لمن جرب كفرات بالون ( مالون ) أو ( ملوان )

[(( ذيب وراط ))]

هذآ وآحد من الربع يبي يركب كفرآت مآلون .. وخآيف على دفرنسه أو خآيف من أي خرآب لأنهآ أكبر من كفرات الوكاله ..

فقلت له أنها إن شاء الله ما تضر لأنه حتى و أنها كبيرهـ مآ لها ذآك الوزن الزايد ..

لكن زود حرص ع الرجال :
يبي نآس جربوها .. وتجاربهم

مآلون 900 غاط

.
.
.

[بندر]

يالطيب تقصد بالون والى مالون

مالون اول مره اسمع فييها لاكن اذا تقصد بالون او بوالين

انصحه لا يركب بالصيف لانها بالكثير ثلاث شهور وهي متسحكه قله يركب بالشتا علشات تجلس معاه

وماتثقل ولا شي بس انه ينتبه بشارع فيه ماي لا يجي علا سرعه علشان مايروح موتره بلووشي لان البوالين تزلق

والله الله بالترصييص الطيب علشان مايجلس يرررج الموتر عند سرعة 80

اي خدمات حاظرين

[فيصل الخالدي]

مايتوب خويك ذا؟

[Sierra z71]

لا اي خراب يابن الحلال

نص العالم مركبينه

لكن مشكلته مايصبر ويزحلق بالماء

[طرطوس 1978]

مجربه على 2500 واحلى كلام
وكذلك مجربه على جي اكس 2006 ومافيها مشاكل بس ثقلت الموتر شوي
واذا بيركبها خله يسوي ترصيص
واحسن له يركب هيرو

تقبل مروري.........

[راعي البهبهاني]

انا اركب بوالين على الونيتات الي عندي كلها ماشتكيت منها ولله الحمد بس المهم انه يزلق في الماء فيأخذ الحذر وكذلك يتنبه دايم للهواء على الزفلت كرمتم عشان ماينسحت ومن ناحية الترصيص فعن تجربه الترصيص العادي الي على المكينه برى هو الي ضبط معاي 100% .

[(( ذيب وراط ))]

الله يعطيكم العآفيه .. :)

وما قصرتوا ..

أنا أقصد نوع من أنواع البالون .. زي الـ ماكسس أو الـ سيآم .. بس إسمه ( مآلون )

[الـ ع ـارض]

تم تجربة الكفر على لاندكروزر 2006 vxr

وبصراحة ... اجده افضل من السيام والماكسس
دعسته اعرض ورجة اخف بكثيرررررررررررر

وعلى الخط وعلى سرعة عاليه كان ثابت

((( تجربة شخصية بسيارة احد الزملاء )))

[عاشق 4×4 جمس]

ياخوي انا مركب بالون سيام دنلوب على الونيت
والله ماشاء الله عليه ماعليه اي كلام
والله اني اكشت عليه واسافر عليه وامشي طبلون السياره
ومافيه لا رجه ولا شيء والله ما عمره بنشر معي ماشاء الله عليه
من تاريخ 2008 الى الحين ماتسحق ونقشته واضحه
سعره 500 ريال للواحد وصورته بالتوقيع

[نوااااف]

انحش عن البالون كله رجه

[سعودي أصيل]

البالون يثقل عزم السياره شوي ويزيد ممشاها عن الممشى الطبيعي

بس مثل ماقالو الاخوان ابعد عنها بالصيف تبهذلك

تحياتي

[مجعص بيك الهقط]

انحش عن البالون كله رجه

توكل على الله لي اكثر من عشر سنوات وانا ما ركب الى بالون

[مجعص بيك الهقط]

توكل على الله لي اكثر من عشر سنوات ما اركب الى بالون

[بـلـيـهـان 1]

اعتقد الاستفسار منك اخي ذيب وراط يخص نوعيه التاير ( مالون ) و ليس عن اثار او سلبيات او ايجابيات الكفرات البوالين صحيح ؟

عموماً من ناحيه كفرات نوعيه مالون هي جديده ، و توها ما انتشرت لدى الشباب ، لذلك تشوف فيه تردد من ناحيه شراءها ، و لكن مثل ما افادك ابو فيصل هي ممتازه ، اجل توكلوا على الله و خذوها ..

من ناحيتي .. لو احتاج بوالين .. اول كفر راح تتجه له عيوني ( المالوان )

لأن ودي اجربها ..

البقيه مجربه كلها

[alshamisi]

المالون منتشر عدنا من سنه 2008
وانا مجرب ويعتبر من احسن البالون الي نزل عجنط 17 ومن نفس شركه اسيام تيلندي طبعا اسيام غني عن اتعريف ذهب
عيب المالون انه عريض فقط ولا ميزانيه والامور الاخرى تمام
في ناس تشوفه رزه عسياره لان فيه عرض لجنط عرضه 8 انج تمام اما اذا بتركبه عحديد 7 او 6 يضهر معفس

[راعي الادهم]

خذ نصيحة مجرب وانا اخوك غير الشاهين لاتفكر
اذا تبي راحة البال والثبات والعمر ومثل ماشوفك اكيد انك تبي الوقفه والارتفاع
خذلك 900انا ماخذه قبل سنتين جنط15اذكر انه ب500 الواحد
لكن خذ حذرك من ساهر اذا زاد طول الساق يصير يمشي اكثر من مايعطيك
العداد يمكن يزوّد عشرة كم\س
وعلى كلن اتمنى لك التوفيق والسلامه بكل خطوة
تقبل مروري

[VTC 3333]

تقصد نوع ( المالوان )


والله كفر طيب ونفس السيام بس 17 يجي


مركبه في دبي الحج الماضي على باترول جنوط استراليات


ومشيت عليه طبلونه وماشاء الله تبارك الله



و عمر معي افضل من السيام ومن الماكسس ومن الزداكس

[الدنيا احذ وعطا]

السلام عليكم::
انا ابتكلم من واقع تجربه جربت البالون المكسس 900 الي تجيك 9غاط الظاهر والان مركب مالون برضوا 9غاط
شف يا عزيزي تبي كرف ومكده وحلوه ولا ترج ولا ولا ولا خذ المكسس
اما المالون عريض وحلوه ومرررريحه بالحيل لكن ماهيب صبوره اي شي يشقها ثمن اذا وقفت الموتر وطولت بعض الاحيان تلين الكفرات ثمن ترج الين 80 ثمن تزبط.
فانت على حسب استخدامك
طبعن فيه معلومه في النفود تتمشى تمشيه لكن لوتجيك جواد والارض محروثه تتغير العلوم لكن المالون في النفووود اطلق بواجد من المكسس.... انا خابر اني لحست ام مخكم لكن هذي اول مشاركه لي في حياتي في المنتديات!!!!!......

[madczar]

تووووبه من البوالين

انواع الانزلاقات

خصوصا في الجنوب مع المطر والانحدارات الكثيره