المساعد الشخصي الرقمي

مشاهدة النسخة كاملة : كـرسـي قـيـر ونـيـت 78م يـاهل الـعـروف !!!


الهااجري
02-25-2010, 06:52 PM
بسم الله الرحمن الرحيم
السلام عليكم ورحمة الله وبركاته

علمي سلامتكم وديت موتري لـ راشد اليماني وركبت واير حق الكيلو=العداد واكتشف كرسي القير مافيه مسامير
ويقول طايح عالحديده وتحتاج كرسي قير ومسامير ونوع المسامير خطين وسؤالي يالربع وين القاها وكم سعرها

>>>الله يكفيني شر ذالموتر خذيته سليم وكثرت عيوبه الله المستعان

ولكم مني حبة خشم ؟

أخوكم / الهااجري
مطلق السلمان
02-25-2010, 07:15 PM
هلا أخوي الجمس لا بد تعمله صيانه خاصة إذا كنت توك شارية لا بد وصعبة تحصل موتر جاهز بالنسبة لكرسي الغير إذا ما حصلت جديد وأصلي جي إم عطني خبر على الخاص أتذكر واحد من الربع شاريه أصلي بـــ 300 ريال أما البلوط ما عندي خبر عنها يمكن أتحصلها في التشليح أو محلات البلوط وورشة راشد اليماني ممتازة خلهم يكشفون على الموتر من وإلى.
الهااجري
02-25-2010, 07:23 PM
مطلق السلمان دايم وابدا فالمقدمه ورايتك بيضاء عندي وعند غيري

توني جاي من ورشة راشد اليماني وارسل واحد عنده اسمه احمد نزل تحت الموتر وقال لازم تغير كرسي القير مع 2 بلوط
وأذن المغرب وقال تعال السبت وجب القطعه ولا ادري نفداك وابشر اذا مالقيت اصلي فالتشاليح ارسلت لك خاص يالقرم
ولكن سعره فالتشليح حدود كم ؟ وهل الموديلات الاخرى تركب فال78 وحدد الموديلات لاهنت
الهااجري
02-25-2010, 07:29 PM
تـعـديـل الـعـنـوان (( يــاهــل الــمــعــروف ))
مطلق السلمان
02-25-2010, 09:54 PM
هلا أخوي بالنسبة لسعرة في التشاليح يمكن تعينه بحدود 50 ريال
وبالنسبة لكرسي الغير كله نفس الشي يركب
والشكل جاء واحد على موديلات 78-81 جاء شكل كرسي الغير زي المستطييل.

أما موديلات 82-87 جاء شكل كرسي الغير دائري.

أخوي التجاري الأمريكي سعره حول 40 ريال إذا.

والتشاليح ونا أخوك أصبحت أقيامها مثل أقيام الصناعة الأمريكية الجديدة.
الهااجري
02-25-2010, 10:42 PM
ابيض وجه نفداك وعزالله تساوت الاسعار بين التشاليح والسوق والسبب كثرة مشترين القطع عندهم دبل اللي فالسوق
وانتزهو الفرصه في غلا الاسعار والله يعين يابن الحلال
وبالنسبه لتحديد الموديلات وبيانك لشكل الكرسي بيض الله وجهك ولاقصرت وعلمك غانم نفداك

وغدا بأذن الواحد الاحد وانا فالتشليح مصبحهم ويسهل الله كل امر >> وياويلك يامطلق السلمان لاجيت برميك برساله مطاطيه
بـلـيـهـان 1
02-26-2010, 08:24 PM
يا رجال روق عمرك .. محل السهاله + العمودي + وادي السماحه ..

دق عليهم تلفون او اتصل على 905

تبي تحصل عندهم ..

العمودي في الثقبه انا قد اخذت منه كرسي ..

وادي السماحه و السهاله في الدمام شارع الملك سعود ..

بالنسبه للتشاليح خذ هالتلفون .. تشليح خبير جموس .. قله جايك من طرف نادي الجمس .. هذا تلفونه /
0554781067 اسمه علي .. سعودي ..

اصبر اصبر .. عندي تلفون محل وادي السماحه خذ
038174935

وبعدين راشد هذا ياخي قله هو يدبر لك و دسم شواربه ..

وان ما نفع معك ابشر بعزك فيه كثير فاهمين بالجموس و كويسين .. لا يغرك راشد انه افضل واحد ..

راشد ممتاز وحبيب و لكن احيان ممممممم

تحياتي
الهااجري
02-26-2010, 11:01 PM
بليهان1 ههههههههههههه عزالله احيان مممم هههههههه
لاهنت والله لايهينك يالقرم واليوم جيت من التشليح ولقيت كرسي محذوف هنااااك يركب لموتري قال هات الموتر واركبه بـ300 ريال
وقلت جايك جايك يالتشليييح وطلعت منه اما بالنسبه للسعر غالي ترى ومشيت على كلام مطلق السلمان بـ50 لو 80 مافيه مشكله
والله يسهل الامر

بليهان1 اللي ذكرتهم بجيهم بكره بأذن الله وابيض وجه على افادتك القيمه وراشد الله يهديه شغلهم حلو وهو خبير وفني بس غويلي شوووي

تحياتي / مطلق السلمان_بليهان1