خبرتكم ورايكم يا اهل الخبر

[شمالي]

السلام عليكم ورحمة الله وبركاته

اتمنى ان يكون الجميع بأتم الصحة والعافيه

طالب مشرتكم

وش افضل قير عادي يركب على جمس حوض 83 مكينة 350

وهل اقدر اركب قير 4 او 5 نمر ووش نوع هالقير

وش الاشياء اللي لازم اغيرها علما بأن القير الحالي اوتوماتيك

وشاكر لكم

[بـلـيـهـان 1]

تبي عزم و راحه و ممشى .. ركب قير 3 نمر رقم القير 21 سعره تقريبا 800 ريال .. من افضل القيور المجربه حاليا ً

غير سعر القير احسب سعر الكلتش كامل

و سعر شغل اليد للتغير

و سعر قص فتحه للسياره من تحت و ترهيم بعض الاشياء البسيطه ..

عموما سعر الترهيم و التبديل من توماتيك الى عادي يترواح تقريبا 2000 ريال .. أو دون شوي

[متعب المعاميل]

قير 21 بيعطيك اداء افضل على الزفلت

لكن بالرمل .. لا تدوره انا مركبه ومجربه

لانه يعطي الموتر نفس طويل

وان كانك رجال تحب البر

ركب قير 17 على شان يحكر معك صـح

مما يعطيك اداء افضل على الرمل

بالنسبه لسعر الكلتش 450 صحن ودزق اسي ديلكو

واذا تبي جي ام تلقاه بكرستال ب 800 ريال

مثل ما قال اخوي بليهان بتكلفك السالفه حدود الـ2000

كل الود ,,,

[شمالي]

تبي عزم و راحه و ممشى .. ركب قير 3 نمر رقم القير 21 سعره تقريبا 800 ريال .. من افضل القيور المجربه حاليا ً

غير سعر القير احسب سعر الكلتش كامل

و سعر شغل اليد للتغير

و سعر قص فتحه للسياره من تحت و ترهيم بعض الاشياء البسيطه ..

عموما سعر الترهيم و التبديل من توماتيك الى عادي يترواح تقريبا 2000 ريال .. أو دون شوي


اخوي بليهان1 ما قصرت
بس وين نحصل هالقير لانه قليل
وبالنسبه لفتحة عصى القير موجوده لان الموتر كان عادي والشايب اللي انا شريته منه قال انا ما اقدر على العادي وحوله لتماتيك القير 4 نمر ولما جيت اغير الفلتر حقه قالولي ان رقمه 400

اللي انا ابي اعرفه هل القير ال400 يتحمل الطعوس لاني من شريت هالجمس ما جربته غيرر مره وحده ولا طولت عليه
وكنت اشوفه زوين
وياليت لو تعطيني معلومات اكثر من ناحية اداء القير التماتيك 400 على مكينه 350

وما نستغني عن خبرتك ولا يهونون الربع

[شمالي]

قير 21 بيعطيك اداء افضل على الزفلت

لكن بالرمل .. لا تدوره انا مركبه ومجربه

لانه يعطي الموتر نفس طويل

وان كانك رجال تحب البر

ركب قير 17 على شان يحكر معك صـح

مما يعطيك اداء افضل على الرمل

بالنسبه لسعر الكلتش 450 صحن ودزق اسي ديلكو

واذا تبي جي ام تلقاه بكرستال ب 800 ريال

مثل ما قال اخوي بليهان بتكلفك السالفه حدود الـ2000

كل الود ,,,


ابو سند يا بعد قلبي والله
القير اللي انا ودي فيه يكون ينفع للبر والمسافات الطويله لاني ما اعرف اسافر غير فيه

وبالنسبه للقير 17 اخاف يخلي الموتر له حنه

وما قصرت يا بعدي

[بـلـيـهـان 1]

التوماتيك حلو و مريح ما أحد يختلف عليه

تبي النصيحه الي ما بعدها كلام

رح نسم كفراتك و جرب في الطعوس كانه عجبك خلاص يكفي حلو كويس ..

ما عجبك .. رح غيره قير عادي .. و أنتهينا

ولا شرايك

[Sierra Denali]

اخوي الشمالي القير اللي عندك ممتاز اللي هو التوماتيك الـ 400 جداً ممتاز لدرجة ان اهل السباقات يركبونه وهو بصراحة قير مايتفوت ولو بتغير لعادي لاتركب الا قير خمس نمر علشان يعطيك عزم للموتر ولاتسمع له حنه بس انا لو مكانك اضل على نفس القير, واذا انت شايف ان القير محتاج زيادة تقوية ممكن انه تحط له ترانزقو وشفت كت وهذي قطع تتغير جوا القير تقوي من قومته بس انه يصير اخشن شوي بس رأيي ان يبقى الحال كما هو عليه قيرك ناس كثير تحلم تقدر تركبه اولهم انا ..