أرآئكم يالربع لتزويد GMC Sierra 2009

[(( ذيب وراط ))]

السلآم عليكم ورحمة الله وبركاته ..

حي الله الربع ..

أنا معي جمس سييرا z71 غمارة ونص ..

والموتر شد بلد وش أرائكم للاضافات من اغراض للسيارهـ ..
أمثلة في بالي لو تفصلون لي فيها الله لا يهينكم ..
طبعاً استخداماتي خطوط طويله و طلعات بريه ..


نبدأ بأفكاري :

أفكر فالشنابر وبالون (( تيوبلس )) ..

سدهـ أو دبه ..

بطآرية احتياط و أفياش خاصه لها و أفياش شاحن السياره احولها عليها ..

رفع الموتر ووين أحصل السست ..!!

وودي أركب لمبآت 2500 الشكل الجديد 2007 وفوق .. (( ما حصلتها أبداً )) ..

ودي بثلاجه في المرتبه المفصوله في النصف .. << لأني ودي بها دائمة وتكون قريبه ..

اللمبات الي تولع بالحوض مع لمبة الفرامل .. ما تولع إلا بـ P .. ماهيب زي الشكل القديم .. << وشلون أخليها زر لحاله مفصول ..

وإذا فيه أفكار لا تبخلون علي فيها ..

همسة لـ العارض .. (( لو بغيت شنطة سوداء و طربال زي الي معك من وين )) ..؟




واعذروني على الإطالة ..

الله لا يهينكم ..

[RPK]

اغلب اغراضك تصلحها عند سوافي غاااالي بس شغل نظيف

[حمرين]

اول مبروك الموتر والله يعطيك من خيره ويكفيك شره

أفكر فالشنابر وبالون (( تيوبلس )) ..
هذا الموضوع بيخدمك


http://www.gmctruckclub.com/vb/showthread.php?t=397

سدهـ أو دبه ..

والله عاشق دبته حلوه مشاء الله اساله عنها ولا هو بيجي يقولك في هالموضوع

بطآرية احتياط و أفياش خاصه لها و أفياش شاحن السياره احولها عليها ..
وهذا الموضوع بيخدمك
http://www.gmctruckclub.com/vb/showthread.php?t=23
رفع الموتر ووين أحصل السست ..!!
في الصناعيه القديمه
وودي أركب لمبآت 2500 الشكل الجديد 2007 وفوق .. (( ما حصلتها أبداً )) ..

وهذا الموضوع بيخدمك في هالنقطه
http://www.gmctruckclub.com/vb/showthread.php?t=285

ودي بثلاجه في المرتبه المفصوله في النصف .. << لأني ودي بها دائمة وتكون قريبه ..

الفريشه مركب وحده وان شاء الله يبفيدك

اللمبات الي تولع بالحوض مع لمبة الفرامل .. ما تولع إلا بـ P .. ماهيب زي الشكل القديم .. << وشلون أخليها زر لحاله مفصول ..
تقدر تركب بلها فصال مستقل في الغرابي

وإذا فيه أفكار لا تبخلون علي فيها ..

همسة لـ العارض .. (( لو بغيت شنطة سوداء و طربال زي الي معك من وين )) ..؟

الشنطه السوداء على قولتك موجوده في السليماني والعارض شاري طرباله من امريكا هو يفيدك في هالموضوع


واعذروني على الإطالة ..

الله لا يهينكم ..
لاهنت

ارجو اني افدتك

[الـ ع ـارض]

ماشاء الله ... ايش سرعة التجاوب هذا ؟؟؟

والله وانا اخوك الشباب ما قصروا وسبقونا على الفزعه

ما بقى عندي شي اقوله الا مجرد اقتراحات بسيطه






السلآم عليكم ورحمة الله وبركاته ..



حي الله الربع ..


أنا معي جمس سييرا z71 غمارة ونص ..


والموتر شد بلد وش أرائكم للاضافات من اغراض للسيارهـ ..
أمثلة في بالي لو تفصلون لي فيها الله لا يهينكم ..
طبعاً استخداماتي خطوط طويله و طلعات بريه ..



نبدأ بأفكاري :


أفكر فالشنابر وبالون (( تيوبلس )) ..
برأي انها مشكلة المشاكل جنوط الشنبر ... اذا تبي البالون ركبها على جنوط شد بلد

سدهـ أو دبه ..
الدبة تلاقي مستعمل ونظيف عند ورشة بن مرضاح واعلانه موجود بالصفحة الرئيسية

بطآرية احتياط و أفياش خاصه لها و أفياش شاحن السياره احولها عليها ..

صحيح شغلهم زين بس غالين
رفع الموتر ووين أحصل السست ..!!
عند بن مرضاح ايضا
وودي أركب لمبآت 2500 الشكل الجديد 2007 وفوق .. (( ما حصلتها أبداً )) ..


ودي بثلاجه في المرتبه المفصوله في النصف .. << لأني ودي بها دائمة وتكون قريبه ..


اللمبات الي تولع بالحوض مع لمبة الفرامل .. ما تولع إلا بـ p .. ماهيب زي الشكل القديم .. << وشلون أخليها زر لحاله مفصول ..
هذي عند اطرف كهربائي ... واللي بيركب لك البطارية الثانيه خله يسويها معها ويحط لها فيش عندك ومشبوك على البطاريه الاظافيه ... انا مسويها كذا
وإذا فيه أفكار لا تبخلون علي فيها ..


همسة لـ العارض .. (( لو بغيت شنطة سوداء و طربال زي الي معك من وين )) ..؟
الشنطه موجودة عند السليماني وترى لونها في الاساس معدني وانا صابغها ...
الطربال موجود عند الجميح بحوالي 2000 ريال




واعذروني على الإطالة ..



الله لا يهينكم ..

[عاشق z71]

ماتوقع اقدر افيدك اكثر الشباب كفوو ووفو الله يعطيهم العافيه

[Sierra Denali]

الشباب كفو ووفو

[ونيت جمس]

الله يعطيكم العافية

[فيصل الخالدي]

هلا والله وغلا الله حيه في محله

اسمع يا حبيبي شنابر وسده وبوالين ماتنفع ابد طع شوري خصوصا الجموس الجديده

انت لو تبي تشتغل شغل مضبوط كفرا 285 70 17 خفيفات وبصمتهن حلوه

ركب لك فلتر بس كتزويد واذا تبي دبه لحالها او دبه مع شكمانين ماعندك مشاكل

حط لفلنج كت زي حقت عاشق z71 عشان يضبط خشم الموتر او فصل لك كعكه 5 سنتي لانه هذا افضل مقاس ولا ياثر على وصلات العكوس "الصلبان حقت العكوس" ولا يحتاج تسوي تنزيل للدفرنس

وموترك ماشاءالله 6 نمر يعني مايحتاج تعديلات ابد كلها برمجه ويصير عزم الموتر خيالي

اما بالنسبة لتعديلات البر من قال لا اعلم فقد افتى وانا لا اعلم

[(( ذيب وراط ))]

الله يعطيكم العآفيه .. ما قصرتوا
وننتظر الفريشه و عاشق ..

الـ ع ـارض .. الشنطة الي فالوكالة يجي مكانها فوق شوي .. لكن الي معك فالصندوق على طول ..

فيصل (( البرمجة ما تضر القير والمكينه ..؟؟ )) .. لأني ودي أبرمج للتنشيط و فك الفآصل ..

[الـ ع ـارض]

الشنطه من السيماني ...

والطربال من الوكاله ...

[فيصل الخالدي]

الله يعطيكم العآفيه .. ما قصرتوا
وننتظر الفريشه و عاشق ..

الـ ع ـارض .. الشنطة الي فالوكالة يجي مكانها فوق شوي .. لكن الي معك فالصندوق على طول ..

فيصل (( البرمجة ما تضر القير والمكينه ..؟؟ )) .. لأني ودي أبرمج للتنشيط و فك الفآصل ..

لا القير ولا المكينه ان شاء الله وبالنسبه للكردان والكرونه انا شايف ناس منزلين 500 حصان عالكفر بدون ضرر عالكردان والصلبان واما الكرونه تخرب مع التفجير اما انت بالبرمجه والفلتر ماراح توصل 280

القير رسميا من جنرال موتورز يقولون يتحمل 469 حصان حذاف ومكينتك بلد 330 ان كثرت بعد الفلتر والبرمجه 340-345

[chevy c10 85]

كل اللي طلبته اضافات وكماليات للسياره ماهي تزويد انصحك خلك علي كفرات الشركه البوالين تهد حيل الموتر واطيح من عزمه

[عاشق z71]

كلام فيصل عين العقل واذا تبي شغل نظيف سوي مثل ماقالك ومافي مشكال انشالله

[ادولف هتلر]

اخوي نصيحه انا معي 2007 الشكل الجديد ماسويت ولا تعديل شد بلده ماشاء الله عليه ليش تخربه وتعبث فيه ترا مامثل شغل وكالته ولاتفك فاصل ولاغيره ماتكفي 185 كم ناوي تقلع الله يصلحك هههههه سوت تجيهزات للبر وكل شي بس لاتقرب كهرباء ولا مكيانيك الا بعد كم سنه موترك جديد ..




ولك كل التحيه

[فيصل الخالدي]

اخوي نصيحه انا معي 2007 الشكل الجديد ماسويت ولا تعديل شد بلده ماشاء الله عليه ليش تخربه وتعبث فيه ترا مامثل شغل وكالته ولاتفك فاصل ولاغيره ماتكفي 185 كم ناوي تقلع الله يصلحك هههههه سوت تجيهزات للبر وكل شي بس لاتقرب كهرباء ولا مكيانيك الا بعد كم سنه موترك جديد ..




ولك كل التحيه

القفله 195:biggrin[3]:

[ابوعبدالله]

صح عليييييييييييك >>>> 195