مشكلة دبل اليوكن 97 يأهل الخبرة

[bateryot]

السلام عليكم
عندي جمس يوكن 4×4 دبل زرار كان ياحليله ودبل ماشاء الله يفز فز
قطعت عليه شعيب وطلعت وطفيت الموتر ابي اتقهوة المهم
شغلت ابي اقطع هالشعيب ولا لمبة زرار الدبل تأشر مو مثل العادة
العادة تأشر الين يركب الدبل ثم تبتل شغاله
المهم الدبل الثقيل والخفيف نفس الحكاية بس يأشر
والدبل الامامي فصل
مع العلم اني الان اذا شغلت الدبل يطلع صوت انه يتحرك في القير تحت ولاكن لايشبك
الدبل الامامي
الحل ياخوان
وكذالك عندي استفسار بخصوص الكرونا
عندي يطلع لها صوت
الافضل اغير دفرنس كامل ولا بس الكرونه
وكم تكلف الطريقتان
ولكم وافر الاحترام

[عاشق z71]

بالنسبه للدبل فاكيد عندك حساس الدبل <<< وهذا هو المتوقع

او دينمو الدبل

ولاكن شيك على الحساس اول شي

شف جرب اول ماتشغل السياره هل تشتغل الانوار حقت الدبل جميعها ؟


وبالنسبه للكرونه شيك على زيتها

وبالنسبه لتغييرها ترا مايبغالها دكتور لذالك اذا حاب تغيرها لحالها عادي مبو شرط تغير الدفرنس

[bateryot]

جزاك الله خير عاشق علي المعلومة
بس انا فحصة الموتر كمبيوتر ولاطلع شي
يعني اي شي يتعلق بالحساسات راح يبان بالكمبيوتر
وبخصوص الكرونه سبب سؤالي لاني سمعت انه اذا غيرت بس الكرونه ماتطول الي وهي خربانه مرره ثانية
ومشكور علي مرورك يالغالي

[تناهيت]

كلام عاشق وارد لحد كبير شيك حساس الدبل وترى الكمبيوتر ما يطلع جميع الخربات ولا يعتمد عليه خاصة في موديلات التسعين لأن كمبيوترها تقنيته غير متقدمة مثل الــ2000 وطالع ..

وبالنسبة للكرونه الكثير ينصح بتغيير الدفرنس كامل لأن الصوت قد يعود عليه ..

تحياتي وبالتوفيق

[ابوعقل]

شيك على فيش الكهرب اللي بالدفرنس اللي قدام

تلقاه من جهة الكفر اليمين اللي قدام الراكب

فكه ونظفه وان شاء الله يزين

[bateryot]

بيض الله هالوجيه
مشكوووور علي المعلومات ياخوان
وانشاء الله ماتشوفو شر

[فيصل الخالدي]

بشر وش صار

[ابو خطاب]

السلام عليكم
عندي جمس يوكن 4×4 دبل زرار كان ياحليله ودبل ماشاء الله يفز فز
قطعت عليه شعيب وطلعت وطفيت الموتر ابي اتقهوة المهم
شغلت ابي اقطع هالشعيب ولا لمبة زرار الدبل تأشر مو مثل العادة
العادة تأشر الين يركب الدبل ثم تبتل شغاله
المهم الدبل الثقيل والخفيف نفس الحكاية بس يأشر
والدبل الامامي فصل
مع العلم اني الان اذا شغلت الدبل يطلع صوت انه يتحرك في القير تحت ولاكن لايشبك
الدبل الامامي
الحل ياخوان
تقول ما شبك بعد الشعيب . . كان الشعيب فيه طين ومويه او ريغه فتلقى دينمو تعشيق ذراع الدبل لاك ( يعني مدقرله طين ولا يبيله تشحيم عشان يتحرك بسهولة ) الاحتمال الثاني انك دخلت بشجر صغار وفكت سلك الدفرنس كما ذكر اخونا ابو عقل . . ولاكن هذا لايمنع من تعشيق الدبل حتى وهو مفكوك السلك.
اذاً يبدو ان الدينمو يبيله غسيل بستم وتشحيم دامك تقول الحساسات سليمة.
وكذالك عندي استفسار بخصوص الكرونا
عندي يطلع لها صوت
الافضل اغير دفرنس كامل ولا بس الكرونه
وكم تكلف الطريقتان
ولكم وافر الاحترام
بالنسبة للكارونة ابدء بالاسهل والاوفر:
1- تاكد من لزوجة الزيت وحط زيت تروس ثقيل مع مانع الاحتكاك الاصلي من acدلكو.
2- اذا الونه على سرعات معينه فقط وليست دائمة . معناها يمكن ازلة الصوت بضبط الخلوص بين التروس (طارة الكارونه المسنن و البنيون) وذلك بشد صامولة البنيون الخارجية ثم التجربة ان نفع ولا شد الخلوص الداخلي للكارونه.
3- تغيير فقط مسنن الكارونة + البنيون بنفس الارقام السابقة. دون تغيير كامل الكارونة.
4- اذا طحت بعليمي ما راح يقدر يضبط الخلوص وعشان يريح راسه يبي يقولك جب دفرنس كامل عشان يطبقه ويمكن حتى ولا يطالع زيته.
ارجو ان المعلومة واضحة . . واحرص على الميكانيكي الفاهم والمتخصص.

[فصلول]

[QUOTE=bateryot;6348]السلام عليكم
عندي جمس يوكن 4×4 دبل زرار كان ياحليله ودبل ماشاء الله يفز فز
قطعت عليه شعيب وطلعت وطفيت الموتر ابي اتقهوة المهم
شغلت ابي اقطع هالشعيب ولا لمبة زرار الدبل تأشر مو مثل العادة
العادة تأشر الين يركب الدبل ثم تبتل شغاله
المهم الدبل الثقيل والخفيف نفس الحكاية بس يأشر
والدبل الامامي فصل
مع العلم اني الان اذا شغلت الدبل يطلع صوت انه يتحرك في القير تحت ولاكن لايشبك
الدبل الامامي
الحل ياخوان


اخوي باتريوت اول شي سلام عليكم

اول شي شيك على الفيوزات راح تلقى فيوز مكتوب عليه 4wd اذا ماشبك الدبل معاك او سار اي مشكله بالدبل دائما ارجع للفيوز ذا تلقاه مقطوع غيره وحاول بالدبل اذا سمعت الفيوز برضو ضرب معناه انو مشكله اما بالاسلاك زي ماقالو الاخوان او في قطعه بالدبل من جهت الكفر الامامي الايمن يسموها كتاوت دبل وهذي تخرب في حاله واحده هيه تجي مغلفه بجلده ومربوطه بزي القفيز وعملها زي البستم يطلع منها ذراع للدبل ويشبك الدبل اذا دخل الزيت من جنب الجلده ذي يسير الذراع مو قادر يكبس على الدبل وعلى العلم انك تقدر تشغل الدبل بدون وجود هذي القطعه واسف على الاطاله