ابوعمشى
04-07-2010, 02:01 PM
من لايشكر الناس لا يشكر الله
لتقدم بالشكر الجزيل لاخواني الذين ساعدوني في عطل سيارتي وعلى راسهم
شفر454 ابوحصه والعضو حرب ابو عبدالله ابوحمد78 واخونا البهبهاني المغترب
وقصتي انا املك ونيت 78 مكينه 350 ماشيه زي اللوز وقلت ابا اركب 454 انشط
ابتدت المعاناه بعد تركيب المكينه 454 واتضح وجود رجه بالسياره كامله عند سرعة 80 ونفضه بالسياره عند الدوس على ربع البنص
النفضه كلما زادت الدعسه زادت النفضه بالسياره
اتجهت للعديد من الورش الخبيره بالجموس
وكلن يفتي من عنده
قالو حذاف غيرت حذاف جديد 454 gm اصلي لونه ازرق
ولا فائده
قالو كراسي مكينه غيرت جي ام ولا فائده
قالو كراسي قير وغيرت ولا فائده
قالو مسمار علبة الدركسون وغيرت علبة الدركسون ولا فائده
قالو ثقاله اماميه وغيرتها ولا فائده
حتى اني مليت من السياره وغطيته قلت اكشف غطاه بعد سنه واحاول من جديد
لين جا ذالك اليوم المبروك وادخل النادي واحصل موضوع لاخوي الجمس فتنه يتكلم عن ورشه بمدينه عنيزه
وهي مركز الوفاء ويتكلم عن شخص سعودي يشتغل بيده ويصلح الجموس وله خبره وكان اخونا الجمس فتنه جزاه الله خير ذاكر رقم جوال الرجال
قمت بالاتصال بالرجل بعد ان رحب بي وشرحت له المشكله
وعن الاشياء التي عملتها بالسياره واني غيرت كل شي ولا فاد
قال لي شيك وزنيت القير وشيال العمود ورد لي حتى ان الرجل جزاه الله خير اهتم وقام يتصل علي كن السياره له
المهم كلمت الاخ حرب واستفسرت عن موقع الورشه
وعزمت الذهاب بالسياره مشيت على السياره وكاني مسافر لا خر الدنيا من الهواجيس بالخط وهالسياره اللي غيرت فيها كل شي ولا فاد
صبحت عنيزه وواجهت ابوسليمان بابتسامته وترحيبته وكاني اعرف الرجال من زمان شاف السياره ووقفه على الحفره
وقالي دوس بعدين دوس والشهاده لله الرجال فاهم كلاسيك وخبير ماهو مثل المهندسين اللي يحك راسه لاسمع الخراب كنه اول مره يفك كبوت السياره
المهم نزلت انا وياه ووراني جزء ماسورة الشكمان الايمن يلامس شاص السياره
وقالي هذي المشكله الاولى
المشكله الثانيه قالي عندك كراسي الشكمان الخلفيه بدون ربلات وهذي تاثر
عفطنا ماسورة الشكمان وخفت الرجه كثير وصفا لي الموتر وشغله ماعليه كلام
واسعاره الله يخلي له عياله مناسبه جدا
رجعت الرياض وانا مرتاح وغيرت طقم شكامين وكراسي ومواسير جدد والحمدلله انتهت المشكله
وافتكينا من الورش النصابه والتي على عماها بالعربي هم والعماله اللي متعلمو الا على روسنا وسيارتنا ومن جيوبنا
والشينه انه يكلمك من راس خشمه كنه معلم وهوببلده صعلوك
واخيرا عط الخباز خبزه ولو اكل نصه لاكن ابوسليمان ما كلا من الخبز شي
الشكر كل الشكر للاخ ابوسليمان صاحب مركز الوفاء بمدينه عنيزه وشكرا لكل اهل عنيزه لما لقيناه من كرم الضيافه ولا يستغرب الطيب على اهله
واسفين على الاطاله
لاكن من شي بالصدر وارجو الفائده للجميع
جوال ابوسليمان 0504284374
اخوكم ابوعمشى
لتقدم بالشكر الجزيل لاخواني الذين ساعدوني في عطل سيارتي وعلى راسهم
شفر454 ابوحصه والعضو حرب ابو عبدالله ابوحمد78 واخونا البهبهاني المغترب
وقصتي انا املك ونيت 78 مكينه 350 ماشيه زي اللوز وقلت ابا اركب 454 انشط
ابتدت المعاناه بعد تركيب المكينه 454 واتضح وجود رجه بالسياره كامله عند سرعة 80 ونفضه بالسياره عند الدوس على ربع البنص
النفضه كلما زادت الدعسه زادت النفضه بالسياره
اتجهت للعديد من الورش الخبيره بالجموس
وكلن يفتي من عنده
قالو حذاف غيرت حذاف جديد 454 gm اصلي لونه ازرق
ولا فائده
قالو كراسي مكينه غيرت جي ام ولا فائده
قالو كراسي قير وغيرت ولا فائده
قالو مسمار علبة الدركسون وغيرت علبة الدركسون ولا فائده
قالو ثقاله اماميه وغيرتها ولا فائده
حتى اني مليت من السياره وغطيته قلت اكشف غطاه بعد سنه واحاول من جديد
لين جا ذالك اليوم المبروك وادخل النادي واحصل موضوع لاخوي الجمس فتنه يتكلم عن ورشه بمدينه عنيزه
وهي مركز الوفاء ويتكلم عن شخص سعودي يشتغل بيده ويصلح الجموس وله خبره وكان اخونا الجمس فتنه جزاه الله خير ذاكر رقم جوال الرجال
قمت بالاتصال بالرجل بعد ان رحب بي وشرحت له المشكله
وعن الاشياء التي عملتها بالسياره واني غيرت كل شي ولا فاد
قال لي شيك وزنيت القير وشيال العمود ورد لي حتى ان الرجل جزاه الله خير اهتم وقام يتصل علي كن السياره له
المهم كلمت الاخ حرب واستفسرت عن موقع الورشه
وعزمت الذهاب بالسياره مشيت على السياره وكاني مسافر لا خر الدنيا من الهواجيس بالخط وهالسياره اللي غيرت فيها كل شي ولا فاد
صبحت عنيزه وواجهت ابوسليمان بابتسامته وترحيبته وكاني اعرف الرجال من زمان شاف السياره ووقفه على الحفره
وقالي دوس بعدين دوس والشهاده لله الرجال فاهم كلاسيك وخبير ماهو مثل المهندسين اللي يحك راسه لاسمع الخراب كنه اول مره يفك كبوت السياره
المهم نزلت انا وياه ووراني جزء ماسورة الشكمان الايمن يلامس شاص السياره
وقالي هذي المشكله الاولى
المشكله الثانيه قالي عندك كراسي الشكمان الخلفيه بدون ربلات وهذي تاثر
عفطنا ماسورة الشكمان وخفت الرجه كثير وصفا لي الموتر وشغله ماعليه كلام
واسعاره الله يخلي له عياله مناسبه جدا
رجعت الرياض وانا مرتاح وغيرت طقم شكامين وكراسي ومواسير جدد والحمدلله انتهت المشكله
وافتكينا من الورش النصابه والتي على عماها بالعربي هم والعماله اللي متعلمو الا على روسنا وسيارتنا ومن جيوبنا
والشينه انه يكلمك من راس خشمه كنه معلم وهوببلده صعلوك
واخيرا عط الخباز خبزه ولو اكل نصه لاكن ابوسليمان ما كلا من الخبز شي
الشكر كل الشكر للاخ ابوسليمان صاحب مركز الوفاء بمدينه عنيزه وشكرا لكل اهل عنيزه لما لقيناه من كرم الضيافه ولا يستغرب الطيب على اهله
واسفين على الاطاله
لاكن من شي بالصدر وارجو الفائده للجميع
جوال ابوسليمان 0504284374
اخوكم ابوعمشى