سمكره و رش

[sos811]

السلام عليكم و رحمه الله و بركاته

كيف حالكم يا اخوان


انا عندي ونيت مديل 86 ابي اصبغه بس مشكلتي بالورشه :43431.imgcache[1]:ماني عارف وين اوديه:fjr45[1]: ابي شغل يجمل
انا من الشرقيه و ابي ورشه مكون قريبه مني الي يعرف لا يبخل علينا و لكم مني وعد بصور المشروع بعد اكتماله من الاف الى الياء لاني ناوي اجدد الموتر من الصدام للصدام:43704.imgcache[1]:

[ابوعقل]

وعليكم السلام ورحمة الله وبركاته

هذي مشاركه من بليهان ((ابوعبدالله))

وان شاء الله انها تفيدك


حياك الله اخوي اولاً في نادي عشاق وملاك الجمس و الشفر الحوض و ان شاء الله عندنا نخبه من الخبراء في هذه الامور و راح يفيدونك بإذن الله ، و ثانياً من ناحيه بعض اطلاعاتي و خبرتي البسيطه في الجموس الكلاسيك و طرق تجديدها ..
أولاً من ناحيه صبغ و بويه و رش .. ادفع فيه وصدقني راح يسرك .. روح عند ناصر اليماني في مدينه عنك في المنطقه الشرقيه و اصبغ .. للعلم يكلف فوق 7 آلاف ريال .. لكن الى منك وقفت عند الموتر راح تنبسط من نظافه الشغل .. او عندك ورشه المعيوف بقياده الكابتن امين مقداد .. صبغه حلو .. وفاهم في الجموس ويا ما صبغ فيها .. طبعا ناصر اليماني معروف .. خاص في الكلاسيك الجموس .. و الجموس الي رشت عنده معروفه ماشاء الله بنظافتها .. كذلك فيه في الاحساء ورشتين يمدحونها الشباب بن دريويش و جمس بهبهان .. الي اعتقد النمير او بو علي و الله ما اذكر .. بس انا شفت صور لمواتر مصبوغه في حدا هالورشتين ماشاء الله شغل حلو .. ومن ناحيه لون من وجهه نظري اللون الحلو ل78 الي هو الأشعل (أحمر على برتقالي ) كنه وكاله مشموس شوي .. او نحاسي او عودي او رصاصي وغيره.. الوان مميزه و تفرض نفسها و يتميز الموتر عن غيره فيها .. طيب نسيت اقولك شغله طبعاً خل الصبغ آخر شي .. يعني ابدا في المحركات و الاكسسوارات ثم اصبغ .. من ناحيه محركات .. المكينه وضبها عند شخص فاهم و يعطيك ضمان هذا افضل حل .. اهم شي يعطيك ضمان مثلا شهرين او شهر .. و القطع حاول تكون جي ام اذا تقدر مع انها نادره و قليل من يحصلها واذا صعبه عليك قطع فيدرال القديمه الأمريكيه مش المصنعه و اعتقد موجوده عند محلات باعاصم .. كانك تبي ممشى حلو اخرط السلندرات كل ما خرطته كل ما زاد ممشاه (يستاسع السلندر ) وعمود الكرنك نصيحه كانه استاندر خله لا تخرطه .. حاول قدر المستطاع ما تخرطه .. من ناحيه الاكسسوارات تحصلها في العديد من المحلات مثل محلات السهاله و كرستال ووادي السماحه وبعض التشاليح في المنطقه الشرقيه وفيه الاخوان هنا مثل بليهيد و راعي شامان عندهم قطع بعضها اصلي وكاله و جدد و يبيعونها و اخوي بليهيد يطلب من امريكا دايم و انا اكثر من مره طلبت منه 100 % و عندك كذلك اخوي الهبس اخبره بين مده و مده يبيع و فيه عدد من الاخوان فيهم الخير و البركه عندهم مجموعه قطع من ميكانيكيه او اكسسوارات او الي تبي ..
الحوض حاول يكون خشب مش ملبس حديد .. كأنه وكاله .. افضل لك كـ شكل .
رزه ببوالين نوع سيام تاير اغلى نوع مقاس 900 و جنوط وكاله اصبغها من جديد صبغه حلوه و لها لمعه مع طيس وكاله جديده .. يطلع هبال .. و شكامين وكاله .. وزركش الموتر شوي .. خله يلق ..

اخيراً انا غير مسئول اذا غديت متيم عشق في الموتر

تحياتي

[sos811]

هلا و غلا اخوي أبو عقل


الله يعطيك الف عافيه على ردك السريع الوافي لجميع النواحي و انا متأكد دام انك رديت بالسرعه هاذي ان باقي الشباب و الاعضاء الي ذكرتهم بيردون بعد

و للعلم انا موتري مصفح قطع ١٠ بغير لونه و بوقفه من جديد بديت بشراء القطع ولقيت اغلبها و لله الحمد و باقي شي بسيط

بس قلت ادخل الموتر للورشه و اكمل البحث عن الباقي

وزي ماذكرت ان السمكره و الصبغ اهم شي لانه يبين الشغل و التعب بس بيكون القرار بعد الاطلاع على الورش و اسعارها و جودتها.

[المحروم الخالدي]

عندنا بعنك ورشة ناصر اليماني غني عن التعريف

متخصص بصبغ الجموس وريجعها (( شد بلد ))

اي استفسار الرجاء مراسلتي على الخاص

[sos811]

هلا و غلا اخوي المحروم الخالدي

مشكور على مرورك الي نور موضوعي و لك رساله

[المحروم الخالدي]

انا عند ورشه بعنك صبغ موترعنده والله يطلع شد بلد اي استفسار على الخاض وشكرن----

[sos811]

اخوي المحروم


تم ارسال رساله لك على الخاص ....مشكوراً:43704.imgcache[1]:

[YOKON2009]

فيه ورشة بالرياض تضبطه لك واتحدى اي واحد يعرف انه مسمكر او مضروب بوية بس غالي شوي سعره

يعني اذا تبي ترش باب ياخذ لك الف ريال

وهو وكيل بويات ايطالية اللي هي عند عبدالله هاشم وكيل هوندا يآخذ من الورشة هذا اللي هو وكيل البويات

[sos811]

الله يعطيك العافيه اخوي

اليوم انشاء الله الموتر راح يدخل ورشه بس بالجبيل تحت عيني و الله يوفق وراح يتم انزال موضوع مصور بالخطوات