الصيف قرب والسفر حان طاريه ,, تعالوا ندردش شوي ..

[Sierra Denali]

ياهلالالالالالالالا ويامسهلالالالالالالالالا بالشله ..

<<< مرحب بعضو جديد في الدردشة يقول يسعدني انظم للشله والظاهر اني تأثرت


الموهم ابي اعلمكم السالفة ..

نسولف انا وابوحمد ابوالتناهيت حبيب قلبي بالماسنجر وقالي عن موضوع معين في منتدى العرب المسافرون قال اقراه ..

الزبدة هي مش في الموضوع انا ماددقت فيه زين بس اني جلست افرفر في المنتدى شوي وبصراحة ذاك المنتدى انا احب ادخله بين وقت واخر مو علشان اشوف وين اروح ولا علشان اقراء تقارير او اشوف صور لا, لكن بصراحة تشدني سوالف الشعب هناك وقصصهم بسفراتهم وطرائفهم ..


عموماً بما ان :

الصيف قرب والسفر حان طاريه ,, \\ ,, مشتاق للمغرب ولي قلب حساس <<< دبج ام الاغاني ببعضها ..

قلت خلونا ندردش شوي بسفراتنا وين رحتوا ووش احلا بلد زرتوها ووش احلا المواقف اللي صارت خخخخخخخخخخخخ والله يا في بالي مواقف ودردشات مدري سوالف, المهم ياشباب ودنا شوي نطلع من الرسميات والكيف حالات ونسولف ببساطة وروح مرحة ..


اتوقع لهالموضوع اقل شي خمس صفحات وياليت ماتفشلوني لحد يقراء الموضوع ويقول بعدين برجع ويطنشه, بصراحة جد ودي اخذ علومكم <<<<<<< حاس ان الموضوع فني (( كوميدي )) ومايبيه يخرب خخخخخخخخخ ..

المطلوب ..


وين رحت , وش احلا دولة سافرتها , وش احلا المواقف اللي صارت لك سواء مضحكة او محرجة او وهقات هههههههه , بس لحد يقعد يعد لي كنه يجاوب على اسئلة نبي الدعوه سوالف وفعلاً خلونا نطلع من جو الرسميات في هالموضوع نبيها فني (( قلت لكم وش معناها فوق خخخخخخخ ))


تشااااااااااااااوو ..

[ادولف هتلر]

ماعاش من يردك ..<<<<<<<<<<<<<<<<<<<< تهيض

مره كنت مسافر عند عيال عمتي واقاربنا بالكويت من زمان تقريبا اول حرب العراق الاخير المهم كان معي وقتها التيما 6سلندر طياره وعلى الخط السريع تجاكرت=تسابقت مع واحد مااعرفه وغبرت به الموهم وقفني وتعرفت عليه بعدها بيوم دق علي وقال اقلط عندي بالوفره (بر بالكويت مخيمات وغير) رحت للرجال حسن نيه المهم يوم جيت وجلسنا في المخيم الا وجيه تروع ويسولف خوينا ويطري المجاكر وقال ابيك تخاويني بكره بقنص المهم قلت له على خير وقلت لود عمي الكويتي يخاوينا وطلعنا الفجر بكره انا وهو وولد عمي وخويه وحنا بالبر لمحت بالموتر رشاش كلاش جدييييد سكت قلت يمكن راعي بر ويحتاجه طولنا وحنا نمشي مرينا من عند عقم ماطرا في بالي حسب معلوماتي المتواضعه انه العقم الحدودي بين الكويت والعراق انا اذكر انه فيه عقم مثل الي بين السعوديه بعد بس هذاك اعرفه زين ماسألته جالسين نسولف الا شوي ووقف وقال اسمعو يالربع انا رجال اهرب اسلحه من العراق للكويت يوم انهبلت وقلت له وحنا(شكو) قال ابيك تسوق وانا بعزز لك الين نرجع للكويت قلت سلامتك قال موب على كيفك المهم كثر الهرج والمح لود عمي على الرشاش عاد هو اذكى مني قال ماعليك خله علي الي هو انا وجلس يهاوشني قدامهم الين اقتنعت شكليا قدامهم قاله لود عمي وقفو الله يكرمكم بيقضي حاجه على فكره حنا الحين بين الحدود نعتبر داخل العراق اول ماوقفو ونزلنا كلنا نحرك رجولنا ويسحب ولد عمي الرشاش الي تحت المرتبه ويهدد السواق وخويه يبعدون عن الطاره بالطقاق ويوم طلق ثنتين يالله وخرو المهم نقزنا انا والشنب على الجيب vxr وافجرله فجر كل الي في بطنه طلع على خط خوينا الي دخلنا معه وهم خليناهم في محلهم واول ماتعدينا العقم ومشينا الي ماادري وشلون طبينا على الرقعي حوله يعني وارسل له رساله قلت له تلقا موترك عند مفرق الوفره على الدائري وان دقيت علي توطين ببطنك هههههه وبعدها على طول رجعت لموتري ثم الى السعوديه ههه بعدها بعشر ايام دق علي ولد عمي وقال ترا الجيب على وقفته من رحت وبعدها شاله المرور والى يومك ماادري عنه وجواله مقفل دقيت عليه اكثر من مره<<<<<<<<<<<< حن عليه
الموهم عقبها كلما دخلت الكويت على الالتيما مااروح للوفره اخاف يعرفني او عيال عمه الين بعتها وشريت الونيت وهذي سالفه الهبال ...ومعليش على الاختصار الشديد لان اصابعي ورمت وانا اكتب..


وشكرا ..



اخوك

ادولف هتلر

[أبو عوض]

إيييييييييييه يا بو سليمان ..

لو موتري جمس بسافري ولا باسي .. شريف وأهل المراكز ما يردونه :43260.imgcache[1]:

أنا رجال راعي ربوع بلادي ..:43697.imgcache[1]:
وما عندي جواز سفر .. أنا باقي في جواز الوالدة الله يحفظها << صغير السن طيشاني :43429.imgcache[1]:

والحقيقة أن هذه السالفة تضحك البعض وما يمنع أني أقولها .. :43493.imgcache[1]:

يوم أدرس بالجامعة .. الله يذكر ذيك الديرة بالخير .. عز الله أجمل سنوات عمري ..
المهم كان عندنا مادة اسمها communication strategies
طبعا ملاحظة بسيطة قبل القصة الجامعة اللي درست فيها كانت نسبة الطالبات فيها بدون مبالغة أكثر من 80 %
يعني أنواع الاحراج والتفشل .. تشوف الواحد فينا ماشي مستحي لا أحد يطقه من البنات ..
المهم ما علينا .. بما أن الجامعة أغلبها بنات .. فعادي جدا أنك تكون في كورس كله بنات ..
هذه المادة اللي قلت لكم عليها .. كانت القاعة بالكامل بنات بما فيها الدكتورة << :43537.imgcache[1]:
في يوم من الأيام كانت الدكتورة تتكلم عن
الاستراتيجيات الاتصالية اللي تتخذها الدول لصناعة Great Image << صورة ذهنية رائعة
لها بين الدول الأخرى .. واستعرضت في كلامها مجموعة من الدول .. ثمن قالت الدكتورة :
أبي اسمع من كل أحد .. وين سافر .. وش هي تجربته ...
ويكلمنا عن الدول اللي سافر لها وتجربته معاها على مستوى الصورة الذهنية اللي انخلقت في ذهنه .. :43619.imgcache[1]:
طبعا أنا ضعيف الله كنت جالس عند الباب .. على يمين الدكتورة ..
طبعا أنا الشاب الوحيد في القاعة ..:43704.imgcache[1]:
على قولة واحد من الشباب أنا كنت محرم ذاك الكورس .. :43591.imgcache[1]:
بدأوا البنات من يسار الدكتورة يتكلمون .. وكل واحدة تقول تجربتها ..
الله يالربع ليتكم تسمعون الكلام .. أنواع الدول .. أنواع السفرات ..
أنواع الرحلات السياحية سواء رحلات الجنقل وال رحلات الكروز ولا رحلات السفاري ..
طبعا الحمدلله ذيك الأيام أني ما أعرف الجموس ولا كان سألتهم :
في أي نفد تكشتون .. وعساه زوين في الصيف .. عسى ما به خشاش .. :43454.imgcache[1]:
المهم .. أنا أنفك دماغي من كلام البنات ..
وجالس اترحم على حالي .. وأندب حظي التعيس ..:43431.imgcache[1]:
البنات ما خلوا ديرة ما راحوا لها وأنا باقي مضاف في جواز الوالدة .. لاحول ولا قوة إلا بالله ..
المهم يالربع وصل الدور في الكلام عند واحدة سعودية معنا الله يستر عليها .. :f46f1473d0[1]:
طبعا البنت السعودية هذيك أنواع الميك أب والنظارات اللي ما تدري وش تبي .. :43481.imgcache[1]:
يوم بدت تتكلم أول كلمة قالتها .. first of all, keep your hands around your hearts
يعني بادئ ذي بدء خلوا يدينكم قريبة من قلوبكم .. << طيب يا إنقلش :43503.imgcache[1]:
طبعا أنا ما عرفت ليه تقول هالكلمة ..
إثر البنت بتفقش علينا وتبينا كل شوي :43753.imgcache[1]:
نحط يدينا على قلوبنا يعني لازم نتفاجأ .. الله يذكرها بالخير بس ...:015[1]:
وبدات أختنا في الله من النصب والهك .. والهياط .. :43621.imgcache[1]:
كان من ضمن هياطها الله يحفظها أنها زات اوربا الغربية
والشرقية والامريكيتين الشمالية والجنوبية ..:43575.imgcache[1]:
وأنها ما بقت دولة ..إلا زارتها .. وأنها أي دولة تروح لها ..
يقومون العوايل الملكية ويجلسونها هي واهلها مكانهم < والله هذا كلامها، الله من الهياط والهك ..:43486.imgcache[1]:
طبعا أنا انواع التفشل .. أتذكر حالي وأنا أكشت في الصيف في ديرتنا ..:43446.imgcache[1]:
واذا خربناها ذيك السنة ، كشتنا في الشتاء في صلاصل ولا النعيرية << الله من الكشتات ..:fjr3[1]:
المهم أن البنت حازت علىى اعجاب الجميع بسوالفها .. وشدت انتباه الجميع ..
وكل ما تقول سالفة انا اغطس في الكرسي اكثر ..:fjr44[1]:
واضرب بيدي على وجهي مثل ذا الايقونة :43654.imgcache[1]:
..
المهم جاء الدور عندي .. وقالت الدكتورة :
أوكيه يا أبو عوض .. يا راعي فستق << بدا النصب :43773.imgcache[1]:
نبيك تقول لنا تجربتك وين الدول اللي سافرت لها .. طبعا انا اللي قهرني انها ضامنة اني سافرت .. :biggrin[1]:
طبعا انا سكت شوي .. وجلست استجمع كلماتي وقلت ..
أنا في الحقيقة ما طلعت جواز سفر إلا لمن جيت أدرس .. :43627.imgcache[1]:
وترى أبعد مكان رحت له بقيق .. << تبعد عن الدمام 70 كيلو متر
.. سكتت الدكتورة شوي .. طبعا البنات بصراحة ما علقوا .. ماعدا هذيك السعودية ..
أنواع الضحكات السخيفة وهي حاطة رجل على رجل وتقول Oh My God.... Oh My God
<< يعني يا الهي يا الهي



وبس :43260.imgcache[1]:



أبو عوض

[بهبـGMCـهان]

هههههههههههههههههههههههههههههههههههههه راعي فستق مجنون
اما انتي ا خوي ادولف هتلر قصتك قصه الحمد لله على سلامتك
اما انا فا اذكر صار لي موقف لا يمكن انساه مدى الحياااة

هذا الله يسلمكم قبل سنتين كنت طالع الامارات (دبي) انا وثنين من الشباب على موتر واحد منهم ماركيز 2003
ومن طلعنا لين رجعنا السعوديه وانا الي كنت ماسك الطاره <<<< تخبورن بوزقم خويكم خخخخخخ
المهم مالكم بالطويله واحنا نتمشى بدبي وراجعين اذكرها من مجمع الامرات مول على شارع الشيخ زايد (الله يرحمه) واحنا الي فالينها انواع الطرب في السياره شباب سعودين كالعاده فالينها 24 ساعه المهم وانا في وسط الطريق كنت ماسك المسار اليسار وعلى الدزه طبعن الكاميرات اعمت امي ولا حياة لمن تنادي المهم وانا ماسك اقصى اليسار قدامي موتر اذكره لوحته منا لشارقه اكبسله ابيه يفتح ما فتح المهم ويجي خويكم ينزل كتف يسار واتجاوز الشرقاوي كتف ولا مداني راجع مساري الا ذاك الجيب الي يكبس وراي جيب عادي قلت شكله يبيني افتح وافتحله المسار الا هو الي يجي وراي ويكبس قلت وش يبي ذا المهم واخفف ويجي جنبي طلع دوريه سريه وعلى طول واتحسب على الشرقاوي قلت يالله في الطقاق مخالفه ونمشي متعود على السعوديه خخخخخخخخ
والله ونلبق ولا توني نازل الا ذاك العسكري الي داخل علي بشراع وميداف لسااانه واصل لين حدود السعوديه من الصراخ والتهزيء بيني وبينكم انا خفت قلت وش السالفه المهم من كلامه ( انت انسان مو محترم لو انك محترم اكن احترمت البلد الي انت فيه تتجاوز يسار لو صار لك شي كان بهذلت نفسك وبهذلتنا معك من ذا الكلام ....) طبعن خويكم بدة ام الركب تلعبه تدريجين قلتله يا بن الحلال انا غلطان واعترف بغلطي خلاص عطني مخالفه وان شالله خير قالي من يقول مخالفه هذي فيها حجز السياره شهر وانت نرسلك لسفاره السعوديه ونحلولك لسعوديه ويحجزونك شهر وفوق كل هذا كله غرامه ماليه 1800 درهم انا دورني وقتها خلاااص ام الركب مو بدة الا تمكنت وخلصت قلبي طاح مو في سروالي طاح في الارض وحفرله قبر ودفن نفسه وارتاح دورو خويكم معاد تحصلونه وبيني وبينكم انا في الطقاق بس موت خويي وش ذنبه مسكين المهم لين واحد من الشباب لسانه شوي عسل من النوع الي يقردن مزبووط ويمسكه على جنب ويصبغه صبغ من راسه لين رجوله الا ذاك الي هدا شوي وقال خلاص ذا المره بمشيكم بس بعمم على السياره ان تكرر الموقف على طول تطبيق القرارات قلت وعد اذا تعديت ال 80 احجزني مو شهر اجزني سنه بس فكنا خلنا نمشي قال خلاص تيسرو وياهلا فيكم بدولتكم الثانيه الامارات وان في خاطري اقول ظف وجهك ذبحتني ههههههههه
وبعدها جلست حوالي ساعتين صن في السياره ولا كلمه والنفضه ما زالت شغاله
والله لا تلوموني ديرتن ما تعرف فيها احد وش تسوي مالك الا تنطم وتسكت خخخخخخخخخخخ
وهذا موقفي
واسف على الاطاله

[تناهيت]

Good Idea منك يا ابو سليمان.....



فكرة جيدة منك خويا .....وطرح موفق اتمنى من الأعضاء الأستفادة من تجاربهم فالسفر له 7 فوائد ولة ايضا في المقابل اولويات وترتيبات وتوابع اخرى يجب على الشخص ان يلتزم بها لكي تثمر سفرتة ...وسوف اقوم في وقت لاحق بذكر اولويات السفر من واقع تجربتي الشخصية ...




وبخصوص القصة اللي كلمتك عنها .....بحثت عنها ولم اوفق وراسلت المشرف لعله يفيديني ان شاء اللة وكما ذكرت لك كل ما سنحت لي الفرصة ذهبت لها وقراتها حتى تبين لي اني قرأتها أكثر من 5 مرات ولم املها لما فيها من العبر والمواعظ الشي الكثير عدآ عن تألق راوي القصة وابداعة في انتقاء اجمل الكلمات واصدقها .....مما زاد من واقعيتها ومصداقيتها ,


ابو سليمان بما انك صاحب الفكرة الواعرة .....>بجيك على عرق مثل ما يقولون



يقول عبد الله الفيصل رحمه الله


اشتقت للمغرب وأنا توني جاي=الله يصبرني على حر شوقي
يلي تريد دواي في المغرب دواي=لارحت يمه ينطلق كل عوقي


فابيك طآل عمرك تبداء من هنا وتحكي لنا ما شئت عن هذا البلد وشعبة وطبيعتة


http://travel.maktoob.com/photo/data/500/resized_594.jpg


تم التقييم



تحياتي

[ابوعمشى]

االاربعاء الساعة 5 العصر ابوعمشى يرفع التلفون على حبيب القلب ابوعبدالله الحربي كيف الحال
ابوعبدالله

وشلونك طيب قال بخير قلت وينك قال قريب قلت لي خاطر مطراش لديار زايد تمشية وشغيلة بسيطة وكعادته حفظه الله الريوس مفصول

جيت الجمس شايبي قلت له شد حزامك ضرب بوري وقال على وين يابوعمشى

قلت له لديار زايد صفط مراياته وقال على خير بس عندي شرط قلت انت تامر امر وانت حسبت اخوي

قال ابوعمشى معي قحة واحتقان بالكبريتر وركبي يوجعني قلت مالك الاطيبت الخاطر وعلى الصناعية

اصلاح كبليتر ووزن كامل عند العضيب مع الجلد ولا بعد نعول جدد شاهين امر تدلل

بعد الصناعية قلت له هاه وش رايك رد علي قال هالحين مشينا

الساعة 10 مساء حركت انا وابوعبدالله معنا الفرش والعزبة على ديار زايد

120 140 مع السوالف 160 ممشانا على الخط وصلنا الحد الساعة 4 فجرا مع السوالف والجو بارد جدا

قال الجمس يكفي تراني زكمت من البرد
قلت ابشر بااللي يدفيك نخيت ابوعبدالله وجاب قطعت كرتون وحطينها على خشة الشايب قلت هاه دفيت قال هالحين اشوى
صلينا الفجر بمحطة الحد وكنت خايف انهم يردون الموتر ماادري عن النظام هناك

ودخلنا على الحد ربعنا يضحكون علي وواحد من الجوازات يقول ترا السطحات غالية بالامارات مارديت عليه رد عليه الجمس بسمفونية من الشكامين وقالي ابوعمشى توكل على الله ستجدني انشاء الله من الصابرين

دخلنا حد الامارات والامارتيين متفاجئين وش راعي الجمس اللي مصبحهم سلمنا وردو السلام واعطيناهم الاوراق وقال على وين قلت دبي ديار الحي يروحله الشايب يعود صبي وانا ابجدد شايبي ضحك وقال تفضل

اصبر شوي يالاخو

ربطة بريك وقلت سم قال المكينة كم قلت 350 سيسي ينطح سيسي

قال تفظل دخلنا الحد وامنا ب 150 درهم يقول نوع السيارة سيارة شحن متعددة الاغراض قلت متعددة الاغراض بهذي معاك حق اماشحن معصي

وحركنا على ابوظبي الساعة 10 صباحا من ابو ظبي على دبي والسرعة 110 فقققققققققققققققققققط انتبهو من الكاميرات

وصلنا دبي الساعة 12 وكان الجو فيها معتدل قلت ابوعبدالله وش الراي قال شارع المرقبات يذكرون مطعم اشوام اسمه عروس دمشق قلت تامر امر ورحنا المطعم وضربنا من النعمة شي مشوي وشي مقلي وسلطات تفتح النفس عز الله انه خوش مطعم خلصنا من الغدا وعلى الفندق وقفت الجمس وقلت له عن اذنك اباانام قال قلت الخاتمة يابوعمشى تغديتوا ولاغديتوني قلت ابشر بسوبر جتي مظبي وبنزين ممتاز حمرررررررررررر

قال على خير قمنا المغرب ولبسنا واتجهنا على السيتي سنتر الديرة للتمشية وصراحة السيارة تلفت النظر

لقيت واحد في موقف السيتي سنتر يصور الجمس قلت يابو الشباب الصورة بمية درهم ضحك وقال شاحننه من السعودية وصراحة خفت على الموتر من العين وقلت ايه

طلعنا من السوق وعلى الشارقة لزيارة طلابنا المجتهدون بالجامعة يوم وقفت عندهم طلعوا اخوياهم يشوفون الجمس كان معي كائن غريب وخذو الشباب الجمس وعطوني تكس صغير عيون البس اذا وطيتها براسي

وتمشينا على الاسواق والمعارض وبعد خمس ايام شفت الجمس قلتله وش العلوووووووووم قال تمام ماودك نمدد شوي قلتله معصي اثرا الجمس عشق له بورش 911 من الشارقة وخذيته ودموع المساحات اربع اربع
وحركنا للديار السعودية بعد خمس ايام من الاستجمام والتمشية ولاخلت من بعض التشاليح جينا الحد الاماراتي ودخلنا عند ربعنا وشيكو على المكينة من التعديل ودخلنا ديارنا وكانت هذه اول رحلة لشايبي خارج المملكة


واعذرونا على الاسلوب والتطوييييييييييييييييييييييييييل:43604.imgcache[1]:


محبكم ابو عمشى

[طارق الحربي]

مافيه سفر هالصيف

اقضبوا ارضكم خخخخخخخ

انفلونزا خنازير عسى الله يحماكم

ان تذكرت موقف علمتكم

[ابو خطاب]

اخر سفرة في احد فنادق اقصى شرق اسيا. . نزلت عند الاستقبال لاجراء ترتيبات الخروج ذاهباً للمطار. . وكانت الساعة 6 الصبح . . جاء واحد من اقصى صالة الفندق وقال من السعودية . . قلت في نفسي والله النشبة . . وش وصله هذا لهل مدينة الصغيرة وصاده منين طلع ! ! . . والملامح ودره ما تبشر بخير . . وعلى قولت المثل شم ريحة العنز وحلب خمر. . ربعك هناك ما ينفعون ولا بريال . قلت ايه من السعودية . . فرح الرجال وقدم زقاره . . في هذه اللحظة قلت ياهو سعودي رابي في زحله او انه مقربع وشارب الين اذن . . التفت على اللي جمبي وقلت له ختامها طين.
انا اول مره اشوف سكران لزقه يعني طول الوقت ماسك ذراعي يلزم على الغداء الفجر وانا ابطلع بوكي احاسب وهذا لزقت فكس . ماسكه معه حالت كرم حتى ينجلد . يعني يا تقهو معي يا تجلدني.
ما قدرت لا اوخره ولا احاسب ولا حتى اشيل شنطتي . . طالعت الامبير لقيته جمب الاحمر . . قلت اعوذ بالله من الشيطان . . يا هيه وين السكيورتي يضفه ولا يشربه قاز ولا اربطوه لين نروح.
صادف ان السكيورتي مهب فيه. والرديتر يفور خلاص . . قالت لواحد من الزملاء شل شنطتي . لانه حدني على الخيار الثاني . وكان وقتها يعطيني كرته طلع موظف في بنك الراجحي :) . تخيلت نفسي داخل عليه ببنك الراجحي يشوفلنا تمويل ولا فزعه ومع كثر الناس يقول تراني ما تذكرتك اعذرني ذاكرتي ضعيفه . . عاد اذكره اقوله انا اللي جلدتك يوم انك سكران بصالة الفندق . :) خخخخخخخ
رحمته الله لايبلانا . . كريم بس بينجلد لان الوقت ضيق فلازم ينجلد عشان طيارتنا . قلت رح اجلس شف جوالك على الطاوله لا ينسرق طبعاً حالف الا يغدينا فطور .. ماش عجزت اعطيه خياره الثاني هل كريم ابن الاكارم.
مشيت وهو يا جماعة الخير متعلق بيدي لين وصلت باب الفندق.. عاقبه ربي وحط ايده على رقبتي يبي يرجعني للفندق.
واحد من الزملاء مطلع راسه مع شباك السيارة يقول : انجز اتركه لا تفوتنا الطيارة.. .
هو مسك رقبتي . . اثري .... طووووووووووووووووووط . . لقيته طايح على البلاط ومتزحلق له تقريباً 10 متر . . كان رخام الفندق ناعم لدرجة ان الرجال تزلج لاين وصل جواله اللي على الطاوله.:43558.imgcache[1]:
اخر لقطه كان يقول وهو يحاول يقوم ويترنح : اعزمه ويطقني.
:)
الخمر ام الكبائر الله لا يبلانا.

[ونيت جمس]

هههههههههههههههههههههههههههههههه

الله يعطيكم العافية على ها القصص

[بن دريويش]

ههههههههههههههههههههههههههههههههههههههههههه
ههههههههههههههههههههههههههههههههههههه
ههههههههههههههههههههههههههههه
ههههههههههههههههههههه
ههههههههههههه
هههههههه
هههه

أبـــــو عــمـــشــــى كــــريــســتي

والله أن سالفتك بدبي بالجمس ماتقولها أجاثا كريستي

وخاصتا

توكل على الله ستجدني انشاء الله من الصابرين

[بن دريويش]

السوالف بالسفر واجد و لكن دام أخوي أبوعمشى تكلم عن سفرته بالجمس الرفرف و أحنا بنادي جمس حبيت أقول سالفة صغيره لكن فيها موقف

يوم عندي ( المرحوم ) بورفرف الاولي وإذا بي ذاهباً الى البحرين بالمرحوم مع رجال عمره ما طلع برى السعودية ولكن قال دامك بالجمس نروح و البطاقة الاحوال جديده يالله نروح هههههههههه

وصلنا المنامة و منها الى المحرق و المقصود محل الحلوى و المتااي وصلنا للمحل و ترى هناك ضيق شووارع الله لا يوريكم خذنا اللي نبي و وتعشينا و عينا من الله خير قلت للي معي هاه مشينا قال يالله

دقينا سلف فووق الساعه 1 ليلا و يوم جيت الجمرك و أطفي النور و خل السكن هههههههههههه
شغل عربجه ههههههه ولا وصلناا لحدود السعوديه الا عيوون الشك تتجه للمرحوم ولا وصلت لتفتيش الا يقول لي الموظف : تسعه رحت موقف تسعه و يجوون رجال الجمارك يفتشوون ياهم نفضوه تفض قال لي : بطل الكبووت بطلت الكبووت ورحت عنه اشووي وهو قاام يحووس داخل
أشوي و يقول لخويه ناد بوصقر و انا على نيااتي وفي هذه اللحظه يقبل بوصقر و في يده سير مربووط فيه ذاك الكلب اللي يخوووف و يقربوونه من المووتر و يروح يم الشبك اللي قدام و يجلس ينبح نبح و يوقف على الصدام قلت يمكن يبي يطل و يشووف الماكينه هههههههههههههه
ويسحبه وذاك يرجع أنا وقتها التفت للي يمي اللي اول مره يسااافر برى السعووديه وهو يطالع فيني و في باله اني مهررررب ووديته ورى الشمس و انا و الله كلي خووووف

تجرئت ورحت لبوصقر وأسئلة عسى ماشر يقول أبد و لا شي بس ذا الكلب جديد و أحنا نختبره حاطين له قطعه بالكبوت عشان نشووف الكلب ويش يسووي
قلت له : تختبره و أنا صرت مسرحيه قدام النااس قال لي : تبيع الموترههههههههههه
قلت له ابي اروح بيتنا بس ههههههههههههههههه

أتمنى أني ما طولت عليكم

[Sierra Denali]

مسيكم بالخير جميع بصراحة مواقف قمة بالروعة وبصراحة ماتوقعت تطلع منكم كل هالمواقف بس بصراحة اكثر موقف اضحكني موقف ابوعوض ههههههههههههههههههههههههههههههههههه

الله يذكرك بالخير يابوعوض تراني قاريه امس ومت ضحك وربي فطست فطسه فطساويه ..

الله لا يهينكم ونبي تفاعل ومشاركات اكثر ..


<<<<<<<<<< لا اخفيكم يفكر يخلي جائزة لأفضل موقف بس يبي حضور اكبر ..

[Sierra Denali]

مسيكم بالخير جميع ..

الحقيقة اني من اهل السفر وبصراحة كل ماسمحت الفرصة بالسفر سافرت شرط ان لا يشغلني شاغل او الاهل والحقيقة اني اسافر في السنة من خمس الى ست مرات, السفر فيه متعه كبير جداً وفيه فائدة كبيرة السفر فيه أشياء نادر من يكتشفها ولا ادري كيف اوصفها ويمكن افضل من وصفها هو الامام الشافعي رحمه الله في ابياته المشهورة :

تغرَّبْ عن الأوطان في طلب العلى *** وسافر ففي الأسفار خمس فوائد
تَفَرُّج همٍّ، واكتساب مــعيشة *** وعلم، وآداب، وصحبة ماجد
فإن قـيل في الأسفار ذُلٌّ ومحنـة *** وقطع الفيافي وارتكاب الشدائد
فـموت الـفتى خير له من قيامه *** بدار هوان بين واشٍ وحـاسد


الحقيقة انا سافرت اماكن كثير وصارت لي مواقف اكثر, وببداء بأحد المواقف ..


في كلمة دايم اقولها للربع الحمدلله اني رحت المغرب بعد مازرت بلدان كثيرة علشان اشوفها لان لو رحت المغرب قبل ما اروح لهالبلدان كان يمكن مارحت لها وكانت وجهتي الوحيدة المغرب, المغرب هذا البلد الغريب والذي يقول فيه اهله مثلاً يصفة وصفاً دقيقاً ( مادمت في المغرب فلا تستغرب ) البلد صاحب السحر الحلال, البلد الوحيد الذي لم احس فيه يوماً في الغربة وأجلت رحلة عودتي منه أكثر من مره البلد المضياف الكريم النبيل, في الحقيقة رأيت انواع السواح الخليجين فيه جميعهم رجل الدين, ورجل الاسره بأسرته, والشيخ الكبير , والشاب, والصعلوك, فسبحان من جعل في هذا البلد مايطيب لجميع هذه الاذواق .

ابي احكي لكم عن أول سفرة لي للمغرب وكيف كانت وكيف جت ووشلون صارت ..

وقتها كان عندي وقت فراغ حوالي عشر ايام وكنت اخطط بصراحة اني استغله في سفره لان بيجي بعده شغل طويل الى اجل غير مسمى, كان هالوقت في عز ايام عمل وماكان عندي من يخاويني فكرت وقدرت, وقلت وين بسافر لحالي, يمكن اهل الشرقية يعرفون مكتب المؤيد للسفريات وهو مكتب معروف مع انه صغير ومتخبي شوي, رحت للمستشار حقي احمد الهندي الموظف في المكتب, كان فاضي ويهش ذبان قلت ابوحميد وش رايك وين اذلف له المهم جلس يعد علي الدول اللي تعود اني اروح لها, المهم واشوف لوحة اعلانات للمغرب قلت ابوحميد قال هاه قلت احجز على المغرب قال المغرب قلت ايه المغرب احجز, قال وين تبي تروح له هناك, قلت هاه مدري والله وش اكثر ديره يروحون لها قال اقادير قلت حلو احجز اقادير 7 ايام وكازابلانكا 3 ايام قال اوكي ..

الموهم اقلعنا من البحرين اذكر كان يوم ثلاثاء الظهر ووصلنا اقادير نفس اليوم الساعة 12 بالليل يعني ثلاث الفجر بتوقيتنا

الحمدلله ان ابوحميد ضبط الحجز وكل شي اوكي, الموهم انا قبل ما اروح المغرب وانا اسمع بحب الناس للمغرب وشغفهم فيها وبصراحة من طرت لين وصلت غرفتي في الفندق وانا ماشفت شيء ولا بين لي شيء يبين الحب المغربي على فكرة الحب بالمغربي يسمونه زعطه وحب المغرب يسمونه عشاق المغرب الزعطه المغربية الموهم سكنت في الفندق الغرفة كويسة لكن الخدمات عادية او اقل من عادية وتعال شف الشعب السعودي المفتل خاصة واني جاي على وقت نهاية السهرة واللي راجع على جنب واللي يمشي حبي واللي يجرجر الحب دياله الموهم قلنا يارب عدي هالليلة على خير ..

نمت وصحيت الصباح نزلت افطر في الفندق الا تعال شف السهيره توهم راجعين من السهرة الساعة ثمان الصباح ويفطرون المهم واجلس افطر واطلع من الفندق, الحقيقة نزلت الشارع الديرة شكلها مش بطال لكني ما ادري وين اروح المهم شفت قروب خواجات يمشون على رجولهم قلت بس هذا المطلوب لحقتهم ومشوا يمكن نص ساعه اثاريهم وصلوا البحر قلت بس عينا خير البحر كان مليان مقاهي الجو كان عجيب غيوم وضباب وشي هبال المهم جلست وتقهويت وطالعت هالخلق وقمت اسولف مع صاحب المقهى اللي ماعنده الا انا واسئلة عن الاماكن الحلوة ودلني على كم المكان, الوكاد اني للحين ادور الزعطه المغربية مالقيتها, شربت من سيدي علي واكلت الطاجين والكوسكسي ولسه ماحسيت بأي شيء شفت المطر وشفت الغيم وشفت الجو الحلو بس لسه ماحسيت بأي زعطه, الوكاد خلصت السبع ايام ورحت لكازبلانكا وسكنت في شقق فندقيه تديرها حرمة وهي صاحبتها بصراحة للحين احس اني اخذت مقلب بالديرة وقررت ما اطلع من الشقه ابد لين يوم الرحلة الموهم كل ماطلبت من تحت شيء جابته صاحبت الشقق ولاحظت اني ماطلعت, يوم صار اليوم الثاني طلبت فطور وجابته لي, الوكاد تكلمت معي قالت انت دافع فلوس طيارة علشان تجلس بالغرفة ولا ماعندك في بيتكم غرفة احلا من هذي, بصراحة صدمتني قلت لها لا بس انا ندمت اني جيت وللحين ماشفت اي شيء يخليني ارجع لهالمغرب مره ثانية واحس الناس ماخذين فيها مقلب, قالت طيب روح دور شوف الدنيا قلت ما اعرف ولا ادل, قالت خلاص الظهر جهز نفسك قلت سمي ..


فعلا يوم صار الظهر جابت لي من يمشيني في الديرة لبست وطلعت وتمشيت في يومين كانت من احلا ايام حياتي شفت فيها اللي ماشفته لا في اوروبا ولا في امريكا ولا في الدول العربية كلها, وعرفت وش سر الزعطة المغربية, السحر الحلال في اهل المغرب هو السحر في التقرب منهم والعيش بجوارهم وترك التعالي في الاسواق الشعبية في اماكنهم السياحية الشعبية في الحديث معهم والاستئناس بطيبتهم المتناهية هو سر الزعطه المغربية ..


كانت تلك الثلاث ايام كفيلة بإقفال اي وجهات اخرى لغير مطار محمد الخامس تلك الرحلة فسرت لي مامعنى ان ترى في نفس الطائرة رجل الدين والشيخ الكبير والشاب والعائلة والصعلوك المغرب البلد الذي لن امل الحديث عنه او عن اهله او عن طبيعته او عن زعطته ..

احد المواقف الطريفة اللي صارت لي في المغرب انه في محل مشويات مره رهيب تختار اللحم اللي تبيه ويشويه قدامك, الزبدة اني اخترت اللحم وانا اختاره قال لي صاحب المحل انت من فين قلت من اليمن انا بصراحة مدري ليه قلت اليمن ماكان في بالي شي وقلتها قال اها الله يعينكم كيف الوضع عندكم مشاكل وكذا قلت اسكت يارجل مشاكل وهواش والله يسترها معنا بس الموهم الرجال وهو يحط لي اللحم زادها كم صيخ ههههههههههههه شكلي كسرت خاطره قال هذا ديرته كلها حروب وحالته حالة الوكاد اني بغيت اقول يابو الشباب تراني امزح معك بس مدري استحيت منه الموهم ركبت مع السواق قلت مبارك قال هاه قالت السالفة كذا وكذا واخاف هالكم صيخ اللي حطها تصير حرام هذي مية درهم عطها اياه وقل تراه يقولك انه سعودي وانه مايدري ليه قال لك انه من اليمن الوكاد راح مبارك الا شوي وجايني بكوب عصير قلت وش ذا قال هذي المية درهم حقتك وهذا عصير من عنده يقول حياك الله وش ماكنت ..


وسلامتك صح لسانك صح بدنك ..


شباب نبي تفاعل انا قلت اليوم نوصل ست صفحات يالله الله بالسوالف الزينه ورونا علومكم لاسافرتوا وش تسوون ..

[بـلـيـهـان 1]

السلام عليكم ورحمه الله و بركاته

بصراحه موضوع يا أبو سليمان رهيب !


قصه أبو عوض و أبو عمشى .. :43728.imgcache[1]:


( ولا يهونون البقيه )


ههههههههه خياااااااال :43770.imgcache[1]:



----

من ناحيه السفر ..

السفر يسفر عن معادن الرجال

و في السفر تحدد معدن رفيقك الي معك ..

----

أول شي .. السفر مع أصحابك و أحبابك .. مهما كانت الوجهة فهي أحلى سفره

الأصحاب هم الي يحددون ( فله ) السفر .. و ليس ( وجهة ) السفر هي التي تحدد ( الفله ) :fjr37[1]::43502.imgcache[1]:

فهمتوا ولا ..؟ :)

يعني يا شيخ لو تروح أفضل ديره ولا معك ربع يونسون و ربع حشام و شقرديه .. ما تتسمى سفره ..

و أن رحت اردى ديره و معك ربعك .. هاذي تسوى كل شي


--------



ولا أخفيكم .. من افضل رحلاتي هي رحلتي

إلى روضه سدير

قبل 5 سنوات تقريبا ً مع إني كل شهر شهرين في الروضه أنا .. و لكن إلي قبل 5 سنين هاذيك غيييير ( أيام مطر ودرجة حراره صفر ) و الذي حلاها أو فضلها شئ واحد ( وجود الجميع من اسرتي و انسباي ) وهاذي بحد ذاتها تسوى ( فينا و باريس و إلي جابها ) !:)


--

من ناحيه المواقف .. لا أتذكر حاليا ً إلا موقف طريف بسيط


كنا في الباص في مدينه إسمها ( بورموث ) بالقرب من لندن

كنا في باض أبو ( دورين ) ..

كنت أنا و 4 من اخويانا

المهم الباص فوق زحمه انجليز و اوربين و ... إلخ


و اروح اقول للشباب إلي معي يا شباب تبون كل الي في الباص يناظروني ؟؟؟؟؟؟؟؟؟



قالوا يلاااا كيف ؟؟؟؟؟؟؟؟؟؟؟


قلت


( إكسيوزمي ) بصوووت عاالي :43644.imgcache[1]:


و إلا

كل إلي في الباص يناظرون خشتي :25[1]:


و الله و ضحك .. :43586.imgcache[1]:


------------------

و اتذكر ايضا ً موقف طريف آخر و أنا صغير جدا ً ( عمري لا يتعدا 8 سنين حينها ) أني مع الوالد و الأخوان .. كنا مسافرين إلى مصر اتوقع أو سوريا و الله ما اتذكر

و أضيع منهم ( يا ويلي ) !:) و اركب طياره ثانيه .. ( إلى حايل بعد حيي ) :43423.imgcache[1]:

و قبل لا تقلع اشوا طلعوني الطياره بعد إعلان الوالد عني :43350.imgcache[1]:

------------------

من المواقف المؤسفه ..

رحلتنا إلى النعيريه أنا و 9 من الاصدقاء ..

حيث قدر الله وفاه جد أحد الاصدقاء في الرياض .. رحمه الله عليه

و كانت الرحله ( في النحاسي ) الذي لم يشم رائحه ( الأعطال من النعيريه إلى الرياض )

مرورا ً بهجر كثيره في الخط للراحه .. :43662.imgcache[1]:

-------------------


هذا ما لدي حاليا ً

و ارجو ما طولت عليكم

و اشكرك ابو سليمان على الموضوع الجميل جدا جدا < ثبته لا هنتتت

[فيصل الخالدي]

ماشاءالله اسلوب روائي خطير يابو عمشى ولا يهونون الشباب

انا موقفي الي طرى علي هلحين يوم كنت في لندن فالهايدبارك الظاهر.. في اول شارع العرب هجول رود خخخخخخخخخخخ اسمه كذا

المهم جواعا انا والشباب وندخل ماكدونلدز ونطلب عاد خويكم خبل شاف وجبه صورتها حلوه قلت هاتي وحده عاد خويكم والعياذ بالله مسعبل مع الكشير(هـ) مادريت ان الي طلبته فيه خنزير هههههههههههههههههههههههه

عاد يوم خلص الطلب وانا مطير عييناتي يمين ويسار (سعودي ماشاف نعمه) المهم وامسك المنيو واقلب الا والبرجر الي طلبت نصه بيكون واصايح لها سكوزمي سكوزمي غيري الطلب انا مسلم ما اكل خنزير ولا شيلي البيكون من سنوتش الدجاج والاجوديه سوت لي طلب جديد وعتزوجنا وعشنا في سعادة وهنـ,,,,,,,,,,,,,,,وين دحدرت

المهم تغديت وعينا من الله خير وفي نفس اليوم جلست استهبل على ذاك الجندي:43452.imgcache[1]: الي يلبس زي هالطاقيه عند سياح يابانيين وانواع الهستره وهو رافض يلتفت:43568.imgcache[1]: انواع الثقل

[بن دريويش]

وين بو عمشى كريستي


ننتظر الجديد منك

[ابوعمشى]

لاهنتوااا لكن وشو كريسبي هههههههههههههههههههههههههههههههههههههههه

[Sierra Denali]

وين اهل السفر والروحات والجيات نبي نشوف علومكم ,, ابومثنى وين علومك بالصين مع تشونق بونق ..

[ابوعمشى]

هلا وغلا بالكل من دون تخصيص

الحاجة الثانية وشو كريسبي

[Sierra Denali]

هلا وغلا بالكل من دون تخصيص

الحاجة الثانية وشو كريسبي


هلا وغلا بالروائي الكبير ابو عمشى ..


لايروح بالك بعيد ياغالي اغاثيا كريستي هي روائية اجنبية كبيرة ويمكن كتبها اكثر كتب الروايات مبيعاً في العالم ..

يعني مدحة ماهي شي ثاني ..

[ابوعمشى]

اشوى الله يبرد قلبك والله اني نشدت ناس واجد ماجابو لي خبر

[ابو خطاب]

على عجالة . . رحت مع واحد نجيب مدرسين من السودان . . وشفت التجطل على اصوله . . ومن علامات اكرام الضيف يحطون سرير بمجلس الرجال .. عشان بين السالفة والسالفة ينجطل. وذبحنا المنقى طلع من اذاننا شكلنا جينا بوقته . بطاط برحي :). . . بغى يصير شكلي منقى من كثر المنقى تمنققنى ورجعنا.

مقتطفات من الخرطوم:

عادي وطبيعي وانت بالتكسي تشوف الارض وانت بالغمارة لان الارضية مخرثه :)
تحت الشجر اوادم يتضللون يمشي 5 متر ويتضلل 10 دقايق من كثر ما هو ما داير تجيه شمس.
قضت اشكال الدوائر ما تشوف الا مربعات ومستطيلات ومثلثات من كثر ماهم مهب دايريين.
كل ركاب الطيارة يعرفون الكابتن ويهنونه على السلامة . ( روابطهم الاجتماعية حميمة)
انتبه تشر او تسئل احد . . ممكن يخلي شغله ويتفسر ولا يخليك الا موديك للي تبي.
الزواج ب 500 ريال. . بالقرى. صادف مرورنا زواج ولزموا علينا قلنا ما بدهاش خل نشوف سلومهم وعلومهم . :) عطينا المعرس 500 ريال سعودي . . قالنا المرافق ان زواجه طلع . . بلاش . . الله يديم الرخص بس لو اللون فاتح كان علوم.

[طارق الحربي]

هههههههههههههههههههههههههههههههههه


ابو خطاب

قطعتهم تقطيع ماخليت فيهم شي خخخخخخخ


وسعت صدري الله يوسع صدرك

اجل علوووم لو ان اللون فاتح

[ابوعمشى]

ابوخطاب بخييييييييييييييص بها الامووووووووووووور

[شفر 454]

مــوضوعك في غاية الجــمــال يابوسليمان



:43493.imgcache[1]:



أمــا عن نفســـي .. سوف أسرد لكم هذه القصه التي لن أنساها مهما حييت ..


كنت بالشــام وبصحبتي صديق لي وكنــّــا مسافرين على السياره المهم في نص المده المقرر مكوثها أتى صديقي ظرف طارئ ورجع للسعــوديــه أنا قعدت بها_ من عادتي أحب أسافر بصحبة شخص واحد أو أثنين لاأكثر _ المهم جلست يومين ملييييييت قلت بأرجع السعوديه وأشيل عفشي وعلى الحدود السوريه وقبل ماأطلع من دمشق قلت ليش ماأروح أصرف ليراااات ( آنذاك الصرف عن طريق مكاتب ووالله من الزرف وماكان عندهم أجهزة صراف الي ) قلت لا ياولد بتكفيني هاللي معي وقبل أصل المنفذ السوري عبيت ربع التانكي قلت بنزينهم خايس وأعبي من السعوديه على بالي الديره قريبه , وأوصل المنفذ وأخلص وعلى منفذ دخول الأردن أيييييييييه هنا مربط الفرس وأخلص جوازي وباقي التأمين قلت كم وحسبها لي صار اللي معي 500 ليره والله ماتشري قازوزه المهم نقص علي مبلغ حوالي 70 ريال سعودي يالله يانــادر من وين تجيبها وأسأل الموظف مافيه جهاز صــراف قريب قال لا بس البلده ( نسيت أسمها ) فيها وتعــاااااااااااال عسى موقفك مو بدالي



الحيــن كيف أطلع وهو مستحيــل ذلك !!!!


لو أطلب من أحد المسافرين بيقول أكيـد مطفر لاعب بذا المراقص وال؟؟؟؟ وأنتم تعرفون الناس نظرتهم للشباب ؟؟



والله وأسمـّـــر مكاني ماعادلي حيله والأردنيين أنفسهم خاااايسه مــرهـ



وأفكــر ... وأفكــر بصراااااحه أحترت ؟؟



وأجمع قواي النفسيه والعقليه لتحمـّــل ماسوف يحصل وأنادي ذاك الملتحي سعودي وأقوله على سالفتي ويرفع نظره فيني عـااااااد دورني ماتلقاني قلت مافيها تهزيئــه جـامده



وقال لي : كم تبي بـــس ؟؟ أوووووف بغيت أحب رأسه صار المنقذ لنــادر وأحاول فيه برقم الجوال يعطيني أياه والله ويرفض ويقول أدعيلي بس ؟ بغيت أجلس بالمنفذ لبكره نسيت نفسي وأنا أدعي له


وأطلع من المنفذ إلا وموظف جمارك أردني يقول وين للسعوديه قلت نعم قال وش رأيك تأخذ زميل لنا معك وقلت حيــاااااااااه
( بأسوي ذكي حتى يخلصني على منفذ الخروج وأكيد تعرفون التعامل الأردنـي للسعوديين خاااصه)
ويركب معي وقلت أقرررررررب صراف ويدلني وأسحب 10 دنانير وأعبي بنزين 5 دنانير وقلت توصلني للحدود إن شـاء الله , وأشغل الكاسيت وقال أرجووك ماأسمـع أغـاني قلت هذه أولها , وأسولف وأسولف وهو مغير سااكت وكلما مرينا حصاة كبيره أو مزرعه أبيه يسولف عنها قال كلمه وسكت , يامصبرني للحدود بس


وصلنا الحدود إلا وعينك ماتشوف المدخل من كثر الباصات وقلت له ياولد متى نخلص ألمح له قال أطلع على السايد الحكومي قلت أيوووه هذه وحده مارااح صبري عليه هدر ونوصل كبينة الجوازات ويشر عليها قال هذه الجوازات أنا بأصلي ولا أعرف احد فيها ويسحب ذيك السحبه مأدري وش يبي ولا وش يحس به ,, ول ول الله لايعطيك عافيه يازلمه
وأمسك سرى على الجوازات وأخلص من الجمرك وأدخل للسعوديه وأقرب صـراااااف وأسحب لك


5000 وأقعد أتمقل فيها ساعه عند الجهاز وأقول


هذه الفلوس ولا لا
هذه الفلوس ولا لا
هذه الفلوس ولا لا
هذه الفلوس ولا لا



وهذه قصتي أتمنــى أن تعجبكم ..



وأنتظروا قصــه مشابهه لها ولكن في السعوديــه وبالتحديد



جزر فــرســــان ....



سبحانك اللهم وبحمدك أشهد أن لاإله إلا أنت أشتغفرك وأتوب أليـك ..



أخوكم القصيــر / أبوحســان

[ابوعمشى]

ابوحسان مشكوووووووور على الطرح