دلونا على واحد يطبق مكاين وشغله ممتاز بالرياض

[عاشق z71]

السلام عليكم ورحمة الله وبركاته


اخواني عندي كم استفسار



ودنا نركب على موتر اخونا الحر الاشقر

يوكون باب واحد موديل 95

ودنا نركب عليه مكينه 5.3 المنيوم موديل 2003 وطالع

مع العلم الموتر دبل و القير عادي خمس غيارات المنيوم

ضمان التركيب على الاقل شهرين

عادي لو الغي الكمبيوتر






فاحترنا وين نركبها فيه ومن يطبقلنا اياها


طبعا لحد يقولي الرشيد لان اسعاره نار اضافه الا انه صارت السيارات العاديه مايلقي لها اي اهتمام


اذا مو الموتر 700 حصان وطالع مايعطيك وجه


عموما نبي من خلال تجاربكم سواء مع اصحاب الورش او الشتاليح تدلونا على واحد مجرب الله لايهينكم



اضافه اذا احد عنده علم اسعار المكاين 5.3 موديلات 2000 كم تسوى تقريبا بظفيره وكمبيوتر




وهل يحتاج موتره لترهيم او تغيير كراسي المكينه ؟؟؟


شغله اخيره واصر الحر الاشقر عليها



اقوله مكاين .5.3 من موديل 2000 الى 2006 ماتغيرت نفس المكينه


وانما تغيرت تغيير بسيط اعتقد انه بالكويلات او بالبخاخات


يعني اذا زادت زادت خمسه حصان } ان زادت


لكنه مو مصدق


فياليت تنورونا بالموضوع هذا




شاكرين ومقدرين



.....

[الشفر الاحمر]

لا خلا ولا عدم يابو غازي دايم تخدم اخويانك يالعزوه
والله يعينك وتلقى لي طلبي


الحر الاشقر يستاهل كل خير

والشباب ماهم مقصرين

[البهبهاني المغترب]

(ابو غـــــــــــــــــازي )
مادامك مستعجل رح لمركز شداد الصناعيه القديمه عندهم امكانيات افضل للميكانيكا والسمكره ، خلف شالنجر الجديد ، وفيه واحد اسمه صالح هذا المشرف على الورشه رقم جواله(0500227743) قله من طرف ابوعبد العزيز واذا صعب عليك شي دق على :2ad0943c9e[1]:
مع خالص تحيه وتقدير
:43747.imgcache[1]:

[هاوي الـ G M C]

هلا اخوووي عاااشق ...

بالرياض مالي خبره الصدز ..

لكن عندنا بالقصيم جيدين ووضعهم طيب اخلاقهم طيبه ؟؟؟

اذا تبي ارقام ولا واي شي ؟؟امر

[salo7y]

تكلف يابعد عمري 12 الف
والله لي فتره وانا اسأل ابحث عن سعر اقل
لاكن اذا لقيت سعر اقل ما تلقى شغل صح
و المشله في الظفيره والكنبيوتر وانت ابخص
بشغلتها و أخوي الحر الأشقر حاط شرط لازم ننتبهله
الرجال راعي سفر وقنص وما يبغاى شي بكرى يلعوز فيه
ولا فيه كذا واحد يشتغل بس ثلاث ارباع الحساسات ملغيها
وإذا سألته قالك ما لها داعي وشوله زود غثاء
على شان كذا اقول حرام يركب (( وجهت نظر ))

[عاشق z71]

تكلف يابعد عمري 12 الف


والله لي فتره وانا اسأل ابحث عن سعر اقل
لاكن اذا لقيت سعر اقل ما تلقى شغل صح
و المشله في الظفيره والكنبيوتر وانت ابخص
بشغلتها و أخوي الحر الأشقر حاط شرط لازم ننتبهله
الرجال راعي سفر وقنص وما يبغاى شي بكرى يلعوز فيه
ولا فيه كذا واحد يشتغل بس ثلاث ارباع الحساسات ملغيها
وإذا سألته قالك ما لها داعي وشوله زود غثاء

على شان كذا اقول حرام يركب (( وجهت نظر ))



والله يالغالي صلوحي انا نفس الشي امس اقوله نفس الكلام


قالي بما اني خسران دراهمي خسرانه بتغيير مكينه وشوله ماركب شي يطرب

هذا قصده هو

عموما هو بيقرى الردود هنا انشالله وبيقرر بنفسه


ونا من ظمن الي اايده انه مايركب بعد

[بـلـيـهـان 1]

ورا ما حطيت يالحر الاشقر موضوع فيذا بدال ابو غازي .. :d
عموما من هالناحيه اقدر افيدكم بالشرقية اذا ما حصلتوا بالرياض علمني يالحر الاشقر برساله خاصه وراح افيدك

[عاشق z71]

ورا ما حطيت يالحر الاشقر موضوع فيذا بدال ابو غازي .. :d
عموما من هالناحيه اقدر افيدكم بالشرقية اذا ما حصلتوا بالرياض علمني يالحر الاشقر برساله خاصه وراح افيدك



ماني بمالي عينك :43265.imgcache[1]:

[الحر الاشقر]

ورا ما حطيت يالحر الاشقر موضوع فيذا بدال ابو غازي .. :d
عموما من هالناحيه اقدر افيدكم بالشرقية اذا ما حصلتوا بالرياض علمني يالحر الاشقر برساله خاصه وراح افيدك

ياخي كتبت موضوع وبالصدفه اكتشفت انه منزله
انا غلطان اتصل عليه اصلا
:43361.imgcache[1]::43361.imgcache[1]:

[عاشق z71]

ياخي كتبت موضوع وبالصدفه اكتشفت انه منزله
انا غلطان اتصل عليه اصلا
:43361.imgcache[1]::43361.imgcache[1]:


تبي تنطق انت !!!!

موب انت امس داق علي وقلتلك طيب نزل موضوع اسال الشباب قلتلي انا بعيد نزله انت !!!


هين يالمخيس اوريك

[G M C 2002]

والله انا سمعت بعنيزه عندهم تكتيت للشغل ازين من الرياض بالنسبه للترهيم شغل نظيف .

[الحر الاشقر]

والله انا سمعت بعنيزه عندهم تكتيت للشغل ازين من الرياض بالنسبه للترهيم شغل نظيف .

حلو
ممكن تذكر لي اسم الورشه وموقعها؟؟
كم ضمانها؟؟

[ابوليل]

السلام عليكم ورحمة الله وبركاته
لا افتى قولا ولم يقصر الشباب في ابداء ارائهم
ولكن وجة نضر
بسم الله الرحمن الرحيم
يوكون 95 عليه مكينة 5.3
مميزات
1-بخاخ طبعا
2- سرعة تدوير المحرك اثناء الاجواء الساخنه
3- اقتصاد بالببنزين
4- قلة الحرارة
عيوب وما ادراك ما العيوب
1- جميع مبرمجين هذه المحركات ناس شغالين بالمزاج
2- ربما بعد ماتبرمج مايجوز لك الموتر وترجع يقولك موب فاضي خل الموتر وتعال بعد 100 سنه
3- اليوم طفا عليك الموتر وانت مشغل تحت المضله مابه خلاف (وبعدين طلع حساس )
4- الجو زين وامطار وارزاق موترك ملتمس او يقطع من الماء لانك داخل ماء على السرعه
5- الموتر فيه كتمه من امس بس ماتدري منين
6- 5.3 لكن بالورشه
7- الضفيرة وتسليك باقي الانبيرات زي شد بلد تبي تتعب واجد لانك لازم تشغل كمبيوتر بلاده مع الكبيوتر الجديد

لا توجع راسك (هذا المحرك ممتاز لكن اذا صار شد بلاده )
اذل كنت تبي اداء وشغل عملى لا تتهور وعدل على مكينة موترك نفسه يعني حوله الى كلبريتر وحط ثلاجه -هيدرز- فلتر-عمود- انت ومزاجك

[الحر الاشقر]

يالغالي ابوليل
وجهة نظر طيبه
كلامك جميل لكن ماشفت احد يشكي من هالموديل كثرك
كل من قلتله عن مشروعي شجعني ولا قال هالعذاريب بهالموديل
ارجو من الاخوان اللي يوافقونك بالرأي يتكلمون قبل اتورط بهالمشاكل

[RIDAN]

ابو ليل كلامه مضبوط وخصوصا انه مجرب ...

اذا تبي تركب هالمكينة وبدون مشاكل فلازم تتعب تعب مو شوي وتشتغل شغل صح بس مكلف ومن بيسويها لك

وهو انك تغيير المكينة وتاخذ المكينة بكمبيوترها وظفيرتها وحساساتها كامله كامله وتقوم وتاخذ عداد طبلون حقه مع الظفيرة حقته من الكمبيوتر حق المكينة الى الطبلون .. عشان يتبرمج الطبلون مع الكمبيوتر <<
وياحبذا تغيير حساسات المكينة لأن من الممكن ان المكينة من زمان ماشتغلت او طاقتها الشمس وتلقى بعض الحساسات خربانه ولا مطرفه فغيرها من البدايه وريح واتعب مرة وحده وارتح

كل هذا عشان تقللل من المشاكل قدر الامكان !!

بس يبقى هل المكينة بتطبق على الكراسي القديمة مضبوط ولا لازم تلحم قواعد كراسي جديده؟؟
وهل الحذاف بيطبق على القير على طول ولا بيحتاج تحويله ووين بتحصل تحويله ومدى عمالانيتها ؟؟

الله يسهل عليك ويوفقك

[الجمرة]

عيوب وما ادراك ما العيوب
1- جميع مبرمجين هذه المحركات ناس شغالين بالمزاج

i]]: لا ياخي مهوب شرط شغالين بالمزاج بعدين هذا عذروب في المبرمج

مهوب في المكينه ..[/i]

2- ربما بعد ماتبرمج مايجوز لك الموتر وترجع يقولك موب فاضي خل الموتر وتعال بعد 100 سنه

حبيبي ركب المكينه على الموتر وجيبها له و خله يشغلها و يبرمجها و يركب معك تجربها

جازلك الموتر كان بها ما جاز لك وانتوا طالعين تجربونه قله الموتر مهوب عاجبني ..

اذا كان المبرمج مزاجي فالبرنامج هو هو ما تغير ما عجبك تكلم قبل لا تعطيه ريال ..

3- اليوم طفا عليك الموتر وانت مشغل تحت المضله مابه خلاف (وبعدين طلع حساس )

اول شي 5.3 قليله مشاكل .. و كم لنا وحنا نستخدم المكاين ذي ولا اشتكينا من شي

ترا مهو للدرجه ذي حساسه انك واقف تحت المضله شوي الا عيى يشتغل اذكر الله ..

4- الجو زين وامطار وارزاق موترك ملتمس او يقطع من الماء لانك داخل ماء على السرعه

انا معك اذا الموتر ظفيرته ملفقه او موصله اما ماخذ المكينه و ظفيرتها و مشبكها تشبيك وكاله

مافيه مشاكل عد انها على جمس شد بلد ..

5- الموتر فيه كتمه من امس بس ماتدري منين

ههههههههههه الله يهداك بس ..بواجيك منتهيه وايرات البواجي منعدمه بخاخات ما عرفت التصفيه في حياتها

صفايه بنزين متسكره من الوصخ.. كل هذا و مانفع تجي فايده الكمبيوتر وده اي محل و يشبك الكمبيوتر دبلتين

و يعلمك عله موترك.

6- 5.3 لكن بالورشه

:43425.imgcache[1]:

7- الضفيرة وتسليك باقي الانبيرات زي شد بلد تبي تتعب واجد لانك لازم تشغل كمبيوتر بلاده مع الكبيوتر الجديد

هذي والله ماني متاكد منهاااا ..


غير كذا شوف النياسين اللي عليها مكاين امريكي والله ما يشتكون من شي و مواترنا الشد بلد تجيب العيد

و مواترهم شغاله ..

[الحر الاشقر]

حمااااااااس
:43511.imgcache[1]:

[فيصل الخالدي]

اهم شي الدفرنس والقير والدبل

[ابوليل]

احترم وجهة نظركم جميعا ولكن عن نفسي ما ركبها لو ببلاش

[الحر الاشقر]

احترم وجهة نظركم جميعا ولكن عن نفسي ما ركبها لو ببلاش

اذا انت مجرب!!
ممكن الاسباب بالتفصيل الممل؟؟؟

[ابوليل]

مافي مشكل يالحر الاشقر
بالنسبه للجمس يوكن 95 محرك 350 tbi طبعا ضفيرته حليله حتى وهو حلابات لكن ممكن انك تشغل الوضائف الداخلية مثل عددادت وغيره طبعا عندك
1-اول شي مطلوب من الظفيره الشد بلد سلك الكويل اللي فيه كهرب تشغيل الكويل وراجع قراءة الrbm (سلكين عندك)
2- سلك انبير الحراره طبعا تأخذه
3- سلك الدينمو حق الكهربا
4- سلك المكيف
5- في صندوق على يمن السياره في المقدمه اللي هو فيه كت اوت طرمبة البنزين مع مجموعة من الكيابل يعتمد عليها الموتر .
6- سلك حساس ضغط الزيت
1-2-3-4-5 -6 كل هاذي الافياش تعمل مع كمبيوتر شد البلد ولازم يكون شغال اذا لم تشغله ماراح تستفيد
هذي اول مرحله تقريبا ان كاني مانسيت شي
بعد ذلك تركب المكينه وتبدا مرحلة التسليك (بالنسبه للجمس فقط)
1- عند فرز الضفيره والانتهاء منها دائما يكون الناتج النهائي لتشغيل الكمبيوتر مجموعة اسلاك هي الي تشغل الكمبيوتر
ويين نحطه؟؟ في فيش الكويل في الضفيره السابقه ليش لانه مع السويتش عند التشغيل وبكذا عندما تفتح السوييتش يشتغل الكمبيوتر حق ال 5.3 ويكون مصدره من هنا وبمجرد ما تطفي يقطع الكهرباء عن الكمبيوتر ويطفى الموتر
2- ايضا من الناتج النهائي للكمبيوتر سلك واحد فقط تدري وشو هالسللك ؟؟ حق البرمجه للي ماعندهم افياش (برمجه)
3- باقي سلك ثالث وهو لطرمبة البانزين شفت هالسلك لو تشبك في لمبة اختبار تجد انك اول ماتفتح السويتش تولع 3 ثواني وبعدين تطفا واذا دقيييت سلف رجعت ولعت ونفس الحكاية (طرمبة البنزين بأي موتر اول ماتفتح السويتش تشتغل شوي وتطفا لين تشغل المحرك وتبتل معاك)
ماعلينا هذا تشبها في كت اوت طرمبة البنزين
4- يبقى عندك ال rbm وهو السلك الثاني مع فيش الكويل لضفيرة شد البلد برضه له توصيل لكن مو مع الكمبيوتر لانه يحتاج كهرب راجع كويل قوي شوي
5- وصل سلك الدنمو ووصل انبير الحراره وحساس صغط الزيت
6- باقي سلك المكيف (اذا تبي)
طبعا الكمبوتر اللحين يعتبر شغال وافياشك شابكه مع الحسساسات اللي بالمكينه
يبقالك شغل عزل الظفاير و الاسلاك الباقية اللي مالها داعي من ضفيرة شد البلد لا تقصها سويلها عزل
وشغل بسم الله

اذا تحس انه مافي وجع راس توكل على الله
والمعذره عالاطاله
على فكره لو بغيت تشتغل شغل ماعليه كلام ترا عندنا بالقصيم اعرف واحد مايحتاج

[RPK]

ماشاء الله عليك اخوي ابو ليل تكلمت عن نقاط حلوه ومجهوله والله يعطيك العافيه على المعلومات

[الحر الاشقر]

ابوليل
شرحك مفصل ويدل على فهم
ممكن تعطيني اسم اللي يركب وموقعه وتلفونه ؟؟
شغله مضمون؟؟

[الحر الاشقر]

تسلم ابوليل
جاري الاتصال والسؤال

[ابوليل]

حياك وتحت امرك يالغالي