دعوى في تجديد واصلاح القطع بدل الاستيراد والشراء

[راعي البهبهاني]

السلام عليكم ورحمة الله وبركاته

المشاركه هذي ياشباب لتبادل الافكار ومن باب الاستفاده من القطع المستخدمه وتجديدها على سبيل المثال للديكورات الداخليه وخصوصا لملاك الكلاسيك الي عنده ديكور الطبلون رايح لونه او متقشر اكيد فيه طريقه لتجديده او فكره بدل من شراءه او طلبها بسعر مكلف ولكن مني فكره ومنكم فكره وبأذن الله نستطيع اانا نستغلها ونجددها كذلك لباقي القطع ونضرب مثال اخر بالنسبه للجموس المصفح والرفرف من موديل 81 الى 87 جلد البودي نادر مانحصل الجلد واذا وجدت يكون سعره غالي فنستطيع مثلا تركيب او ترهيم جلد للسوبر موديل 94 كما فعلت سابقا ومن هنا اطرح هذه المشاركه لتبادل الاراء وكل واحد يطرح فكرته واتمنى ان يعم نفعها للجميع

تقبلو مني اطيب وارق التحيات

[نسيم الجنوب]

الله يجزاك خير موضوع حلو انا من خلال تجربتي مع الديكور كان اسلم حل لي اني لبستة جلد الطبلون وديكور الباب ونجدت المرتبة والتندة والحمد لله صار شكلها مقبول بالمرة ولة اكثر من اربع سنين تركب تقو ل كاني منجدة امس اما جلد البودي ولفتها كاملةتبع كارس اوجمس جديد ماوقف لي الا الربلتين اللي تجي ورى الغمارة زي السبرنق اذا احد ممكن يفيدنا

[بـلـيـهـان 1]

فيه اشياء تقدر تسويها لتخفي مشاكل او سلبيات للسياره مثلاً عندك دواسه البنزين والبريك و الكلتش و خلافه .. كانت وصخه .. كيسها .. القير مثلا العمود حقه مش نظيف شي كيسه .. و ما الى ذلك .. الطبلون زي ما قال اخوي نجده او اصبغه و لمعه .. و خلافه ..

تسلم على الموضوع .. ممتاز و ايجابياته راح تكون ملموسه لرواد الكلاسيك وملاكه

[كبسولة 2]

موضوع مهم جداً بارك الله فيك

عندك الطبلون إذا متقشر وباهت لونه بأمكانك تصبغه

وتجدده فيه ورش يحطون عليه معجون لسد الكسور والصدوع بعدين يرشونه

نفس اللون القديم ويطلع كأنه جديد

عندك البواجي بأمكانك تفكها وتنضفها وتصنفرها وترجع جديدة

عندك جلد البودي إذا تعبانه ومنضغطه بأمكانك تضع فوقها قطع دائرية من لستك كفر قديم

وتشحمها وترجع جديدة وتختفي أصوات القطقطة

عندك دينمو الكهرباء بعض المهندسين الممتازين إذا خرب جيم أو صلب

يفكونه وينظفونه ويلفون عليه أسلاك نحاسية ويرجع جديد

وغيره وغيره من القطع التي بأمكانك تجديدها

أشكرك من أعماقي على طرحك مثل هذه المواضيع التي تنمي

مبدأ الأعتماد على النفس تحياتي لك

[مطلق السلمان]

أشكرك على هاذا الموضوع فعلاً لكل أمر حل ولكن على الشخص الذهاب إلى ورشة أو محل تنجيد أو كهربائي ممتاز مرة وشغلة مضمون عشان تقدر تخفي العيوب وتستخدم وأنت مرتاح نفسياً.

أخواني الأكسسوارت الخارجية مثل الأزياج والمرايات تقدر تعمل لها تلميع وتصير مقبولة.

الشبك بعد أرتفاع أسعار الشبوك للكلاسك لجأ العديد إلى صبغ الشبك مثل صبغة الجديد الأصلي يعني نفس الألوان بدل ما تشتري شبك بــ 800 أو 1000 تروح تصبغ شبك كامل بــ 300 أو 400 ومنظرة مثل الجديد بالضبط وغيرها من الأمور الأخرى.

[نسيم الجنوب]

طيب بالنسبة للمقصات والاذرعة وذراع الشاص احد يقدر يفيدنا اذاممكن تتصلح بالمخرطة او يركب شي من الموديل الجديد لان والله هالقطع الميكانيكية صارت نادرة واذا لقيتها تحصلهم مدبلين سعرها

[اناالسعيد]

أشكرك على هاذا الموضوع فعلاً لكل أمر حل ولكن على الشخص الذهاب إلى ورشة أو محل تنجيد أو كهربائي ممتاز مرة وشغلة مضمون عشان تقدر تخفي العيوب وتستخدم وأنت مرتاح نفسياً.

أخواني الأكسسوارت الخارجية مثل الأزياج والمرايات تقدر تعمل لها تلميع وتصير مقبولة.

الشبك بعد أرتفاع أسعار الشبوك للكلاسك لجأ العديد إلى صبغ الشبك مثل صبغة الجديد الأصلي يعني نفس الألوان بدل ما تشتري شبك بــ 800 أو 1000 تروح تصبغ شبك كامل بــ 300 أو 400 ومنظرة مثل الجديد بالضبط وغيرها من الأمور الأخرى.



اخي كيف ينصبغ وبكم

[مطلق السلمان]

طيب بالنسبة للمقصات والاذرعة وذراع الشاص احد يقدر يفيدنا اذاممكن تتصلح بالمخرطة او يركب شي من الموديل الجديد لان والله هالقطع الميكانيكية صارت نادرة واذا لقيتها تحصلهم مدبلين سعرها

إذا بغيت أذرعة وذراع شاصي لموديل 78-82 كلمني وأحاول أجيبها لك بالسعر اللي يرضيك لأني أخبر موجودة عند واحد من الشباب وأشوف سعرة أرخص من السوق وكلامك سليم القطع هاذي ضرورية تكون جديدة أما الترهيم فيها صعب وخطر كذلك.

[مطلق السلمان]

هلا أخوي أنا السعيد بالنسبة لصبغ الشبوك طبعاً تقدر تصبغ الشبوك تفك الشبك وتجيبه لأحد الورش المتخصصة في هذا المجال مثل ورشة الأنوار في عنك المعروفة بورشة ناصر اليماني طبعاً أول حاجة يحاول معالجة الكسور إذا وجدت بالشبك بعدين يعمل له صنفرة ولون أساس وبعدين يرشه نفس اللون الأصلي أنا عن نفسي شفت جمس موديل 83 تم صبغ شبكه أنا شفته فكرته أصلي جديد ولكن يعتمد على الشخص اللي راح يشتغل لك لا زم يجيب نفس درجات الألوان الموجودة في الشبك الأصلي عشان ما يصير فيه فرق طبعاً الشبوك البلاستك هي اللي قابلة للرش أو الصبغ.

[نسيم الجنوب]

إذا بغيت أذرعة وذراع شاصي لموديل 78-82 كلمني وأحاول أجيبها لك بالسعر اللي يرضيك لأني أخبر موجودة عند واحد من الشباب وأشوف سعرة أرخص من السوق وكلامك سليم القطع هاذي ضرورية تكون جديدة أما الترهيم فيها صعب وخطر كذلك.

الله يخليك اخوي مطلق وان شاء الله باكلمك قريب

[راعي البهبهاني]

اشكركم جميعا لتفاعلكم وان شاء الله بتكون الفائده للجميع
بالنسبه لعلبة البريك في الونيت من موديل 78 الى 81 اتوقع تجي هيدروليك (هواء) واذا تعطل نظام الهواء تعطل البريك ويلجأ الكثير الى التغيير الى باكم ولكن تواجهه مشكلة مثل ماواجهتني وللونيتات برضو الموديلات الى 87 وهي علبة البريك من الصعب الحصول على الاصليه ميه بالميه الجي ام والموجود في السوق هي الامريكي والي مايدوم اكثر من شهر واذا ضبط تحصل البريك ماهو مريح ولا يمسك وبعض المرات يخلف الله وحله ياطويلين العمر نفس العلبه تتغير وتتركب علبة كابرس من 85 وطالع الي هي الومنيوم والي يقولك في فرق بمسكة البريك او هذا لسياره صغيره والجمس ثقيل ماهو صحيح انا مركبها وصدقوني اامن بكثير من الامريكي الي بالسوق وازيدكم من الشعر بيت الي خذتها اصليه مستخدمه وقبل لايركبها غسلها بماء عادي وانا اقول بخاطري كملت وغالسها بماء قبل لايركبها بس الحمد لله الى الان شغاله ومامن مشاكل وفيها عيب بسيط ولكن مايضر وهو انها راح تكون راكبها منحنيه ولكن يبقى الزيت داخل وصدقوني الي بيجرب راح يدعي لي ويفتك من كل شوي وغير علبه بريك

فيه سؤال يالربع الديكور حق العدادات فيه هل فيه طريقه يتجدد نفس النيكل الي عليه لان عندي واحد بس رايح لونه ولكنه شبه جديد

تحياتي لكم