نبي نرفع السيارهـ من قدام .. نصائحكم ياخوان

[Hummer]

السلام عليكم ورحمه الله وبركاته ..

شخباركم يالغالين عساكم بخير ؟

يالغالين معي همر h2 << احسكم بتقولون طيب وش جايبك هنا هههه ..

المهم ان اغلب القطع نفس الجمس دينالي .. المهم وجه الموتر طامن شوي ومرتفع من ورى .. وودي اواسيه بحيث يكون ارتفاعه من ورى ومن قدام نفس الشي .. رحت لمحل وقالي برفع لك المسمارين الي قدام .. قلت اوكي لكن المشكله ان المسمار اليمين اترفع تمام لكن اليسار مصدي وعيا يرتفع ابد ! قال اخاف اشد عليه وينكسر المسمار ..

وش الحل بارك الله فيكم ..

انا ودي ارفع الموتر شي بسيط يمكن 2 او 3 سنتي بس ..

[شيفرولية]

هلا اخوي حياك الله بين اخوانك .. بالنسبه للهمر مالي علم فيه لاكن اذا على كلامك انه مسمار فيه قطعه سعرها حلو تطلبها من امريكا

ترفع لك الوجه يمكن 5 سانتي .. وان شاء الله الشباب بيفيدونك فيها

واصبر عليهم شوي انت عارف ويك اند الحين مايبين احد :p

وحياك الله مره ثانيه

[Hummer]

تسلم لي يالغالي ..

انا مشكلتي هي بالمسمار الي على اليسار مصدي ومعيي يرتفع ..

لكن جهه اليمين يرتفع تمام للمستوى المطلوب .. لكن متوهق مع المسمار الي يسار وش الحل معه بارك الله فيك

[abu-bader]

يفيدونك الشباااب

up

[شيفرولية]

هلا اخوي همر .. انا فاهم مشكلتك .. المسمار حق التوازن اللي يرفع مصدي .. واذكر اخوي عاشق z71 يوم طلب القطعه اللي ترفع الموتر
كان فيه عنده شي مصدي اللي هي القطعه اللي تركب في عمود الالتواء وراح المخرطه وفكوها بالغصب وركبوا له القطعه الجديده .. بامكانك تفك القطعه كامله وتوديها مخرطه عشان يضبطونها لك ويرجعون يركبونها .. واذا انت بتفك فك الجهتين مع بعض عشان تضبط امورك .. وانتظر ردود الشباب ماشاء الله فاهمين السالفه هذي لاني ماقد جربت سياره ترتفع بهذي الطريقه ..
والله يسهلها عليك يارب

[شيفرولية]

اخوي خذ هذا الموضوع ان شاء الله يفيدك

http://gmctruckclub.com/vb/showthread.php?t=313

[Hummer]

الله يعطيك العافيه ياخوان وبانتظار الجواب الشافي من اخوي عاشق z71

[Hummer]

اخوي خذ هذا الموضوع ان شاء الله يفيدك

http://gmctruckclub.com/vb/showthread.php?t=313


لاهنت يالغالي لكن انا ماحتاج القطعه هذي .. لان المسمارين لو يرتفعون كلهم بدون مشاكل بيكون كل شي اوكي وبيكون مستوى الارتفاع مرضي تمام الرضى ..

مشكلتي الان تكمن في كيفية حل مسمار الرفع الايسر اذا كان فيه صدى ؟!

[bader787]

جرب بخاخ الصدأ

[الهبس]

ما اشوف صعوبه بالموضوع

جرب بخاخ الصدا واذا مافاد غير المسمار بكبره

لها عدة طرق لكن جرب الورشه الزينه

[فيصل الخالدي]

مستعد تطلبها من امريكا اجيب لك رابط

التعليق تعليق امامي 2500hd ومن ورا 1500

من قدام تشتري مفتاح 1500 وتبدله بحق الوكاله وبيرتفع

[عاشق z71]

هلابك اخوي :

شف اذا انت مشكلتك بس تبي تشد المسمار فقط عشان يرتفع ..؟؟؟


لازم تروح للورشه ويفكون الكمر كامل << الكمر الي هو الحزام الحديدي العرضي الي يربط بين الشاصين بالعرض << هو نفسه الي فيه المفاتيح والمسامير حقت الشد


يفكونه كامل من المقص ويودونه بكبره عند المخرطه
وعلى طول بالتصخين تلاقيه انشد او ارتخى بكل سهوله



اما اذا كانت مشكلتك انك تبي ترفع زياده على المقدار الي يرفعه المسمار ..
كذا لازم تشتري نفس القطعه الي انا ركبتها الي شفتها بالرابط

او مثل ماذكرلك فيصل الخالدي .. وهو انك تروح تشتري من التشليح او من الوكاله

مفاتيح حقت جمس حجم 1500 وتركبها عندك وراح يرتفع زياده عن مقدار المسامير لحالها


ملاحظه : اشتري بخاخ صدا اصلي وتعال اليوم الاول وغرق المسمار مع المفتاح واتركه يوم كامل
وتعال اليوم الثاني وكرر الحركه

ان فتح كان بها

مافتح معك

قبل لاتوجه للورشه رش عليه محاوله اخير وحرك للورشه

1: قيمة فك الكمر كامل من 100 ريال 200 ريال
2 : الوقت تقريبا لفك الكمر من 45 دقيقه الى ساعه وربع بالكثير
3 : مقدار رفع المسمار لحاله حدود 3 سنتي تقريبا


بالتوفيق عزيزي ...

[Hummer]

الله يعطيكم العافيه ويجزاكم خير ..

بجرب حلولكم ان شاءالله

[طير شلوا]

السلام عليكم
اخوي خل الورشه يفكون كل المسمارين وغيرها جديده راح تلاقيها عن المهيدب
او اي محل مسامير بس انتبه لايكون تجاري خذ امريكي
واذا تبي ورشه حلوه للترفيع والتنزيل فيه بالصناعيه القديمه اسمها ورشة الموسى
الموسى شغلهم اوكي وفاهمين لكل السيارات
هاذا الي عندي اخوي اتمنى اني افدتك

[ك 1]

وهم صادقين لازم تغير ؟ المســــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــمار ؟

[خالد الغامدي]

حط عفريتة في جنب السيارة الايسار وفك المسمار الين يطلع من مكانه وغير المسمار ورش على مكانه بخاخ صدا

[فيصل الخالدي]

مايطلع المسمار يا خالد بالطريقه الي تقول

اسمع العلم المسمار اشتر زيه جديد من الوكاله لان هالمسامير يجي عليها ضغط مب طبيعي

فك المسمار باي طريقه عندك 3 بخاخات تساعدك

deezee موجود بساكو ب15 ريال بخاخ WD40 موجود فالصناعيه وفي ساكو ب10 الى 15 ريال وبخاخ ابو جمل حق الصداء جربهن كلهن واذا فكيت المسمار نضف خانته بالبخاخات ذي وبعد ماتحط المسمار وتشده وتوزن الموتر صح حط شحم عليه عشان مايصردي من جديد

[خالد الغامدي]

ايطلع المسمار يا خالد بالطريقه الي تقول

اسمع العلم المسمار اشتر زيه جديد من الوكاله لان هالمسامير يجي عليها ضغط مب طبيعي

فك المسمار باي طريقه عندك 3 بخاخات تساعدك

deezee موجود بساكو ب15 ريال بخاخ WD40 موجود فالصناعيه وفي ساكو ب10 الى 15 ريال وبخاخ ابو جمل حق الصداء جربهن كلهن واذا فكيت المسمار نضف خانته بالبخاخات ذي وبعد ماتحط المسمار وتشده وتوزن الموتر صح حط شحم عليه عشان مايصردي من جديد

فيصل انشهد انك كفوووووووووو

[صياد النسور]

انا ما اعرف شكل هذا المسمار بالضبط
لكن مالك غير بخاخ الصدأ
او التسخين
الشغلة مو صعبة
بس شف ورشة تكون مع مخرطة سوا وهم يفكونها ولهم خبرة فيها