تركيب مساعدات للـ sierra

[سلامات]

السلام عليكم ورحمة الله وبركاته
انا عندي مشكله وابي له حل من اخواني المجربين واصحاب الخبره
انا عندي sierra مديل 2009 z71 قطع 10
وان راعي بر ونفود ادماااااااااااان ومكاشيتي واجد والصراحه اني توهقت وظرب وجه الموتر لكن ستر الله ماجاه شي بسم الله عليه ,,, وانا ابي منكم الحل انا ما ابي اظيف كعكات ولا ابي ارفعه ابي اركب له مساعدات جامده وتتحمل البر حشان يثبت وما يطامر وانا مريت اكثر من محل لترهيم المساعدات وقالي ماله حل ابد وكااااااااااااله .. افيدون الله يجزاكم خير
وانا مقري الرياض - القصيم

[شيفرولية]

هلا اخوي .. الحل ياطويل العمر فيه واحد من الشباب عنده نفس موترك .. رافعه بكعكه 2 ونص سانتي + مدبل مساعدات ايسديلكو

ماشاء الله الموتر تمام التمام ولا احلى منه .. جرب وان شاء الله بتدعيلي

[سلامات]

لو تدلني عن محل متحصص بتركيب المساعدات الله لا يهينك ويرفع قدرك

[شيفرولية]

والله هو قالي اسم المحل وناسي .. لاكن اكيد بيفيدونك الشباب بكره .. واذا محد رد لك خبر ابشر بدق على الرجال واساله

[مشداد 2500]

موترك يحتاج تدبيل مساعدات اوتغير المساعدات الى نوع ونير ،،،،،عليك بالنويصر للترهيم
بالصناعية القديمه
اسئل اى احد بالصناعيه شارع الجمعيه ويدلونك على النويصر متخصص فى سيارات القنص والتربيط والترهيم

[نسكافيه]

التدبيل شفه عند النويصر في الصناعية القديمة

وانا انصحك ترفعه بكعكات وتدبل

[فيصل الخالدي]

ورشة النويصر الصناعية القديمه غالي ويصلخ بس يضمن شغله

الوصف

مخرج 17 تروح غرب على طريق الامير سلمان تمشي لين تجيك الصناعيه على اليسار روح سيده لين يجيك اشاره فوقا كبري خذ فوق تحت او ديور بالاصح

امش شوي لين يجيك بنك البلاد على يمينك

خش بعده يمين امش اول فتحه يسراك خلها ثاني لفه يسار خش معها امش شوي حوالي 4 او 5 ورش تجيك عاليسار

[فيصل الخالدي]

اهم شي ارفع الموتر بكعكه من قدام ولا ماراح يتفع الوجه ,,,,ولازم ترفعه لان وجهه نازل الموتر

[salo7y]

السلام عليكم
صباح الخير
كيف حالكم إنشاء الله بخير
أخوي blak z71 أنا كانت مشكلتي مثلك لاكن لقيت لها حل نهائي
مريت محل عندنا في عنيزه أسمه ( الأداء العالي ) في الصناعيه
متخصص في قطع التعديل ومن عشاق الونيتات "وهو عضو معنا هنا"
قلتله مشكلتي وقالي عندي الحل
وعطاني مساعدات من نوع رانشو مخصصه للجمس
المساعدات حلو مره فيها 9 طقات تحدد مدى قساوة المساعد
وفيه نوعين عنده واحد أرفع من الوكاله و الثاني مثل الوكاله
وميزتها إذا بغيت الخط تخففها على شان الراحه وذا بغيت النفود زدها للحد الي تبيه
ولو بغيت أدبرها لك أبشر من عيوني الثنتين أنت ولا أحد العضاء هنا
أتشرف بخدمتكم

[سلامات]

والله هو قالي اسم المحل وناسي .. لاكن اكيد بيفيدونك الشباب بكره .. واذا محد رد لك خبر ابشر بدق على الرجال واساله

الله يجزاك خير الشباب ماقصرو

[سلامات]

ورشة النويصر الصناعية القديمه غالي ويصلخ بس يضمن شغله

الوصف

مخرج 17 تروح غرب على طريق الامير سلمان تمشي لين تجيك الصناعيه على اليسار روح سيده لين يجيك اشاره فوقا كبري خذ فوق تحت او ديور بالاصح

امش شوي لين يجيك بنك البلاد على يمينك

خش بعده يمين امش اول فتحه يسراك خلها ثاني لفه يسار خش معها امش شوي حوالي 4 او 5 ورش تجيك عاليسار

الوصف واضح ياغالي تسلم والله يجزاك خير

[سلامات]

موترك يحتاج تدبيل مساعدات اوتغير المساعدات الى نوع ونير ،،،،،عليك بالنويصر للترهيم
بالصناعية القديمه
اسئل اى احد بالصناعيه شارع الجمعيه ويدلونك على النويصر متخصص فى سيارات القنص والتربيط والترهيم

تسلم والله عرفت الوصف وكلموني الشباب عن النوصير وراح امره ان شاء الله

[سلامات]

السلام عليكم
صباح الخير
كيف حالكم إنشاء الله بخير
أخوي blak z71 أنا كانت مشكلتي مثلك لاكن لقيت لها حل نهائي
مريت محل عندنا في عنيزه أسمه ( الأداء العالي ) في الصناعيه
متخصص في قطع التعديل ومن عشاق الونيتات "وهو عضو معنا هنا"
قلتله مشكلتي وقالي عندي الحل
وعطاني مساعدات من نوع رانشو مخصصه للجمس
المساعدات حلو مره فيها 9 طقات تحدد مدى قساوة المساعد
وفيه نوعين عنده واحد أرفع من الوكاله و الثاني مثل الوكاله
وميزتها إذا بغيت الخط تخففها على شان الراحه وذا بغيت النفود زدها للحد الي تبيه
ولو بغيت أدبرها لك أبشر من عيوني الثنتين أنت ولا أحد العضاء هنا
أتشرف بخدمتكم

والله ماقصرت يالذيب
بس اتوقع رانشو سعرها غالي بالنسبه للمساعدات الثانيه لكن سلمك الله انا طالع لعنيزه باكر الخميس لو يحصل نتقابل او توصفلي المحل اكون شاكر ومقدر لك .

[salo7y]

أبشر و الله بسعدك
أرسلت لك رقمي على الخاص
وتكفى خلنا نشوفك
نتشرف بلي مثلك

[بارق تميم]

مشاء الله الشباب ماقصرو جزاهم الله خير
وعلشان تكون عندك عدة خيارات ابوصفلك واحد بالقصيم ببريده ممتاز بشغل الترفيع ورجال نصوح (يعلمك على الي يفيدك وينفعك)

هذي ياطويل العمر ورشة السيف بالشارع التجاري (تجي من طريق الملك فهد اتجاهك شرق لاتعديت بنك سامبا لف يمين قبل نهاية الشارع تلقاه على يمينك

[سلامات]

مشاء الله الشباب ماقصرو جزاهم الله خير
وعلشان تكون عندك عدة خيارات ابوصفلك واحد بالقصيم ببريده ممتاز بشغل الترفيع ورجال نصوح (يعلمك على الي يفيدك وينفعك)

هذي ياطويل العمر ورشة السيف بالشارع التجاري (تجي من طريق الملك فهد اتجاهك شرق لاتعديت بنك سامبا لف يمين قبل نهاية الشارع تلقاه على يمينك

ربنا يخليك والله ماقصرت ياحلكتلم ياغالي والف شكر لك فهمت وصفك وابي امره ان شاء الله

[ksa-for-ever]

السلام عليكم ورحمة الله وبركاته

هذي اول مشاركة لي وارجو عذري عن تقصيري
وبالنسبه للموضوع
انا معي جمس سييرا 2500 hd ومدبل مساعدات من خمس سنين عند ابن مرضاح بالرياض بالصناعيه القديمه وشغلهم مرة ممتاز
وكنت مدبل نفس مساعدات الجمس وجلست معي تقريبا اربع سنين وبعدين غيرتها بمسعدات جابرييل وصار الجمس قاسي جدا كنه شاص بس ثابت وما يدق وجهه لكن كل شي له ثمن وهو عدم الرحه والتدبيل عندي امامي وخلفي .

ولكم جزيل الشكر والتقدير

اخوك Ksa-For-Ever

[عاشق عنيزة]

هلا بك اخوي انا معي نفس المساعدات الى يتكلم عنها salo7y الصراحه روعه يعني انا مثل حالك كثير اطلع لنفود وانصحك فيها
لها على موتري تقريبا سنه ونص والحمد الله مرتاح منها

[سلامات]

هلا بك اخوي انا معي نفس المساعدات الى يتكلم عنها salo7y الصراحه روعه يعني انا مثل حالك كثير اطلع لنفود وانصحك فيها
لها على موتري تقريبا سنه ونص والحمد الله مرتاح منها

هلا والله اخوي عاشق عنيزه والله ونعم فيك واخوي salo7y انا سويت سواتكم وشريت مساعدات رانشو ومالهن مثيل يركب المساعد مكان الوكاله بدون ترهيم ولا شي والله يجزاكم خير على نعم الاختيار

[bagazi]

هلا والله اخوي عاشق عنيزه والله ونعم فيك واخوي salo7y انا سويت سواتكم وشريت مساعدات رانشو ومالهن مثيل يركب المساعد مكان الوكاله بدون ترهيم ولا شي والله يجزاكم خير على نعم الاختيار


كم سعرهم ؟؟

[نايف بن ناصر]

اخوي سلامات .. ياليت لو تزودنا بالتكلفه الاجماليه ووين ركبتهم ..

تحياتي لك

[madczar]

الله يوفق الجميع