كيف تفتك من اللي يقومك للصلاة في نص الليل

[أبومتعب 2009]

سالفه حصلت بعنيزه قديما




كان فيه شاب من اهل عنيزه وكان هالشاب ساكن هو وامه فقط في بيت واحد لأن ابوه كان متوفي
وكانو مبسوطيين وعايشين بكل سعاده وخير مع شح وفقر ذاك الزمان
المهم امه العجوز شبت عليه وقالت له ياوليدي ورى ماتعرس
وودي تزوج علشان اشوف عيالك قبل ما اموت
وهو يقول بسم الله عليك عقب عمرن طويل يوووه
المهم الحّت عليه الين وافق
وخطبت له امه هاك البنيه اللي كلها ملح
الولد عقب العرس ..ماينلام استانس بحريمته وتوافق هو وياااه الحمدلله
كل يحب الثاني ويوده
لكن المشكله عاد ب( المامي) تقل تضايقت شوي من الوضع(نغرت
وهذي فطره عند اغلب الحريم الكبار خاصة مع عيالهم
غصبن عليها
بدت إذا جاء الولد عقب الظهر دايخ من الشغل وده يتغدا وينام قبل يأذن العصر.
وأول مايصك باب الغرفه هو والمره إلاّ والوالده رانعتن عليهم الباب ( تنكيد يعني) قومو صلوا يالله
وان كان هو ما أذن تطق وتقول قومو توللمو توضو قبل الاذان..
ورزح بهالباب ماتواطنهم بالغرفه تنهبل
والولد ماغير ( يقول إنا لله وانا اليه راجعون ) وش جاه أمي
وتطوور الوضع بدت العجيّز
إذا منّهم نامو بالليل واوّل مايتواسون تطق الباب قومو تسننو صلّو صلاة الليل. قومو أوترو.. قومو قومو.وماغير تهجدهم وترجدهم بالليل والنهار
المهم الولد تضايق بالحيل تنكّدت عيشته مايدري وش يسوي الوالده صارت قشراء ماتعبّرهم داخلين بالغرفه تنهبل على طول...
ومرّه الولد كان عند رفيقن له يقالّه ابوصالح (معرووف بالعياااره )كان يتقهوى ومع السواليف قص عليه السّالفه حقّته مع أمه وشكى على رفيقه ابوصالح حاله
قال ابوصالح انا اعرف علاج امّك زيين بس تطاوعن؟؟
قال الولد تكفى اللي تبي
بس فكّنا ياشيخ
قال أجل ابقوللك : نبي نسوّي خطّه انا وانت بس لازم تطبقها تمام والا ترى تبي تخرب عليك
قال الولد .. تكفى قللي
المهم قاله الطريقه واتفقو
يوم صار من باكر عقب العصر
جاء ابوصالح لبيت الولد وطق عليه الباب
طق طق طق
ابو فلان ابو فلان وبدا يصوّت ابوفلان
كانت بيوت الاولين صغار بالحيل وهدوء لدرجة ان اللي بالبيت يسمع كلام اللي بالشارع والعكس
المهم طلع الولد قال
ياهلاااااا ابو صالح يالله حيه
ادخل اقلط تقهو
قال ابوصالح
لاوالله يابوفلان أنا عجل بس جيت ابيمنك طلب وابمشي
طبعا رافعيين اصوااتهم علشان تسمع العجيّز- وهي ماقصّرت جادعتن إذنه تبي تدري وش يبي ابوصالح بولده
قال الولد ادخل يارجال واطلب الّي تبي
الّي تبي بس تقهو
قال ابوصالح .. الّي ابي؟؟
ماتردّن
قال الولد : والله ماأردّك لو تبي كل بيتي ومابه بس ادخل .. إلاّشي واحد ماأعطيكياااه
قال ابو صالح وشّو؟؟ هالشي؟؟
قال الولد: لاتجي بس تبي تخطب أمي؟؟
ترى هذي اسمحلي ماأقدر، أطلب كل شي إلاّ هذي ..
قال ابوصالح وراااه؟؟
قال الولد : الله يعظّم أجره أميمتي
تقوّمنا لصلات العصر قبل يأذّن وتقومنا نتسنن بالليل . وتقومنا نووتر قبلالفجر . وتقومنا للفجر حريصتن علينا
والله ما أفّلبه ابد الله يخلّيها لنا ان شاء الله
قال ابوصالح : والله الصّراحه أنا جاين أخطب الوالده أجل
قال الولد لااااا ياخووي
أجل طس لاتقهوى ولاشي مع السلامه . والوالده مهيب معرسه
،كل هالكلااااام والعجيّز تسمع!! ومنهبله
راح ابوصالح والولد صك الباب
دخل الولد والى الوالده بوجهه قالت منهو ذااا؟؟
وش يبي؟؟؟
قال ياميمتي هذا خبل سايح وطلب منّي طلب وطردته ، مابقا إلاّ هي بعد،
اسكتت وهي منقهره تبي تنفجر
وجاء الليل ونامو ولاقامو إلاّ الضحى
وجاء الظهر ونامو وماطق عليهم أحد
والعصر جاء الولد لأمه
قال ياميمتي سلامااات؟؟
ماقوّمتينا لصلات الفجر ولا العصر
عسى مااااشر يووه؟؟
قاالت العجييز: قومو أنتم عسااكم للكسااميير خلاااص انا منب دايمتن لكم
خخخخخخخخخ
وبدت ماتطق عليهم وافتكّو من شرّه
وهي على رجاء خطبه ابوصالحههههه

[فيصل الخالدي]

ههههههههههههههههههههههههه الله يالعجيز تبي تعرس....والولد وش يسوي خليه يصفر له شوي مع المدام مافيها شي

[ونيت جمس]

ههههههههههههههههههههههههه

الله يعطيك العافيه

[ابوفهد]

هاهاهااهاهاهاهاهاهاهاهاهاهاهاهاهاهااااااي

والله مهيب هينه هالكسرهـ ..

بس ابو صالح مخخخخخخخخ ,,

يعطيكـ العافيه يا ابو متعب ,,

[بانكر]

السلام عليكم اخواني الاعضاء

مسيك بالخير يابومتعب وش هالعجيز ذي ياويلي

يالله حسن الخاتمه

بس خل عنك و الله انهم مدزدين بهالعجوز
:43482.imgcache[1]:
وشكلها اللحين تعض اصابع الزمن ا ا ا قصدي اصابع الندم<<<وش دخل اصابع الزمن غبرت بنا يابوعزوز
:43695.imgcache[1]::43695.imgcache[1]:
و تقول اللحين انا وش الله اقردني و اقوومهم للصلاه
:43751.imgcache[1]:



بس ممكن سؤال يابومتعب خطر في بالي اللحين اللحين و انا اكتب ؟ ؟ ؟

طيب العجز عرفنالهن اللحين :43545.imgcache[1]:

طيب اذا الشايب اللي ابلشك وش تسوي
:43493.imgcache[1]::43493.imgcache[1]::43493.imgcache[1]:
:43623.imgcache[1]::43623.imgcache[1]::43623.imgcache[1]:
:43710.imgcache[1]:

الظاهر اذا السالفه فيها شيبان مال الواحد الا
:43472.imgcache[1]::43472.imgcache[1]::43472.imgcache[1]:

و يعطيك العافية :fjr26[1]:يابومتعب:fjr26[1]: علي الموضوع :43525.imgcache[1]:

دمتم بحفظ الله
اخوكم
:fjr26[1]:بانكر:fjr26[1]:

[تناهيت]

ابو متعب الله يقطع بليسك وشذا الأم الحقنة :9993d74b8b[1]:.........اجل ان بغو يجيبون عيلان لازم يروحون للشرقية :fjr3[1]:

بس ودك انها معرسه غصب على خويه استاذم فيهم الله يهدية لا صلاة ولا عبادة

[عاشق z71]

تعرف واحد من الشباب

بيتهم صغير شوي

وقام الشايب حط الجرس حق البيت جرس فسحه خخخخخخخ

قسم بالله لو احد دق الجرس غصب عنك تسكر اذانك

عاد وهو طالع يصلي ينزل عند الباب ويعلق على الجرس لمدة 10 ثواني او اكثر شوي

والي فيه خير لايقوم ههههههههههههه


لاهنت يالغالي على هالموضوع

[ابو نايف]

ابو متعب الله يقطع ابليسك :43535.imgcache[1]:
يحول العجييز علقوها الضعيفه

[راعي صملة]

لاهنت ابو متعب


معذورة جعل والدينا في الجنه


لو ان شويبها عندها اشغلها بس عاد حيل الله اقوى


ليت ابوصالح خذها شكلها بتبدع :43267.imgcache[1]: من حر ما تونس هههههههه

[أبومتعب 2009]

فيصل الخالدي


ونيت جمس


ابوفهد


شاكر لكم المرور والتعليق ،



بانكر

الشياب الله يخليهم لعيالهم ما عندهم (غيره) مثل هالعجيز، وبعدين ما فيه شي يمنع انك تزوجه وحده تسهره في الليل ولا يقوم الا الضحى :43770.imgcache[1]::257[1]::icq_offline[1]: ، همين ما عاد له وجه يجي يقول لك قم.:13[1]:




تناهيت

هو طفران في البداية:43261.imgcache[1]: بس عقب كم سنه بتلقا بيته مليان ذر

:43432.imgcache[1]::43517.imgcache[1]::43770.imgcache[1]::43710.imgcache[1]::43418.imgcache[1]::43538.imgcache[1]::056[1]::f46f1473d0[1]::43641.imgcache[1]::43699.imgcache[1]::43699.imgcache[1]::43432.imgcache[1]: :43432.imgcache[1]::43418.imgcache[1]::43710.imgcache[1]::056[1]:



وتلقاهم عقب طفرته كذا :43497.imgcache[1]:





ابو غازي

هذا الابو الذكي، عزالله عرف لهم، يعني بدال ما امر على كل واحد اقعد فوق راسه 10 دقايق يالله قم الصلاة، عطها جرس فسحة وانتهى الموضوع



ابو نايف

ويقطع بليسك انت بعد،
اجل وش هالتنكيد اللي ما له سنع. بس والله المفروض دور لها شايب من شياب ديرتهم ولزقها فيه. :43714.imgcache[1]:



ابو فهد

اي والله جعل والدينا في الجنة،

شكلنا بنسوي عليها قرعة في الاجتماع الجاي، نوزع ارقام على العزابية. واللي تحبه امه ما يطلع له شي.:43692.imgcache[1]:

[شقران]

سجل واحد نفر ماهو حاضر الاجتماع علشان يفتك من قرعة العجيز ..


قصة رائعة تسلم يابومتعب ..

[أبومتعب 2009]

سجل واحد نفر ماهو حاضر الاجتماع علشان يفتك من قرعة العجيز ..


قصة رائعة تسلم يابومتعب ..



وش على بالك بتتهرب،،،، ما فيه نحشه شف كل الاعضاء بنسوي لهم قرعه، حتى الغايبين، وأولهم ابو غازي الله يقومه بالسلامه.

[بن غييثات]

ابو متعب

جعل والدينا بالجنة .. ندري ان الوالدة خصوصاً تصيبها غيره لكن الفطين الي يعطي كل حقه وبدون مايبخس..

الوالدة ابدى وايضاً الزوجة تبي حقوقها

:fjr38[1]::fjr38[1]: تم اضافة الموضوع ليكون من ضمن المواضيع المميزة :fjr38[1]::fjr38[1]:

[أبومتعب 2009]

ابو متعب



جعل والدينا بالجنة .. ندري ان الوالدة خصوصاً تصيبها غيره لكن الفطين الي يعطي كل حقه وبدون مايبخس..


الوالدة ابدى وايضاً الزوجة تبي حقوقها



:fjr38[1]::fjr38[1]: تم اضافة الموضوع ليكون من ضمن المواضيع المميزة :fjr38[1]::fjr38[1]:



انا اشهد والله يا ابو المثنى الوالدة أبدى، هذا ما فيه شك، الله لا يحرمنا واياكم اجر برهم، وسواء كانوا أحياء أو أموات احدهما او كلاهما.

اشكرك يا ابو المثنى على تقييمك للموضوع. وتقبل تحياتي

[ابو خطاب]

كان ابو صالح هون تصلح لابو التناهيت :)