كيفية رفع الجمس 2007 الى 2012 بـleveling kit رخيص ومفيد

[فيصل الخالدي]

بسم الله الرحمن الرحيم

http://www.cars-club.com/up/8-2-1/carsclub_17238075.jpg

http://www.cars-club.com/up/8-2-1/carsclub_61988327.jpg

اليوم بوريكم القطع المطلوبه لرفع الجمس الشكل الجديد سواء كان حوض او صالون يوكن او تاهو او سوبربان اهم شي انه 1500 لان ال2500 ((جنط 8 مسامير)) يرفع بنفس طريقة رفع الشكل القديم بمفاتيح عمدان الالتواء موجوده في هذا الموضوع

http://gmctruckclub.com/vb/showthread.php?t=313

وذا فديو بسيط لكيفية التركيب للكعكات الاماميه والخلفيه وافضل ان تكون بدون الكعكات السفليه الي تركب تحت المساعد و تظهر فالفديو لانها تسبب صرصره مع الرطوبه واحيانا مع الاستخدام فقط

http://www.youtube.com/watch?v=az7A31cpHr8

هذا شكل الموتر مع اللفلنج كت والكعكات الخلفيه


http://www.fototime.com/%7B6EA0C9A7-4D18-4883-9BAF-D8877928BB6D%7D/picture.JPG

http://www.fototime.com/%7BEF3D427A-BF81-465F-AC7F-0728660DEFE1%7D/picture.JPG

http://www.fototime.com/%7BE5176456-621F-4BD3-A31C-D09EF0B7AB75%7D/picture.JPG


وهنا بلفلنج كت حلوه للشكل لكن سيئه خصوصا لصلبان العكوس ومضره لها اذا ماسوينا كعكة تنزيل للدفرنس الامامي الموجوده في جميع قطع 3 انش واكبر

الكفرات هنا 315-70-17 حقات همر H2

http://img.photobucket.com/albums/v357/mattg717/DSCF0278.jpg
http://img.photobucket.com/albums/v357/mattg717/DSCF0261.jpg
http://img.photobucket.com/albums/v357/mattg717/DSCF0282.jpg
http://img.photobucket.com/albums/v357/mattg717/DSCF0281.jpg
http://img.photobucket.com/albums/v357/mattg717/DSCF0280.jpg
http://img.photobucket.com/albums/v357/mattg717/DSCF0279.jpg

وهذي 2 انش قدام (5 سنتي) بدون سسته زياده او كعكه خلفيه

http://i651.photobucket.com/albums/uu237/Dynaconv/NewTruck037-2-1.jpg

بعد تركيب بدي لفت مقاس 1.5 (حوالي 4 سنتي وربع)

http://i651.photobucket.com/albums/uu237/Dynaconv/Body%20Lift/NewTruck108.jpg

وهذي بعض الروابط لشراء القطعه من الانترنت

الاماميه :

http://www.summitracing.com/parts/SUM-G787/

والي شفناها فالفديو

http://www.summitracing.com/parts/RLS-66-3085/

http://www.summitracing.com/parts/RVI-315/?image=large

واخرى انصح بها لسعرها الجيد وجودتها العاليه

http://www.summitracing.com/parts/SJA-C720MS/

الخلفيه:

3 انشات =7.5 سنتي ولم اجد شركة اخرى في هذا الموقع فقط

http://www.summitracing.com/parts/RLS-66-3003/?image=large


جميع القطع الي وضعتها تسمح لك بتكبير مقاس الكفرات الى 33 انش مثل كفرات ابو غازي للي شافها ووضع البالون ايضا بدون مشاكل احتكاك خصوصا عالمطبات

----------------انتهى-----------------



انتظروني في المواضيع القادمه باذن الله تعالى:43700.imgcache[1]:

[رفرـف سديرـر]

اللله يعطيك العافية ..

بالنسبة للجموس الحوظ الجديده

الخلفي سست ؟؟ والامامي ياي ؟

< ماله علم بالجديد :(



وبيض الله وجهك ع الموضوع الطيب

[فيصل الخالدي]

ايه الخلفي نفس القديمات بالضبط الامامي يجي ياي في وسطه مساعد نظام مكفرسون

[رفرـف سديرـر]

اهاااا .. جزاك الله خير

ومشكور على سرعه التجاوب :)

بمان الله

[عاشق z71]

مشالله موضوع رهيب وجا بوقته

اغلب اسئلة الاعضاء تدور حول الرفع وطريقته

اتوقع هذا جواب شافي لمثل هالاسئله

خصوصا اصحاب الموديلات الجديده

ويستاهل التثبيت يالغالي


ونتتظر جديك

دمت بود

[فيصل الخالدي]

مشالله موضوع رهيب وجا بوقته

اغلب اسئلة الاعضاء تدور حول الرفع وطريقته

اتوقع هذا جواب شافي لمثل هالاسئله

خصوصا اصحاب الموديلات الجديده

ويستاهل التثبيت يالغالي


ونتتظر جديك

دمت بود

حياك الله ابو غازي...لاتنسى تمر العيسى بس:43251.imgcache[1]: مشكور عالتثبيت وان شاء الله يلاقي استحسان الاعضاء

شي ثاني فيه طريقه اعتياديه لرفع السياره من ورا بس يقسى المطب وفي نفس الوقت تزيد قدرة تحميل السياره

الطريقه مسويها طي الذكر ابو فهد باضافة سسته او ثنتين خلفيات على حسب الرغبه فالرفع والحاجه للتحميل

[(( ذيب وراط ))]

طيب و رآيك قدآم كعكه 5 سم ..

ورى زود ريشه ..

يصلح ؟

[فيصل الخالدي]

يصلح بس وشوله تزود سسته وتقسي الموتر؟,,,,ركب كعكه خلفيه اريح

[شقران]

موضوع رائع تسلم يافيصل وفي انتظار جديد الاروع ..

[حمرين]

هلا والله فيصل والله يااخي انه شغل ممتاز جدا والله يعطيك العافيه

انا ابسويه بها الطريقه احس انه متكتك ومزبوط انا دخلت وشفت الاسعار
بس والله مدري وش الافضل وهل الارخص زين ولا لا
لكن انت شفت موتري وش اركب وش الافضل له
واذا كان ماعندك مشكله انا اعطيك الفلوس ولا عليك امر وانت تطلبها لي اكون لك من الشاكرين
شف وش الانسب وعلمني كم التوتل كامل عشان احاول الاجتماع الجاي يكون المبلغ معي وانت تطلبها عاد متى مابغيت
الله يجزاك خير ولايحرمنا منك ياخلفهم ويرحم والديك

[~ الوايلي ~]

الله يعطيك العافيه اخوي فيصل على الموضوع الرائع

كل الشكر

[فيصل الخالدي]

هلا والله فيصل والله يااخي انه شغل ممتاز جدا والله يعطيك العافيه

انا ابسويه بها الطريقه احس انه متكتك ومزبوط انا دخلت وشفت الاسعار
بس والله مدري وش الافضل وهل الارخص زين ولا لا
لكن انت شفت موتري وش اركب وش الافضل له
واذا كان ماعندك مشكله انا اعطيك الفلوس ولا عليك امر وانت تطلبها لي اكون لك من الشاكرين
شف وش الانسب وعلمني كم التوتل كامل عشان احاول الاجتماع الجاي يكون المبلغ معي وانت تطلبها عاد متى مابغيت
الله يجزاك خير ولايحرمنا منك ياخلفهم ويرحم والديك

هلابك...ايه والرخيص جودته ممتازه جدا ولاهب حديد زهر ولا شي هذا حديد مقصوص بالكمبيوتر وموزون على الجموس بالذات ماهب شغل حيالله

بالنسبه للطلب ان شاء الله يكون بيننا اتصال:43747.imgcache[1]:

[أبوالليل]

ماشاء الله تبارك الله

الله يعطيك العافيه على هذا الموضوع بصراحه خيالي

[chevy c10 85]

يعطيك العافيه علي هالموضوع المميز

[فيصل الخالدي]

الله يعافيك يالغالي

[اسد 8100]

مشكوووووور اخوي فيصل الله يعطيك العافية

[الزئبق]

السلام عليكم ورحمة الله وبركاته

هذي القطعة تفصيل ؟ والا متوفرة في الوكالات ؟

لاني ناوي اجهز اللي عندي للبر

ف شو تنصحون للترفيع ؟ وشو احسن انواع الاطارات للسييرا 1500 كبينة

تحياتي لكم :43470.imgcache[1]:

[فيصل الخالدي]

تقدر تفصل وتقدر تطلب الي تبي فيه فزعه حنا حاظرين

[ونيت جمس]

مبدع يا اخوي فصيل كعادتك والله يبارك فيك على مجهوداتك لنفع الاخوان ......ننتظر جديدك يا بطل

[وليام]

بالنسبه اذا الجنوط مقاس عشرين وش رايك ارفع الموتر او لا

[فيصل الخالدي]

بالنسبه اذا الجنوط مقاس عشرين وش رايك ارفع الموتر او لا

ايه عادي ترفع

القطعه ذي تركب على كل سيارات 1500 من سوبربان وتاهو ويوكن ويوكن اكس اال وسييرا 1500 وسلفرادو 1500 سواء غماره او غماره ونص او غمارتين

اهم شي من موديل 2007 وطالع والجنط 6 مسامير

[معطان 2002]

الله يجزاك خير
تقرير مميز فعلا

[HSH.HSH]

مشكور اخوي فيصل على الموضوع الحلو وتقبل مروري

[شيفرولية]

تسلم اخوي فيصل على الموووووووضوع ماقصرت

[Abdullah K. Al-Hassan]

وعليكم السلام ورحمة الله وبركاته

الغالي فيصل

بارك الله فيك وجزاك الله كل خير على الإفادة

موضوع جميل بكل مايحمل

والجميل رفعتك ماشاء الله للموتر كم كلفتك مع طلب القطع والتركيب ؟

خالص الود والتقدير

أخوكــ عبدالله

[فيصل الخالدي]

قطعتي سعوديه تفصيل مخارط

كلفتني 450 مع التركيب لكن كان يمديني احط اكبر

الخلفيه ماركبت شي لان الرفعه ذي مؤقته وناوي على رفعه اكبر الايام الجايه باذن الله

[دينالي تركوازي]

ماقصرت يخوي والله موضوع ممتاز جداً بالصور موضح ومفصل تفصيل الله لايهينك يستحق التثبيت فعلاً

[اليوكن الاسود]

السلام عليكم هل اقدر اسوي مثل هذا لليوكن 2004

[جمس تبوك 454]

ما شاء الله عليك ويعطيك الف عافيه وان شاء الله يكون الاخوان استفادو

[خلاد الحسنـي]

ما شاء الله تبارك الله

مجهود مبارك ،، بارك الله فيك .. يا أخ فيصل الخالدي ..

[ابن عويهان]

لاهنت اخوي الكريم تقبل مروري وتقديري

[احمد اليحيى]

الله يجعله في موازين حسناتك


مشكور على الافادة

[bjear]

lمضوع ممتاز ومفيد يافيصل ماقصرت ياذيب

[chevrolet]

مشكور فيصولي على الموضوع الهام والجميل
اتمنى تحصل موضوع يخص اليوكون ال 95 الباب واحد وتعطينا من اهتمامك شوي
اخوك شيفروليت

[مشداد 2500]

ماشاء الله عليك يافيصل
ياليت تشوف لى حل فى سيريا 2500 موديل 2004 غمارتيت دبل ابى اطلب الكت الخاص فيه وياليت تخدمني فيه لاني بركب كفرات مقاس 16 - 75 / 315 ماستر كرافت
اذا امكن علي الخاص

[TAHO]

السلام عليكم
مشكور اخوي على الموضوع الاكثر من رائع وانا والله محتار ارفع موتري 5(ونص) سنتي ولا (6) سنتي فا وشرايكم ياجماعت الخير .

[cheve]

مشكووور فيصل على الشرح والتفاصيل والموضوع المميز ماقصرت

[فيصل الخالدي]

السلام عليكم
مشكور اخوي على الموضوع الاكثر من رائع وانا والله محتار ارفع موتري 5(ونص) سنتي ولا (6) سنتي فا وشرايكم ياجماعت الخير .

وش موترك؟

[راعي ال 2005]

اخوي ممكن سؤال اذا كان المساعد كهرب وش السووات ولا تقول غيره عاادي ويعطيك العافيه على الموضوع

[شقرود]

الله يوفقك يا فيصل ونشكر لك مساعدتك الكثيرة والتي امتلأت بها أرجاء المنتديات ... :43556.imgcache[1]:


تاهو z 2008 أبي أرفعه من الأمام وممكن من الأمام والخلف

لقيت شغل كعكااااآآت

فيه حديد و فيه المنيوم وش الافضل ؟

وهل هناك شي غير الكعك ؟؟ للرفع البسيط مو كثير


يمكن 3 - 6 سم

شكرا مرة أخرى

[المشيهبي]

تقرير رائع والله انك مرجع ياكبير والكبير الله
ممكن تطلب لي قطع والفلوس جاهزه صراحه كاني على ددسن ما اخذ راحتي بالبر
واذا ممكن اتواصل معاك على الجوال لان عندي استفسارات واجد

[راعي الz71]

وهذي 2 انش قدام (5 سنتي) بدون سسته زياده او كعكه خلفيه














^^^^^^^ فيصل ابي الي فالصوره هآذي حقت الجمس الاحمر

لأنك تخبر طيحت الموتر انا من قدآم وتورطت:p

شف سعرهآ وردلي بالخآص يالذيب

[Kent_vip]

السلام عليكم . موضوع رائع ويعطيك الف عافيه

[الاسطوره]

الله يعطيك العافيه....

[awadsi0a]

يعطيك العافية علي الموضوع المميز
تحياتي

[عبدالله الخماش]

الله يعطيك العافيه موضوع ولا اروع منه ومفيد جدا
انا ابي ازود عليك في شغله الي هي يستحسن مع الرفع
كفرات بعد رفيعه عشان ينوزن الموتر وترتاح في القياده
تقبل مروري

[رهين]

كم التكلفة لو سمحت مع التركيب تقريبا

[فيصل الخالدي]

التكلفه انت وشغلك

شغل اليد 200 ريال الى 300 ريال قدام

و200 ريال ورا

ولو تشتغلهن سوا بيراعونك

الكعكات الي قدام اصليه بحول ال600 والتفصيل ب250 وحولها

من ورا غاليه الاصليه لان وزنها ثقيل ناسي بكم

[Bin Laden]

شكرا لك على الشرح والموضوع صديقي وبأكون على تواصل معك إذا تتكرم لما أستلم سيارتي الجديدة سييرا 3500hd لأني حاب ارفعها شوي...
بن لادن

[madczar]

لما اشتري جديد

وان شاء الله قريب

نطبق عليه

[العطيب]

لا هنت يالخالي على الموضوع الجميل

افضل لسييرا الكعكات ولا الطريقه اللي شرحتها في موضوعك

وهل يجي ياي لمقدمه الموتر وهل تحتاج تدبيل مساعد

وهل يتحمل كرف البر والمطامر

اتعبناك معنا

[نايف ابو فهد]

كلام مقنع ومفيد جداَ وهذه المعلومات يجب أن تؤخذ بعين الإعتبار

[2012]

السلام عليكم ورحمه الله وبركاته

يعطيكم العافيه شباب

أنا توي شاري سييرا 1500 ست مسامير وأبي ارفع وش الافضل . وين المكان المناسب او الورشه لني مااعرف لنت واذا احد يساعدني اكون شاكر وممنون . وش الافضل مسعدات ولا كعكات وتزويدي بسم الورش والأرقام . وارفعه تكون 3 انش بلكثير . وان شاء الله راح اركب ونش وش افضل الانواع وهل يأثر على ارتفاع الوجه .انتظر ردودكم

أخوكم
راعي الونيت

[alharbi_4]

انا رفعت موتري 3 انش من قدام ومن ورا

اخذت نفس القطع اللي عارضها فيصل في بداية الموضوع وطلعت ميه ميه

تحس شوية قساوه في الموتر بس لاغيرت الكفرات بمقاس اكبر من كفر الوكاله

يرتاح الموتر

بالنسبه للورشه اذا انت من الغربيه في جده محل اسمه ابو سعد

المعلم اسمه سعيد ياي او يقولوله سعيد تكروني شغله ممتاز وسعره رخيص

[baracodas]

يعطيك العافية اخوي فيصل على التقارير الرائعة ولا تقطعنا منها ترااا ادمنا عليها
تحياتي

[Bin Laden]

فيصل...
سيارتي الجمس الهيفي ديوتي 3500 واريد ارفعها 3 انش ممكن تعطيني وصلة للكعكات الامامية والخلفية؟ اريد افضل نوع موجود
هل ممكن اركبها لوحدي بالبيت؟ شو باحتاج؟
شكرا
بن لادن

[nzaa3]

السلام عليكم

مشكور يا راعي الموضوع ع المعلومات الطيبه بس من جهتي ما افضل تركيب قطع فوق او تحت الجامبينات الاماميه ( المساعدات )

لان المساعد الاصلي ما ينفع ابد ومش مريح لا في المطاب ولا بالدروب المش مهده

عن نفسي افضل اركب مساعدات جديده للناحيه الاماميه تزود من قدرة السبرينج ع الامتداد وبهالشي تقدر ترفع خشم الموتر بما لا يقل عن 1 ونص انش وطبعا هالشي متوفر من مساعدات رانشو ( rancho )

[nzaa3]

هذا مقطع من كت ترفيع من شركة رانشو

http://www.youtube.com/watch?v=Ux7Sw3czhiE&feature=youtube_gdata_player

[nzaa3]

وهذا مقطع ثاني لمعادلة ارتفاع الموتر من الجهتين الخلفية والاماميه برفع خشم السياره بمقدار يتناسب مع الناحيه الخلفيه

http://www.youtube.com/watch?v=g1srNnwohj4&feature=youtube_gdata_player


وطبعا بعضالاشخاص ما يحبذون فكرة ان تكون ترفيعة الجهة الاماميه مساويه للخلفيه فلذلك بامكانك تاخذ قطعه الي ترفع الريش الخلفيه بمقدار حلو يتناسب مع ترفيعة الناحيه الاماميه

[nzaa3]

انا عن نفسي افضل اركب مساعدات رانشو الموجوده في المقطع الثاني من اليوتيوب

بالاضافة الى تركيب هذه القطعه من الناحيه الخلفيه

http://www.google.ae/search?tbm=isch&source=mog&hl=ar&gl=ae&client=safari&q=lift%20kit%20gmc%20sierra&sa=N&biw=320&bih=356#i=99

[فيصل الخالدي]

الرانشو ممتاز بس فيه افضل وارخص البلستين