Check Engine ارجو الرد !

[راعي السوبر]

السلام عليكم

وعسى الكل بخير يارب

ندخل بالموضوع

لمبه المكينه مولعه عندي , رحت سويت له فحص قال { حساس المكينه }

رحت لثاني نفس الكلام , بس سوى لي برمجه بعدين راحت

قال لاولعت مره ثانيه , فيه مشكله واذا ماولعت الحمد لله

المهم ماعلينا :43633.imgcache[1]:

هو يوم سوى برمجه حاس الدنيا

لان لمبه المكينه ماشوفها ابد

وبالعاده لاشغلت السويتش وخليته 10 ثواني تقريبا قبل التشغيل

تولع انوار الطبلون ومعروفه بالسيارات وبعدين اشغل

وانوار الطبلون هذي قبل البرمجه كانت مولعه , والحين مب موجوده اللي هي لمبه المكينه

وسيارتي سوبربان 1500

موديل 2005

[راعي السوبر]

ماحد عنده معلومه عنه ؟

[راعي السوبر]

الحمد لله تم حل المشكله

طلعت حتى ماتستاهل الرد هههههههههههههه

بس الله لايهنيكم طلعت لي مشكله ثانيه بعد التصليح وارجوكم طمنوني اقل شي



عندي الموتر بالقومه يقطع مدري وش فيه

يعني واقف عند الاشاره ودعست البنص كله مايقوم زي اول , يقطع همن يصير ضعيف مافيه حيل مده 2 ثانيه تقريبا

وبعده ترجع قوته الطبيعيه وينطلق ماشاء الله

ولا ادري وش المشكله

لدرجه اني قاومت اكسبديشن 2004 بالقومه يروح بعيد عني تقريبا سياره ونص

وبعده اجيبه واروح عنه تقريبا سيارتين او ثلاث

[MTC_959]

يحلو عندك مشكله في حساس المكينه اللي هو سنسر نوك وهذي صورتهhttp://oemys-performance.com/library/knock%20sensor.jpg
هذا دوره بالفلا ينظم حركة اربع بساتم يمين مع اربع بساتم يسار
وهو سبب طقطقه بسيطه في المكينه تسمعه اذا كان الموتر واقف ويسبب كتبه عند القوم والضغط يجي عند 1.5الى 2 بعدين تحس ان الموتر فتح او جاء العزم

[راعي السوبر]

هلا والله

ايوه هذي هي , غيرت الاثنين انا , وماقصرت ع المعلومه يالغالي

يعني مشكلتي بالتقطيع مثل ماقلت من دوره 1500 الى 2000 بعدين يطلع العزم الطبيعي صار منها ؟

عشانها جديده يعني , او مهب اصليه , او التركيب لك عليه ؟

وش الحل طيب واحس اني طولته واسف ع الازعاج .

[MTC_959]

هلا والله

ايوه هذي هي , غيرت الاثنين انا , وماقصرت ع المعلومه يالغالي

يعني مشكلتي بالتقطيع مثل ماقلت من دوره 1500 الى 2000 بعدين يطلع العزم الطبيعي صار منها ؟

عشانها جديده يعني , او مهب اصليه , او التركيب لك عليه ؟

وش الحل طيب واحس اني طولته واسف ع الازعاج .

عزيزي هذي تطلع من الفحص بالكمبيوتر واذا انت غيرتها ولا ضبط واحد من الثنتين يأتركيب لك عليه او الموتر يبيله اعادة برمجه يعني افصل اصبع البطاريه فتره بسيطه ونحتر ردك وش يصير معك :43565.imgcache[1]:

[راعي السوبر]

طيب الله لايهينك ابسآلك سؤال ولاتضحك علي

بطلع الحين افصل الاصبع بس اي اصبع افصل الاحمر ولا الاسود ؟ ولا كل الاصبعين افصلهن http://www.gmctruckclub.com/vb/images/icons/icon10.gif

وان مافاد لاطلعت من دوامي انشاء الله , مريت عليه خليته يركبهن زين

للعلم :

اتوقع هو مسوي له برمجه بالكمبيوتر , خلى لمبه المكينه تروح

ولا لمبه المكينه تروح من نفسه لا صار الحساس ممتاز ؟

[MTC_959]

طيب الله لايهينك ابسآلك سؤال ولاتضحك علي

بطلع الحين افصل الاصبع بس اي اصبع افصل الاحمر ولا الاسود ؟ ولا كل الاصبعين افصلهن http://www.gmctruckclub.com/vb/images/icons/icon10.gif

وان مافاد لاطلعت من دوامي انشاء الله , مريت عليه خليته يركبهن زين

للعلم :

اتوقع هو مسوي له برمجه بالكمبيوتر , خلى لمبه المكينه تروح

ولا لمبه المكينه تروح من نفسه لا صار الحساس ممتاز ؟

انت لحست مخي
اركد اشوي
لمبه المكينه مولعه عند ولالا

[راعي السوبر]

والله مادريت هههههه

لا مب مولعه ,

[MTC_959]

والله مادريت هههههه

لا مب مولعه ,
طيب الموتر في كتمه بين 1.5و2 في الامبير حق الضغط ولالا

[راعي السوبر]

ايووووه عليك نور , { كتمه } الزبده الموتر مهب نشاطه الاولي مافيه حيييل يقطع لمين 2000 دوره

وبعده طبيعي ,

بس يابعدي الصراحه امبير الضغط مادققت فيه

مدري اذا هو فيه كتمه ولا لا

بس الموتر نفسه فيه كتمه من 1500 لـ 2000 لادعست له لاخر البنص وانا واقف

[MTC_959]

سو فحص كمبيوتر يأن السنسر نوك ماركب صح او سنسر اوكسجين فيه مشكله هذولا الحساسات هم راس المشكله والمسببه للـكتمه

[راعي السوبر]

سويت برمجه , وراحت اللمبه وزبط الموتر

بس رجعت اللمبه مره ثانيه ! ونفس الكتمه رجعت

وانشاء الله بسوي اللي قلت لي عليه بكرا العصر

وماقصرت يابعدي ,

[MTC_959]

سويت برمجه , وراحت اللمبه وزبط الموتر

بس رجعت اللمبه مره ثانيه ! ونفس الكتمه رجعت

وانشاء الله بسوي اللي قلت لي عليه بكرا العصر

وماقصرت يابعدي ,

هلا والله ومرحبا اشرف الساعات

[راعي السوبر]

والله يالغالي ادري اني ازعجتك

بس يوم رحت له , وفحص الكمبيوتر وجربه

وبعده فتح الكبوت , وفك الشي اللي بين فلتر الهواء والبخاخات اللي بالمكينه او الثروثل

وكان فيه ماء بسبب الامطار اللي جتنا

وقال بنظف الحساسات وبنظف الماء اللي جوا وقال الثلاجه

مدري يالغالي ممكن تخبط المكينه ولا انشاء الله يارب ماضره شي ؟

[MTC_959]

عزيزي الحساس اللي خذاه خوينا (راعي الورشه) اسمه air flow هذا دوره بالفلم يقراء نسبة الهواء اللي داخله من عند الثروتل فـ إذا قلنا انا الحساس خربان القراءه حقت الحساس تكون غلطانه وبذالك وزنية الموتر ماتكون مضبوطه على كل حال اذا سوالك فحص فيه رقم خطاء يطلع مشكله العطل او كود مكون من حرف وثلاث ارقام



وهذه الصوره اللي تحت محدد فيها حساس الهواء اللي تقول وتراه مايضبط اذا تنضف يضبط شوي بعدين يخرب مالك الا واحد مستخدم 150 ريال او جديد450
http://www9.0zz0.com/2010/04/30/03/166633317.jpg (http://www.0zz0.com/)

[راعي السوبر]

الله يجزاك خير ماقصرت

ويوم طلعته امس , الموتر يقطع معي لاصرت واقف كآنه يبي يطفى وخاصه لادعست البنص دعسه خفيفه وانا واقف

ورجعت الابره حقت الار بي ام لمكانه ينزل زياده كآنه يبي يطفى

ودقيت عليه , قال لازم تمسك خط وترووح ! هل كلامه صحيح ؟ ولا لا ؟ علما انها راحت الحمد لله يارب

وبرضه طلعت لي مشكله ثانيه < -- من دخلته هالورشه وانا مشاكل معه والله اني شكيت فيه : )

والمشكله الثانيه لاجيت باقف عند اشاره او محل مثلا , لاوصل الموتر 20 واقل

يعني القير يبي ينزل لنمره واحد .. يطق ( فيه صوت طقه )

ترووح وتجي واكثر شي تجي معي هالطقه .. وبرضه زيت القير زايد مدري وش المشكله ( هل فيه ضرر ولا لا ؟ )

وللاسف قبل شوي ولعت لمبه المكينه ورجعت الكتمه ( اللي لاصرت واقف ودعست لاخر البنص القومه ضعيفه لحد 2000 دروه تقريبا )

تتوقع ماركبها زين ؟

وآسف ع الاطاله او اذا ازعجتك يابعدي ,

[MTC_959]

اما رفيقك ذا مهب تكانه مالك الا تنفض الموتر بيدك انت اللي تشتغل التفتفه اللي وانت واقف هذا من الحساس اللي بعد الفلتر والدقه اللي في القير من حساس في الثروتل اللي مشبوك في الثروتل وراكب عليه دايركت سعره احدود 120 ريال وهذا وضيفته ينضم تغييرات القير

[راعي السوبر]

والله مامن ذيك الزود بالخبره ولا كان سويته بيدي

واللمبه تروح همن ترجع الكتمه ولا سوى برمجه راحت وترجع , وع الحاله .. يمكن اربع مرات برمجة عنده

واليوم يقول , فيه حساس سنسر كود او نوك زي تسذا .. تبع راس المكينه الظاهر قال اللي يجي اثنين

وسعره بـ 50 ريال او 60

وطقه القير الحمد لله راحت

ع العموم بروح له بكرا واشوف وش يصير

والله يجزاك خير

[MTC_959]

اسمه نوك سنسر (knock sensor) هو بلانا اذكر انك غيرته الوحد سعره 130و الاثنين 260 ومحله يجي في راس المكينه بالوسط والهدف وازن اربع بساتم يسار مع اربع بساتم يمين ويصيفي الموتر ويمنع الكتمه اللي مجننتك

[راعي السوبر]

المشكله اني مغيره

الا تسان انه ماركبهن زين ولا من الاساس ماركبهن مدري

ع العموم الظهر بروح له واتفاهم معه زين

اجل يقولي به حساس واحد خربان لانه دخله ماء

وقيمته 60 ريال يمكن

[راعي السوبر]

الحمد لله الحين الامور تمام , لاسوى فحص بالكمبيوتر مافي الا حساس واحد

كنت عنده امس , لزق عنده بشوف وش يسوي

قال انه ناسي فيش مفصول ؟ هو به فيش ولا لا ؟ تراي مادري عن شي

وبرضه يوم خلص حط اسفنجه قال عشان الماء مايدخل ولا يضره

وانا خايف منها الصراحه اخاف يتضرر الموتر

هل فيها ضرر

ولاهنت

[MTC_959]

اي حساس لازم له فيش اذا قال انه نسى شيء طيب هذا يدل ان الحساس يعمل عندك واذا يدخل عنده ماي هذي المشكله منين يجي الماي معقوله هل يكون عندك تهرب في الرديتر او حق مساحات الماي ؟؟

[راعي السوبر]

لا الحمد لله

بس الامطار اليومين , قصده هيك .. يقول عشان مايدخله ماء كآحتياط لك وللزمن

بس السفنجه اللي حاطه هل لها اي ضرر ؟ لاني احسه ماله ام داعي الصراحه .. مع انه حط سيلكون وقال مايكفي

وبرضه يالغالي الطقه لازلت موجوده اللي بالقير

اذا هديت وجيت بآقف عند اشاره ولا اي شي يطق , ومعك الوقت تختفي ! واحيانا وانا امشي لاعشق لنمره 2 يطق

[MTC_959]

والله مدري انت لحست مخي مدري احس انك تلعب فيني

[راعي السوبر]

افا .. طيب اذا تحس هيك انا آسف

هذا والله من راعي هالورشه حسبي الله عليه اذا مسوي شي

وطلعت لمبه المكينه اليوم , ورحت له وكنت مجمع له من زمان وقعدت اتهاوش معه

وهو ماكلن تبن , احسه يقول والله ماتوقعته تسذا ههههههههههه

واذا طلعت ثانيه بروح لواحد غيره , وحلال عليه الدراهم اللي اخذهن بدون فايده

دفعه بلا انشاء الله , اجل يبي يخرب الثلاجه قصدي يبي يفكه

وماقصرت انت معي يالغالي , اهم شي لاتزعل ولا اللي اني اتكلم جد

لو تبي صورتك لك لمبه المكينه هههه

لكن قبل

شف وش طلع لي بعد الفحص بالكمبيوتر , يوم سوا الفحص مسكته ولطشت الكلام

يقول :

1CODE FOUND

P032 Bank 1 or
single sensor , knook
sensor1
ciroui t Low

[MTC_959]

مشكلتك غريبه شوي الحساس سنسر نوك اللي تحت الثلاجه في مشكله ما يـ انه مايوصل او فيه التماس الكمبيوتر حق الفحص محتار يقول يا سنسر نوك او حساس بانك سنسر وانا اتوقع انه النوك سنسر

[راعي السوبر]

لا المشكله من الحساسات اللي تحت الثلاجه

اللي 2

وللاسف ولعت اللمبه قبل اسبوع تقريبا

سآلت واحد قال يمكن الغطا نفسه ماركب زين

وكنت عنده وقتها مركبها زين , وفحصه كمبيوتر يقول فيه واحد من الاثنين هو البلاء

ومشكور ع اهتمامك يالغالي , الله يجزاك خير

[MTC_959]

علمنا وش يصير معك ياحلو زين
ترى المنتدى مش لي ولك بس
بل للأعضاء باقين يستفيدون من التجارب والمشاكل اللي تصير

[راعي السوبر]

سهله

بس خله يطلع بالخير انشاء الله

[راعي السوبر]

تصدقون اني للحين اعاني منها

ويقولون يمكن كهرب مايوصل , وعشان هيك لاصرت واقف ودعست ابو الموتر مايفاحط

بالعكس كنه مكتوم وبعد 2 ( الضغط ) يطلع العزم

[MTC_959]

هلا بخويي راعي السوبر المشكله عندك بـ السنسر نوك اللي هو حساس الكرنك الثنين اللي يجون تحت الثلاجه خويك اللي ركبه مهب مصفي النيه وان اخوك

[كبسولة 2]

الاخ راعي السوبر مشكلتك في حساس الطرق

إسمه بالإنقليزي knock sensor وبالعربي حساس الطرق
وهو عبارة عن حساسين تحت ثلاجة المكينة وظيفتهم وزن كهرباء إشعال البواجي (البلاكات)
وأعراضها رجه بالسيارة ونفضه وأنت واقف
وأنصحك بتغييره فهو غير مُكلف فقيمة الحساس الواحد 150 ريال وشغل اليد 150 ريال

[MTC_959]

الاخ راعي السوبر مشكلتك في حساس الطرق

إسمه بالإنقليزي knock sensor وبالعربي حساس الطرق
وهو عبارة عن حساسين تحت ثلاجة المكينة وظيفتهم وزن كهرباء إشعال البواجي (البلاكات)
وأعراضها رجه بالسيارة ونفضه وأنت واقف
وأنصحك بتغييره فهو غير مُكلف فقيمة الحساس الواحد 150 ريال وشغل اليد 150 ريال
كبسوله لبى قلبك شرح وافي

[راعي السوبر]

الله العالم انه مهوب مصفي النيه ع قولتك

لكن شرينا واحد جديد ( بس واحد خربان ) وصلحته عند واحد ثاني والله يجزاه خير والحين تمام التمام

بعد الكشف ع الكهرب كامل وطلع تمام والحمد لله

وشغل اليد 500 .. عند اكثر من واحد

جزاكم الله خير , المشكله انحلت بحمد لله بعد عنا 3 شهور تقريبا وعند واحد ثاني بيومين هههههه

[راعي السوبر]

لازالت المشكله

اللتي اعاني منها

ياليت يا اخوان ندرس موضوع ذا الحساس

لانه بختصار احسه ماله حل

ولاحظت شي

اذا مسكت خط راحت اللمبه والحساس طلع تمام

ومره حطيت القير على 1 ودعست له طلعت اللمبه والحساس شكله خرب

وبدا يكتم الموتر تقل مكربن

ارجو الحل

[راعي السوبر]

:(

:(

:(