ودي اموت من شان يعطيني شايبي جوآزي .. :600[1]:

ما تجاوزت السن القانوني بآقي سنه وست شهور .. :)

رآيح رآيح للكويت لو اهرب مع الحدود بدور لي صندوق وافصل شد .. :43774.imgcache[1]:

بس ياليت تذكر لي المحل وين بالشويخ وياليت تجيب اسمه لو تكرمت


لي عووودهـ

[الجمرة]

هلا بكم جميع

متعب المعاميل انا ما اعرفك ولا قد واجهتك لكن شفت رد واحد من الشباب يقول انك عاصمي
:43664.imgcache[1]:وحن الـــدم للـــــدم:43664.imgcache[1]:
بالنسبه للشد المحل بالشويخ اسمه "العاصمه" و يشتغلون فيه باكستان لكن فنانين لكن وين بالشويخ والله ما ادري حنا ركبناه قبل 7 سنين والشويخ ماهي كبيره انشد وتلقاه

و اتشرف بمعرفتك يالذيب

[متعب المعاميل]

مرحبا بك يالجمره

امس ماخليت احد الا وسألته

وانا خآبر ونيت بالضهرآن بحي الدوحه عليه شد خشب مجنون

حطيت على الموتر رقمي وقلت اتصل علي

ولين ذالحين ما اتصل

وانا قآعد احط الرقم شافني وآحد من جيرآنهم قآل اذا تبي تشتري الونيت ماهوب بايعك .. بيتهاوش معك

قلت الله يدفع البلا انا بسأله وين ركب الشد المزيون هذا

قآل اتوقع اتوقع انه مركبه بـ عنك فيه محل هناك يفصل

قلت يصير وبنتضر اتصآله

ان شآء الله ان فيه محل حولنا قريب

[ونيت جمس]

مشكوووووور والله يعطيك الف عافيه

[بـلـيـهـان 1]

السلام عليكم ورحمه الله وبركاته

ياهلا أبو سند ..

حنا عندنا منجره و كان فيه نجار فنان و الشد الي على موتري أنا مصممه ( الشكل ) و قلت للنجار ضبطه و يقولي ترا سعره ما يتعدى 200 ريال ( الخشب فقط )

تبي تسوي واحد

رح الصناعيه عند محلات النجاره و ارسم له رسمه و قله يسويها لك

و فك الحدايد الي على الحوض و يثبتها بالمسامير نفسها حقت الحدايد بس قله يثبتها زين لا تنكسر مثل ما قال ابو سليمان

--

تحياتي لك

[متعب المعاميل]

بليهان

يثبت الشد بنفس مسآمير السيوف ؟؟

والا يخرم ؟؟

و منجرتكم ياليت توصفها .. ننفعك ولا ننفع الغريب يا ابا عبد الله

بأنتضارك

[فيصل القحطاني]

ابشروووووووووووووو بالخير وانا خوكم

الشد هذا في قطر على هالمواتر ..

وفي منجرة

وتكلفته من 1800 ريال الي 2500 ريال على حسب الديزاين

والمكان في قطر


الصناعيه


شارع 10


اخر شارع عشرة من صوب القاعده الامريكيه ..


قبل لا ينتهي شارع عشرة قبل الدوار ..


فيه لفه يمين اخر لفه هي ..

لف معها واول لفه يمين بعد ..

والمنجرة على يمينك فيها مصريين :)

ومن له خاطر يقولي وانا حاظر ..


لكان تبون افصلها واجيبها لين المركز بو سمرة حاظر وانا خوكم

[متعب المعاميل]

هلا بك يا gmc3500

بصراحه الشد عندكم غآلي غآآلي

وهو مايستاهل هالقيمه .. لانه لا يحفض العفش من المطر ولا آش

مجرد شكل بـس

وقيمته اللي انا اشوف من الـ 500 وجآي وان زاد مبلغ بسيط

[فيصل القحطاني]

نعم نعم كلامك صحيح ..

بقولك شي وانا خوك

الحين بالنسبه لقطر ..كل شي غالي والي معرقى على روسهم واجد ترى..

من ناحيه انا عندي 5 مواتر ومفصلها شد حطب في منجرة عاديه ماكلفني 150 ريال تقريبا قول 200

والشكل لك عليه بصور لكم الشد بكرة ان قالله الله


بس شبابنا الله يصلحهم ترى لهبو فالشي طار سعره والناس عندنا تدفع ولا يهمها


انا واحد ما ابدل حتى البلاكات الا فالحسا ولا ابدل في قطر الا ايل وفلتر بس ..

كل شي من عندكم


ترى عندنا نصب <<ماقولك غالي ..لا نصب ..لان الغالي فرق بسيط بس النصب ..

استغلال المواطن من قبل هالشركات والكراجات والمحلات والقطع


انا قبل سبوعين ..

جيت ببدل بلاكات ووايرات البلاكات في قطر


كلفتني تقريبا القطع بس ..1200 ريال ..

من غير التركيب ..قمت رحت للحسا


وركبت البلاكات 120 ريال ..ووايرات البلاكات ب 210 ريال ..والتركيب 100 ريال ..


كم التكلفه؟430 ..شرايك فيه فرق بالسعر ولا لا؟؟


ركبتها وتمشيت وشريت لي اغراض وعودت وكلها 200 كيلو بينا ..


والسموحه على نقل اسعار المنجرة

والله ياخوي ماقلت لكم محلها ووصفها الا يوم شفت الربع

مشتطين يبونها..ولا اقدر اقول غاليه

بس الارزاق وانا خوك ولا يجوز اني اذم في سعر او بظاعه :)


والسلام عليكم والسموحه على الازعاج

[بهبـGMCـهان]

الله يقويكم
الشد من جد مجنتل الموتر واذكر واحد من الربع الله يرحمه توفى في حادث على جمس وكان مركب عليه الشد نفسه مفصله بقطر بس وين بقطر ماني ذاكر لانه علمني المنطقه الي فيها المحل بس نسيها لان الكلام هذا خذا فتره حروة ال3 او 4 سنوات

[بـلـيـهـان 1]

هلا و غلا أبو سند .. المنجره و الله ما هي منجره في صناعيه .. خاصه

و تبي تحصل منجرات في الصناعيه و رخاص

و تتثبت بنفس مسامير الحدايد