اهمية رقم الشاصي والكود

[ss454]

>>






طبعا لا يخفى على اهل الوانيتات او اي محبي السيارات اهمية رقم الشاصي اللي يكون من داخل الطبلون جهة السايق واللي مكون من ارقام واحروف قبل لا تشتري اي سيارة للازم اتعرف شنو السيارة اللي تبي تشتريها يعني اهم شي انها ما اتكون امحولة من وانيت ماهو دبل الى دبل يعني امرهم او ماهو وانيت اصلي حتى الماكينه الاصلية اللي نزلت عليه والبودي او حتى بلد المنشأ ان كان كندا او امريكا او استراليا (مهم لتحويل السكان من يمين لي شمال) ....


أعطيك مثال للرقم او الكود مثلا /

1gc d c 1 4 d x d b 1001


- رقم واحد معناه صنع امريكا و2 كندا .
- وال جي سي شفر والجي تي جمس .
- بعدها ال دي نظام البريك الهيدروليك .
- والسي بعدها الدفرنس او ان كان كي دبل دفرنس .
- رقم واحد 2/1طن واثنين ثلاثة ارباع الطن ورقم ثلاثه طن .
- وبعدين يجيك رقم 3 يعني اربع ابواب او 4 بابين .
- وبعدين حرف الدي رمز الماكينه كل حرف يدل على قوة الماكينه .
- والاكس فاصل رقمي يعني بوش .
- بعدين يجيك الدي موديل السيارة .
- والبي بعدها منشأ السيارة من اي بلده بامريكا .
- وأخر شي سيريل رقم السيارة ورقمها المصنوع يعني ان كان 1000 هي رقم السيارة بالتصنيع الف ..






أتمنـــى بإني وفقت في ذلك


***

[رفرـف سديرـر]

السلام عليكم ورحمة الله وبركاته

هلا بك اخوي ss وزين انك طرحت الموضوع عشان تعم الفايده ولو ان محله مب فيذا ..

المهم رقم الشاصي موجود .. بس كيف استعلم عن حجم المكينة وسنة الصنع وعن المواصفات اللي قلتها ( دبل او بدون .. الخ ) ؟؟؟

والف شكر عزيزي

[رفرـف سديرـر]

الله يعطيك العافية اخوي شفر454 على دمج مشاركة اخونا ss بالرد الاول وتعم الفايده ..

وشكر لك اخوي ss على تجاوبك السريع

[ss454]

لا يالغالي c بدون دبل k دبل

[شفر 454]

الــف شكر على الموضوع

ويستاهــل رفعه من ضمن المواضيع المميزه

شكرآ ss454

:43630.imgcache[1]::43630.imgcache[1]:

[ونيت جمس]

مشكوووووور والله يعطيك الف عافيه
ويستاهل التثبيت
بس اخوي عندي سؤال هل فيه موقع ادخل رقم الشاص يطلع لي مواصفتها

[chevy c10 85]

الله يعطيك العافيه ss454 معلومات مهمه وتوني عرفت المعني بيض الله وجهك كل اللي اعرفه عن السياره مصنوع بكندا وعرفت عن طريق طلب قطع من امريكا مشكور وقواك الله علي هالمواضيع الحلوه

[عاشق z71]

اخوي ss454

الف الف الف شكر على هالموظوع الي فعلا يحتاجه الجميع هنا وبكثره

وفعلا يستحق التميز وبقوه

شاكر طرحك يالغالي ولاتحرمنا من جديدك

دمت بود

[متعب المعاميل]

يالطيب

00512285

هذا رقم الهيكل اللي بالاستماره

مافيه لا ارقام ولا حروف

وذا فيه رقم ثاني ياليت تذكره وتكر محله بالوصف المتقن

لاهنت ولي عوودهـ

[رفرـف سديرـر]

لا يالغالي c بدون دبل k دبل

جزاك الله خير ع التوضيح وبيض الله وجهك :43482.imgcache[1]:

هذا رقم الهيكل لاحد السيارات وابي اشوف وش تعبر عنه يالغالي

1ghk24u06f133455

1 = صنع بامريكا
gh =؟؟
k= دبل
2= ثلاث ارباع طن
4=بابين ( غماره )
u = ؟؟
06= 2006
f= ؟؟
133455= ؟؟؟

ارجو اكمال الفراغات اخوي ss وتصحيح المعلومات ان كانت خطا ..

وجزاك الله الف خير والله يا انت افدتنا حيل

وتستاهل التميييز والله :065[1]:

[ss454]

مشكورين تستاهلون الطيب المهم 1- يا اخوي وانيت جمس ما افتكر فيه سايت يعطيك معلومات مثل اللي طلبت اهو يعطيك الثابت من الكود يعني اساسيات الكود يعني ان كان مثلا c , d ,3 ,2 كل على حسب الموديل يعني ببساطه ادخل على سايت اسمه 73-87 وهذا شاب امريكي ما يحب الا هالموديلات من الجمسات او الوانيتات وعندك بعد سات lmctrucks فيه على الصفحة رقم 12 في كاتلوج قطع الغيار تلقاه كامل وبحاول انزله اهني على شان الفايدهhttp://www.cars-club.com/up/8-2-1/carsclub_36384894.jpg 2- وحاضرين ياخوي شيفي 3- يا خوي بوسند هذا مو رقم شاصي تأكد وقولي شنو السياره؟ رثم الشاصي لقاه طويل وفيه احرف وارقام مو بس ارقام 4- يا رفرف سدير ال u مكينتك 6.0 و ال f من فينت ميسسيسبي وهي منطقه بامريكا والرقم ترتيب سيارتك بالنسبة لنفس موديلها وهي 133 الف و 455

[شقران]

مشكور اخوي 454ss صراحة موضوع قمة في الروعة ..

[متعب المعاميل]

يالطيب نوع السياره جمس رفرف حجم 35 موديل 1979

ابي اعرف كيف اطلع الرقم ذا .. :)

[ss454]

المفروض يا بوسند يطلع لك الرقم التالي tcl349z100327 بس الارقام الاخيره والرمز z راح يختلف

[راعي شامان]

لاهنت على كل حال يالغالي

[جمس بني ياس]

مرحبا اخوي ss الله لايهينك عندي رقم الهيكل التالي
26TGC34H2D1528333
أرجو الافادة

[ss454]

كانه رقم صالون بس مو رقم وانيت لانه ارقام الوانيتات ما تجي رقمين او ل شي تجي رقم وحرفين اول شي تاكد يا خوي والله العالم

[تناهيت]

شاكر لك على اثراء الموضوع بالمعلومات القيمة ......واصل بارك اللة فيك


تمالتقييم و تثبيتة مع المواضيع المميزة

[بهبهاني 454]

يالطيب

00512285

هذا رقم الهيكل اللي بالاستماره

مافيه لا ارقام ولا حروف

وذا فيه رقم ثاني ياليت تذكره وتكر محله بالوصف المتقن

لاهنت ولي عوودهـ

يسمحلي الأخ ss454 أني أجاوب على استفسار الأخ [ متعب المعاميل ] , انا عانية

من نفس المشكله في موتري 78 , ولكن المرور يكتبون رقم الشاص الأرقام فقط ويتركون الحروف " مادري وش السبب "

هل جهل أو غيره الله أعلم . ولكن بأمكانك أن تجد رقم الشاص كامل في البدي .

وفي الفتره الأخيرة حصلت على دفتر كامل عن الونيتات القديمه وفيه شرح لأرقام شاصات الجموس القديمه مع مدلولاتها "

يعني انت يا متعب المعاميل بس عطني رقم شاص ونيتك وأعطيك معلوماته كامله .

وشكراً

[مطلق السلمان]

الأخ العزيز : Ss454

مشكور على المعلومات القيمة والمفيدة لكي يستفيد أعضاء النادي في حالة رغبوا بمعرفة أي معلومات تخص السيارات التابعة لهم أو في حالة شراء سيارات أخرى.

ولا أخفي عليك أنا ومجموعة من زملائي ما نشتري سيارات إلى بعد الكشف على رقم الشاصي للتأكد أن السيارة ما هو مبدل حجم المحرك أو حاجة أخرى.

يعطيك العافية.

[شيفرولية]

الله يعطيك العافيه مووظووووووووووع مميز .. تسلم

[GMC 2001]

ومشكوووووووور على هالموضوع

[نمر مطير]

طيب يا الغلا كيف نعرف كم حصان
انا طلع موتري نفس المواصفات اللى طبقتها من رقم الشاصي
الموديل 94 المكينه 5.7لتر اتوقع هي نفسها 350
لكن ابي اعرف كم حصان
يعطيك الف عافية