وما على الله بعيد (( كل يصيف في مكانه ))

[ابو خطاب]

ما أدري هل سبق وأن سجلت المملكة حالة عدم استقرار في مثل هذه الأيام


أتمنى ممن لديه علم أن يفيدنا وله جزيل الشكر والدعاء


وما على الله بعيد (( كلاً يصيف في مكانه )):257[1]::43757.imgcache[1]:
الاجواء تغيرت والان الي انعرفه ويعرفونه كبار السن
ان نجم الثريا طلع
ومعنها ان السماء تكون صافيه لا غيم ولا عج
هل المناخ تغير فعلا ؟؟
وهل هذي علامات ان جزيره العرب سوف ترجع الي ما كانت عليه
مروجا وانهار كما ورد عن الحبيب المصطفي
اجواء حفر لباطن غيم ورعود ماشاء الله
ارجو من لديه المعرفه انه ينورنا
الله لا يهينكم
شيباننا مستغربين وما عندهم الا السالفه هذي
وكل واحد منهم ماسك الرادو يسمع فيه وشوشه البرق يذكرونا بايام الوسم الله يجبيه علي خير

[شفر 454]

أتشــرف بإن أكــون أول واحد يرد

:43513.imgcache[1]::43513.imgcache[1]:

وماعلى الله شيء كايد سبحانــه

زلازل قبل فتره على العيص

والآن وجود الغيوم

قدرة الله في كونـــه

[chevy c10 85]

الله يستر بستره ويكافينا الشر ياعساني اموت ولا اشوف فتنه الاعور الدجال كثرت العلامات وانا اخوك جزيره العرب تخضر وقبل كم يوم بركان والجو وتغييراته امس الظهر مطر الساعه ثنتين ونص انا مو مصدق عيوني واليوم غيم هذا غير التغييرات اللي حصلت بالبشر انفسهم والبنات صارو كاسنام البخت وهذي ذكرها رسولنا عليه افضل الصلاه والسلام دليل علي قرب قيام الساعه اللهم احشرنا مع الصديقين والشهداء والابرار بجنات الخلد يارب العالمين ورحم موتانا وموتي المسلمين

[محب عنيزة]

فعلا امر في منتهى الغرابه


اليوم الجوا عندنا غيم ويوم الثلاثاء مايقارب الساعه 11 بالليل تنقييط خفيف وتاقف


لكن ما أقول الا الله يريدبنا خير



الف شكر أبوخطاب لتطرقك لهالموضوع


ياليت اللي عنده علم عن الاحوال الجويه هذي الفتره


لايبخل علينا

[متعب المعاميل]

الله يستر الله يستر

متابع ب صمت

[بن غييثات]

انا اقول سحابة صيف

[رفرـف سديرـر]

نسال الله لطفه :)

وانا ساكن بالشرقية وودي بس اسبوع يمر على خير ،،

يما رطوبة والا عج والا براد وش زينه

صدقني الفصول الاربعه تلقاهن باسبوع !!!

(( صيفنا في جامعتنا احلى ))

< شطح

[فيصل الخالدي]

صاز الشيبان مستغربين مره واليوم وامس فيه غيوم فالخرج ولاهنا مطر لكن رطوبه وكتمه شوي

[عاشق z71]

وقبل شوي قسم بالله بغيت اسوي حادث عند دوارات الثمامه

ماشي بامان الله شوي جت هاك العجه الي اخر شي اشوفه هو زاوية موتري وخفت اصك فرمل يجي واحد يشمع فيني دليت اهدي واخذ يمين وخلال ثانيه والقى موتر نفس وظعي وقف بنص الخط والله ستر ووخرت




واخر شي مادامت اكثر من 30 ثانيه ورجع الجو غبار عادي بالسما فوق


فعلا اجواء غريبه

سبحان الله
والله يرحمنا برحمته

ويبدل هالغبار بامطار خير يالله يارب

[ابوعقل]

الله يكتب اللي فيه الخير ان شاء الله

عاشق

الحمد لله على السلامه

[شقران]

الله يجيب الخير يابوخطاب ..

[بن دريويش]

الأجواء عندنا

حر

سموم

رطوبه

شمس

لواهيب

الحمد لله

[راعي شعيلان]

يا اخواني اكثرو من الاستغفار
ولاتعليق