حل مشكلة خراب العدادات بالجموس والشفر من موديل 2003 الى 2005

[Hummer]

السلام عليكم ورحمه الله وبركاته

كيف حالكم اخواني الكرام ..

انا من المتابعين صراحه لمنتدى واعجبني ترابطكم وحماسكم مع بعض الله لا يفرقكم ان شاءالله ..

وشفت كذا موضوع لكذا عضو يشتكون من خراب العدادت للجمس والشفر

عداد الزيت او البانزين او البطارية او الحراره او حراره القير وغيرها ..

عموماً حلها بسيط جداً ان شاءالله

هذا عيب مصنعي في موديلات 2003 الى 2005 والبعض غير الطبلون كامل بمبلغ وقدره !

والشغله مو مستاهله نهائياً ..

الخراب من الدينمو نفسه .. كل امبير يجي له دينمو صغير جداً لونه ابيض وهذا هو الخراب ..

يعني عداد الحراره له دينمو لحاله والزيت دينمو لحاله والبطاريه دينمو لحاله ... الخ وهكذا ..

الحل بتغير الدينمو للعداد الخربان فقط .. وعانيت من هالمشكله كثير وقدرت اطلع لكم بكم ورشه واسمحوا لي بذكر اسمائها ..

اول شي عندك بالرياض بطريق الامير تركي بن عبدالعزيز الاول فيه صناعية العروبة خل اليورمارشيه .. فيه هناك مركز اسمه المركز الدولي ميكانيكي اسمه سامي " ابو رياشي " عندهـ الدينمو ويصلحه لك واسعارهـ حلوهـ وقله جايك عن طريق فهد راعي الهمر ولا راح يقصر معكم بالاسعار ان شاءالله وبيعطيك ضمان عليها

وفيه برضوا مركز البيان الجديد .. لهم فرع خلف معارض النسيم بالرياض .. اذكر قبل فترهـ سالتهم وقالي نصلحها ب 250 الى 300 ريال للعداد الواحد وعليها ضمان

هذي المراكز الي لقيتها تصلح .. والله يشهد مالي اي مصلحه .. لكن عانيت من هالامر كثير وكل من رحت له جلس يتفلسف .. واحد يقول اغير لك الطبلون كامل بمبلغ وقدرهـ والثاني يقول رح للوكاله والثالث يقول حساس والرابع عوامه والخامس التماس كهرب ومن هالكلام

اتمنى انكم تستفيدون ومابي منكم غير الدعاء لي ولوالدي

والى اللقاء

[بوساره]

الله يجزاك خير ويبيض وجهك....

وحياك الله بين اخوانك

[عاشق z71]

الف الف الف شكر لك على شرحك الوافي والتفصيلي

وفعلا العطل هذا دائم بالموديلات هذي


الف شكر لك يالغالي

[وليد العبد الله]

السلام عليكم ورحمة الله وبركاته ,,,

اول شي الله يجزالك خير ويكثر من امثالك اللي يعمون بالفايدة للجميع .
ثانياً انا كان عندي نفس المشكلة وعانيت منها كثيراً

عندي افلانش 2003 وسبق وخرب علي العداد اكثر من مره أوروح واصلحه ويرجع مره ثانية .
لإن اكثر مايعطيك اللي بيصلحه ضمان شهر .

آخر مره قبل اسبوع تقريباً رحت للصناعية واللي يقول 600 واللي يقول 500 وياليت على طول , لكن يقول يبيلي يومين .

رحت للجميح وشريت طبلون كامل بـ 615 ريال فقط !!! تصور
هذا السعودي يعني اللي يجي طبلونه 200
أما بالنسبة للي يقرا امريكي بحدود 1000 ريال

مع العلم بأنها كانت بأسعار فلكية توصل لحدود الــ 5000 ريال

وريحت راسي لا أحد يلعب على ولا اقعد على اعصابي .

هذا للفايدة والمعذرة على الإطالة .

[كبسولة 2]

جزاك الله خير على حبك للمساعدة لأخوانك

فيه طريقة أفضل مليون مرة من تغير الطبلون كل شوي

ركب طبلون موديل قديم من 2002 وتحت إلى 2000

يعيييييييييييييش معك مدة أطول بكثير بعد مشيئة الله طبعاً