مواصفات big block و small block

[ss454]

طبعا يا اخواني عند ما تبحث وتدور عن الماكينه الطيبه واللي تعتبرها ماكينة الاحلام عند ما تريد تلغمها او تزودها لازم تحط في بالك اشياء اساسية منها الكرنك هل هو اربعه ثابت او اثنين ثابت واهي طبعا البراغي اللي تمسك الكرنك بابسط العبارات نصيحة لا تستخدم الاثنين ثابت الاربعه اقوى واجلد للكرب والتزوير حتى ان بغيت تحط نايترو مافي مشكلة ولازم طبعا تدور على مكاين الترك truck تكون ذات ظغط عالي وكله تلقاه في رقم الماكينه على جانب البلوك من صوب الفلاي وييل لا يقص عليك اهل التشاليح ترا يا اخوان ال 455 وال 350انواع كثيره مافي مجال نذكرها راح تستغربون من كثر انواع المكاين وتصنيفها منها 305 و307و350و327و427و455 و 454و502و509وانت رايح ..ترا المكاين عالم كبير يسبح فيه اهل التزويد والتلغيم بشغف ومتعه

[RPK]

مشكور اخوي على التنويه

[ss454]

http://www.cars-club.com/up/8-2-1/carsclub_42985890.jpg

[ss454]

http://www.cars-club.com/up/8-2-1/carsclub_34844440.gif

[تناهيت]

شاكر لك على المعلومات المفيدة واضف يوجد محرك 400 ايضا

ينقل لقسم التزويد بحكم الأختصاص

[Sierra Denali]

مشكوووووووور اخوي على الموضوع الرائع والف شكر لك ..

[بن دريويش]

كل الشكر لك على مجهودك الطيب

[chevy c10 85]

الله يعطيك العافيه علي الجهد الطيب اللي تقوم فيه الاربعه ثابت اقوي وتتحمل وزن السياره والدوس عليها اما الاثنين ثابت اللي تجي علي الكابرس والبيوك وسيارات السيدان لو تركبها علي وانيت ماراح تتحمل وبعد فتره تسمع صوت الراكورات دقت ولف وصباب وماطول علي الموتر والاربعه ثابت تبين من السلندر اللي تحت لو تركز راح تلاحظ الاختلاف بينها وبين الاثنين ثابت

[ونيت جمس]

مشكوووووور والله يعطيك الف عافيه

[شفر 454]

الـــف تشكرااات على هي معلومه

ياسفير الكويت

:351[1]:

[فيصل الخالدي]

اخوي انت مشاركاتك غربيه وغير مفهومه خاصه للي مايعرف لمكاين الجموس والشفر وبشكل عام الامريكي

مثلا انت نزلت موضوع عن المواصفات طيب ماكتبت اي شي من المواصفات

مثلا ارقام الكاستينج حقت الروس

مواد التصنيع للبلوك

البساتم وانواعها

نسب الانضغاط

الفالفترين حق المكين

وهكذا

ما اشكك في فهمك وانت افضل مني في هالمجال لكن وضح اكثر

واكتب الموضوع تبعا للعنوان جزاك الله خير

[~ الوايلي ~]

الله يعطيك العافيه على المعلومات المفيده

[بندر]

الف شكر يعطيك العافيه

[ss454]

يا اخ فيصل ان كنت تعنيني بسؤالك فاقول لك كلامي واضح وسهل حتى العليمي بالمكاين يفهم .. الاربعه ثابت والاثنين ثابت هذا اول شي المفروض تشيك عليه ومن المواصفات المهمه قبل لا تشتري اي ماكينه اما ارقام الكايست والهيد فلها جداول خاصة تقدر بمعرفتك تدش عل النت وتدور اتعب شوي مثل ما تعبنا على شان تزداد معلومية.. اما انه مواضيعي غريبه ومو مفهومه هذا رايك ولك .. وماني افهم منك امبين عليك ضليع بال cast no وال head no وال pistons اما بالنسبة لمواد التصنيع اللي اعرفه انه حديد سكب صلب وان شالله اقدر افيدك اكثر اذا الله سهل واشتغلت بمصنعهم تحياتي لك ولملاحظاتك ال ط ي ب ه

[فيصل الخالدي]

شكرا لك على اسلوبك الطيب

انت ذكرت مميزات حلوه منها الثوابت وهذي من اهم مميزات التعديل خصوصا الي بيطلع بهورس باور عالي وبيضرب غاز وبيركب بلور

((سؤال : ال350 الي حولتها 383 4 ثوابت ولا ثابتين))

لكن اتمنى انك تزودنا من المعلومات الي عندك,,,باين عليك ماشاءللله من السياره والمواضيع انك ضليع في هالموديلات بالذات,,,تمنياتي لك بالتوفيق ومشكور عالطرح الهادف

[ss454]

لا والله يا الغالي تراني يمكن اقل واحد فيكم معرفة بالسيارات لكن احب اطلع وجربت واشتغلت والسيارات شغف فينا يااهل الخليج من عمر نحبهم اما سؤالك عن ال 350 اذا بغيتها انشط لازم تلغمها وتزودها منها الستروكر 383 كرنك ستيل 400 وروس وكام وبلوك طبعا 350 مخروط 30 وملحقات الستروك وفيه كت كامل من امريكا يجي جاهز بس ركب واعيارات اللي على اصولها راح تقول حق ال 350 باي باي سمول بلوك تطربك وهذي صورت ماكينتي قبل التركيبhttp://www.cars-club.com/up/8-2-1/carsclub_19440188.jpg

[فيصل الخالدي]

ماشاءالله ودي تنزل موضوع كامل عن سيارتك بكل شي سويته فيها من كفرات ونوع الدفرنسات والمكينه وكل شي

[ss454]

http://www.cars-club.com/up/8-2-1/carsclub_21031917.jpg لا انا اختصر لك الموضوع القير عادي ثلاث نمر الدبل حديد الاصلي الكورونات 41\10 والجنوط 15 inch 10 in 10 out amirican racing الكفرات هانكوك 33x12.5x50 الماكينه 454 ستاندر ثلاجه هدرز كابريتر اديلبروك وسلامتك

[فيصل الخالدي]

الله يعطيك العافيه

[جمس 454]

ممكن نطلب منك طلب يااخوي ss454
اولا الله يبارك لك في موترك ويعطيك خيره ويكفيك شره،،
ونبي منك وضع صور للموتر من جميع الجهات
((بالأحرى للمشروع من أوله لآخـــره)) إذا ماعندك مانع طبعا

[ss454]

والله ياخوي للاسف ما وثقت شغلي لانه كان برمضان وزعت العافيه وتعبت ولو اقولك السالفة تطول لانه حاشته عين ما ترقعت من وراه اسولف لك بعدين

[ابو خطاب]

اسمح لي ابدي اعجابي بقلمك وتميزك واسلوبك الراقي وتالقك
وزيادة سعة المكينة اللي ما شاء الله عليك سويتها هي من 350 الى 383 حبيت اوضح نقطه بالبلدياتي للي يسئل وشولن زادت السعة.
الستروكر اللي طلبته 383 تلاحظ فيه قصر اذرعة البساتم و كذلك سماكة راس البستم اقل وكذلك سعة في تجويف غرفة الاحتراق الموجودة في الروس الجاية مع الستروكر (مجموعة القطع ) واذا قسنى c c للمكينة بالمقاسات القطع الجديدة نجد ان سعة المحرك زادت. 33 cc .
وتقبل تحياتي ويعطيك الف عافية على طرحك المتألق.

[chevy c10 85]

ماشاء الله عليك ss454 شغلك حلو والماكينه مع الشغل وثلاجه الويند روعه بس ناقص شغله كوع الماي مع شوته طيبه هههههههه لو تبدله جنك ماتدري تطلع مال صوره علي غلاف مجله امريكيه موفق خير ومنها للامام