راعي البهبهاني
05-22-2010, 09:26 AM
السلام عليكم ورحمة الله وبركاته
اليوم يالربع جاي بأستشارتكم في فكره وليس عطل ولله الحمد
والفكره الي بيسدحها هنا بتفيدني بأذن الله وبتفيد الي بعدي ان شاء الله
امس صنفت عندي واحوس محلات الرديترات عشان اركب رديتر المنيوم للـ جمس 78 مكينه 454
اول مارحت لمصنع صغير على شارع الملك سعود ويقابلني بكستاني ويقولي فيه صيني درجه اولى وصيني درجه ثانيه واردني والجميع المونيوم سألته عن سعر الاردني وقالي 550 ريال سحبت عليه ومشيت
طبعا الرديتر الي ادور عنه للجمس 97
رحت للخضريه دورت وحصلت نفس الانواع الثلاثه وحطيت ببالي الصناعه الاردنيه لاني شفت شكل الرديتر كبير جدا المهم الحين بقى الاتفاق على السعر بدون التركيب طبعا لان السياره ماتمشي بسبة انفجار الرديتر السابق وهو جديد ونحاس ولكن انفلتت علي المروحه مع الكلتش وعدمته (على اي حال كان مغير مغير ههههههههه) دورت في كذا محل الين حصلت ارخص واحد 470 ريال وكان فاهم من اول ماجيته البكستاني انتا يبغى ركب وين قلت له موتري جمس رفرف قال انتا يبغى المونيوم انتا مكينه 454 او 350 قلت له 454 قال اوكي خمسه دقيقه يجي قلنا يالله توكلنا على الله جاب لي واحد بكرتونه ولكن ماعجبتي لان باين عليه مسحوت من قدام مادري وش هو طايح او محمل بكراتين فوقه المهم قلت جيب واحد ثاني قال اوكي جابه وحملته وخذت له غطاء اصلي جديد ومويه خضراء اصليه موتور كرافت وعلى البيت نزلت الرديتر القديم والمروحه والكلتش واسقط الجديد طلع عريض بقوووه قلت بخاطري بأذن الله راكب راكب ميلت مواصير الرديتر حق المكيف على جهة البطاريه الي جهة السواق شويتي بحيث مايخربون وشلت القربه حق المويه حقت الرديتر وحطيت قطعه تحت من هوز حق الدفاع المدني (الافكار تطلع ) ماشاء الله والجلدتين حقات الرديتر الاصليه بس عشان اضمن انه مايحك تحت لاني راعي جلد بالبران والمطبات واحط الرديتر عليها واثبته بعمليات ربط بأسيام المنيوم بطريقه احترافيه بحيث مايبين شي نهائيا فوق وتحت ومن بعده حطيت الغطاء العلوي صار فيه مجال بينه وبين الرديتر قمت وقصيت لستك حق تاير وحطيته بين الرديتر والصاجه الي فوق عشان تمسك صح ويصير الهواء محشور للرديتر عشان اضمن تبريد صح وركبنا الكور حق المروحه وجربت قبل لاثبته اركب الروحه واشوف هل تحك ولا لا وفعلا طلعت تحك لامن ثبت الكور في نفس الصاجه الي فوق قمت وفكيت الكور وثبته بنفس الرديتر بطريقه فنيه بالربط بأسيام المنيوم برضو وركبت المروحه مع الكلتش طبعا للي بيركبها يصادف مشكله عدم دخول المروحه في المسافه بين الرديتر والمكينه والحل تخلي المروح نفسها راخيه من الكلتش ويركب بسهوله وبعدها ياطويلين العمر ركبت الخراطيش الي تحت ركب مافي مشكله والي فوق مغطت فيه شوي وركب ومامنه خلاف ميه بالميه بأذن الله
وتأكدت بنفسي البعد بين المروحه والرديتر تقريبا من ثلاث الى اربع اصابع والرديتر يبعد عن البطاريه والاسلاك والبطاريه جهة الراكب بمقدار ثلاث اصابع <<< المقياس بالاصابع عنده هههههههههههههههههههههههههههههههه
الحين كل شي تمام باقي النشبه القربه حقت الرديتر امس قلت الى هنا وقفت قلت بكره ادور لها فكره وبالمره اشاوركم ومن شاور ماخاب
واي فكره راح تكون محل اهتمام مع اطيب واجمل التحيه
اخوكم
ابو عبدالله
اليوم يالربع جاي بأستشارتكم في فكره وليس عطل ولله الحمد
والفكره الي بيسدحها هنا بتفيدني بأذن الله وبتفيد الي بعدي ان شاء الله
امس صنفت عندي واحوس محلات الرديترات عشان اركب رديتر المنيوم للـ جمس 78 مكينه 454
اول مارحت لمصنع صغير على شارع الملك سعود ويقابلني بكستاني ويقولي فيه صيني درجه اولى وصيني درجه ثانيه واردني والجميع المونيوم سألته عن سعر الاردني وقالي 550 ريال سحبت عليه ومشيت
طبعا الرديتر الي ادور عنه للجمس 97
رحت للخضريه دورت وحصلت نفس الانواع الثلاثه وحطيت ببالي الصناعه الاردنيه لاني شفت شكل الرديتر كبير جدا المهم الحين بقى الاتفاق على السعر بدون التركيب طبعا لان السياره ماتمشي بسبة انفجار الرديتر السابق وهو جديد ونحاس ولكن انفلتت علي المروحه مع الكلتش وعدمته (على اي حال كان مغير مغير ههههههههه) دورت في كذا محل الين حصلت ارخص واحد 470 ريال وكان فاهم من اول ماجيته البكستاني انتا يبغى ركب وين قلت له موتري جمس رفرف قال انتا يبغى المونيوم انتا مكينه 454 او 350 قلت له 454 قال اوكي خمسه دقيقه يجي قلنا يالله توكلنا على الله جاب لي واحد بكرتونه ولكن ماعجبتي لان باين عليه مسحوت من قدام مادري وش هو طايح او محمل بكراتين فوقه المهم قلت جيب واحد ثاني قال اوكي جابه وحملته وخذت له غطاء اصلي جديد ومويه خضراء اصليه موتور كرافت وعلى البيت نزلت الرديتر القديم والمروحه والكلتش واسقط الجديد طلع عريض بقوووه قلت بخاطري بأذن الله راكب راكب ميلت مواصير الرديتر حق المكيف على جهة البطاريه الي جهة السواق شويتي بحيث مايخربون وشلت القربه حق المويه حقت الرديتر وحطيت قطعه تحت من هوز حق الدفاع المدني (الافكار تطلع ) ماشاء الله والجلدتين حقات الرديتر الاصليه بس عشان اضمن انه مايحك تحت لاني راعي جلد بالبران والمطبات واحط الرديتر عليها واثبته بعمليات ربط بأسيام المنيوم بطريقه احترافيه بحيث مايبين شي نهائيا فوق وتحت ومن بعده حطيت الغطاء العلوي صار فيه مجال بينه وبين الرديتر قمت وقصيت لستك حق تاير وحطيته بين الرديتر والصاجه الي فوق عشان تمسك صح ويصير الهواء محشور للرديتر عشان اضمن تبريد صح وركبنا الكور حق المروحه وجربت قبل لاثبته اركب الروحه واشوف هل تحك ولا لا وفعلا طلعت تحك لامن ثبت الكور في نفس الصاجه الي فوق قمت وفكيت الكور وثبته بنفس الرديتر بطريقه فنيه بالربط بأسيام المنيوم برضو وركبت المروحه مع الكلتش طبعا للي بيركبها يصادف مشكله عدم دخول المروحه في المسافه بين الرديتر والمكينه والحل تخلي المروح نفسها راخيه من الكلتش ويركب بسهوله وبعدها ياطويلين العمر ركبت الخراطيش الي تحت ركب مافي مشكله والي فوق مغطت فيه شوي وركب ومامنه خلاف ميه بالميه بأذن الله
وتأكدت بنفسي البعد بين المروحه والرديتر تقريبا من ثلاث الى اربع اصابع والرديتر يبعد عن البطاريه والاسلاك والبطاريه جهة الراكب بمقدار ثلاث اصابع <<< المقياس بالاصابع عنده هههههههههههههههههههههههههههههههه
الحين كل شي تمام باقي النشبه القربه حقت الرديتر امس قلت الى هنا وقفت قلت بكره ادور لها فكره وبالمره اشاوركم ومن شاور ماخاب
واي فكره راح تكون محل اهتمام مع اطيب واجمل التحيه
اخوكم
ابو عبدالله