المساعد الشخصي الرقمي

مشاهدة النسخة كاملة : عاجل لعشاق الكلاسيك ,,, ( كابريس 76 ) يوجد صور


تيتشر
04-13-2010, 10:30 AM
بسم الله الرحمن الرحيم

اخواني الأعزّاء بكل بساطه أنوي شراء هذه السياره

وهي لأحد الأصدقاء وراثة عن والده رحمة الله عليه

كابريس 76 ماشي 34000 فقط لونه بيج وآخر لوحه هي اللوحه الزرقاء القديمه وواقف بمكانه من 25 سنه ما تحرك من تحت البايكه , رحت وصورت السياره على عجاله وبصراحه ما عرفت افتح الكبوت ولا الشنطه , ومكينته مدري هي 350 او 454 لكن خويي يقول مكينته حمراء ويقول اذكر اول لا سقته مع كل تغييره بالقير يفحط .

الآن بعرض لكم بعض الصور واللي ابيه من الإخوه خبراء الكلاسيك يعطوني آرائهم هل تنصحني بالشراء أم لا وكم السعر المناسب فيه وكم بيكلفني عشان اضبطه .
السيارة انواع الغبار مغبره مرررره


جانب السيارة الأيمن
http://www.gmctruckclub.com/vb/uploaded/81_1271139225.jpg

http://www.gmctruckclub.com/vb/uploaded/81_1271139259.jpg

http://www.gmctruckclub.com/vb/uploaded/81_1271139327.jpg

الجانب الأيسر
http://www.gmctruckclub.com/vb/uploaded/81_1271139402.jpg

http://www.gmctruckclub.com/vb/uploaded/81_1271139433.jpg

وهنا طعجه بسيطه بالرفرف الأمامي الأيسر
http://www.gmctruckclub.com/vb/uploaded/81_1271139461.jpg

واجهة الموتر وبحكم وقفة الموتر وقرب وجهيته من الجدار ما قدرت آخذ صوره كامله للوجهيه
واللي قاهرني ان شمعات الجزء الأيمن غير موجوده ويوم سألت خويي قال طلبني واحد من العيال وعطيته اياها :43528.imgcache[1]:
http://www.gmctruckclub.com/vb/uploaded/81_1271139619.jpg

وهذي صوره أقرب
http://www.gmctruckclub.com/vb/uploaded/81_1271139655.jpg

خلفية السيارة
http://www.gmctruckclub.com/vb/uploaded/81_1271139714.jpg

http://www.gmctruckclub.com/vb/uploaded/81_1271139764.jpg

وهذا الكبوت
http://www.gmctruckclub.com/vb/uploaded/81_1271139832.jpg

التندة
http://www.gmctruckclub.com/vb/uploaded/81_1271139865.jpg

الطاسة وما لقيت الا ثنتين واتمنى ان الباقيات بالشنطة
http://www.gmctruckclub.com/vb/uploaded/81_1271139912.jpg

داخلية السيارة
http://www.gmctruckclub.com/vb/uploaded/81_1271139964.jpg

http://www.gmctruckclub.com/vb/uploaded/81_1271139993.jpg

http://www.gmctruckclub.com/vb/uploaded/81_1271140030.jpg

http://www.gmctruckclub.com/vb/uploaded/81_1271140066.jpg

http://www.gmctruckclub.com/vb/uploaded/81_1271140095.jpg

http://www.gmctruckclub.com/vb/uploaded/81_1271140126.jpg
أبو بيلسان
04-13-2010, 10:49 AM
مشالله تبارك الله

هذي تحفه

لا تفوتك واذا ماتبيها عطني خبر
تيتشر
04-13-2010, 12:09 PM
مشالله تبارك الله

هذي تحفه

لا تفوتك واذا ماتبيها عطني خبر


طيب يا سيدي العزيز عطني رايك, يعني مثلا كم تسوى ووش الاشياء اللي المفروض اسويها وكم تكلفة الاصلاحات والترميم ,,,, الخ
ابوعقل
04-13-2010, 12:21 PM
تيتشر

والله يستاهل المغامره

ويستاهل التجديد

لانه تحفه وانا مستغرب من خوييك ماظبطه !!!!

اول شي توديه المغسله

يطلقون هوز الماء عليه
أبو بيلسان
04-13-2010, 12:50 PM
اول شي تشغل السياره بالقوه بالطيب اهم شي تتشتغل تتأكد من الماكينه والقير وبعدين الغسيل وبعدين تشوف الاغراض الناقصه وتجيبها لكن اقولك فيه بعض الاغراض راح تجننك على ماتلقاهي ويمكن تتطلبها من برا اوتفر تشاليح المملكه عشان تلقاها ويمكن بليهد يساعدك فيها
بس تر المشروع مكلف شي


والله يوفقك ونشوفك جايبه على سطحه للاجتماع انشالله
شيفرولية
04-13-2010, 03:21 PM
هلا اخوي تيتشر .. انا اقول قبل ماتحكم على اي شي .. اشقلها وخذها المغسله وخلهم يغسلونها عشان تبان لك الامور وماتتورط .. بس اللي اشوفه ان الموتر نضيف ماشاء الله تبارك الله ولا ناقصه اشياء واجد حسب اللي ضاهر من الصور
انا عندي واحد اخوه 76 والله موتر يوسع الصدر
الزبده توكل على الله وانا اشوف انه يستاهل
اسعاره بالسوق يعني نص ونص من ال 20 لين 25 بس يكون الموتر شغااال طبعا
والله يكتب لك اللي فيه خير
برق
04-13-2010, 04:08 PM
توكل على الله الموتر تحفه

ان اشوف انا الموتر ناقصه اشياء قليله مو كثيره توكل على الله
مطلق السلمان
04-13-2010, 06:03 PM
مطلوب الأخ بليهد على وجه السرعة لأنه شغال يجدد موتر كابرس 76 وراح يعطي تصور مناسب لوضع السيارة.
بليهيد
04-14-2010, 02:26 AM
حياكم الله ويسعدني تواجدي بموضوعكم
اخوووي تيتشر السياره تنصفط<< مدري صح الكلمه
الموتر مو ناقصه شيء جرم الشمعه ومقدور عليهُ ادبره لك كامل
الجلده الي على الرفرف الايسر والايمن الخلفي موجوده لا تشيل همها
الشبك شفته بالصوره نظيف نوعا ما واذا مو نظيف عندي واحد لك ولا يهمكً
في نيكل الي في فوق الشبك مكسور من جهه الجرم المشيول ومقدور عليه
القطع البلاستيك الي بين البودي والصدامات مقدور عليها كمان
الداخليه ممتازه يبغالها غسيل وفك بعنايه فائقه وتغيير الطبلون وذا مقدور عليهُ
طبعا الموتر ما يحتاج ترشه فقط غسيل وتلميع يحبه قلبكٌ
والمكينه خذها مني 350 الحمراء شوف الشكمان اليمين اذا موجود 454 اما اذا شكمان يسار فقط بتكون 350
الجربكس حق بلدها 350 بيكون

امممممممممممممم ايوه العضلات
عندك الذراع الطويل رقمه اخر شييء 919
لانه يختلف عن موديل 77 الى 96
والمقصات وجلد المقصات كمان تختلف
ذراع الشاصي نفس حق الجمس ان ماخاب ظني
صليب العمود يختلف وموجود بمحل ادلك عليه لاني توي مشتري من عندهم وبركبه على موتري
وباقي القطع نفس الكابريس موديل 77 وفوق

والاصطبات نظيفهُ ما يبغالها فك وغسيل
وعندك جلد الابواب تتعب فيها تحصلها بالكويت لان الموتر هاردتوب ونزل بالكويت
والسعودي نزل سيدان
وبالاخير اعطيه 5 الاف بنظري
والشنطه اذا بتفتحها لازم تكون في بطاريه بالسياره عشان القفل كهربائي
وزرها تحصله بالدرج الامامي
وأي خدمه انا موجود بالخدمه
وترقب موتري عن قريب
وميزانيه السياره حط ببالك 15 الف عشان توقف الموتر صح قابله للنقصان

وأول شيء تسويه لا شريت السياره ميكانيكي يصفي لك الموتر ويغير الزيوووووتــ وتشوف وش محتاج الموتر قطع
وتنفض العضلات من تحت وكفرات جديده
وكهربائي يشغلك كل اللمبات ويشيك ع الكهرباء
وبعدين اقرب محل تلميع وغسيل داخلي وخارجي
والقطع الخارجيه تكملها بعديًن لاحق عليها
بن دريويش
04-14-2010, 03:37 AM
أشتر و ما جاك عندي راح تطلع تحفه 100%
بهبـGMCـهان
04-14-2010, 04:03 AM
اشتر وانت مغمض يا أستاذي
ولا ازيد على كلام اخوي بليهد شي مشالله عليه كفى ووفا
78 سنايدي 79
04-14-2010, 06:21 AM
ماشاء الله تبارك الله

موتر حلو ونادر وعليه طلب

وبالنسبة للكلام ماعندي زيادة عن اخونا شفروليه وبليهيد

بالتوفيق يا استاذ النادي

مع تحياتي ....
شقردي
04-14-2010, 06:53 AM
ماشالله تبارك الله
موتر يطرب

الله يعطيك خيره ويكفيك شره

يارجال خذه وماجاك عند بليهد >>>يبي يحطها براسه هههههههههه

صراحة بليهد ماقصر
خالد القرني
04-15-2010, 05:24 AM
ماشاء الله بارك الله...

الموتر يستاهل بنظري حتى 7000 بحالته الراهنة....
راعي الهوى بيزيد...

واذا انك راعي صنف وبتجدده بالكامل ( بنياكل وأزياق جديدة ) تراها صعبة جداً جداً..
أما إذا انك بتركب له النواقص من التشاليح فإن شاء الله بسيطة...

بالنسبة للطيس ترى النوعية هذي مع انها شد بلد لكنها من أسوء الأشكال... مع انها حديد وثقيلة واذا تركبت صح مستحيل تطير مع الخط.. لكن شكلها غبي جداً..
وأجمل طيسها هي السلك تبع 75-76 واذا لقيت الطقم حقها جديد بـ 2000 ريال اشترها ولا تشاور.. لكن ممكن تحصلها مستعمل نظيف
وهذي صورتها
http://l.images.easyautosales.com/1976-Chevrolet-Caprice-Classic-17602783-186.jpg
وهذي صورة أقرب:
http://l.images.easyautosales.com/1976-Chevrolet-Caprice-Classic-17602783-290.jpg

الله يكتب لك اللي فيه الخير واستخر قبلها...
بن دريويش
04-15-2010, 07:15 AM
هاااه يا تيتشر
بشر شريت ؟؟
تيتشر
04-15-2010, 10:08 AM
جزيل الشكر لكل الإخوه اللي شاركوا بابداء آرائهم أو نصحهم

بالنسبه للشراء انا الان بمفاوضات مع صاحب السياره وعلى وشك ان شاء الله

والله يكتب اللي فيه الخير
بليهيد
04-15-2010, 11:15 AM
الله الله تيتشر لا اوصيكً عشان تصير مواترنا مثل بعض>>>>>> ههههههههههههههههههههه
بس ما قلتلي شفت الشكمان الايسر موجود والىى لا؟
ابو حمد
04-15-2010, 04:41 PM
هلا بك يالستاوي

من جد موتر طرب انشدني عنه

اذا المكينه 454 شد بلد شغاله 100% والمحركات سليمه


فتوكل على الله واشتر والباقي ان شاء الله يتسهل والاخ بليهد ما يقصر معك
المحروم الخالدي
04-15-2010, 07:35 PM
الله يكتب الي في الخير وتقبل مروري
راعي البهبهاني
04-15-2010, 08:14 PM
اشتر وانت مغمض ولا ازيد على كلام اخواني شي

وهذي هديه لمحبين الكلاسيك

http://store1.up-00.com/Apr10/6KF48030.jpg (http://www.up-00.com/)

http://store1.up-00.com/Apr10/ygL48030.jpg (http://www.up-00.com/)
بدر الدُجَا
05-23-2010, 03:48 AM
ماشاء الله تبارك الله

الموتر نظيف من شكله

وان شاء الله يكتب اللي فيه الاجر

واخونا بليهيد ماقصر

الله يوفقك ,, وفي إنتظارك

أبو حمود
ابو شكمانين
05-23-2010, 01:00 PM
ناااادري جدن هاالنوعيه بس يبله شغل......لاهنت على الصور ......تحياتي
مشتاق
05-23-2010, 06:52 PM
ما شاء الله تبارك الرحمن
اشهد بالله ان هالمواتر عز وطرب
يكفيك نظرتها