مكيف اللومينا

[عبدالعزيز]

السلام عليكم
هذي قصة حصلت لواحد من الزملاء
الرجال معاه لومينا 2006 LTZ
المهم ان الرجال اشتكى من المكيف مايبرد خاصة اذا كان واقف او في زحمة لكن اذا مشى يبدى يبرد على خفيف
المهم ان الرجال راح ترايستار بالخضرية اللي بالدمام
شرح لهم الموضوع و شيكوا على السيارة و عطوه هذا التقرير بالاسعار

http://www.cars-club.com/up/sp/carsclub_20300584.jpg

كومبريسر جديد 2800 ريال
علبة فريون 190 ريال
بلف 200 ريال
مواد تنظيف 150 ريال
زيت و فريون 200 ريال
شغل يد 550 ريال
المجموع 4090 ريال

الرجال قفلت معه

سألته المروحة الامامية شغاله ولا لا
قال و الله ما اظنها شغاله قلتله شيك عليها عند الكهربائي يمكن السلك مجروح ولا مقطوع قال طيب

بعدها بفترة قابلت الرجال قال ابشرك الحمدلله ماكلفتني غير 20 ريال علبة فيوزات
طلع فيوز المروحة محترق
غيره و المكيف صار ثلج ماشاء الله

وشرايكم في كلام ترايستار 4090 ريال

الصراحة هذا يبين ان شغلتهم تجارة بس و ضحك على الناس

[حمرين]

والله ياابن الحلال الواحد مايقول الا الله يفكنا عنهم بعافيه والمواتر الي ماتخرب والا والله ان غالب الورش وليس كلها فيها نصب شئ يدرا عنه وشئ مايندرا عنه

الله يعطيك العافيه

[عبدالعزيز]

والله انك صادق اخوي حمرين و الله لا يحوجنا لهم
مشكور عالمرور

[عاشق الجمس 77]

تبي الصراحة المجتمع السعودي
ناقصة دراية بالميكانيكا
بس الله يستر لو يجي الواحد اي
شي ويروح ورشة مايدري عنهم
هم نصابين ولا لا

تقبل مروري

[نسكافيه]

الله يكفينا شرهم

قسم بالله شي محزن

بس عاد تصدقون

احيانا عندهم ذمه هههههههههههههههه

انا معي صالون 2004 وبين التغييرة والثانية يفوت

قال لي واحد سوري انها كلتشات

حتى انه شمها في زيت القير

بعدين يا طويل العمر والسلامة سافرت 3 شهور رجعت نصيت بالموتر لتراي ستار قلت توظيب

فحصة قال لي قيرك سليم !!!!!!!!!

قبل فترة يفوت

قال تصير احيانا الكمبيوتر يعلق شوي

ومن خلال خبرته ( الاخ لبناني بعد ) يقول قيرك مافيه ولا شي

يمكن شي خفيييييييييف بس عادي جدا

طبيعي بعد

[رفرـف سديرـر]

لاحول ولا قوة الا بالله .. مثل هالورش يبي من يعلمهم ان الله حق

ودائما مثل ماتفضلوا الاخوان في مواضيع اخرى .. ( ابدا بالاشياء الخفيفة والرخصيه لانها دائما تكون السبب )

[عاشق z71]

هههههههههههه شر البليه مايظحك

وماعقب ذاك راعي الكاديلاك الي فيها خلل السياره وقالوله نزينها بــ 80 الف


الله يبعدنا عنهم بس

[ابو خطاب]

المكانيكا الحقيقية هي التشخيص ثم الاستنتاج ثم معرفة سبب الخلل.
وليس الفك والتركيب وكل ما يحتمل ان يكون له دخل بالعطل من قريب او بعيد.

[شقران]

من نظري انهم مابقى شي مايبي يغيرونه ومن اللي حصل لو صار اجودي ودفعها ما انحلت مشكلته وش كانوا يبي يسوون له ؟؟؟


الله يبعد عننا الجهلة واكلي الحرام ..

[ونيت جمس]

حسبنا الله ونعم الوكيل لاحول ولا قوة الا بالله

خلاص ما فيه ذمه ولا ضمير

[chevy c10 85]

نصيحه لاخواني عندنا وعندكم خير اذا عندك مشكله بالكهرباء وشفت الكهربائي ماسك التيب اللي هو الشطرطون ويبي يشوف السياره هون عن الشغله وانسي انك وقفت عنده والميكانيكي اذا ماحط الحمايه اللي هي قطعه خام لحمايه السياره علي الرفرف الامامي وشغل النظافه والترتيب انحاش انا متعامل مع كراج فيه كل اللي ذكرته لكم يشتغلون بالسياره وانا مطمن اما شغل السوريين علي الجنسيات الفاشله اللي ماعندهم شغله الا يتعلمون علي سياراتنا وهم مايعرفون شيء بالمره ويجرب ويعتمد علي الحظ اكثر من الخبره والدرايه 0المشكله العيب فينا وليس فيهم

[ابوعقل]

اجل يبون 4000 على تصليح المكيف ! ! !

والله قويه والحمدلله ان المشكله ان حلت

ـــــــــــ

عندك بعض الناس اذا خربت سيارته ما يفكر يفتح الكبوت او يشوف وش المشكل

على طول سطحه ويوديه الورشه

وخذلك سوالف ونصب عليهم

[أمير المصفحات]

المكانيكا الحقيقية هي التشخيص ثم الاستنتاج ثم معرفة سبب الخلل.
وليس الفك والتركيب وكل ما يحتمل ان يكون له دخل بالعطل من قريب او بعيد.


فعلا

أذكر مرة من المرااات

وقفت موتري في الحوش لمدة 6 أيام وكل يوم اتسدح تحته وما حاولت افك اي شي إلا بعد ما تأكدت من الخلل 100 % وفي اليوم السادس اشتغلته بعد تفكير دام 6 أيااااااااام وليس دقائق مثل أهل الورش <<< الله يبعدنا عنهم

تحياتي للجميع