ما خاب من استشار ,, فزعتكم بأفضل الحلول

[تيتشر]

بسم الله الرحمن الرحيم


تم اضافة صوره


حيالله الزكرت


أتمنى ان الجميع بخير


أنا في حيره من أمري وقررت الاستعانه بخبراتكم وأفكاركم


السالفه ومافيها :


معي جمس حوض موديل 93 مقاس 35


رحت لورشة المواهب وركبت له شنطه بالصندوق بقيمة 800 ريال ( واحد من العيال بغىى ياكلني يوم درى ) http://www.mekshat.com/vb/images/smilies/peepwall.gif يقوله وشوله تحط حديد ياباني وزحمه !! تراها شنطه بصندوق وحقت عفش فمالها داعي تحط حديد أصلي , قلت له تكفى هالمرّه مشـّـها لي , ومشاها لي http://www.mekshat.com/vb/images/smilies/smile.gif


عاد نويت اركب شراع وكلمت السنيدي واخذت منهم السعر ويوم درى اني مركب شنطه قال لازم تفكها ( عشان الفاصل اللي بين حوض الصندوق والجلسه العلويه بيكون يمنع فتح باب الشنطه http://www.mekshat.com/vb/images/smilies/frown.gif http://www.mekshat.com/vb/images/smilies/frown.gif

http://www.yabdoo.com/users/17236/gallery/1566_p174386.jpg

عاد فكرت وطلعت لي بفكرتين وأتمنى ان اجد عندكم أفكار افضل


الفكره الأولى : اني أقسم الفاصل اللي بين الحوض والجلسه العلويه إلى قسمين بحيث يكون أحدهم صغير بنفس مساحة باب الشنطة وطبعا هالقسم هو اللي بيكون خلف الغماره مباشره بحكم موقع الشنطه , والقسم الآخر بيكون على المساحه المتبقيه .


سؤالي الخاص بالفكره الأولى هل سيكون هناك ضرر أو أي مشكله في حال قسمت الفاصل؟؟ أقصد الضرر على جودة وتماسك الشد !! ؟ وهل هذه الفكره جيده ؟؟


الفكره الثانية : في حال عدم جدوى الفكره الأولى فكرت أحوّل الشنطه الى تانكي ماء بحيث أعمل جلفنه للشنطه بعد تحويلها لتانكي .
هل الحديد المجلفن أفضل من الألمنيوم والستيل ؟؟
أيهم أفضل وماهي أفضل ورشه للجلفنه في حال كان جلفنة الحديد بنفس جودة الستيل والالمنيوم , وما هي أفضل المحلات لتفصيل الالمنيوم والستيل .


مع العلم بأني أفضـّـل بقاء الشنطه لسببين : الأول لوجود اغراض كثيره لدي انوي وضعها بالشنطه بشكل دائم والثاني لخسارتي مبلغ 800 ريال على تركيبها وبصراحه صعبه أصوّر مع الشنطه او اني اخسر من جديد بالجلفنه .


وأحب أضيف انه في حال تمت الفكره الأولى أو وجدت أي فكره منكم مناسبه وتؤيد بقاء الشنطه فأنا سأضيف تانكي ماء بكل الأحوال فياليت تفيدوني باستفساراتي عن التوانكي .


اللي أبيه يا اخوان انه كل واحد يتخيل نفسه بمكاني ويدلي بدلوه من حيث أفضل الطرق والحلول لهذا المشكله .


تحياتي للجميع


أتمنى ان الصوره اتضحت لأن عندي مشكله بإيصال المعلومه بالمنتديات

[الـ ع ـارض]

ينقل لمنتدى تجهيز الرحلات

مع الاعتذار لصاحب الموضوع

[راعي صملة]

هلا اخوي تيتشر
ليتك ترفق صورة للحوض ومبين فيه الشنطة
علشان نقدر نعطيك تصور واضح

[تيتشر]

والله الموتر مهوب عندي الحين

وما يحتاج صوره وانا اخوك

لأن الشنطه جايه بعرض الصندوق ( من اليمين لليسار )
وطولها تقريبا 45 سم

[شقران]

ابحك شوشتي وادور لك فكرة وارجع لك ابشر ياتيتشر .

[طارق الحربي]

انا لو اني بمكانك بعتها على طارق الحربي لانه يدور وحده ههههههه


والله وانا اخوك الاقتراح الاول ما أؤيده لانه الشد يبي تكثر فيه المفصلات واتوقع يبي يأثر عليه واصلا الشنطه مالها فائده بوجود الشد

اما الثاني اقتراح جيد بس الحديد مهما كان يبي يصدي وغالبا يعطي طعم بالمويه لذلك الناس تاخذ المينيوم دائما حتى لو كان غالي

اذا انت مصمم تركب شد فانا اقول 800 ريال تخسرها افضل من انك تخسر شد كامل او انك تحرم نفسك من الشد وهو بخاطرك

[تيتشر]

سييرا انتظر انتهائك من حك الشوشه .

طارق مشكور على مرورك وفكرتك وبتكون بعين الاعتبار

بانتظار المزيد من الآراء

[راعي صملة]

والله الموتر مهوب عندي الحين

وما يحتاج صوره وانا اخوك

لأن الشنطه جايه بعرض الصندوق ( من اليمين لليسار )
وطولها تقريبا 45 سم


براحتك يالغالي اللي تشوفه


في تصوري ان الشنطه ما تعيق الشد طالما انها في حدود الحوض لان الشد يركب على حوايف الحوض


واذا قصدك على الشفه اللي تركب عليها الواح الخشب بامكان الحداد توصيل الشفه لحد الشنطه بحيث انها تكون متواسيه بعد تركيب الخشب ويصير غطاء الشنطه + الخشب هو سطح الجلسه العلويه


وانا طلبت الصورة حتى تكون الافكار على شي واضح مو مجرد تخمين وكلنا نعرف ان الشنطه بعرض الحوض بس الا رتفاع يفرق طريقة فتح الشنطه يفرق


وعلى العموم اتمنى اني قدرت اوصل لك شي من واقع تخيلي للوضع


وانا مسوي نفس اللي قلت لك عليه

[ادولف هتلر]

رأيك الثاني افضل ..


<<<<<<<<<<<<< مايحب يتكلم كثير خخخ


وموفق اخوي






تحياتي

[شقران]

اسف ياتيتشر, انا حكيت شوشتي وطلع شوي قمل وبلشت به ..


المهم شف الشد هذا حق ابوصمله


http://www.cars-club.com/up/8-2-1/carsclub_84638458.jpg


الارضيه عند ابوصملة قطعه وحده بس فيه بعضها يجي لا الواح ملبسه بالعرض يعني تقدر تشيل لوح لوح ..


المهم انت لا تسويه لوح واحد سوها الواح واخر لوح اللي عند الصندوق لا تخليه لوح نفس غطاء الصندوق لبسه اسفنج والتلبيسه حقته او انه لوح اوكي بس يتثبت على غطاء الصندوق ..

ومن رايي تقسم الصندوق اثنين تخلي النص اللي تحت خزان موية والنص اللي فوق شنطة لانه بما انه عندك شد مارايح تحتاج الشنطة كثير الا للأغراض الصغيرة اللي ممكن تضيع مثل عدد او شي زي كذا ..

اما العزب وما العزب تبي تحطها في الجزء اللي تحت فاصل الشد ..


وموفق ان شاء الله ياغالي ..

[تيتشر]

المهم انت لا تسويه لوح واحد سوها الواح واخر لوح اللي عند الصندوق لا تخليه لوح نفس غطاء الصندوق لبسه اسفنج والتلبيسه حقته او انه لوح اوكي بس يتثبت على غطاء الصندوق ..

ومن رايي تقسم الصندوق اثنين تخلي النص اللي تحت خزان موية والنص اللي فوق شنطة لانه بما انه عندك شد مارايح تحتاج الشنطة كثير الا للأغراض الصغيرة اللي ممكن تضيع مثل عدد او شي زي كذا ..

اما العزب وما العزب تبي تحطها في الجزء اللي تحت فاصل الشد .

ما عاش القمل اللي يجي بشوشتك
الجزئية الأولى بخصوص الألواح بصراحه ما فهمت شي أبد

الجزئية الثانيه بخصوص تقسيم الصندوق لقسمين , هل تقصد ان اللي تحت يكون كله تانكي مويه واللي فوق حق الجلسه اخليه لااغراضي؟؟ ,, الشنطه نفسي اخليها بحط فيها العده وماطور صغير وموية رديتر وزيت فرامل .. الخ وسير المكينه وعدة الميكانيكا والعفريته ,, يعني اشياء زي كذا

اما الجزئيه الاخيره هي اللي لحست فيها مخي

فبصراحه لو يحصل وترسل لي رقمك اذا امكن على الخاص اكون شاكر لك

[طارق الحربي]

من الواضح اخوي تيتشر مالك الا حل الالواح بحيث اخر لوح تلغيه

تحياتي

[شقران]

تيتشر ابرجع لك ان شاء برسم ..

[تيتشر]

عافاك الله سييرا

طارق تقصد الالواح الفاصل بين الصندوق والجلسه العلويه تكون عباره عن عدة قطع مو قطعه وحده ؟؟

[شقران]

عافاك الله سييرا

طارق تقصد الالواح الفاصل بين الصندوق والجلسه العلويه تكون عباره عن عدة قطع مو قطعه وحده ؟؟


ايه هذا اللي قصدته انا واخر واحد اللي يجي فوق الصندوق يكون بحجم غطاء الصندوق حق العده وتثبت اللوح عليه ببراغي ..


وبالنسبة لصندوق العدة تقسمة نصين نص علوي ونص سفلي ويكون اللي فوق صندوق واللي تحت خزان مويه ..

[تيتشر]

فهمت عليك
عافاك الله وفكره مناسبه

شكراً سييرا شكرا طارق

[طارق الحربي]

سييرا ماقصر

جاب لك الحل

خصوصا فكرة انه تثبت القطعه على صندوق العده

بالتوفيق

[تيتشر]

عافاكم الله وبيض الله وجيهكم

[L I M I T E D]

طيب فيه فكره ثانية :
ليش ماتسدح الشنطه
وتفصل جواها دروج سحاب علشان يسهل عليك توصل لاغراضك بسرعه

تحياتي لك :)

[تيتشر]

اسدحها كيف ؟؟

وضضح اكثر لأني حاولت اقلب كلامك براسي .. يمييييين يسااااااااار ماااااااااااااش ما قدرت

[راعـ2009ـي(Albhbhani)]

ماشاء الله على شد ابو صمله ..بكم مسويه وين .هاذا مجلس مو شد ناقصه مكيف http://www.cars-club.com/up/8-2-1/carsclub_84638458.jpg

[L I M I T E D]

هذي كم صوره للفكره اللي اقصدها

http://2005tareq.googlepages.com/ihdgs.bmp

اعذرني الصور صغيره بس الجود من الموجود
اتمنى ان الفكره وصلت

تحياتي لك :)

[تيتشر]

عافاك الله ليمتد

وصلت الفكره وقريبا بطبـّـق الفكره ان شاء الله واذا انتهيت من موضوع الشد بنزل موضوع ان شاء الله

[طارق الحربي]

بالتوفيق ياتتيشر

بانتظار تعديلك

[ابو خطاب]

[/quote]

عاد نويت اركب شراع وكلمت السنيدي واخذت منهم السعر ويوم درى اني مركب شنطه قال لازم تفكها ( عشان الفاصل اللي بين حوض الصندوق والجلسه العلويه بيكون يمنع فتح باب الشنطه http://www.mekshat.com/vb/images/smilies/frown.gif http://www.mekshat.com/vb/images/smilies/frown.gif

لها حل ان يكون مستوى الطبق بنفس مستوى الشنطه حتى يكمن فتحها دون رفع شرائح الطبق وبنفس الوقت عند فرش فرشه فوق الطبق يكون الطبق مع الشنطة من الغمارة الى الباب بمستوى واحد وكافي للنوم 220 سم.

http://www.yabdoo.com/users/17236/gallery/1566_p174386.jpg


عاد فكرت وطلعت لي بفكرتين وأتمنى ان اجد عندكم أفكار افضل
الفكره الأولى : اني أقسم الفاصل اللي بين الحوض والجلسه العلويه إلى قسمين بحيث يكون أحدهم صغير بنفس مساحة باب الشنطة وطبعا هالقسم هو اللي بيكون خلف الغماره مباشره بحكم موقع الشنطه , والقسم الآخر بيكون على المساحه المتبقيه .
سؤالي الخاص بالفكره الأولى هل سيكون هناك ضرر أو أي مشكله في حال قسمت الفاصل؟؟ أقصد الضرر على جودة وتماسك الشد !! ؟ وهل هذه الفكره جيده ؟؟

نعم ستفقد اكبر فائدة من فوائد الشد وهي المبيت داخله شتاءً لان التقسيم للفاصل (الطبق) سيهدر مساحة فراش نفرين وبزرهم :)

الفكره الثانية : في حال عدم جدوى الفكره الأولى فكرت أحوّل الشنطه الى تانكي ماء بحيث أعمل جلفنه للشنطه بعد تحويلها لتانكي .
هل الحديد المجلفن أفضل من الألمنيوم والستيل ؟؟


من واقع تجربة اكثر من 3 سنوات لحديد مجلفن ما عرف الصدأ ولا تغير الطعم اهم شي لا يجتمع فيه هواء ورطوبة بنفس الوقت لعدة اسابيع ولا راح تشوف صدأ .. يعني لا دخلت من البر فضه وفك غطاه عشان ينشف ولا عبه الى راسه دائماً ماء.
أيهم أفضل وماهي أفضل ورشه للجلفنه في حال كان جلفنة الحديد بنفس جودة الستيل والالمنيوم , وما هي أفضل المحلات لتفصيل الالمنيوم والستيل .
اقصى شرق شارع العنوز .
مع العلم بأني أفضـّـل بقاء الشنطه لسببين : الأول لوجود اغراض كثيره لدي انوي وضعها بالشنطه بشكل دائم والثاني لخسارتي مبلغ 800 ريال على تركيبها وبصراحه صعبه أصوّر مع الشنطه او اني اخسر من جديد بالجلفنه .


اوفرلك قصها بالصاروخ من تحت على حد مستوى الطبق ثم سكرها من تحت بمجلفن وقلبها تانكي .. وممكن ايضاً 3\4 تانكي وربع شنطه.(التفاصيل بالنقاط ادناه)
وأحب أضيف انه في حال تمت الفكره الأولى أو وجدت أي فكره منكم مناسبه وتؤيد بقاء الشنطه فأنا سأضيف تانكي ماء بكل الأحوال فياليت تفيدوني باستفساراتي عن التوانكي .
اللي أبيه يا اخوان انه كل واحد يتخيل نفسه بمكاني ويدلي بدلوه من حيث أفضل الطرق والحلول لهذا المشكله .
(اسئل مجرب)

تحياتي للجميع
أتمنى ان الصوره اتضحت لأن عندي مشكله بإيصال المعلومه بالمنتديات

السلام عليكم

من واقع تجربتي بالشد على موتري حالياً من تنفيذ عروق الشمال ببريدة.
1- اجعل مستوى الطبق على حد الرفرف الداخلي ليعطي مسافة اكبر لاستقامة الظهر عند الجلوس وحرية الحركة. وسيكون ذلك على حساب المسافة تحت الطبق . ويكون حلها بوضع الطبق شرائح خشبية 4سم * 30سم لتتمكن من تحريكها حسب حجم اغراض الرحلة.
2- لزيادة مسافة الارتفاع اجعل بداية الشد بنفس مستوى التنده ثم يرتفع تدريجياً بشكل انسيابي لمسافة 30 سم ثم يستقيم حتى يعطي ارتفاع اكثر للراس والظهر عند الجلوس بحدود 80 سم . والانسيابية تمنع ارتطام الهواء بزاوية الشد من عند التندة.
3- الشنطة غير عملي استخدامها نظراً لوجود الطبق وفوقه الشد فانصح بتقصيرها الى مستوى الرفرف الداخلي ليكون عمق الطبق اطول عند استخدامه للنوم بمعنى ان يكون الطبق من الغمارة وحتى الباب وبامكانك تغطية الشنطة بشريحه او شريحتان خشب او بدون شرط ان لا تكون مرتفعة او منخفضة عن مستوى الطبق.
4- ممكن تقلب الشنطة تانكي تحت الطبق وتستخدم للتخزين صورة الدرج الموضحه في احد الردود السابقة ولا يزيد عمق الدرج عن الثلث لتبقى خلفه مساحة تخزين.
5- جربت وضع مستويين للطبق واحد على حد الصندوق والاخر على حد الرفرف الداخلي ولكن نادر ما استخدم مجرى حد الصندوق لان الشرائح يمكن ازاحتها حسب حجم الاغراض.
6- وضع فرشه مبطنه شراع بنفس لون قماش الشد اضافية تغطي الطبق وتغطي حرف الصندوق ليكون مجلس مريح بدون اي زوائد مؤذية عند جلوس او لعب الاطفال .
7- معلاق الذبيحة الداخلي ليس له اي داعي وهو نقطة ضعف يضيق على الداخل من الباب . وممكن وضع المعلاق بالصدام او اي مكان خارج الشد.
8- لا تفكر في وضع شراع خارجي ممتد من الشد بشكل مضلة بمواصير خارجية لان هذه الفكرة تخلخل الشد وتغير ابعاده بسبب ضغط الهواء عند هبوبه على المظلة.

[تيتشر]

ابو خطااب

اعجز عن الشكر لاهتمامك بهذا الشكل

فيه بعض النقاط ما فهمتها

هل بالامكان الاتصال هاتفيا لاستيعابها ؟؟

اذا ماعندك مانع ارسل لي رقمك على الخاص

[ابو خطاب]

السلام عليكم ورحمة الله وبركاته
صبحك الله بكل خير
استاذنا تيتشر . . بعد ما نزلت الشنطة اللي بموتري بالحوش انا وابو عبدالله الفريشة جزاه الله خير (سلوم اهل الجموس شيل وحط) جزاه الله الف خير . . وكل ما دخلت وطلعت الى هل شنطه الحديد بوجهي فنالها مجال من التفكير وانا متكي بالحوش استمتع بلواهيب الحروره العليلة . . وكانت مضيقة الصندوق على غير سنع . ولا ودي اخسرها ودي استفيد منها خاصة انها مفصلة بنفس مستوى الطبق . . خطرت على بالي فكرة امس بالليل وكانت الفكرة هي تفصيل راويه (قربة) بنفس مقاس الشنطة بحيث تدخل فيها. ولتفادي تاثير ادوات العدة الحادة على جلد القربة يوضع فوقها لوح خشب ام دي اف فوق القربة بحيث يرتفع بارتفاع منسوب الماء وينخفض بانخفاض منسوب الماء داخل القربة ويكون مقاسه اقل من مقاس الراوية ب3 ملم تقريباً من كل جهه. وهو يحافظ على القربة . فلو زادت العدة قلت كمية الماء الممكن تعبئتها للقربة ولو نقصت او ازيلت العدة لمتلت القربة بالماء بالكامل يعني بحدود 300 لتر.
والقربة ممكن تشيلها بسهولة ولا تطعم بالماء وتتميز عن التانكي بان مويتها معتدلة الحرارة صيفا وشتاءً وغير مكلفة.وتفصيلها سريع وسهل عند سوق الخيام بالغرابي. ولا تخسر الشنطة وتقصقص فيها عشان تحط نصها تانكي. ارجو ان تكون الفكرة مناسبة لك ولي . وقريبا ابنفذها.

[تيتشر]

فكره رائعه جدا

عافاك الله يابو خطاب

وجزاك الله خير

اجل الله لا يهينك استمتع بلواهيب الحروره العليله لعل وعسى تجي فكره جديده

عموما انا يوم تشرفت بمقابلتك ومشاهدة موترك والاستماع الى نصيحتك ورأيك نسيت شي مهم

نسيت اقولك عن شد السنيدي اللي انا ناوي اركبه

هو شد جديده اللي تصير فيه الجلسه كبيره بحيث انه في حال فتح بيبان الشد بامكانك فتح الزوائد لتصبح 80 سم من جهة اليمين و 80 سم من جهة اليسار بحيث يكون المجموع عباره عن زياده في كلا الجانبين متر و 60 سم وش الراي بهالحاله ؟؟

[عاشق z71]

ها بشر وش سويت

وش جد معك

؟؟؟

[عكل]

هو شد جديده اللي تصير فيه الجلسه كبيره بحيث انه في حال فتح بيبان الشد بامكانك فتح الزوائد لتصبح 80 سم من جهة اليمين و 80 سم من جهة اليسار بحيث يكون المجموع عباره عن زياده في كلا الجانبين متر و 60 سم وش الراي بهالحاله ؟؟

بارك الله فيك اخوي
ياليت ترفق صورة للشد الجديد

[شاكي الآهات]

بسم الله ماشا الله

اخوي شقران
تكفى نبي صور لسيارتك
والله ما شا الله
احس اننا بمجلس
تكفى هيضتني
ابي اركب مثل الشد\ اللي عندك
عطنا صور والاسعار ووين سويته
تكفى يا شقران

[madczar]

2009 ؟؟؟؟؟؟؟؟؟؟؟؟؟؟؟؟