البلووف تعبانه والزيت يقلب لونه

[متعب المعاميل]

السلام عليكم ورحمه الله وبركآته

كيف الحآل ياشباب ان شاء الله طيبين وبخير

قريت موضوع هنا بالمنتدى يقول الموضوع

ضع راحه يدك على الشكمان اذا شفطها ثم ابعدها

ترا بلوف المكينه ماش

وسويتها وطلعت مثل مايقول

السؤال هنا

تغيير بلوف المكينه كم تكلف وشنهي قطع الغيار .. ؟؟

وهل فيه ش ثاني اغيره .. مع البلوف ؟؟

وفيه مشكله ثانيه .. :)

الزيت يقلب بونه على طوول .. وش الحل .. ؟؟

قلت يمكن من ان الزيت اللي انا اعبيه ماش

واصب فيه اللي ب 35

وقلب لونه مثل خويه وانا ماتعديت الـ 300

بأنتضآر آرآئكم وأقترآحآتكم

/

[ابو خطاب]

1- وش اخبار السيفون غيره؟
2- مع السيفون صب زيت غسيل مكينه خله 10 دقايق ثم كبه عشان يشيل كل شوائب وترسبات بقايا الزيوت القديمة.
3- بعدها تمتع بنقاء زيت محركك.
4- اوزن البلوف وان ما نفع صنفرها قبل تغيرها.

[بن دريويش]

مااقصر معك ابو خطاب
عضو مجلس الإدارة ومشرف ورشة الأعطال والصيانة

مشررف الاعطال و الصياانه

[شقران]

مع كلام ابوخطاب ..

والاسعار لاتخاف الكلاسيك اسعاره معقوله ..

[حمرين]

اما البلوف ماعندي خبره لكن الغسيل مجرب ومزبوط

الله يقدم لك الي فيه الخير

[كبسولة 2]

السلام عليكم ورحمة الله وبركاته

أخوي بالنسبة للبلوف في الجمسات القديمة تحتاج فقط جلد ووزن

وبالنسبة لقلب لون الزيت إلى أسود هذا شئ طبيعي في السيارات التي تعمل بالكربريتر

ولا داعي لتغير البلوف ولا تخاف منها أبداً أبداً

وأنصحك بعدم غسيل المكينة بزيت الغسيل الموجود في البناشر أنتبه منه

فسوف يعدم عليك المكينة بعد فترة وراح يطلع دخان أزرق مع الشكمان تبويش

[بن غييثات]

ابوسند

تغير لون الزيت عادي .. الي يقولك مايتغير هذا موسوس

لابد يكون فيه شوائب بالمكينة ولا يكون نسبة الاحتراق مو بدرجة مثالية و 100%

وبالنسبة للبلوك فهي مهيب تجامل وباعطيك كم شغلة جربها ورد على

لاقمت يوم لصلاة الفجر ورجعت بدرى على شقة النور .. يعني الجو بارد شوي فشغل الموتر

لاحظ شكامينه كانها تدخن زراق ولا بياض فهذي جلد بلوف

هل الموتر مهوب صافي وفيه تفتفة مو طبيعية توصل لان المكينة قداك ترج على كراسيها

هل طلع لك صوت تكيات البلوف .. تك تك تك

الى سلمك الله من هالشغلات فلا عاد اشوفك حول الشكامين :)

[متعب المعاميل]

ابن غييثات

كلامك مضبوط

اذا شغلت الموتر يطلع من الشكمآن دخان ازرق

وذا ثبت السرعه على 40 مثلا

ثم عطيته فجأه يضعف عزمه وبعدين يشد معي

واسمع فيه اصوات تك تك تك مثل ما قلت

لكن اسمعها من تحت الغماره اضن انها جلد البدي الا اذا صححت لي المعلومه

وش السواه .. ؟؟

بأنتضارك يابن غييثات

[بن غييثات]

ابوسند الخان الي تقول عليه غالبا يكون ضعف بالمكينة .. يعني المكينة بداية تبويش

واكيد ان الموتر بهالحالة ينقص زيت ..

وانا اشوف بعض الميكانيكية يقيسون عمر المكينة الباقي بانهم يفتحون غطاء الكلبريتر

ويدبل للموتر بكم دعسة .. كان المكينة بخرت ( يعني طلع بخار) مع الكلبريتر

فالمكينة مقبله على توضيب ..

على العموم تعال الاجتماع والكشفية بخمسين :)

ويمكن بعد ابوخطاب يجيب العدة والجحوش ونسقط لك شنبر

فيما العيال يتقهوون

[متعب المعاميل]

الله يستر منك يابن غييثات

وترا الدخان اذا شغلت بــس

وانا ماشي مايضهر دخان نفدآك

[بن غييثات]

ياخوي قلت عند التشغيل

ما انتبهت

هالدخان لايهمك

هذا الي وضبها ماركب جلد بلوف اصلية فصار الزيت ينز مع البلف لغرفة الاحتراق عند الوقفة من اي مشوار .. واذا شغلت الموتر يدخن نتيجة حرق هالكمية الي هربها البلف ..

ثم يصفى ..

التبويش ان شاء الله ان بعيد عن مويترك وانت بعيد عنه لكن علاماته الي قلتلك قبل كم مشاركة

نقص زيت + دخان ازرق مع الممشى + تبخير مع الكلبريتر

[مصلفدز]

عيني عليك بارده يا دكتور / بن غييثات

ان طعتني اما توضيب كامل ولا شوف لك مكينه بيوك 305 وكبريتر كهرب ب2000 ريال وسقطها وخل ال 454 في الكراج اصرفلك

::

يفيدونك الاعضاء ان شاء الله

::
موفق ان شاء الله

[بن غييثات]

يارجال لاتروعه

انا كنت احسب دخنة موتره تعجعج ..

لاجيت يابوسند نتفاهم .. بنسقط لك على قولة مصلفدز مكينة بليزر 350 تسمع حنتها بالقطيف وانت بالدمام

[مصلفدز]

لا انشاء الله موتره مابه الا العافيه
انا اقوله من باب التذكير خخخخخخخخ لايستخدمه يوميا
بس والله كثر ما اسمع واشوف ربعي تحصل معهم هالمشاكل يغير جلد بلووف وترجع مشكله ويفك ويركب ويسقط شنابر ويشتغل لين يفضي جيبه واخيراً يقتنع لازم يبدل المكينه ويشوف غيرها
:
:

اذا دخان ابيض بهذا والله اعلم ان الموتر يخلط زيت مع ماء
اما دخان ازرق فهذا والله اعلم انه تبويش يبيله شنابر وبلوف
اما دخان اسوود فالكبليتر والبواجي والفلاتر يبيلها شغلات بسيطه


وان شاء الله موترك يبيله شغلات بسيطه ويصير تمام :)

http://www.up-00.com/oqfiles/S1235632.jpg (http://www.up-00.com/)


موفق ان شاء الله

[متعب المعاميل]

ابشرككم

وديته عند حـسـن البنيوسي بالثقبه

وقآل

لآزيم يـبـيـت من شـآن اشـوف الدوخآن

قال ابشر يازول يبيت

يوم جا اليوم واجيه

قـال دآيـر عندك ربلآت بولوف تعبآنه

قلت يعني ماهي مقبله على تبويش قــآل لآ

واروح اصلي ركعتين واحمد ربي .. :)

[بن غييثات]

حبيبي

اشوفك جحدت .. تروح للسوداني ولا تروح ان شاء الله للجميح

حق الكشفية ماده ماده الله لايعوقه بشر

جب معك خمسينك بالطلعة .. هذا غير القطة :)

ياحبيلك يابوسند ولو اني ماشفتك .. مبروك وجلد البلوف لا تجيها

مامنها ضرر باذن الله لكن حطها براسك لين جيت وضب بعد عمر طويل