الي في الرياض

[GMC-CLASSIC]

اخواني الاعزاء اعضاء نادي عشاق و ملاك الجمس والشفر الحوض
السلام عليكم ورحمة الله وبركاته

اولا : انا نويت اصبغ الجمس سماوي وش افضل رقم للبويه ؟

ثانيا : نويت احوله من جمس الى شفر وين الورشه الي يظبطونه مع البويه في الرياض وتكون مختصه بالجمس


ياليت تفيدوني الله لا يهينكم

[بـلـيـهـان 1]

اهلا و سهلا فيك اخوي .. من ناحيه ورش الصبغ فيه عندنا في الشرقيه كذا ورشه ان بغيتني اعطيك اسمائها و ارقامها علمني .. و من ناحيه تحويل سهله .. شبك + بعض الاكسسوارات ..اذا انه كما انت كاتب موديل 1994
اخوي انا عندي لك راي ... اذا انه 94 ورا ماتصبغه لون عودي ولا اسود ولا احمر .. يطلع جنان و سبق شفت هالألوان .. حلوه حيل .. وتحويل.. ترا الجمس احلى و فالأخير انت الحر وهاذي مجرد آراء و لكل وجه نظر وذوق

[78 سنايدي 79]

ابو عبدالله هو ما حدد الموديل (1994) ؟؟؟

:43251.imgcache[1]:

اخوي جمس كلاسيك حدد موديل موترك

وان شاء الله الشباب بالرياض راح يفيدونك

موفق خير

مع تحياتي......

[فيصل الخالدي]

العضويه رقمها 1994 هههههههههههههههههههههههههه

حدد الموديل يا جمس كلاسيك

[GMC-CLASSIC]

موديله 81 و انا مفكر ارفعه مثل الي بتوقيع اخوي سنايدي لاكن بدون دبل وين ارفعه ؟

افيدوني الله لا يهينكم

[GMC-CLASSIC]

نفس لون الي بصوره

http://t1.gstatic.com/images?q=tbn:1eZhvjqv5rZpQM:http://turki090.jeeran.com/Blue%2520079.jpg

[فيصل الخالدي]

والله اللون رايق بس اشوف لو تخليه جمس احلى ,اتوقع حتى بالاستماره صعب انك تقلبه شفر ممنوع الظاهر

[GMC-CLASSIC]

والله يا اخوي داخل مزاجي الشفر

اول مره اسمع انه ممنوع

[راعي سنجار]

والله يا اخوي داخل مزاجي الشفر

اول مره اسمع انه ممنوع


على العين والراس ياخوي جمس

بس سلامات اول مره تسمع بذا الشي

اساسا تخيل عندي بالاستمارة عندي كابريس واقول للمرور بقلب الاستمارة لومينا ..

يا رجال انا كشافات اللي باسفل الصدام مره من المرات اعطوني عليها مخالفة يقول تغيير ملامح سيارة

قلت للعسكري تعال بلاه خلف السيارة جا معي قلت وش مكتوب اسم السيارة قال كامري قلت حلو

تعال وجهية السيارة .. انت وش تشوف السيارة هذي قال كامري قلت وين تغيير الملامح

ياخوي اذا واحد مسوي جرية واعتبرت انها تغيير ملامح فقل بالبلاغ كامري مركب كشافات

بعدين بأفخم نوع بالكامري فيه كشافات

قال والله هذا النظام ؟؟؟؟؟؟؟؟؟؟


فما بالك اخوي جمس تقلبها من جمس إلى شفر !!!!!


كل الود ياغالي

[تيتشر]

اقترح تصبغه بيج ( حليبي ) او ابيض

[78 سنايدي 79]

من ناحية الاستمارة مستحيل يقلبون الجمس شفر

ولكن انت بامكانك تقلب الوجهية وباب الصندوق والاكسسوارات شفر

ولا راح يقولون لك شي

لاني دايما اشوف الونيتات والصوالين الشفر يقلبونها جمس (العكس)

وذلك لكثرتها بالتشاليح واماكن قطع الغيار

مع تحياتي ....

[GMC-CLASSIC]

لاهنتو على ردودكم

لاكن السوال وين الورشه الممتازه في الصبغ ؟

يمديني ارفعه مثل الي بتوقيع اخوي سنايدي و وين ؟

و اكون شاكر لكم

[ابن مشعل]

السلام عليكم ورحمة الله وبركاته

أخوي أنا بعطيك وجهة نظر شخصية

أنا ضد التغيير من جمس إلى شفر أو العكس

ممكن تغير شبك موديل 85 أو وجهية سوبربان 90

لكن لا تغير هوية السيارة..... والجمس أحلى....

وبالنسبة للون السماوي اللي أنت تبغاه

http://up.arab-x.com/Mar10/Da926470.jpg

هذي الدرجة من اللون أشوفها مناسبة للسبعينات

أما الثمانينات تغيرت ونزلت درجات ثانية من الأزرق

http://up.arab-x.com/Mar10/5oP26470.jpg


وشوف هذا المقطع بيعجبك:


http://www.youtube.com/watch?v=yaeiPZktrok


وبالنسبة للرفع شي سهل ما فيه أي مشكلة والورش كثيرة

أما البوية فيه ورش صح ولكن فيه مبالغة في الأسعار....

أنا أرش عند الغامدي في شارع الجمعية بالصناعية القديمة

مقابل مركز السفريات ( ابن مرضاح )

وشفت لهم تطبيق اللون الأحمر أكثر من أربع سيارات وشغلهم نظيف


آسف على الإطالة وأتمنى لك التوفيق.....

[GMC-CLASSIC]

الله يكثر من امثالك

بس سوال كم اسعارهم ؟

[ابن مشعل]

الله يكثر من امثالك

بس سوال كم اسعارهم ؟



الأسعار ما أقول أنها رخيصة.....

لكن الشغل نظيف وكل سيارة حسب الشغل اللي فيها

روح لهم واعرض عليهم السيارة وخذ سعرهم

ولا تعتمد عليهم روح وشوف غيرهم وقارن....

[GMC-CLASSIC]

بحدود كم ؟
و الغامدي كم سعره ؟
و لون ال78 عاجبني كم رقمه ؟

معليش ازعجناك بكثرة الاسئله

[ابن مشعل]

بحدود كم ؟
و الغامدي كم سعره ؟
و لون ال78 عاجبني كم رقمه ؟

معليش ازعجناك بكثرة الاسئله


بالنسبة للشغل الزين حط في بالك من 6000 وانت طالع

ويختلف السعر حسب الشغل اللي في السيارة

يعني إذا تبغا ترش الدواخل وإذا فيه سمكرة ومعجون

أكيد بيرتفع عليك السعر.....

وبالنسبة لرقم البوية ما أعرفه وانا أخوك.....

[العسلي]

السلام عليكم ورحمة الله وبركاته
احب اقولك حاجه ولا يهونون الي قبلي سوالي براسك وماعليك من احد وذاعلى الاستماره مايحتاج المتعارف فيه الجمس والشفر واحد بس فرق علامات انا ناقل استماره الون احمر والسياره ابيض ومديل السياره 79 وبلستماره 81 فاعاااادي جدا بلونيتات مايدققون ربعك على الورشه الصناعيه القديمه ونت عند السالم وجهك شمال تعد الاشاره بيجيك على الايمين عماره مسجل عليها العضيب ادخل من عندها يمين سيده اول ملف خله الثاني يمين سيده اول تقاطع تعده قبل ماينتهي الشارع حرف تي شفها على اليمين ورشة الطيف شغل ونيتات والون اذا حبيت اركب لك سماوي راسلني وبشر من هوياتي تركيب الواان وااااسف على الاطاله بلحديث ولاحد يؤاخذني

[GMC-CLASSIC]

السلام عليكم ورحمة الله وبركاته
احب اقولك حاجه ولا يهونون الي قبلي سوالي براسك وماعليك من احد وذاعلى الاستماره مايحتاج المتعارف فيه الجمس والشفر واحد بس فرق علامات انا ناقل استماره الون احمر والسياره ابيض ومديل السياره 79 وبلستماره 81 فاعاااادي جدا بلونيتات مايدققون ربعك على الورشه الصناعيه القديمه ونت عند السالم وجهك شمال تعد الاشاره بيجيك على الايمين عماره مسجل عليها العضيب ادخل من عندها يمين سيده اول ملف خله الثاني يمين سيده اول تقاطع تعده قبل ماينتهي الشارع حرف تي شفها على اليمين ورشة الطيف شغل ونيتات والون اذا حبيت اركب لك سماوي راسلني وبشر من هوياتي تركيب الواان وااااسف على الاطاله بلحديث ولاحد يؤاخذني


بيض الله وجهك و ماقصرت


شرفني مرورك

[العسلي]

عطني مهله الى السبت اجيبهاا لك ياعم اوكي الى السبت لوني فاتح موضوعك امس كان جبته اليووم لني كنت عنده اركب لون اصفرقديم لسيارتي

[العسلي]

السبت اعطيك الرقم ورح شفه عجبك كان بها ماعجبك تبدا عاد تفتحها عند المحل لين يركب الون بس انا بجيبه لك انشالله

[GMC-CLASSIC]

الله لا يهينك اخوي العسلي

[العسلي]

حبيبي عساك خذيت الرقم

[مشداد 2500]

تقبل مروري

[عبدالله بن مطرف]

الله يكون في عونك على الرش وموفق ومعان أن شالله

[GMC-CLASSIC]

اخوي العسلي اخذة الرقم الله يجزاك خير

[GMC-CLASSIC]

اخوي مشداد

شرفني مرورك

[GMC-CLASSIC]

الله يجزاك خير اخوي النبراس

شرفني مرورك