مشكلتي مشكله مع الدبل

[حجلان]

السلام عليكم اعضاء المنتدى جميعا

اخواني الاعزاء انا مشكلتي مع دبل السياره مشكله اعتقد مالها حل الا ان يشاء الله
جربت كل الحلول اللي وصوفوهم لي اهل الخبره ولم اجد حل
ركبت ثلاث مرات جنزير للقير ولم يفلح
غيرت كل الحساسات ونفس المشكله
غيرت القير- جلس معي ايام معدوده ثم رجع
طرحت هذه المشكله من قبل في منتدى مكشات

قبل ان اطرح المشكله لازم ابين ماهي السياره

السياره: وانيت ابورفرف غماره ونصف
الموديل: 2001 سلفرادوا
الماكينه: 6 لتر (طبعا مركبها)
القير الاتوماتيك: نفسه بس فاتح عليه
قير الدبل: تشغيل كهربائي
لا يوجد شي ثاني مغير بالسياره

المشكله: يطلع صوت عندما اشغل قير الدبل-كأنه صوت الجنزير او صوت مفصلات-ثم يبدأ يفرط ما يثبت اثناء التشغيل-بعدها تشتغل لمبه عندي تقول قير الدبل يحتاج الى صيانه عند هذا الحد انا احترت في هذه المشكله وانا على يقين مامن مشكله الا ولها حل

تحياتي لكم جميعا

ابوعبدالله

[بانكر]

ياهلا بك و الله اخوي حجيلان

يالنسبة للمشكلة عندك و الله مانيب عارف لها و غريبة علي

لكن باذن الله ان الشباب راح يفيدونك بس اصبر
عليهم لما يقومون من
النوم
:43661.imgcache[1]:

تقبل مروري اخوك
بانكر

[نسكافيه]

والله ياخوك لين صار ٦ لتر وانت مركبها شكلك عافله شوي بالدبل

بس الظاهر انه واحد من الرمانات اللي في الدبل

شف تراي ستار خلهم يفحصونه لك

[Sierra Denali]

مثل ماقال اخوي نسكافيه ومن رأي تشيك على تركيب المكينة يمكن فيه مشكلة بينها وبين القير او يمكن برمجة غلط شف خطوات تركيب المكينة وراجعها, وان شاء الله تنحل مشكلتك بأسرع وقت ..

على فكرة اذا انت بالرياض من رأيي توديها لعبدالعزيز الرشيد وخله يشوفها هو من اكثر الناس الفاهمين بالترهيم واتوقع على الاقل بتكون مرت عليه مثل المشكلة والاستشارة وانا اخوك بلاش ..


موفق ياغالي ..

[عاشق z71]

للمعلوميه عبدالعزيز الرشيد ظبطنا عنده مشروع نفس مشروعك بس انه على غماره هو الي اشتغله والموتر مهنا ازين منه
مر عليه كود يطلع العله

[RIDAN]

مر به على الرشيد مثل ماقالوا لك الشباب وخله يشيك
واظن والله اعلم ان مشكلتك من دينمو الدبل نفسه فيه مشكله داخليه مايمنع انك تشيك عليه

والله يعينك ويساعدك

تحياتي..

[فيصل الخالدي]

ماظنتي الدينو هي يا رمان او ترس او جنزير فارط...

[ابو خطاب]

اذا الصوت يطع اثناء الدعس يعني لما يحمل الموتر ويطلع بشكل متقطع .. معناها عامود الدبل شحمه وفحصه . . اذا من زمان ما شحمته معناها تكون السنن تاكلت. سنن الذكر والانثى اللي تدخل في بعض مابين سنة العامود نفسه وفلنجة العامود الماسك فيها الصليب.
انا ان كان الصوت متصل حتى بدون حمل فاللي ركب جنزير الدبل ما شده صح .
شيك بالورش المشهورة بالشرقية . . ولا تصلح لين تشاور اكثر من ورشه.

[حجلان]

مشكورين اعزائي على المشوره الطيبه وماجات الا من ناس طيبين

لا كن ارجوا منكم افادتي بتلفون الرشيد او موقعه فين لعلي احصل منه على افاده لاني من المنطقه الشرقيه ولا اريد ان اتعنى الا اذا تأكدت من ذا المشكله

لكم مني جميعا الشكر والتقدير

[نسكافيه]

اذا انت من الشرقية شف الكابتن هشام الملا في رأس تنورة

يمكن اخوي Sierra Denali عنده الوصف

[حجلان]

انا اشكر كل من تفاعل معي وارسل لي رأيه ولاكن الى الان لم اجد حل وسوف افك عمود الدبل حتى استطيع ان امشي بالسياره من دون صوت ولا خوف ثم سأبحث في المنتديات ومن بين الاحباب لعلي اجد طبيب مداوي لهذه العله وان احدكم وجد لا يبخل علي

وجزاكم الله خيرا

اخوكم من المنطقه الشرقيه

ابوعبدالله

[GMC2000]

عندي نفس المشكله يطلع عندي سيرفس فور ويل
والدبل ما يركب عدل واذا ركب ما يفصل بسرعه
وديته عندنا في الوكاله غيرو لي القطعه الي فيها فصوص الدبل بس وطلعت السياره ما فيها شي والحمد لله


هذا الي عندي والله يوفقك

تحياتي

[ابو خطاب]

انا اشكر كل من تفاعل معي وارسل لي رأيه ولاكن الى الان لم اجد حل وسوف افك عمود الدبل حتى استطيع ان امشي بالسياره من دون صوت ولا خوف ثم سأبحث في المنتديات ومن بين الاحباب لعلي اجد طبيب مداوي لهذه العله وان احدكم وجد لا يبخل علي

وجزاكم الله خيرا

اخوكم من المنطقه الشرقيه

ابوعبدالله
حياك الله ابو عبدالله . . لا تحاول مافيه فكه لين نعرف علة موترك بس انت ساعدنا و امش معنا خطوة خطوة وذكر كل التفاصيل وسنصل بأذن الله الى حل :
ولا تستهين بشي احياناً اصعب المشاكل من ابسط القطع.. واذا مريت على القطعة عطنا خبر عشان نفيدك .
1- هل شيكت شحم عامود الدبل حسب ما ذكر بالردود السابقة ؟ ؟ شيكة اولاً او شحمه وجرب الموتر عقب .
2- شبك الثقيل يتغير الصوت ولا نفسه ؟؟
3- ما وضحت هل الصوت يطلع اذا حمل الدبل او يطلع بمجرد انك تعشقه.
4- عندك بالشرقية هشام الملا . . ترهيم ال 6 لتر وهو مغمض مره يعطيك الخبر اليقين بالنسبة لدبلك.
5- شف رد اخونا ادناه لعله هو المشكلة التي عندك :
6- ننتظر التفاصيل بفارغ الصبر وتقبل تحياتي.

عندي نفس المشكله يطلع عندي سيرفس فور ويل
والدبل ما يركب عدل واذا ركب ما يفصل بسرعه
وديته عندنا في الوكاله غيرو لي القطعه الي فيها فصوص الدبل بس وطلعت السياره ما فيها شي والحمد لله


هذا الي عندي والله يوفقك

تحياتي

[حجلان]

ابوخطاب الله يبارك فيك وفي امثالك

حياك الله ابو عبدالله . . لا تحاول مافيه فكه لين نعرف علة موترك بس انت ساعدنا و امش معنا خطوة خطوة وذكر كل التفاصيل وسنصل بأذن الله الى حل :
ولا تستهين بشي احياناً اصعب المشاكل من ابسط القطع.. واذا مريت على القطعة عطنا خبر عشان نفيدك .
1- هل شيكت شحم عامود الدبل حسب ما ذكر بالردود السابقة ؟ ؟ شيكة اولاً او شحمه وجرب الموتر عقب .
2- شبك الثقيل يتغير الصوت ولا نفسه ؟؟
3- ما وضحت هل الصوت يطلع اذا حمل الدبل او يطلع بمجرد انك تعشقه.
4- عندك بالشرقية هشام الملا . . ترهيم ال 6 لتر وهو مغمض مره يعطيك الخبر اليقين بالنسبة لدبلك.
5- شف رد اخونا ادناه لعله هو المشكلة التي عندك :
6- ننتظر التفاصيل بفارغ الصبر وتقبل تحياتي.

- الصوت هذا الله يسلمك ويسلم الجميع داخل القير والدليل اذا وضبته يعني غيرت تروس ثم جنزير يروح الصوت ويشتغل معي الدبل ولاكن ما ان اضغط على السياره في الرمل الا يطلع الصوت ويبدأ يفرط
-اما عن هثام الملا حاولت اتصل به مرات كثيره ولاكن للاسف يتعثر الوصول اليه وانا اعلم انه مشغول ولا اريد ان اعني له مشوار ثم اني ما التقي به.
-اما عن ماذكرت في بعض الحلول ماسويتها ابدا.

[البهبهاني المغترب]

تحياتي للجميع اخوي ابوعبدالله حجلان يوم غيرت المكينة شديت جميع الكراسي الخاصه بالمكينه والقير ترا يمكن الكراسي فرقت معك وتسببت في وقوع المشكله في القير لان حسب كلامك انك اذا شديت على السياره في الطعوس تفرط معنات ان فيه خلل وهو تحرك القير مع مشبك المكينه والكرسي الخلفي مع مشبك عمود الدبل وعمود كردان وتسببت في فرط التروس او تأكل واحد من تروس الدبل هذا والله اعلم 0
نصيحه سنتر العمدان جميعها عند اي ميزان اول شي 0
تأكد بعد رفع السياره انها تاخذ مدارها الصحيح وذلك بعد تشحيم جميع العمدان وتأكد من سنتر العكوس لايكون فيها واحد متقدم عن الثاني ترا لهاسبب تأثر على عكسيه الاتجاه الصحيحه مع تجليس جسور الشاصي الاماميه ولاتراك بتتعب 0 والله يوفقك :43583.imgcache[1]:

[حجلان]

انا الان ركبت لها قير جديد ولا اريد ان اخسره مثل اللي قبله,ودي اعرض السياره خبير حتى يعطيني الخبر الاكيد عن وضع السياره, لاني خايف ان احد (لاسبها بعين) وماهي راضيه تصلح ههههه:43738.imgcache[1]:.

اذا احد عنده خبره ولو بالرياض انا معندي مشكله اني اجي لعنده واعرض عليه السياره

على فكره انا من الشرقيه (وهشام الملا) ماني قادر احصله حتى بالورشه صار لي ايام وانا اتصل عليه ومايرد واجيه للورشه ولا احصله

[abduallah]

مداخله سريعه

موقع عبدالعزيز الرشيد وينه

لاني من سكان الرياض وابي اشتغل موتري عنده

ولكم مني جزيل الشكر