ضعف حيل الموتر ياهل الخبرة......

[الرحماني]

شباب النادي الأعزاء

السلام عليكم

انا عندي سلفرادو امريكي غمارة ونصف م 2000

السؤال اولاً: السيارة كأنها ثقيلة نوعاً ما ودعستها زينه ولاتفز الا بعد ماتغير نمرة مع الدعسة.

ثانياً: اذا جيت طلعة في الخط اوتسند الموتر تنخفض السرعة .

ثالثاً: فيه صوت لقلقه مع الدعسه الخفيفة يعني قبل لايغير نمرة ثقيلة.

مع العلم انني غيرت بواجي جديدة اصلي .

ويش الراي و الحل يا أهل الخبرة لاهنتوا.

[خالد الغامدي]

الاستفسار الاول والثاني طبييعي جدااا
اما الاستفسار الثالث ماعندي علم

[خويي الجمس]

مساء الخير اخوي

غير صفاي بنزين
اذا مانفع
قس ضغط طرمبة البنزين
اذا الضغط اقل من 40
غير الطرمبة

لأنة لقلقة من قلة البنزين الواصل للمكينة
وكذالك ضعف بعزم السيارة


تقبل تحياتي

[سلفرادو]

شف اخوي الامريكي ما يكفي انك تغير بواجي بس لازم تسوي تصفية مكينه
قبل تسوي شي افصل البطاريه
1-تغير فلتر الهواء
20تنظيف الاير ماس
3-تنظيف الثروتل
3-تنظيف الثلاجه مع تغير القازقيت ظروري لان يكون عندك تنسيم بسيط ويحوس عليك الموتر
5-تغير البواجي مع السلاك احرص انها تكون جي ام
6-تغير صفايه البنزين
7-وحط علبتين منظف البخاخات بالتانكي علشان ينظف مجاري البنزين
8-تغير زيت القير مع الفلتر
9وتغير سير المكينه
10-بعد كذا امسك خط اقل شي 100 كيلو مو مهم السرعه
وتكلفه هاذي انا امسويها قبل كم شهر حول 700 ريال ورجع العزم فررق عن اول

[جمس حوض]

تنظيف الثروتل

[فيصل الخالدي]

سو صيانه دوريه وترا الموتر 2000 لا تتوقع منه يكون مثل ال2005 مثلا

[الرحماني]

اخوي سلفرادو

[quote=سلفرادو;97151]شف اخوي الامريكي ما يكفي انك تغير بواجي بس لازم تسوي تصفية مكينه
قبل تسوي شي افصل البطاريه
1-تغير فلتر الهواء
= تم تغييره
20تنظيف الاير ماس =
ماهو الاير ماس
3-تنظيف الثروتل =
وين الثروتل انا قمت بتنظيف الحساس حق الثرتل لكن ماعرفت انظف الثرتل وفصلت البطارية وانطفت لمبة تشييك المكينة وولعت بعد نصف ساعة
3-تنظيف الثلاجه مع تغير القازقيت ظروري لان يكون عندك تنسيم بسيط ويحوس عليك الموتر
= وش دخل الثلاجة في العزم
5-تغير البواجي مع السلاك احرص انها تكون جي ام
= تم تغيير البواجي وقالوا الأسلاك جديدة مايحتاج
6-تغير صفايه البنزين
= تمالتغيير من قبل
7-وحط علبتين منظف البخاخات بالتانكي علشان ينظف مجاري البنزين
8-تغير زيت القير مع الفلتر= تم التغيير منقبل
9وتغير سير المكينه= تم التغيير من قبل
اشكر لك توضيحك وبارك الله فيك

[الرحماني]

مساء الخير اخوي

غير صفاي بنزين
اذا مانفع
قس ضغط طرمبة البنزين
اذا الضغط اقل من 40
غير الطرمبة

لأنة لقلقة من قلة البنزين الواصل للمكينة
وكذالك ضعف بعزم السيارة


تقبل تحياتي


هلا وغلا ياخوي الجمس (حظ والله من انت خويه)

كيف يتم قياس ضغط طرمبة البنزين

تقبل تحيات اخوك

[الرحماني]

سو صيانه دوريه وترا الموتر 2000 لا تتوقع منه يكون مثل ال2005 مثلا

هلا وغلا مشرفنا الغالي والله لايهينك.

[خويي الجمس]

هلا وغلا ياخوي الجمس (حظ والله من انت خويه)

كيف يتم قياس ضغط طرمبة البنزين

تقبل تحيات اخوك

ابحث عن ورشة عندهم ساعة قياس ضغط الطرمبة

او

رح للي يبيعون قطع غيار المكيفات
وخذ من عندهم ساعة قياس اضغط مع الهوز حقها وانتبه خذ الساعة المفردة لاتاخذ المزوج لأنك ماراح تستفيد من الثانية

مع العلم سعرها مايتعدى 50 ريال

بعد ماتشتريهن افتح كبوت السيارة
تبي تحصل ماصورة فوق المكينة و فيها راس كنة الراس الي يعبون المكيف منه واشبك الهوز فيه وافتح السويتش بدون ما تشغل السيارة


اذا الضغط في الساعة اقل من 40 معناتة ان الطرمبة ضعيفة اما اذا الضغط اكثر من 50 انشاء الله انها زينة

وسو نفس الطريقة بعد ماتشغل السيارة وشف الفرق

تقبل تحياتي

[الرحماني]

الله يرحم والديك ويصلح لك اولادك


وعلى طوووووول على قياس الطرمبة