استفسار كيف اخلي الموتر مريح ولاياكل مطب

[البارع]

انا سيارتي سييرا حوض والجنط 20
انا ذابحني انها تاكل مطب وغير مريحه وتناقز
وكذلك السياره مرتفعه وودي انزلها شوي

مشورتكم ونصايحكم لي ياشباب لحل المشكلتين الراحه والارتفاع

[بوظاهر]

اعتقد والله اعلم ،انك لازم تخفف من الريش
يعني تشل لك كم ريشه....عاد شو اسم الريش بالسعودي مااعرف اسمحلي :43713.imgcache[1]:

[الحر الاشقر]

الريش = السست
اسحب سسته

[خالد الغامدي]

والله اعتقد مافية الا طريقة وحدة اذا تخاف على الجنط ركب كفرات دعستها اكبر
واذا على التنزيل ركب يايات تجارية وقصها على مزاجك لفة او لفة ونص
هذا الي اقدر اجاوبك به على اسئلتك
وشكرا

[راعي ال 2005]

هلا وغلا اخوووي بنسبه للمطب اتوقع انه لازم تركب كفراات مقااس اكبر عشان تريح السياره في المطب والمعروف اصلا الجنوط الكبيره يصير مطبها قااسي لان دايم كفراتها مو عريضه

وبنسبه الارتفااع ياليت لو تعلمنا السياره سست ولا يايات ولا وشو بالضبط

وشكرا

[الحر الاشقر]

وترا اهم شي الجنط
ركب جنط 16 وبشوف الفرق

[جمس حوض]

هلآ ...

عندنا جمس يوكن 2008 جنط 20
وفي المطباة مهوب مريح مره

[جوالة]

انا سيارتي سييرا حوض والجنط 20
انا ذابحني انها تاكل مطب وغير مريحه وتناقز
وكذلك السياره مرتفعه وودي انزلها شوي

مشورتكم ونصايحكم لي ياشباب لحل المشكلتين الراحه والارتفاع

طبعا هناك عدة طرق تجعل السيارة مريحة بعضها عملي وبعضها له مشاكلة لكن إليك بعض الحلول :

بالنسبة للراحة :
1- نزل هواء كفرات السيارة ... على سبيل المثال طلعت مرة وكان في الكفرات 35 وقمت ونزلت الكفرات إلى 25 ومشيت عليها قرابة الأسبوع وحقيقة هناك فرق واضح في المطبات ... طبعا مشكلة هذا الحل إن الكفرات بعد فترة تخرب عليك .
2- غير نوعية الكفرات ورأيت الكثير يمدح كفرات البالون بأنك لا تحس بالمطبات ... طبعا لكفرات البالون عيوبها مثل الرجة وسرعة مسح الكفر وانزلاقه في الماء ... إلخ
3- الجنط كلما كان صغير كلما كان أخف في المطبات وهذا من واقع تجربة .

بالنسبة للمناقز :
فبالنسبة لي أعاني من نفس المشكلة ولكن تغلبت عليها حيث أني قمت بتعبئة توانك الماء وأعطت ثقل في الصندوق وصار ما يناقز ...

بالنسبة للارتفاع :
فلديك عدة حلول منها :
1- تصغير الجنط وبالتالي الكفرات .
2- سحب سست.

طبعا الجنط لديك 20 لذلك أتوقع أنه سبب الارتفاع لديك .

بالتوفيق إن شاء الله

[البارع]

اشكركم جميعا بدون استثناء على تجاوبكم وصراحه احرجتموني بتفاعلكم
السياره طبعا سست وليست ياي
السست عددها 3 بس
بالنسبه للجنط 16 يركب على الموتر ولا لا
واذا كان يركب وش الافضل والانسب طبعا الجنط 6 مسامير
كثير قالو لي غير الجنوط والكفرات ويصير اريح
بالنسبه للارتفاع مايكون المساعدات لها دور بالارتفاع

شكرا لكم من كل قلبي

[البارع]

اخواني الاعزاء
لا استغني عن تجاربكم وتوصياتكم
وودي لو يحص في احسن ورشه بالرياض لتنزيل الموتر
وافضل مكان لبيع الجنوط وتركيب جنوط اصغر
شكرا لكم