اللقاء الكبير المرتقب في الكويت

[سعد بن قشعم]

السلام عليكم

لا اخفي عليكم اخواني الكرام ان حلم التجمع واللقاء بالرجال شرواكم ومعرفتهم حلم راودني قبل دخولي في هذا الصرح وكأن الحلم اصبح حقيقه بفضل من الله سبحانه ثم بفضلكم انتم وهنا نحن بصدد ان يقاوم اول تجمع خليجي في الكويت يضم افضل واروع السيارات الجمس الكلاسيك في المنطقه ومن هنا اخواني الرجال لابد ان يكون هناك خطه واضحه المعالم وملموسه للوصول للاهداف المنشوده والرقي والسعي الى القمه لضمان سير وفاعليه هذا المنتدى المميز بلا شك ..

بدأ التفاعل لله الحمد قوي جداً وكأن الحماس بالتشبيه بارود اشتعل من قلوب وعقول هؤلاء الرجال الذين حرصو كل الحرص
على ان يترجمو هذا الكلام الى افعال ..

رسائل كثيره وصلتني
عن الاستفسار بمكان وتاريخ هذا اللقاء فما كان مني الا طرح هذا الموضوع لمعرفه التوجه والفعاليات التي باذن الله ستقام وتفادي الاخطاء وسوء التنسيق والبعض منكم لا يعلم اني اقدم هذا الاقتراح بعد سلسله من التفاعل ورغبه الكثير بأقامه اللقاء ولا اريد ان استبق الحدث لكن ان شاء الله بالتنسق مع الاداره الكريمه سنصل بالتالي الى ارضاء كافه الأعضاء في مختلف دول الخليج ...

اخواني الرجال احيطكم علماً بان اللقاء المرتقب فالكويت ان شاء الله بحلول السنه الجديده 2011 بعد اذن الاداره والاخوه الاداريين لعده اسباب منها ...

اولاً وهو ان مده التخييم الأن في الكويت انتهت كما ان الأحوال الجويه لا تساعد على اقامه فعاليات في هذا الوقت من كل سنه

ثانياً لنجاح هذا اللقاء لابد ان تكون هناك مده كافيه اقصاها 8 اشهر لأستعداد الأخوه الكرام واصلاح الاعطال والاستعداد الكامل للمشاركه في هذا اللقاء (((( والحرص على سريان مفعول الجوازات والتأمين للسيارات ))))

ثالثا التنسيق الاداري مع كل عضو يود المشاركه وتسجيل الأسماء والربط بين جميع الاعضاء بتقنيات جديده بحيث يكون هناك تنسيق فعال وواضح للعمل على ان نجاح هذا اللقاء

رابعا اود من الاداره الكريمه ان تنسق بين الشركات الراعيه والرسميه والشركات التي تهتم بلوازم البر والتنسيق معها لزياده الفعاليات واقامه جو مناسب لمثل هذا التجمع الكبير ان شاء الله

خامسا بخصوص الدعايا والأعلان في الكويت انا من سيتكفل به وسأقوم باذن الله بالتنسق مع الجريده الرسميه او التلفزيون بالتنسيق

سادسا يقام الحفل او يقام اللقاء في منقطه واسعه وسيتم الاعلان عنها لاحقا بالتفصيل ان شاء الله وان يكون هذا اللقاء مزار تراثي كبير وحفل راقي ان شاء الله

سابعا ارجو من الاخوه الكرام(( في الكويت)) العمل على دعوه اصحاب السيارات الكلاسيكيه وتسجيل الاسماء وارقام الجوالات ويمنع منعاً باتاً تواجد السيارات الجمس الجديده ما عاد القادم من خارج الكويت ونقول له مرحبا ومسهلا

ثامنا سأقوم بدعوه ملاك الجمس في الكويت واعطائهم فكره كامله عن توجه النادي وفعالياته والحرص على ان تكون بروشورات تعريفيه

..............................

للمزيد من الاستفسار
الرجاء ارسال رساله خاصه في المنتدى او على رقم

0096566122991



اخوكم
سعد الهاجري

[خويي الجمس]

مرحبى اخوي سعد

مع اني من ملاك الشفر الجديد

ولاكن اعتبرني ان شاء الله اني من الحضور
وراح اسعى جاهدا على ان انهي مشروع سيارتي الكلاسك بأقرب وقت

وعساك على القوه والصراحه اننا محسودين على شخصك الكريم بأخلاقك

اخوك ابويوسف

[أبو بيلسان]

مشالله عليك اخوي سعد

يعطيك الف عافيه وعسى الله يقوينا جميعاً لأنجاح هذا العمل الجبار واخراجه في اجمل ثوب

واعتقد ان فترة 8 شهور كافيه جدأ جدأ لحدث مثل هذا

الله يعطيك الصحه والعافيه

لنا لقاء انشالله هناك في الكويت

تحياتي لك

[سعد بن محمد]

اششششهد انك تحريبها


ماشالله عليك الله يوفقك ويوفقك الجميع انشالله وان كاني قدرت اجي فا ابشر وعلى خشمي

[سعد بن قشعم]

خويي الجمس
الله لا يهينك على حضورك
وعلى تواصلك وكلامك الذرب

وبنتظارك يا السنافي

[الهبس]

والله يابومبارك الواحد مهما حكى عنك ماوفى
وانت رجال ابيض وجه وفزوع ومحب للخير
الله يوفقك وحنا معاك ونعين ونعاون والفتره حلوه للاستعداد والترتيب لها من ناحية السيارات الاوراق تجهيز السيارات ايضا
وانا انشاء الله من الحاظرين

[تيتشر]

اخوي سعد

فكره رائعة أتنمى أن ترى النور وعلى قولتك الإعداد الصحيح هو الأهم ,,, بالتوفيق يارب

[سعد بن قشعم]

صدقت يابو بليسان
وعساك على القوه

وافي وانا اخوك
ومرحبا والله ومسهلا بالجميع تراحيب المطر

[SILVERADO]

كلام طيب من رجال طيب وما قصرت في طرحك للموضوع وانشالله يكون لقاء طيب وعلى خير ومحبه

بس استفسار بسيط لو ما عليك أمر يعني الوانيتات مثل اللي عندي 2006 ما يشاركون ؟؟
وقصدك بالكلاسيك السيارات القديمه الكلاسيكيه ولا الوانيتات؟؟

[مطلق السلمان]

أستاذي العزيز : سعد الهاجري

السلام عليكم ورحمه الله وبركاته ،،،

أعجبني طرحك للموضوع وشدني حماسك وإصرارك على نجاح مثل هاذا الحدث وخاصة فترة الإستعداد وإبلاغ الجميع بوقت هذا الحدث قبل وقت كافي لتجهيز أمورهم وإنشاء الله أكون من الحاضرين في هذا اللقاء بإذن الله وأتمنى أن يصل عدد الجموس الكلاسيكية أكثر من ( 100 ) جمس راح يكون حدث كبير وما شاء الله من واقع أطلاعي على دولة الكويت الشقيقة يوجد العديد من الجموس القديمة ولكن بحاجة إلى إبلاغهم بالموعد.

[عفرود]

لا هنت يالذيب، تقول وتطول يابو مبارك

بس نبي نضمن موضوع العبور، خصوصا من عنده مكينة 454 مثلي ومثل كثير من الأعضاء

وش ممكن نسوي؟

[راعي البهبهاني]

قدها وقدود يابو مبارك وعساك على القوة وحنا نعين ونعاون

وبياض على وجهك ولا يهنون اخواني الاعضاء

واضم صوتي لاخوي عفرود من ناحيه العبور للمواتر الي عليها مكاين 454

هل انحلت المشكله او لا

[عاشق z71]

اولا اشكرك على اهتمامك وتفاعلك


ثانيا بالنسبه للاجتماع


نادي ملاك وعشاق الجمس والشفر الحوض ماسبق وسوا اجتماع يخص موديلات معينه ابدا


فكيف اجتماع باسم هذا النادي يخص الموديلات القديمه فقط ؟؟!!!!!!



او يمكن انا مافهمت عليك يالغالي بحيث ان هالاجتماع ليس تحت مسمى نادينا
مع العلم ان باقتراحك الموجه للنادي . لم تحدد نوع او فئه معينه خاصه بالاجتماع

ارجو التوظيح بهذا الامر


ولي عوده انشالله


بالتوفيق

[سعد بن قشعم]

ما عليك زود يابو محمد
والله لا يهينك ولا قصرت
ولازم لازم حضورك

[سعد بن قشعم]

عساك على القوه
يا الهبس

وماهي غريبه عليك
وافي وانا اخوك
ولا قصرت

[سعد بن قشعم]

تسلم اخوي
تيتشر

راح ترى النور بتواجدكم

[سعد بن قشعم]

Silverado

حياك الله وسعيد بتفاعلك يا السنافي
وودي اطرح نقطه مهمه وهي
ان اذا كان اللقاء يضم سيارات جديده
وش الفايده من اللقاء ؟

يعني السيارات الجديده والشكل الجديد معروف عند الناس
ويشوفونه كل يوم واذا زاد عدد هالسيارات فقد اللقاء رونقه وجمالياته بصراحه

واقصد بالسيارات الكلاسيك الوانينات من موديل 87 وتحت

واللقاء بيكون في بيت شعر كبير وحفل مميز ان شاء الله
فحرام نصف السيارات الجديده ونفقد جماليات الصوره

[سعد بن قشعم]

مطلق السلمان

اضمن ان شاء الله حضور المشاركين بالسيارات الكلاسيك الوانيت الى هالعدد اذا الله راد

[سعد بن قشعم]

عفرود

بسأل في الموضوع وارد لكم خبر
لكن احتمال والظن كبير ان مافيه اي مشاكل ان شاء الله

[سعد بن قشعم]

راعي بهبهاني

ووجهك ابيض

وابشر بشوف لك الحل ان شاء الله
وبعطيك الخبر الاكيد

[سعد بن قشعم]

عاشق z71

حياك الله يا شنب
ياليت تقرا هالنقطه اللي كتبتها

:)

سابعا ارجو من الاخوه الكرام(( في الكويت)) العمل على دعوه اصحاب السيارات الكلاسيكيه وتسجيل الاسماء وارقام الجوالات ويمنع منعاً باتاً تواجد السيارات الجمس الجديده ما عاد القادم من خارج الكويت ونقول له مرحبا ومسهلا


وحاليا احاول اسلط الضوء اكثر على هاللقاء من خلال دعوه اعضاء مجلس الامه في الكويت ورعايتهم للحفل ان شاء الله
واذا الله قدر الله وكان احد من هالاعضاء يرعى هالحفل جزاه الله خير

وارجع واقول

يمنا بلا يسرى تراها ضعيفه .. ورجل بلا ربع على الغبن صبار

[سعد بن قشعم]

ودي اضيف نقطه هامه
وهو ان اللقاء هذا بيكون مهرجان ان شاء الله
وماهو لقاء عادي مثل كل مره

اولاَ اللقاء بيكون تحت شعار النادي هذا شي
وتحت شعار ( على غير اهلها ما تجيب راسمالها )
بحضور شخصيات قياديه وصحافه ان شاء الله وتلفزيون

منها ظهور للنادي وقفزه نوعيه للمنتدى
ومنها فعاليات لأول مره حدوثها في الكويت ويضمن مهرجاني تراثي متكامل


اي اقتراحات واي استفسار انا موجود وفي خدمه الجميع

[عاشق z71]

قريتها يالغالي ونا معك بكل شي بالعكس انا معكم

لكن ماتشوف فيها ظلم انها للكلاسيك فقط بغض النظر عن خارج المملكه او خارجها !!!


النادي هذا وضع ليشارك فيه جميع دول الخليج

مسالة اننا نحتكره على كلاسيك !!! ماشوف انها صحيحه

عموما بحول الموضوع لمدير ادارة النادي

شكرا لك اخوي سعد

[سعد بن قشعم]

عاشق z71

ممكن ما فهمت قصدي
المشاركه ممنوعه للسيارات الكويتيه الجديده فقط

عشان ما يصير تكدس ويصير اللقاء عشوائي
نبي الموضوع فيه تنظيم يا السنافي

[سعد بن قشعم]

احيطكم علماً اخواني
اني خذيت موعد

مع الشيخ احمد فهد الاحمد
بخصوص الموضوع
وان شاء الله انقل له تفاعلكم
وفكره النادي وفكره المهرجان التراثي المتكامل
من فعاليات ومن حضور

خاصه ان اهل الكويت وملاك الجمس في الكويت
متعطشين لمثل هذه الفعاليات التراثيه


.
.

اخواني اداره الموقع
ارجو اذا كان فيه اي توجه اخر او استفسار
التكرم بالتواصل الكريم من قبلكم

[طرطوس 1978]

لاهنت ياسعد وماهي بغريبة عليك
وان شاء الله ان الله قدرنا حظرنا باذن الله
انا اشوف ان ترتيبك ماعليه كلام

تقبل مروري.........

[سعد بن قشعم]

طرطوس
مرحبا بك مليون
وحياك الله يا السنافي

واتمنى حضور شرواك من الرجال

[إقهيدان]

بيض الله وجهك

[فيصل الخالدي]

سابعا ارجو من الاخوه الكرام(( في الكويت)) العمل على دعوه اصحاب السيارات الكلاسيكيه وتسجيل الاسماء وارقام الجوالات ويمنع منعاً باتاً تواجد السيارات الجمس الجديده ما عاد القادم من خارج الكويت ونقول له مرحبا ومسهلا



افا ليش؟

وشبلاكم علينا

انتم الماضي وحنا المستقبل

[سعد بن قشعم]

ووجهك ابيض يا قهيدان

[سعد بن قشعم]

فيصل الخالدي

مرحبا بك ومسهلا

وانا الحقيقه اعطي اقتراحات وخطه واضحه
اذا قبلتها الاداره او حابه تضيف عليها اي شي

انا مجرد مجتهد

والامر الاول والاخير للاداره

[راعي سنجار]

فيصل الخالدي

مرحبا بك ومسهلا

وانا الحقيقه اعطي اقتراحات وخطه واضحه
اذا قبلتها الاداره او حابه تضيف عليها اي شي

انا مجرد مجتهد

والامر الاول والاخير للاداره



وافي وافي يابومبارك ..

وان شاء الله يتم ذا الاقتراح .. لانه اقتراااااح رائع ويكفي شوفة الوجيه الطيبة اخوانا بالكويت ..


.. وانا اشكرك على المدة الكافية والمنطقية حتى يتم المخطط له بشكل رائع ونجاحه يكون بالشكل المطلوب


كل الود

[الدغيم]

اخوي سعد ابيض وجه على الفكره الممتازه

بس فيه مشكلة راعيين الوانيتات المكينتها 454 راح يعانون من مشكلة بدخول الكويت وانا مجرب

بالتوفيق للجميع

[سعد بن قشعم]

G m c 2006

تسلم طال عمرك
هذا العشم

الله لا يهينك
ولا قصرت

[راعي صملة]

الغالي ابو مبارك

لاهنت وكفيت ووفيت

احيي فيك حماسك وحرصك واشكر لك جهودك في اقتراح الاجتماع والتنسيق له من الان

وما يخفاك ان الموضوع كبير ويحتاج له بحث وتشاور ودراسة من كل النواحي

واحب اطمنك ان الكل متحمس سواء الاعضاء او الادارة وعندهم استعداد وان شاء الله في اقرب اجتماع للادارة بيكون المقترح على طاولة النقاش وراح نوافيك بكل المستجدات في حينها

دمت بخير وسلامة

[بهبـGMCـهان]

الله يعطيك العافيه اخوي سعد
والله يقويك ان شالله
وان شالله اني من ضمن الحظور بأذن الله

[سعد بن قشعم]

الدغيم
تاكدي ان راح اعطي الشباب الخبر اليقين بسالفه المكينه وحجمها ان شاء الله

ولاهنت على التفاعل يا السنافي

[سعد بن قشعم]

راعي صمله
حياك الله
وسعيد بذا التجاوب والحماس اللي فيكم
وانا منكم ولكم وما لي غنى عن ارائكم واقتراحاتكم
وكل الموضوع اني احاول اضيف بصمه قويه للنادي في الكويت
وتأكد اخوي راعي صمله اني اعين واعاون
وانا مابي من الاداره الا الحضور ((( فقط لا غير )))

المكان وأيجاره علي
وانتم ضيوفي وانا تحت أمركم باللي تامرون فيه

ابي تنسيق لا اكثر
وابي فزعه اخوان ورجال
والعشم بالله كبير ثم فيكم


والدعم ان شاء الله القاه من الشيخ احمد فهد الاحمد
ان شاء الله ما راح يقصر واذا تم كل شي على ما تمنيته
بيكون حدث كبير ان شاء الله

[سعد بن قشعم]

نقطه هامه جدا يا رجال
الشركات اللي مثل السنيدي للوازم البر والاشيا ذي
مهمتكم

ياليت اذا فيه تنسيق مع بعض الشركات او الافرع في الكويت
ويكلموني عشان انسق معهم

[سعد بن قشعم]

مرحبا والله ومسهلا اخوي بهبهان جمس

وابرك والله الساعات كلها

[chevy c10 85]

كفو ياكحيلان اردي فعايلك يابومبارك وابشر بالسعد وان شاء الله يكون
بينا تنسيق ونقوم بهالاجتماع علي اكمل وجه ومثل ماقلت يمنا بلا يسري تراه ضعيفه واهل المملكه غالين يابو مبارك ودنا بشوفتهم وجمعتهم

[تناهيت]

قواك الله اخوي سعد فكرة رائعه راح تضيف للنادي الشيء الكثير فهمت من التجمع ان الطابع الأساسي سوف يكون تراثي كلاسيكي بحت وهنا يجب ان تضمن والضامن الله ان العدد يكون كبير لنجاح المهرجان كما فهمت ولا يمنع ايضا من اضافه الجموس الجديدة بأي طريقة او تنظيم يتبع له مسيرة تكريم ربط حاضر جي ام بماضيه .....الخ .

تحياتي

[راعي سنجار]

عاشق z71

حياك الله يا شنب
ياليت تقرا هالنقطه اللي كتبتها

:)

سابعا ارجو من الاخوه الكرام(( في الكويت)) العمل على دعوه اصحاب السيارات الكلاسيكيه وتسجيل الاسماء وارقام الجوالات ويمنع منعاً باتاً تواجد السيارات الجمس الجديده ما عاد القادم من خارج الكويت ونقول له مرحبا ومسهلا


وحاليا احاول اسلط الضوء اكثر على هاللقاء من خلال دعوه اعضاء مجلس الامه في الكويت ورعايتهم للحفل ان شاء الله
واذا الله قدر الله وكان احد من هالاعضاء يرعى هالحفل جزاه الله خير

وارجع واقول

يمنا بلا يسرى تراها ضعيفه .. ورجل بلا ربع على الغبن صبار



ولاتهون يابومبارك ودي اوضح نقطه هنا مهمه
يمكن تكون إشكال على بعض الشباب

يا شباب ابومبارك حدد ان الجديد من السعودية مرحبا ومسهلا
وأضيف بعد إذن ابومبارك والشباب ايضا باقي اهل الخليج (قطر الامارات البحرين عمان ) برضو مرحبا ومسهلا :d

ومن وجهة نظري وخبرتي المتواضعة بالكويت الشقيقة اعتقد ان بومبارك اقتصر الكويت على الكلاسيك فقط
لان لو بيفتح الباب للجديد فالكويت راح نشوف العجب العجاب

ما شاء الله عليهم ولا يهونون جميع أهل الخليج بالكويت تحصل في كل شارع وفي كل لفه بتشوف واحد جديد لازم لازم :d:d:d

[بندر]

لا هنت يالذيب، تقول وتطول يابو مبارك


بادر طيبه