تــدبيــل المساعدات ؟!!

[Black_List]

السلام عليكم ورحمة الله وبركاته

أحبتي في الله

اليوم حبيت نتناقش وكل واحد له خبره يفيدنا بخبرته

في تدبيل المساعدات !!

يعني فايدها واضرارها بشكل عام ووش افضل المساعدات

خصوصا للحوض من مديل 98 وتحت !!

أتمنى تفاعلكم ولكم مني جزيل الشكر

[Black_List]

17 شاهدو الموضوع ولا واحد رد ؟!!

:43742.imgcache[1]:

وش دعوى الموضوع مايستاهل النقاش ؟!!

[خالد الغامدي]

والله ماعندي علم

[جوالة]

أبكتب لك من خلال ما قرأت وليس من خلال تجربة .

تدبيل المساعدات تركب لأجل ثبات الموتر في الطعوس ولا يبدأ يلعب الموتر ويناقز ... ولكنه داخل البلد مطبه أقشر .
وفي الغالب يركبها واحد من اثنين :
1- راعي مطامر في البران .
2- راعي تحميل .

أتمنى إني أفدتك .

[onerosy]

هلا اخوي والله اعرف ناس كثير مجربين ابوعبدالله الصمعاني بالتشليح في القصيم بريدة ابد جب الموتر عندة و كل الادوات اللازمة للتدبيل تحصلها عندة وشغل نظيف هذا في القصيم اما في الرياض فية ورشة النويصر بالصناعية القديمة طبعا تخصص تربيط و يدبل المساعدات بس ترى سعرة غويلي شوي والافضل عندي طبعا الصمعاني وهذي صورة ورشة النويصر بالرياض
http://www.mekshat.com/pix/upload03/images116/mk213_motn1.jpg شف عاد انت تقز رقمهم ههههههههه وبشكل عام للجموس افضل شي اشوف الاجانب منهبلين علية الرانشو بس مالي خبرة وش الافضل بس اصحاب هالامحلات يفيدونك

[Black_List]

أبكتب لك من خلال ما قرأت وليس من خلال تجربة .

تدبيل المساعدات تركب لأجل ثبات الموتر في الطعوس ولا يبدأ يلعب الموتر ويناقز ... ولكنه داخل البلد مطبه أقشر .
وفي الغالب يركبها واحد من اثنين :
1- راعي مطامر في البران .
2- راعي تحميل .

أتمنى إني أفدتك .

تسلم ولا هنت يا الغالي على مشاركتك وافادتك

الله يطول بعمرك ويوفقك

[Black_List]

هلا اخوي والله اعرف ناس كثير مجربين ابوعبدالله الصمعاني بالتشليح في القصيم بريدة ابد جب الموتر عندة و كل الادوات اللازمة للتدبيل تحصلها عندة وشغل نظيف هذا في القصيم اما في الرياض فية ورشة النويصر بالصناعية القديمة طبعا تخصص تربيط و يدبل المساعدات بس ترى سعرة غويلي شوي والافضل عندي طبعا الصمعاني وهذي صورة ورشة النويصر بالرياض
http://www.mekshat.com/pix/upload03/images116/mk213_motn1.jpg شف عاد انت تقز رقمهم ههههههههه وبشكل عام للجموس افضل شي اشوف الاجانب منهبلين علية الرانشو بس مالي خبرة وش الافضل بس اصحاب هالامحلات يفيدونك

كفو يا الذيب لا عدمناك على ها المعلومات الطيبه

بس اصبر شوي بجيب الدربيل عشان اقز الراقم

أخوك شوفه شجر ههههههههههه

لا هنت الله يجزاك ووالديك الجنه

[برق السما]

ولله وأنا أخوك أنا أشوف التدبيل حاجة مهمة ..
تدبيل المساعدات يساعد على تماسك السيارة , ولايناقز بك الموتر في الطعوس والبر وكذلك مثل ما أشار أخوي جوالة ان كنت راعي تحميل مهم جداً ..



ولكنه داخل البلد مطبه أقشر .
من خلال تجربة أخالفك الراي !

[الحر الاشقر]

بالخير ياجماعه الخير

فيه ورشه ابن مرضاح الكبيره مره موب حقت اليماني
بالصناعيه القديمه مريتهم من 5 سنين ابدبل مساعدات وماعجبني سعرهم
عموما مرهم وشف
وفيه ورشه تدبل ورا محل باقادر اللي على بشارع المنتزه شلون اوصف لك
تعرف الشارع اللي فيه مخرطه وحيد الصفدي بشرق الشارع فيه مسجد هي الورشه اللي شرق المسجد
عموما مليان اللي يدبلون بس يبيلك تاخذ لفه بالصناعيه

اما النويصر غاااااااااااااااااالي مره وليت هو اللي يشتغل
اخذ سمعه وخلاص

[Black_List]

ولله وأنا أخوك أنا أشوف التدبيل حاجة مهمة ..
تدبيل المساعدات يساعد على تماسك السيارة , ولايناقز بك الموتر في الطعوس والبر وكذلك مثل ما أشار أخوي جوالة ان كنت راعي تحميل مهم جداً ..



من خلال تجربة أخالفك الراي !

لا هنت أخوي برق السما

بس للمعلومه أنا راعي بران وكشتات موب راعي تحميل يا الغالي

الله يجزاك الجنه

[Black_List]

بالخير ياجماعه الخير

فيه ورشه ابن مرضاح الكبيره مره موب حقت اليماني
بالصناعيه القديمه مريتهم من 5 سنين ابدبل مساعدات وماعجبني سعرهم
عموما مرهم وشف
وفيه ورشه تدبل ورا محل باقادر اللي على بشارع المنتزه شلون اوصف لك
تعرف الشارع اللي فيه مخرطه وحيد الصفدي بشرق الشارع فيه مسجد هي الورشه اللي شرق المسجد
عموما مليان اللي يدبلون بس يبيلك تاخذ لفه بالصناعيه

اما النويصر غاااااااااااااااااالي مره وليت هو اللي يشتغل
اخذ سمعه وخلاص

هلا والله بأخوي الحر الأشقر

مشكلتنا الورش تاخذ سمعه من ناس فاهمين وبعد فتره تلقا البنقاليه

هم اللي يشتغلون ويتعلمون بسياراتنا وأنا أخوك ،

أنا بحوس بالصناعيه لين ألقا الورشه اللي وصفتها وربي يكتب الخير

تسلم ولا هنت الله يجزاك الجنه

[جمس حوض]

السلام عليكم ..

اتوقع معد يمديك توزن الموتر نفس رفعة الوكاله

هاذا كلام راعي الورشه

[جوالة]

تسلم ولا هنت يا الغالي على مشاركتك وافادتك

الله يطول بعمرك ويوفقك

آمين وإياك أخي الكريم

[جوالة]

من خلال تجربة أخالفك الراي !

بارك الله فيك أخوي وأنت أدرى مني ... ولو تلاحظ في إجابتي أني ذكرت أنها من خلال قراءتي في النت وليس من خلال تجربة ...

شكرا لك

[Black_List]

السلام عليكم ..

اتوقع معد يمديك توزن الموتر نفس رفعة الوكاله

هاذا كلام راعي الورشه


أخوي ما يهمني ارجع برفع الوكاله لأن الجمس

اطلع به للبر فالأرتفاع أطيب له

لا هنت يا الغالي

[الحر الاشقر]

بالخير
وش صار عليك؟